Sunday 29 November 2020

သာကူပေါင်း ချိုချိုလေး













ဒီနေ့တော့ သာကူပေါင်းလေးတွေ လုပ်စားဖြစ်ပါတယ် စားလို့ကောင်းလွန်းတဲ့ သာကူပေါင်း မုန့်လေး ဖြစ်တဲ့အတွက် မာမာပြင်ဆက်ပြီး လုပ်ထားတဲ့ မုန့်လုပ်နည်းလေးကို မျှဝေပေးလိုက်ပါတယ်ရှင်။

ပါဝင်ပစ္စည်းများ
  1. သာကူ - 100 g (သာကူအဖြူရောင်အတွက်)
  2. ရေ - 80 ml (သာကူကျိုရန်)
  3. သကြား -70 g (သာကူကျိုတဲ့အထဲထည့်ရန်)
  4. ဆား - လက်ဖက်ရည်ဇွန်း တစ်ဝက် (သာကူကျိုတဲ့အထဲထည့်ရန်)
  5. အုန်းသီးခြစ်ပြီးသား - 60 g (အုန်းယိုထိုးရန်)
  6. ထန်းလျှက်ခဲ - 250 g (အုန်းယိုထိုးရန်)
  7. ဆား - လက်ဖက်ရည်ဇွန်း တစ်ဝက် (အုန်းယိုထိုးရန်)
  8. ရေ - 70 ml (အုန်းယိုထိုးရန်)
  9. Purple food colouring - လက်ဖက်ရည်ဇွန်း ခြောက်ပုံတစ်ပုံ(သာကူကျိုတဲ့အထဲထည့်ရန်)
  10. ဆား - လက်ဖက်ရည်ဇွန်း တစ်ဝက် (သာကူကျိုတဲ့အထဲထည့်ရန်)
  11. ရေ - 80 ml (သာကူခရမ်းရောင် ကျိုရန်)
  12. သာကူ - 100 g (သာကူခရမ်းရောင်ကျိုရန်)
ပြင်ဆင်ပုံ
  • အရင်ဆုံး အိုးထဲမှာ ဆား ထန်းလျှက်ခဲနှင့် ရေထည့်ပြီး ထန်းလျှက်ခဲများ ပျော်အောင် ကျိုပေးပါ
  • ထန်းလျှက်ခဲ အရည်ပျော်လာတာနဲ့ အမှိုက်နှင့်သဲများ မပါအောင် ပိတ်စပါးပါးလေးနှင့် စစ်ပေးပါ
  • အမှိုက်များ စစ်ပြီး တာနဲ့ ထန်းလျှက်ရည်ကို အိုးသန့်သန့် တစ်လုံးထဲ ပြန်ထည့်ပြီး ပွက်ပွက်ဆူအောင် ကျိုပေးပါ
  • ထန်းလျှက်ရည် ဆူလာတာနဲ့ အုန်းသီးများ ထည့်ပေးပြီး မွှေပေးပါ
  • ထန်းလျှက်ရည် ခမ်းလာတာနဲ့ မီးဖိုပေါ်မှ ဖယ်ပေးပြီး အအေးခံပေးပါ
သာကူကျိုပုံ
  • အရင်ဆုံး အိုးတစ်လုံးထဲမှာ ဆား သကြား ရေနှင့်သာကူကိုထည့်ပြီး သာကူများ မျက်စေ့ပျောက်လာတဲ့အထိ ကျိုပေးပါ
