Saturday, 17 October 2015

ပုဇွန်လှော်သုပ် ချဉ်ငံစပ်


ပုဇွန်လှော်လေး သုပ်စားဖြစ်လို့ ထမင်းမိန်မိန် စားနိူင်အောင် ပုဇွန်လှော်သုပ်နည်းလေး မျှဝေလိုက်ပါတယ်။


တပွဲစာ ပါဝင်ပစ္စည်းများ

  • သံပုယိုသီး - တစိတ်
  • ပုဇွန်လှော် 10 ကောင်
  • ကြက်သွန်နီ - ဥကြီးကြီး တဥ(ပါးပါးလှီးပါပြီး ရေဆေးကာ စစ်ထားပေးပါ)
  • ဂေါ်ဖီ - တရွက်(ပါးပါးလှီးပါ)
  • ပဲအကျက်မှုန့် - ထမင်းစားဇွန်း တဇွန်း
  • ငါးငံပြာရည် - ထမ်းစားဇွန်း တဇွန်း
  • ဟင်းချိုမှုန့် - လက်ဖက်ရည်ဇွန်း တဝက်
  • ငရုတ်သီးအလှော်မှုန့် - ထမင်းစားဇွန်း တ၀က်သာသာ
  • ကြက်သွန်နီဆီချက် - ထမင်းစားဇွန်း တဇွန်းခွဲ 
ပုဇွန်လှော်ရန်
  • ပုဇွန်များကို ဆား လက်ဖက်ရည်ဇွန်း သုံးပုံတပုံထည့်ကာ ရေမြုပ်အောင်ထည့်ပြီး ရေခမ်းတဲ့ထိ လှေ်ပေးပါ
  • လှော်ပြီးသား ပုဇွန်ကို အခွံခွာထားပါ

ပြင်ဆင်ပုံ
  • ဇလုံကျယ်ကျယ် တလုံးထဲမှာ ပုဇွန် ဂေါ်ဖီ ကြက်သွန်နီ ပဲအကျက်မှုန့် ငံပြာရည် ပုဇွန်ခြောက်မှုန့် ဟင်းချိုမှုန့် ဆီချက် ငရုတ်သီးမှုန့်တို့နှင့်အတူ ထားသော အဖတ်လေးများကို ထည့်ကာ ခပ်ဖွဖွနယ်ပေးပါ
  • နယ်ပြီးပါက အရသာမြည်းပြီး  လိုသလိုပြင်ကာ ချဉ်ငံစပ် ပုဇွန်သုပ်လေးကို နှစ်သက်သလို စားသုံးနိူင်ပါပြီ။

No comments:

Post a Comment