Friday, 27 October 2017

ကြက်သား ဖက်ထုတ်ပေါင်း









ဆိုင်မှာသွားစားရင် မတန်လွန်းလို့ ဒီတခါတော့ အိမ်မှာဘဲ အပင်ပန်းခံကာ ဖက်ထုတ်ပေါင်းလေး လုပ်စားဖြစ်ပါတယ် လက်ဝင်ပေမဲ့ စားလို့ကောင်းတဲ့အတွက် ဖက်ထုတ်လုပ်နည်းလေး မျှဝေလိုက်ပါတယ်။

ပါဝင်ပစ္စည်းများ

  • ကြက်ရင်ပုံသား - 350g
  • Wonton skin  - အရွက်၃၀ခန့် ready made အရွက်ကို သုံးထားပါတယ်
  • အချိုမှုန့်  - လက်ဖက်ရည်ဇွန်း တ၀က်
  • ဆား - လက်ဖက်ရည်ဇွန်း သုံးပုံတပုံ
  • Mushroom soy sauce - ထမင်းစားဇွန်း တဇွန်း
  • Corn flour - ထမင်းစားဇွန်း တဇွန်း
  • ငရုတ်ကောင်းမှုန့် - လက်ဖက်ရည်ဇွန်း သုံးပုံတပုံ
  • ကြက်သွန်မိတ် - အပင်ကြီးကြီး ၃ပင် (40 mlခန့်)
  • နှမ်းဆီ - လက်ဖက်ရည်ဇွန်း လေးပုံတပုံ
  • ဆီ - ထမင်းစားဇွန်း ၂ဇွန်းခန့်
ပြင်ဆင်ပုံ
  • ကြက်ရင်ပုံသားကို အသားကြိတ်စက်ဖြင့် ကြိတ်ထားပါ
  • ကြိတ်စက်မသုံးပါက ဓါးနှင့် ခပ်နုတ်နုတ် ညက်နေအောင် စဉ်းပေးပါ
  • ကြက်သွန်မိတ်ကို ရေဆေးပြီး လက်တဆစ်စာ အနေလောက် လှီးပေးထားပါ
  • ကြက်သွန်နီကို အခွံခွာပြီး ရေဆေးကာ ခပ်နုတ်နုတ် လှီးထားပါ
  • ဇလုံတလုံးထဲမှာ ညက်နေအောင် ကြိတ်ထားသော ကြက်သား ကြက်သွန်မိတ် ဆီ ငရုတ်ကောင်းမှုန့် Mushroom soy sauce ဆား အချိုမှုန့် နှမ်းဆီ  cornflour တို့ထည့်ပြီး အရသာမျှအောင် ဇွန်းနှင့်မွှေပေးပါ
ဖက်ထုတ်ထုတ်ရန် ပြင်ဆင်ပုံ
  • Wonton skin ကို တရွက်ယူပြီး အစာကို အလယ်တည့်တည့်မှာ လက်ဖက်ရည်ဇွန်း တဇွန်းစာလောက် ပုံပေးပါ
  • Ready made  ခဲထားသော အရွက်ကို သုံးပါက အစာမထည့်ခင် နာရီဝက်လောက် ကြိုထုတ်ထားပေးပါ
  • ရေခဲပျော်မှ တရွက်ခြင်း လွှာယူရ လွယ်ကူစေပါတယ်
  • လက်ညိုးနှင့် လက်မကို အဝိုင်းလေး လုပ်ပြီး Wonton skin တရွက်ကိုယူကာ တင်ပေးပါ
  • ထိအရွက်ထဲကို အစာထမင်းစားဇွန်း တဇွန်းစာ ထည့်ပေးပြီး လက်မနှင့် လက်ညိုးကို ညှစ်ပေးကာ အစာများ အပြင်ကို မထွက်အောင် အသာလေး ဖိပေးပါ
  • ထိုနည်းအတိုင်း အစာကို ကုန်အောင် ထုတ်ပေးပါ
  • ထုတ်ပြီးသော ဖက်ထုတ်များကို တခုနှင့် တခုမကပ်စေရန် ခပ်ဝေးဝေးထားပါ
  • ချက်ချင်း ပေါင်းမစားသေးပါက နာရီဝက်လောက် လေသလပ်ခံပြီးမှ အိတ်တလုံးထဲ ထည့်ကာထားပြီး သိမ်းပေးပါ
  • ထုတ်ပြီးသွားသော ဖက်ထုတ်များကို စားနိူင်သလောက် ပေါင်းပြီး ပိုသောဖက်ထုတ်များကို ရေခဲသေတ္တာ အပေါ်ထပ်မှာ သိမ်းထားပြီး လိုမှထုတ်၍ မိမိနှစ်သက်သလို ကြော်စား ပေါင်းစား နိူင်ပါတယ်။