  • သာကူစေ့များ မျက်စေ့ပျောက်လာတာနဲ့ ဇကာတစ်ခုထဲ သွန်ချပြီး ရေများ စစ်ထားပါ
  • နောက်ထပ်အိုးတစ်လုံးထဲမှာ ဆား ရေ food colouring နှင့် သာကူစေ့များထည့်ပြီး ကျိုပေးပါ
  • သာကူစေ့များ မျက်စေ့ပျောက်လာတာနဲ့ ဇကာတစ်ခုထဲ သွန်ချအပြီး ရေစစ်ထားပါ
  • အားလုံးအဆင်သင့် ဖြစ်တာနဲ့ ပေါင်းမည့်ပန်းကန်လေးတွေကို ထောပါတ်ဆီ လိုက်သုတ်ပေးပါ
  • အရင်ဆုံး ပန်းကန်ထဲကို ခရမ်းရောင် သာကူစေ့လေးတွေ တစ်ဝက်မရှိ တစ်ရှိဆီ လိုက်ထည့်ပေးပါ
  • ပေါင်းအိုးထဲကို ပေါင်းခံခုံ မမြုပ်အောင် ရေထည့်ပေးပါ
  • ပြီးတာနဲ့ ပေါင်းခံခုံအပေါ်ကို ဇကာတင်ပြီး ထိုဇကာထဲကို သာကူပန်းပန်လေးတွေ ထည့်ပေးကာ အိုးအဖုံးအုပ်ပေးပါ
  • ပေါင်းမည့်ခလုတ်ကို နှိပ်ပေးပြီး အရင်ဆုံး ဆယ်မိနစ် ပေါင်းပေးပါ
  • ဆယ်မိနစ်ပြည့်တာနဲ့ အိုးအဖုံးကို ပြန်ဖွင့်ပြီး အုန်းယိုတစ်ထပ် သာကူအဖြူရောင် တစ်ထပ်ထပ်ထည့်ပေးပါ
  • ပြီးတာနဲ့ သာကူပန်းကန်ထဲ ပေါင်းရည်များ မဝင်စေရန် clean wrap နှင့် လိုက်အုပ်ပေးပါ
  • အဆင်သင့် ဖြစ်တာနဲ့ ပေါင်းအိုးထဲကို ရေအနည်းငယ် ထပ်ထည့်ပေးပြီး သာကူပန်းကန်လေးများကို ပြန်ထည့်ပြီး အိုးအဖုံးကို အုပ်ပေးကာ ဆယ်မိနစ် ထပ်ပေါင်းပေးပါ
  • ဆယ်မိနစ် ပြည့်တာနဲ့ အိုးအဖုံး ဖွင့်ပေးပြီး ပေါင်းအိုးထဲမှ လေများကုန်အောင် ထုတ်ပေးပြီးမှ  သာကူကန်လေးများကို အပြင်ထုတ်ပေးပါ
  • သာကူပန်းကန်ရဲ့ ဘေးပါတ်ပါတ်လည်ကို ဓါးဦးချွန်လေးနှင့် လိုက်ထိုးပြီး ခွာပေးပါ
  • ပြီးတာနဲ့ ပန်းကန်ပြားထဲကို မှောက်ချပေးပြီး သာကူပေါင်း မုန့်လေးများကို စားသုံးရန် ပြင်ပေးနိူင်ပါပြီ။

