ဆန်ကြာဇံကို ပဲလိပ်ပဲပြားနဲ့အသီးအရွက်ရောပြီး သတ်သတ်လွတ် ကြော်ဖြစ်တာမို့သတ်သတ်လွတ် စားချင်သူတွေအတွက် ကြာဇံကြော် စိမ့်စိမ့်မွှေးမွှေး ကြော်နည်းလေးကို မျှဝေလိုက်ပါတယ်။
ကြော်ရန်အတွက်
- မနက်ကြော်မယ်ဆိုရင် ညထဲကရေမြုပ်အောင် စိမ်ထားသောဆန်ကြာဇံ - 150 g
- အနေတော်လှီးထားသော ပဲတောင့်ရှည် - ၃တောင့်
- ခပ်ထူထူလှီးထားသောဂေါ်ဖီ - နှစ်သက်သလောက်
- အရှည် အမြှောင်းလှီးထားသော မုံလာဥနီ - အနေတော် တစ်ဥ
- အနေတော် လှီးထားသော ဘေဘီပြောင်းဖူး - ၃ဖူးေ
- ရနာရီဝက်လောက် စိမ်ထားသော ပဲလိပ်ပဲပြားအခြောက် - အချပ်ကြီး ၂ချပ်
- တရုတ်နံနံ - အနည်းငယ်
- ဓါးပြားရိုက်ထားသော ကြက်သွန်ဖြူ - အမွှာကြီးကြီး ၂မွှာ
- အရသာမှုန့်. - လက်ဖက်ရည်ဇွန်း တစ်ဇွန်းသာသာ (တစ်ဝက်ဆီ ခွဲသုံးပါ)
- ဆား - လဖက်ရည်ဇွန်း တစ်ဇွန်းမောက်မောက်
- ဆီ - လက်ဖက်ရည်ပန်းကန်လုံး တစ်ဝက်
ပြင်ဆင်ရန်
- ရေစိမ်ထားသောကြာဇံကို ရေစစ်ပြီး ဆား အချိုမှုန့်တို့နဲ့ရောပြီးနယ်ထားပေးပါ
- ပဲလိပ်ပဲပြာကို အနေတော် ကပ်ကြေးနှင့် ညှပ်ထားပေးပါ
- ဆီကိုအပူပေးပြီး ကြက်သွန်ဖြူကို အရင်ဆုံးမွှေးသွားအောင် ကြော်ပေးပါ
- ကြက်သွန်ဖြူ မွှေးပါလာပါက
- ပဲသီး ပဲလိပ်ပဲပြား မုံလာဥနီ ဂေါ်ဖီတို့ကို အရသာမှုန့်ထဲ့ပြီး အားလုံးကိုရောကာ နဲနဲနွမ်းအောင်ကြော်ပေးပါ
- နောက်ဆုံးမှ ကြာဇံထဲ့ပြီး ရောကြော်၍ ကြာဇံပျော့လာပြီဆိုတာနဲ့ တရုတ်နံနံထည့်ပြီး ရောမွှေကာ အရသာမြည်းပေးပါ အရသာလိုသလိုပြင်ပြီး ကြာဇံကြော် မွှေးမွှေးလေးကို သုံးဆောင်လို့ရပါပြီ။
No comments:
Post a Comment