ပေါင်းရန် ပြင်ဆင်ပုံ
  • မိမိစားနိူင်သလောက် ဖက်ထုတ်များကို ပေါင်းရန်အတွက် ပေါင်းအိုးဇကာထဲ ထည့်ပေးပါ
  • ပေါင်းအိုး အောက်ခံ အိုးထဲကို ရေတဝက်လောက်ထည့်ပြီး ပူအောင်တည်ပေးပါ
  • ရေနွေးအိုး အိုးပူလာတာနဲ့ဖက်ထုတ်ထည့်ထားသော ပေါင်းဇကာကို အဖုံးအုပ်ပြီး တင်ပေးပါ
  • ရေနွေးအငွေ့တက်လာတာနဲ့ မီးကို အလယ်လောက်ထိ လျှော့လိုက်ပါ
  • မီးအားအရမ်းပြင်းလျှင် ပေါင်းအိုးအောက်ခံ အိုးထဲမှ ရေများ ခနလေး ခမ်းသွားတတ်ပါတယ်
  • ဖက်ထုတ်ပေါင်းချိန် ၂၅မိနစ်လောက် ပေါင်းပေးပြီးရင် ရပါပြီ
  • အရသာရှိလွန်းသော ကြက်သား ဖက်ထုတ်ပေါင်းကို နှစ်သက်ရာ အချဉ်ဖြင့် စားသုံးနိူင်ပါပြီ။

Thursday, 26 October 2017

ငါးငပိချက် စပ်စပ်လေး



မကြာမကြာ ချက်ဖြစ်ခဲ့တဲ့ ငါးငပိချက်လေးပါ ဒီတခါတော့ အချဉ်စူးစူးလေး စားချင်တာနဲ့ ချယ်ရီခရမ်းချဉ်သီးလေးတွေနဲ့ ချက်ထားပါတယ် စားရတာ အချဉ်အရသာ ပိုလေးပြီး စားလို့အရမ်းကောင်းတဲ့အတွက် ချက်နည်းလေး မျှဝေလိုက်ပါတယ်။