Saturday 28 November 2020

​ချဉ်ငံစပ် ကြက်ခြေထောက်ထောင်း



ဒီနေ့တော့ သင်္ဘောသီး ကြက်ခြေထောက်လေးတွေ ဝယ်လာပြီး ဆေးကြောသန့်စင်ကာ ကျက်နေအောင်ပြုပ်ပြီး ချဉ်ငံစပ်လေး ထောင်းစားဖြ စ်ပါတယ်။


နေ့လည်နေ့ခင်းဆို တစ်ယောက်ထဲဆိုတော့ တစ်ခါတစ်ရံ အစားလေး တစ်ခုခု လုပ်စားပြီး အပျင်းဖြေရတဲ့ ရက်လေးတွေလဲ ရှိတတ်ပါတယ် ဒါကြောင့်မို့လို့ မာမာပြင်ဆင်ပြီး ထောင်းထားတဲ့ ကြက်ခြေထောက် ထောင်း နည်းလေးကို မျှဝေပေးလိုက်ပါတယ်ရှင်။


ပါဝင်ပစ္စည်းများ
  1. ပြုပ်ပြီးသာ ကြက်ခြေထောက် - ဆယ်ချောင်း
  2. ငါးငံပြာရည် - ထမင်းစားဇွန်း တစ်ဇွန်း
  3. ယိုးဒယား ငါးပိရည် - ထမင်းစားဇွန်း တစ်ဇွန်း
  4. ယိုးဒယား ပုဇွန်ငံပြာရည် - ထမင်းစားဇွန်း တစ်ဇွန်း
  5. ယိုးဒယား ဂဏန်းငံပြာရည် - ထမင်းစားဇွန်း တစ်ဇွန်း
  6. သံပုရာသီး - တစ်လုံး
  7. ထန်းလျှက်ခဲ - အနေတော် တစ်ခဲ
  8. ကြက်သွန်ဖြူ - အမွှာကြီးကြီး ငါးမွှာ
  9. ငရုတ်သီး အခြောက်တောင့် - ငါးတောင့်ခန့်
  10. အရသာမှုန့် - လက်ဖက်ရည်ဇွန်း တစ်ဇွန်း
ပြင်ဆင်ပုံ
  • ပါဝင်ပစ္စည်းများ အားလုံးကို အဆင်သင့် ပြင်ထားပါ
  • ကြက်သွန်ဖြူကို အခွံခွာပြီး ရေဆေးထားပါ
  • သံပုရာသီးကို ရေဆေးပြီး အစိတ်လေးတွေ လှီးထားပါ
  • အားလုံးအဆင်သင့် ဖြစ်တာနဲ့ ငရုတ်ဆုံ ခပ်ကြီးကြီးထဲမှာ ထန်းလျှက်ခဲ  ကြက်သွန်ဖြူနှင့် ငရုတ်သီးတောင့်တို့ကို ထည့်ထောင်းပေးပါ
  • မညက်တစ်ညက် အနေအထားလေး ရလာတာနဲ့ အရသာမှုန့် သုံးရမဲ့ ငါးပိရည်နှင့် ငံပြာရ ည်တွေကို ထည့်ပေးပြီး ဇွန်းနှင့်မွှေပေးပါ
  • ပြီးတာနဲ့ သံပုရည်ညှစ်ထည့်ကာ ပြုပ်ထားသော ကြက်ခြေထောက်များကို ထည့်မွှေပေးပါ
  • အားလုံးအရသာ သမသွားတာနဲ့ အရသာကို မြည်းပေးပြီး ချိုချဉ်ငံစပ် အရသာကို မြည်းပေးကာ လိုအပ်တာကို မိမိစိတ်ကြိုက် အရသာ ရလာအောင် ပြင်ပေးပါ
  • မိမိစိတ်ကြိုက် အရသာ ရလာပြီ ဆိုရင်တော့ ချဉ်ငံစပ် ကြက်ခြေထောက်ထောင်းလေးကို စားသုံးရန်  ပြင်ဆင်ပေးနိူင်ပါပြီရှင်။

Friday 27 November 2020

အောင်ဗလမုန့်










ဒီနေ့တော့ အောင်ဗလမုန့်လေး လုပ်စားဖြစ်ပါတယ် တစ်ချို့က အောင်ဗလမုန့်နဲ့ အောင်ဗလကြော်ကို အတူတူဘဲလို့ ထင်တတ်ကြပါတယ် အောင်ဗလမုန့်က ကြက်စားဥနဲ့ မုန့်ရည်ဖောက်ပြီးမှ မုန့်တစ်မျိုး။

စားလို့ကောင်းလွန်းတဲ့အတွက် မာမာပြင်ဆင်ပြီး လုပ်ထားတဲ့ မုန့် လုပ်နည်းလေးကို မျှဝေပေးလိုက်ပါတယ်ရှင်။