ပါဝင်ပစ္စည်းများ

  • ပြုပ်ပြီး အသားမွှထားသော ဘာဆာငါး - 300 g (အရိုးထွင်ပြီးသား မည်သည့်ငါးနှင့်မဆို ချက်နိုင်ပါတယ် )
  • ငရုတ်သီးအကြမ်းမှုန့် - ထမင်းစားဇွန်း သုံးဇွန်း (အစပ်မစားလျှင် လျော့ထည့်ပါ)
  • ပါးပါးလှီးထားသော ကြက်သွန်နီ - အနေတော် တစ်လုံး
  • နုတ်နုတ်စဉ်းထားသော ကြက်သွန်ဖြူ - ၄မွှာခန့်
  • တဝက်ခြမ်းထားသော ချယ်ရီ ခရမ်းချဉ်သီး - အလုံး ၄၀ခန့်
  • အခွံခွာပြီး ရေဆေးထားသော ကြက်သွန်ဖြူ - ၅မွှာ
  • အညှာခြွေကာ ရေဆေးထားသော ငရုတ်သီးစိမ်း - စားနိူင်သလောက်
  • ဆီ - ဟင်းခတ်ဇွန်းကြီး တဇွန်းခွဲ
  • နနွင်းမှုန့် - လက်ဖက်ရည်ဇွန်း သုံးပုံတစ်ပုံ
  • ငံပြာရည် - ထမင်းစားဇွန်း သုံးဇွန်း
  • ဆား - လက်ဖက်ရည်ဇွန်း တဇွန်း
  • ကျိုထားသော ငါးပိရည်ကျိုပျစ်ပျစ် - လက်ဖက်ရည်ပန်းကန် တစ်လုံး
  • အရသာမှုန့် - လက်ဖက်ရည်ဇွန်း တစ်ဇွန်း
  • နံနံပင် - နှစ်သက်သလောက် ရေဆေးပြီး အနေတော် လှီးထားပါ

ပြင်ဆင်ပုံ
  • ဆီကို အပူပေးပြီး နနွင်းမှုန့်ကိုထဲ့ပါ ပြီးတာနဲ့ကြက်သွန်နီနှင့် ကြက်သွန်ဖြူကို နွမ်းအောင်ကြော်လိုက်ပါ
  • ကြက်သွန်များ နွမ်းတာနဲ့ ငရုတ်သီးမှုန့်ကိုမွှေးလာတဲ့ထိ ကြော်ပေးပါ
  • ငရုတ်သီးမှုန့်မွှေးလာတာနဲ့ ငါးနှင့်ငါးငံပြာရည်ထဲ့ကာ ငါးအသားများ မွလာတဲ့အထိ ကြော်ပေးပါ
  • ငါးအသားများ မွလာတာနဲ့ ခရမ်းချဉ်သီးကိုထဲ့ပြီး အခွံများ လိတ်လာတဲ့ထိ မွှေပြီးချက်ပေးပါ
  • ခရမ်းချဉ်သီး အခွံများ လိတ်လာတာနဲ့ဆား အရသာမှုန့် ငပိရည်ကျိုတို့ထဲ့ပြီးမွှေပေးပါ
  • အားလုံး ပွက်ပွက်ဆူလာတာနဲ့ အရသာကိုမြည်းကာ ကြက်သွန်ဖြူ ငရုတ်သီးစိမ်းနှင့် နံနံပင်တို့ကို ထည့်မွှေပေးပြီး မီးပိတ်ပေးပါ
  • ငါး ငပိချက် မွှေးမွှေးလေးကို တို့စရာအစုံအလင်နဲ့ သုံးဆောင်နိုင်ပါပြီ။

Wednesday, 25 October 2017

ငှက်ကြီးတောင် ရခိုင်ချက်









မြန်မာပြည်မှာတုန်းက တခါမှ မစားဘူးခဲ့တဲ့ ငှက်ကြီးတောင်လို့ခေါ်တဲ့ ဟင်းရွက်လေးတွေကို အခုမှ မြင်ဖူးသလို အခုမှ စားဖူးပေမဲ့ အရွက်လေးတွေက ဝါးလိုက်ရင် ကြွတ်ကြွတ်လေးနဲ့ အရမ်းဘဲ စားလို့ကောင်းတဲ့ ဟင်းတမျိုး ဖြစ်တဲ့အတွက် ချက်နည်းလေးကို မျှဝေလိုက်ပါတယ်။

ရခိုင်လူမျိုးတို့အခေါ် ငှက်ကြီးတောင် ခေါ် မှိုလို့ပြောပြသလို ချက်နည်းလေးလဲ ပြောပြပြီး အရွက်လေးတွေပါ လက်ဆောင်ပေးတဲ့ သမီးလေးကို ကျေးဇူးတင်ပါတယ်။

ပါဝင်ပစ္စည်းများ

  • ငှက်ကြီးတောင် - လက်တဆုတ်စာ တစည်း
  • ကြက်သွန်နီ - အနေတော် တလုံး
  • ကြက်သွန်ဖြူ - အမွှာကြီးကြီး ၃မွှာ
  • ပုဇွန်ငါးပိ - ထမင်းစားဇွန်း တဇွန်းမောက်မောက် 
  • ငရုတ်သီးစိမ်း - စားနိူင်သလောက်
  • ငံပြာရည် - ထမင်းစားဇွန်း ၂ဇွန်း
  • မန်ကျည်းသီးမှည့်အနှစ် - လက်ဖက်ရည်ပန်းကန်လုံး တလုံးသာသာ
  • နနွင်းမှုန့် - လက်ဖက်ရည်ဇွန်း သုံးပုံတပုံ
  • အရသာမှုန့် - လက်ဖက်ရည်ဇွန်း တဇွန်း
  • ဆီ - ထမင်းစားဇွန်း ၃ဇွန်း
ပြင်ဆင်ပုံ
  • သန့်စင်ပြီးသား ငှက်ကြီးတောင် အနုများကိုများကို ရေစင်အောင်ဆေးပေးပြီး တလက်မသာသာလေးတွေ ဖြတ်ထားပေးပါ
  • ကြက်သွန်နီကို အခွံခွာပြီး အလုံးလိုက်ရေဆေးကာ ခပ်ပါးပါး လှီးထားပေးပါ
  • ကြက်သွန်နီကို အခွံခွာပြီး ရေဆေးက ဓါးပြားရိုက်ထားပေးပါ
  • ငရုတ်သီးစိမ်းကို ရေဆေးပြီး ထက်ဝက်ခြမ်းကာ လှီးထားပေးပါ
  • မကျည်းသီးမှည့်ကို ရေစိမ်ထားပေးပါ
  • ပုဇွန်ငါးပိကို ပြင်ထားပေးပါ
  • အားလုံးအဆင်သင့်ဖြစ်တာနဲ့ ဒယ်အိုးထဲ နနွင်းမှုန့်နှင့် ဆီထည့်ကာ အပူပေးပါ
  • ဆီပူလာတာနဲ့ ကြက်သွန်နီ ကြက်သွန်ဖြူနှင့် ငရုတ်သီးစိမ်းတို့ကို အနည်းငယ် ကြော်လိုက်ပါ
  • ကြော်နေစဉ်မှာ အရမ်းညှော်တတ်တဲ့အတွက် လေဝင်တခါးများကို ဖွင့်ထားပေးပါ
  • ကြက်သွန်များ အနည်းငယ် နွမ်းတာနဲ့ ပုဇွန်ငါးပိကိုထည့်မွှေပေးပါ
  • ပုဇွန်ငါးပိများ သမသွားတာနဲ့ ငှက်ကြီးတောင်အရွက်များနှင့် အရသာမှုန့်ကို ထည့်မွှေပေးပါ
  • ပြီးတာနဲ့ ရေမြုပ်အောင်ထည့်ပြီးအရွက်များ နူးအောင် အိုးအဖုံးအုပ်ပြီး တည်ပေးပါ
  • ဟင်းအိုးထဲ ထည့်ထားသော အရည်များ ခမ်းလာတာနဲ့ မကျည်းသီးမှည့် အရည်ထည့်ပေးပြီး အရသာမြည်းပေးပါ
  • အရသာ ပေါ့နေပါက ငံပြာရည် ထည့်ပေးပါ
  • မကျည်းမှည့်ရည် မခမ်းခင် မီးပိတ်ပေးပြီး ပူပူစပ်စပ် ချဉ်ငံစပ်နေတဲ့ ငှက်ကြီးတောင် ရခိုင်ချက် ဟင်းပွဲကို ပြင်ပေးနိူင်ပါပြီ။