ပါဝင်ပစ္စည်းများ

  1. ဆန်မှုန့် - ထမင်းပေါင်းအိုး ဆန်ချင်ဗူး နှစ်ဗူး
  2. ကောက်ညှင်းမှုန့် - ထမင်းပေါင်းအိုး ဆန်ချင်ဗူး တစ်ဝက်
  3. ရေ - ထမင်းပေါင်းအိုး ဆန်ချင်ဗူး တစ်ဗူးခွဲ
  4. ကြက်ဥ - နှစ်လုံး
  5. ဆိုဒါ - လက်ဖက်ရည်ဇွန်း တစ်ဝက်
  6. သကြား - ထမင်းစားဇွန်း ၇ဇွန်း
  7. ဆား - လက်ဖက်ရည်ဇွန်း တစ်ဝက်
  8. ထောပါတ် - လိုသလောက်သုံးပေးပါ
  9. nan stick pan - အိုးအသေး တစ်လုံး
ပြင်ဆင်ပုံ
  • ဇလုံတစ်လုံထဲမှာ ဆန်မှုန့် ကောက်ညှင်းမှုန့် ဆား သကြား ဆိုဒါတို့ထည့်ပြီး သမအောင် မွှေပေးပါ
  • ပြီးတာနဲ့ ရေထည့်ပြီး မွှေတံဖြင့် အားလုံးကျေသွားပြီး သမသွားအောင် ဖျော်ပေးပါ
  • အမှုန့်များ ကျေသွားတာနဲ့ ကြက်ဥကို ဖောက်ထည့်ပြီး မွှေပေးပါ
  • အားလုံး အရသာ သမသွားတာနဲ့ အဖုံးအုပ်ပြီး ရေခဲသေတ္တာ မခဲတဲ့ အကန့်ထဲမှာ ငါးနာရီလောက် ထားပေးပါ
  • မုန့်ရည်နှပ်ထားတာ ရပြီဆိုတာနဲ့ အပြင်ကို ထုတ်ပေးပြီး မုန့်လုပ်ဖို့ ပြင်ဆင်ပါ
  • ဒယ်အိုးထဲမှာ ထောပါတ်ခဲ ထမင်းစားဇွန်း တစ်ဇွန်းစာထည့်ပြီး ပျော်သွားအောင် မီးအနေတော်နှင့် အပူပေးပါ
  • ထောပါတ်ခဲ ပျော်သွားတာနဲ့ မုန့်ရည်ကို ယောက်ချိုဇွန်းနှင့် မွှေပြီးမှ တစ်ဇွန်းစာ ခပ်ပြီး အိုးထဲကို ထည့်ပေးပါ
  • ပြီးတာနဲ့ အဖုံးအုပ်ပြီး နှစ်မိနစ်လောက် ထားပေးပါ
  • နှစ်မိနစ် ပြည့်တာနဲ့ အဖုံးဖွင့်ပြီး နောက်တစ်ဖက်ကို လှန်ပေးပါ
  • ရွှေညိုရောင်လေး သန်းလာတာနဲ့ ဆယ်ပြီးပေးပါ
  • အထက်ပါ နည်းအတိုင်း မုန့်ရည်ကုန်တဲ့အထိ လုပ်ပေးပါ
  • မုန့်အားလုံး လုပ်ပေးပြီးတာနဲ့ အောင်ဗလမုန့် စိမ့်စိ မ့်လေးကို စားသုံးရန် ပြင်ပေးနိူင်ပါပြီ။

Thursday 26 November 2020

ချဉ်ငံစပ် ပဲပင်ပေါက်ပဲပြားသုပ်

 



ဒီနေ့တော့ ချဉ်ငံစပ် ပဲပြားနဲ့ ပဲပင်ပေါက်လေးကို သုပ်စားဖြစ်ပါတယ် ထမင်းပူပူလေးနဲ့ အရမ်းလိုက်ဖက်လွန်းလို့ မာမာပြင်ဆင်ပြီး သုပ်ထားတဲ့ နည်းလေးကို မျှဝေပေးလိုက်ပါတယ်ရှင်။