Wednesday, 18 October 2017

အသားလှုပ် နိမိတ်ကျမ်း

ဘလော့လာ မိတ်ဆွေတို့ရဲ့  တောင်းဆိုချက်အရ အသားလှုပ် နိမိတ်ကျမ်းကို လောကီပညာ ညွန်ပေါင်းချုပ်ကျမ်းမှ ကူးယူဖော်ပြခြင်းသာ ဖြစ်ပါသည် မာမာ့ရဲ့  ဟင်းချက်နည်း မျှဝေရာ ထိုblogသည် စီးပွားရေးအရ ဘာတခုမှ မပါသည့်အတွက် မိတ်ဆွေများ ဗဟုသုတ ရစေခြင်းငှာ ကူးယူဖော်ပြခြင်းအတွက် မူရင်းရေးသားသူအား ထိုနေရာမှ ခွင့်တောင်းအပ်ပါသည်။


















Saturday, 14 October 2017

ပဲအကျက်မှုန့်







မြန်မာပြည်မှာလို လိုချင်တဲ့အချိန် အလွယ်တကူမရနိူင်တဲ့ အစားအသောက်တွေကို အလုပ်အားချိန်လေးမှာ ပြင်ဆင်ဖို့ မီးဖိုဆောင်လေးထဲမှာ အချိန်ကုန်တတ်ပါတယ် ဒီနေ့တော့ အသုပ်မျိုးစုံ သုပ်စားချင်ရင် အဆင်သင့် ရအောင်အတွက် ပဲအကျက်မှုန့် လှော်နည်းလေး မျှဝေလိုက်ပါတယ် လှော်ရတာ လွယ်ကူတယ် ထင်ရပေမဲ့ မီးအချိန်အဆ မမှန်ရင်တော့ ကျွမ်းသွားတာတို့ မကျက်တတ်တာတို့ ဖြစ်တတ်တဲ့အတွက် သတိထားပြီး လှော်စေချင်ပါတယ်။

ပြင်​ဆင်​ပုံ

  • ပဲမှုန့်ကိုပိုးကောင်များ ပဲအခဲများ မပါစေရန် ဇကာစိတ်စိတ်လေးနှင့်စစ်ကာ ပြင်ထားပါ
  • ခဲနေသော ပဲအခဲများကို ထဲ့မလှော်ဘဲ ဖယ်ပြစ်ပါ
  • မာမာက​တော့ တခါ​လှော်​ရင်​ ပဲမှုန့် ၅၀၀ဂရမ် အထုတ်​​လေး တထုတ်​စာကို ​လှော်​ပါတယ်
  • လှော်ပြီဆိုတာနဲ့ အသားထူတဲ့ ဒယ်အိုးကို အပူပေးပါ
  • အသားပါးတဲ့ ဒယ်အိုးဆိုရင် ပဲမှုန့်ကသေချာ မကျက်ဘဲ ခနလေးနဲ့ ကျွမ်းပြီး မဲသွားတတ်ပါတယ်
  • ဒယ်အိုး ပူလာတာနဲ့ မီးကိုအနေတော်လျှော့ပြီးမှ ပဲအစိမ်းမှုန့်ကို ထည့်ပေးကာ ​လှော်​ပေးပါ
  • မီးပြင်းရင်​ အ​ရောင်​မည်းပြီး ကျွမ်းလွယ်​တဲ့အတွက်​ မီးအ​နေ​တော်​နဲ့ ​လှော်​တာ အ​ကောင်းဆုံးပါ
  • ​လှော်​​နေစဉ်​ အကျက်​ညီ​စေရန်နှင့် လှော်နေစဉ် ပဲအခဲလေးများ ဖြစ်တတ်တဲ့အတွက် သစ်သားယောင်းမဖြင့်​ အဆက်မပြတ်  ​မွှေ​မွှေ​ပေးပြီး ဖိဖိချေပေးပါ
  • ပဲမှုန့်အားလုံး ​ရွှေအို​ရောင်​ သန်းလာပြီး မွှေးလာပြီဆိုရင်​ ဇလုံကျယ်ကျယ် (သို့မဟုတ်​) လင်​ဗန်း ( သို့မဟုတ်) စ​ကောထဲကိုထည့်​ပြီး အ​အေးခံပါ
  • အအေးခံ​ထား​သော ပဲအလှော်မှုန့်များကို အသုပ်မျိုးစုံ သုပ်စားရန်အတွက် ​လေလုံပြီး ​ခြောက်​​သွေ့​သော ဖန်​ပုလင်းထဲမှာထည့်​ပြီး လိုအပ်​​သောအချိန်​ သုံးနိူင်​ရန်​ သိမ်းထားနိူင်​ပါတယ်

Friday, 13 October 2017

နံနံပင်​ သိမ်းနည်း






နံနံပင်​​လေး​တွေ ​ဈေးက၀ယ်​လာတိုင်း စားတာကနည်းနည်း ပို​နေတာက များ​နေ​တော့ တခါတ​လေ အသိမ်းမတတ်​ရင်​ ၂ရက်​၃ရက်​ထက်​ ပိုပြီးမခံဘဲ နွမ်းချင်​နွမ်း မနွမ်းရင်​ ​ရော်​ပြီးပုတ်​ကုန်​တတ်​ပါတယ်။

အဲဒီလို မဖြစ်​​အောင်​ရယ်​ အနည်းဆုံး ၃ပါတ်​​လောက်​ထိ အထားခံ​အောင်​ မာမာသိမ်းတဲ့နည်း​လေး ​ပြောပါ့မယ်​​။

ဈေးက၀ယ်​လာတဲ့အတိုင်း နံနံပင်​ကို ​ရေ​ခြောက်​ မိုး​ခြောက်​​လေး ဖြစ်​​အောင်​ ​ရေခါထားပါ ​ရေစင်​ပြီ ဆိုတာနဲ့ ဆီမ​ပေဘဲ သန့်​​နေ​သော ​ကော်​ဗူးထဲကိုထည့်​ကာ အဖုံးဖုံးထားပါ ပြီးတာနဲ့ ​ရေခဲ​သေတ္တာ မခဲတဲ့ အကန့်​ထဲမှာ ထား​ပေးပါ လိုအပ်​လို့ ယူသုံးရင်​လဲ ဆီမ​ပေ​သောလက်​နဲ့ လိုသ​လောက်​ယူကာ ​ရေခဲ​သေတ္တာထဲမှာ အရင်​ပုံစံအတိုင်း ပြန်​ထား​ပေးပါ။

အထူးသတိပြုရမှာက​တော့ မိမိသိမ်းမဲ့ နံနံပင်​က ​ရေ​တွေအရမ်း မစို​စေဘဲ သန့်​​နေ​သော နံနံပင်​ ဖြစ်​ဖို့​တော့ လိုပါတယ်​။

Thursday, 12 October 2017

သခွားသီး အချဉ်သုပ် ​မွှေး​မွှေး​လေး







ဒီတခါတော့ ဂုံးပြုပ်နဲ့အတူ တွဲသောက်ဖို့အတွက် သခွားသီး အချဉ်လေး တည်ဖြစ်ပါတယ် နှမ်းလှော် နှမ်းဆီမွှေးမွှေးလေးနဲ့ အရမ်းကောင်းတဲ့ အချဉ်လေးမို့လို့ အဆင်ပြေမယ်ဆိုရင် အချဉ်တည်ကြည့်စေဖို့ မာမာပြင်ဆင်တဲ့နည်းလေး မျှဝေချင်ပါတယ်။