ပါဝင်ပစ္စည်းများ
  1. ပဲပင်ပေါက် တစ်ဆယ်သား
  2. ပဲပြား အနေတော် တစ်တုံး
  3. မန်ကျည်းသီးမှည့် ထမင်းစားဇွန်း တစ်ဇွန်း
  4. ငါးငံပြာရည် ထမင်းစားဇွန်း တစ်ဇွန်းခွဲ
  5. ပဲအကျက်မှုန့် ထမင်းစားဇွန်း တစ်ဇွန်းခွဲ
  6. ငရုတ်သီးအကျက်မှုန့် မိမိနှစ်သက်သလောက်
  7. ​ကြက်သွန်ဖြူဆီချက် ထမင်းစားဇွန်း နှစ်ဇွန်း
  8. အရသာမှုန့် လက်ဖက်ရည်ဇွန်း တစ်ဝက်သာသာ
  9. နံနံပင် မိမိနှစ်သက်သလောက်
  10. ကြ က်သွန်နီ အနေတော် တစ်လုံး

ပြင်ဆင်ပုံ
  • ပဲပင်ပေါက်ကို ရေဆေးပြီး ရေနွေးဆူဆူမှာ နှစ်မိနစ်ခန့် စိမ်ပေးပြီး ရေနွေးသွန်ကာ ရေစစ်ထားပါ
  • ပဲပြားကို ရေဆေးပြီး အပေါ်ယံကြော တင်းလာအောင် ကြော်ပေးကာ မထူမပါးလေးတွေ လှီးထားပါ
  • နံနံပင်ကို ရေဆေးပြီး မထူမပါးလေးတွေ လှီးထားပါ
  • ကြက်သွန်နီကို အခွံခွာပြီး ရေဆေးကာ ခပ်ပါးပါးလေးတွေ လှီးထားပါ
  • မန်ကျည်းသီးမှ ည့်ကို ရေဆေးပြီး ရေနွေးပူပူ လက်ဖက်ရည် ပန်းကန်လုံး တစ်ဝက်သာသာနှင့် စိမ်ထားပါ
  • အားလုံးအဆင်သင့် ဖြစ်တာနဲ့ ကျန်ပါဝင်ပစ္စည်းများကို ပြင်ထားပါ
  • ပြီးတာနဲ့ ဇလုံတစ်လုံးထဲမှာ ပဲပင်ပေါက် ပဲပြား ကြက်သွန်နီ နံနံပင် အရသာမှုန့် ငါးငံပြာရည် ပဲအကျက်မှုန့် ငရုတ်သီး အကျက်မှုန့်နှင့် မန်ကျည်းသီးမှည့်ရည် ထမင်းစားဇွန်း တစ်ဇွန်းစာလောက်ကို ထည့်ပေးပါ
  • အားလုံးထည့်ပြီးတာနဲ့ အရသာ သမအောင် နယ်ပေးပါ
  • အရသာ နယ်ပြီးပြီးတာနဲ့ မြည်းကြည့်ကာ လိုအပ်တဲ့ ချိုချဉ်ငံစပ်အရသာကို ပြင်ပေးပါ
  • ပြီးတာနဲ့ ချဉ်ငံစပ် ပဲပင်ပေါက် ပဲပြားသုပ်လေးကို စားသုံးရန် ပြင္ပေးနိူင်ပါပြီ။


Tuesday 24 November 2020

ထောပါတ်ဘိန်းမုန့်










ဒီနေ့တော့ ဘိန်းမုန့်စားချင်တာနဲ့ လုပ်ဖြစ်ပါတယ် စားလို့အရမ်းကောင်းပြီး လုပ်ရတာ လွယ်ကူလွန်းတဲ့အတွက် မာမာပြင်ဆင်ပြီး လုပ်ထားတဲ့ နည်းလေးကို မျှဝေပေးလိုက်ပါတယ်ရှင်။