ပါဝင်ပစ္စည်းများ

  • သခွားသီး - အနေတော် တလုံး 
  • ငရုတ်သီးစိမ်း - စားနိူင်သလောက်
  • နှမ်းလှော် - ထမင်းစားဇွန်း တဇွန်းမောက်မောက်
  • ဆား - ထမင်းစားဇွန်း တဇွန်း
  • အချိုမှုန့် - လက်ဖက်ရည်ဇွန်း တ၀က်
  • နှမ်းဆီ - လက်ဖက်ရည်ဇွန်း ၄ပုံတပုံ
  • သံပုရာသီး - တလုံး
ပြင်ဆင်ပုံ
  • သခွားသီးကို အခွံခွာပြီး ခြစ်ပေးပါ
  • ငရုတ်သီးစိမ်းကို ခပ်ပါးပါး လှီးပေးပါ
  • ခြစ်ထားသော သခွားသီးထဲကို ငရုတ်သီးစိမ်း ဆားနှင့်သံပုရာရည်ထည့်ပြီး ခပ်ဖွဖွနယ်ပေးပါ
  • နယ်ထားသော သခွားသီးကို အ၀တ်ပါး သန့်သန့်နဲ့ ထုပ်ပေးကာ အရည်များ ထွက်သွားအောင် အပေါ်မှ အလေးနှင့် ဖိပေးထားပါ
  • အနည်းဆုံး ၃နာရီလောက် ဖိထားပေးပြီးပါက ထွက်လာသော အရည်များကို သွန်ပလိုက်ပါ
  • ပြီးတာနဲ့ ဇလုံတလုံးထဲမှာထည့်ပြီး ဆားနှင့်နယ်ကာ ၃နာရီလောက် ထားပေးပါ
  • နှမ်းကို မီးအေးအေးနှင့် ရွှေဝါရောင် သန်းလာတဲ့အထိ လှော်ပေးထားပါ
  • အားလုံးအဆင်သင့် ဖြစ်တာနဲ့ ပါဝင်ပစ္စည်း အားလုံးကို ဇလုံထဲထည့်ပြီး ခပ်ဖွဖွနယ်ပေးပါ
  • အရသာ နယ်ပြီးတာနဲ့ အရသာမြည်းပြီး လိုအပ်သလို ပြင်ပေးကာ စားသုံးရန် ပန်းကန်တခုထဲ ပြောင်းထည့်၍ ပြင်ပေးကာ သခွားသီး အချဉ်သုပ် မွှေးမွှေးလေးကို နှစ်သက်သလို သုံးဆောင်နိူင်ပါပြီ။

Wednesday, 11 October 2017

ကြက်သားကင်




ဒီနေ့တော့ မြန်မာပါးစပ်နဲ့ အရသာတွေ့စေမဲ့ ကြက်သားလေး ကင်ဖြစ်တာမို့လို့ မွှေးမွှေးလေးနဲ့ စားလို့ကောင်းတဲ့ ကြက်သားကင်နည်းလေး မျှဝေလိုက်ပါတယ်။

ပါဝင်ပစ္စည်းများ

  • ကြက်သား​ - တကီလို
  • ခရုဆီ  - ထမင်းစားဇွန်း ၆ဇွန်း       
  • ဟင်းချက်ဝိုင် - ထမင်းစားဇွန်းတဇွန်း
  • ငရုတ်ကောင်းမှုန့် - လက်ဖက်ရည်ဇွန်း တဇွန်း
  • အရသာမှုန့် - လက်ဖက်ရည်ဇွန်း တဇွန်း
  • ဆား - လက်ဖက်ရည်ဇွန်း တ၀က်
  • နံနံပင်အခြောက်မှုန့် - ထမင်းစားဇွန်း ၂ဇွန်း
  • ငရုတ်ကောင်းမှုန့် - လက်ဖက်ရည်ဇွန်း တဝက်သာသာ
  • ကြက်သွန်ဖြူ - အမွှာကြီးကြီး ၃မွှာ
  • သံလွင်ဆီ - အနည်းငယ်
  • ဆီ - လိုသလောက်
ပြင်ဆင်ပုံ