ပါ၀င်ပစ္စည်းများ (အခုပြထားတဲ့ဒယ်အိုးလေးနဲ့ နှစ်ချပ်စာ)

  1. ဆန်စိမ်းမှုန့် - တစ်ခွက် (မုန့်လုပ်ရာတွင် ချင်တွယ်သောခွက်)
  2. ကောက်ညှင်းမှုန့် - တစ်ခွက် (မုန့်လုပ်ရာတွင် ချင်တွယ်သောခွက်)
  3. ဘိန်းစေ့ - မိမိနှစ်သက်သလောက် သုံးပေးပါ
  4. အုန်းသီးအနု - မိမိနှစ်သက်သလောက် သုံးပေးပါ
  5. မြေပဲလှော် - မိမိနှစ်သက်သလောက် သုံးပေးပါ
  6. ထန်းလျှက်ရည် ကျိုပြီးသား -  တစ်ခွက် (မုန့်လုပ်ရာတွင် ချင်တွယ်သောခွက်)
  7. ရေ - တစ်ခွက် (မုန့်လုပ်ရာတွင် ချင်တွယ်သောခွက်)
  8. ထောပါတ် - ထမင်းစားဇွန်း လေးဇွန်း
  9. ကြက်ဥ - တစ်လုံး 
  10. Baking soda - လက်ဖက်ရည်ဇွန်း သုံးပုံတစ်ပုံ
  11. ဆား - လက်ဖက်ရည်ဇွန်း သုံးပုံတစ်ပုံ
  12. Nan - stick pan - အိုးအေသး တစ်လုံး

ပြင်ဆင်ပုံ

  • ဇလုံတစ်လုံးထဲမှာ ကောက်ညှင်းမှုန့် ဆန်မှုန့်နှင့် baking soda တို့ကိုထည့်ပြီး မွှေပေးပါ
  • ကြက်ဥကို ဇလုံတစ်လုံးထဲမှာ ခလောက်ထားပါ
  • ထန်းလျှက်ရည်ကို အဆင်သင့် ပြင်ထားပါ
  • ထောပါတ်ကို အရည်ဖျော်ထားပါ
  • အားလုံးအဆင်သင့် ဖြစ်တာနဲ့ ဆန်မှုန့် ဇလုံထဲကို ရေနည်းနည်းချင်း ထည့်ပေးပြီး မွှေပေးပါ
  • ရေခပ်ပျစ်ပျစ်လေး ရလာတာနဲ့ ခလောက်ထားသော ကြက်ဥနှင့် ထန်းလျှက်ရည်တို့ ထည့်ပြီး ခပ်ပျစ်ပျစ်လေး ရလာအောင် မွှေပေးပါ
  • မုန့်နှစ်ရည် ခပ်ပျစ်ပျစ်လေး ရလာတာနဲ့ အဖုံးအုပ်ပြီး ရေခဲသေတာ မခဲတဲ့ အကန့်ထဲမှာ ငါးနာရီလောက်ထည့်ပေးထားပါ
  • မြေပဲလှော် အုန်းသီး ခြစ်ပြီးသား နှမ်းလှော် ဘိန်းစေ့နှင့် ထောပါတ်တို့ကို အဆင်သင့် ပြင်ထားပါ
  • မုန့်နှစ်ဖောက်ထားတာ ရပြီဆိုတာနဲ့ ဒယ်အိုးထဲကို ထောပါတ်ဆီ ထည့်ပေးပြီး အပူပေးပါ
  • ထောပါတ်ဆီ ပူလာတာနဲ့ မီးကိုအနေတော် လျှော့ပေးပြီးမှ မုန့်နှစ်ရည်ကို သမအောင် မွှေပေးပြီး ယောက်ချိုဇွန်း တစ်ဇွန်းခွးစာ ခပ်ပြီး ထည့်ပေးပါ
  • ပြီးတာနဲ့ အုန်းသီး နှမ်းလှော် ဘိန့်စေ့နှင့် မြေပဲတို့ကို ထည့ျေးပွီး အဖုံးအုပ်ထားပါ
  • မိနစ်ဝက် သာသာလောက် ရလာတာနဲ့ အဖုံးဖွင့်ပြီး ကြည့်ပေးပါ
  • အပေါ်ယံလေး တင်းလာတာနဲ့ အထက်အောက် လှန်ပေးပြီး အဖုံးခန ပြန်အုပ်ပေးပါ
  • နောက်ထပ် မိနစ်ဝက်လောက်နေရင် ဘိန်းမုန့် ပူပူလေး ရပါပြီ
  • အထက်ပါ နည်းအတိုင်း မုန့်ရည်ကုန်တဲ့အထိ လုပ်ပေးပြီးပါက ဘိန်းမုန့် ချိုစိမ့်စိပြီမ့်လေးကို သုံးဆောင်ရန် ပြင်ပေးနိူင်ပါ။ 



Saturday 21 November 2020

ကြက်သနီချက်


ဒီနေ့တော့ ထမင်းစားလို့ မြိန်စေမဲ့ ကြက်သနီချက်လေး ချက်စားဖြစ်ပါတယ် ချက်နည်းလေးကတော့ ဝက်သနီချက်နည်းလေး အတိုင်းပါဘဲ မာမာတို့က ဝက်သားနဲ့ အမဲသားကို စားခဲတော့ ကြက်သားကိုဘဲ ချက်လိုက်တဲ့အတွက် မာမာပြင်ဆင်ပြီး ချက်ထားတဲ့ နည်းလေးကို မျှဝေပေးလိုက်ပါတယ်ရှင်။
ပါ၀င်ပစ္စည်းများ
  1. ကြက်သား - 500 g
  2. ကြက်သွန်ဖြူ  - အမွှာကြီးကြီး ကိုးမွှာ
  3. ကြက်သွန်နီ - အလုံးခပ်သေးသေး ခွန်နှစ်လုံးခန့်
  4. ကြက်သွန်နီ - အလုံးကြီးကြီး တစ်လုံး
  5. ငရုတ်ကောင်းမှုန့် - လက်ဖက်ရည်ဇွန်း သုံးပုံတစ်ပုံခန့်
  6. နနွင်းမှုန့် - လက်ဖက်ရည်ဇွန်း တစ်ဝက်
  7. ဆား - လက်ဖက်ရည်ဇွန်း တစ်ဇွန်းခန့်
  8. သကြား - ထမင်းစားဇွန်း တစ်ဇွန်းခန့် (ဆီထဲထည့်ကြော်ရန်)
  9. သကြား - လက်ဖက်ရည်ဇွန်း တစ်ဇွန်း (ကြက်သားနှင့်နယ်ရန်)
  10. အရသာမှုန့် - လက်ဖက်ရည်ဇွန်း တစ်ဝက်ပဲ
  11. ငံပြာရည် အပျစ် - ထမင်းစားဇွန်း နှစ်ဇွန်း
  12. ဆီ - ထမင်းစားဇွန်း ကိုးဇွန်း
ပြင်ဆင်ပုံ
  • ကြက်သားကို ရေဆေးပြီး အနေတော် အတုံးလေးတွေ တုံးပေးပါ
  • ပြီးတာနဲ့ ဇလုံထဲထည့်ပြီး ကြက်သား နနွင်းမှုန့် ဆား သကြား ငရုတ်ကောင်းမှုန့် အရသာမှုန့်နှင့် ပဲငံပြာရည်ဆို့ ထည့်ပေးကာ အရသာဝင်အောင် နယ်ပေးပါ
  • အရသာဝင်အောင် နယ်ပြီးတာနဲ့ အဖုံးအုပ်ကာ ရေခဲသေတာ မခဲတဲ့ အကန့်ထဲမှာ တစ်နာရီခန့် နှပ်ထားပါ
  • ကြက်သွန်ဖြူ နှင့် ကြက်သွန်နီ အလုံးသေးတို့ကို အခွံခွာပြီး အလုံးလိုက် ရေဆေးထားပါ
  • ကြက်သွန်နီ အလုံးကြီးကို အခွံခွာပြီး အလုံးလိုက် ရေဆေးကာ အကွင်းလိုက် လှီးထားပါ