  • ကြက်သားကို ရေဆေးပြီး ရေခန စစ်ထားပေးပါ
  • ဆား အရသာမှုန့် နံနံပင်အခြောက်မှုန့် ငရုတ်ကောင်းမှုန့် ခရုဆီ ငရုတ်ကောင်းမှုန့် ဟင်းချက်ဝိုင်တို့ဖြင့် အရသာနယ်ကာ  ရေခဲသေတ္တာထဲမှာ အနည်းဆုံး ၄နာရီလောက် နှပ်ထားပေးပါ
  • မာမာကတော့ အသားထဲကို အရသာ ပိုပြီးဝင်အောင် ရေခဲသေတ္တာထဲမှာ တညသိပ် ထားပြီးမှ ကင်ပါတယ်
အသားကင်ရန်
  • အသားကင်သည့်အိုး သို့မဟုတ် မကပ်သော ဒယ်အိုးကို အပူပေးပါ
  • မာမာကတော့ မကပ်တဲ့ ဒယ်အိုးလေးနဲ့ ကင်ပေးပါတယ်
  • အိုးပူလာတာနဲ့ သံလွင်ဆီ အနည်းငယ်သုတ်ပြီး အသားများကို အကင်အိုးပေါ် တင်ပေးပါ
  • ကင်နေစဉ် အသားခြောက်ကပ်ကပ်ကြီး မဖြစ်စေရန် အရသာနယ်ထားသော အနှစ်များနှင့်ဆီကို အသားကင်ပေါ် မကြာမကြာ သုတ်ပေးပါ
  • အသားကင်နေစဉ် အသားကင်မှ ထွက်လာသော အဆီများကို ပန်းကန်သန့်သန့်နှင့် ခပ်ထားပေးပါ
  • အသားတုံး ကြီးပါက ကင်ချိန်ကို အချိန်ပိုပြီး ကင်ပေးပါ
  • အသားတုံး သေးပါက ကင်ချိန်ကို ချင့်ချိန်ပြီး ကင်ပေးပါ
  • မကျက်တကျက် အနေတော် ကြိုက်တယ်ဆိုရင်တော့ တဖက်ကို ၃မိနစ်ခွဲလောက် ကင်ပေးပါ
  • နောက်တဖက်လှန်ပြီး ၃မိနစ်ခွဲလောက် ကင်ပေးပြီးပါက အကင်အိုးပေါ်မှ ဖယ်ပေးပါ
  • မကျက်တကျက် မစားရဲပါက တဖက်ကို ၅မိနစ်လောက် အချိန်ကြာအောင် ကင်ပေးပါ
  • ကင်နေစဉ် ကြက်သားကို တူးကပ်မသွားစေရန် မကြာမကြာ လှန်လှန်ပေးပြီး ကင်ပေးပါ
  • အားလုံးကင်ပေးပြီးတာနဲ့ အသားထဲမှ ထွက်လာသော အရသာ အဆီများနှင့်အတူ ဒယ်အိုးတလုံးထဲ ထည့်ပေးပြီး တမိနစ်သာသာ ရောပြီး အပူပေးပါ
  • မာမာကတော့ ကြက်သားကင်အရသာ ပိုမွှေးသွားအောင် ကင်ပြီးသား ကြက်သားနဲ့ အဆီများကို ရောထည့်ကာ ၁၈၀ အပူချိန်နဲ့ နာရီဝက်လောက် အပူပေးထားတဲ့ အာဗင်ထဲထည့်ပြီး ၅မိနစ်လောက် အပူပေးလိုက်ပါတယ်
  • ကင်ပေးပြီးပြီဆိုတာနဲ့ ပန်းကန်ပြား တခုထဲမှာ ကြက်သားကင်ကို ပြင်ပေးပြီး စားသုံးနိူင်ပါပြီ။