  • ကြက်သားနှပ်ထားတာ ရပြီဆိုတာနဲ့ ဟင်းချက်ဖို့ ပြင်ပါမယ်
  • အိုးထဲမွာ ဆီထည့်ပြီး အပူပေးပါ
  • ဆီပူလာတာနဲ့ မီးကိုအနေတော် လျှော့ပေးပြီး သကြားကို ထည့်ကြော်ပေးပါ
  • သကြားထည့်ပြီးတာနဲ့ သကြားပျော်သွားအောင် မွှေပေးပါ
  • သကြားကို နီရောင်သန်းသလောက်ဘဲ ကြော်ပေးပါ
  • သကြားနီရောင်လေး သန်းလာတာနဲ့ အရသာ နယ်ထားတဲ့ ကြက်သားကို ထည့်ပေးပါ
  • ပြီးတာနဲ့ အိုးကိုလှုပ်လှုပ်ပေးပြီး ငါးမိနစ်လောက် အိုးမကပ်အောင် လှုပ်ပေးပါ
  • ကြက်သားတုံးလေးတွေ ရဲလာပြီ ဆိုတာနဲ့ ကြက်သားတုံးများကို အထက်အောက် သမအောင် မွှေပေးပါ
  • ကြက်သားတုံးလေး အရောင်လှလာတာနဲ့ ကြက်သားကို ရေမြုပ်အောင်ထည့်ပြီး အဖုံးအုပ်ကာ တည်ပေးပါ
  • ထည့်ထားတဲ့ရေ ခမ်းလာတာနဲ့ ကြက်သွန်ဖြူ  ကြက်သွန်နီနှင့် ကြက်သွန်နီ အကွင်းလေးများကို ထည့်ပေးပါ
  • ပြီးတာနဲ့ ရေမြုပ်အောင် ထပ်ထည့်ပြီး ဆီပြန်တဲ့အထိ မီးအနေတော်နှင့် တည်ပေးပါ
  • ရေမခမ်းခင် အရသာ မြည်းပေးပြီး လိုသလို ပြင်ပေးပါ
  • ရေခမ်းပြီး ဆီပြန်လာတာနဲ့ ကြက်သနီချက်လေးကို စားသုံးဖို့ ပြင်ပေးနိူင်ပါပြီ။

Friday 20 November 2020

ရွှေဖရုံသီးပေါင်း







ဒီနေ့တော့ ရွှေဖရုံသီး ပေါင်းနည်းလေး မျှဝေပေးချင်ပါတယ် ရွှေဖရုံသီးတွေ ပေါချိန်ဆို မကြာမကြာ ပေါင်းစားဖြစ်ပါတယ် စားလို့အရမ်းကောင်းပြီး သဘာဝ အရသာ ချိုစိမ့်နေတဲ့အတွက် ပေါင်းပြီးစား ကြည့်စေချင်ပါသေးတယ်။

မာမာကတော့ pressure cooker နဲ့ ပေါင်းတဲ့အတွက် ငါးမိနစ်ဘဲ ကြာပါတယ် ရေအိုးကို အောက်ကခံပြီး အပေါ်ကနေ ပေါင်းဇကာတင်ပြီး ပေါင်းမယ်ဆိုရင်တော့ အနည်းဆုံး နာရီဝက်လောက် ပေါင်းရမယ်လို့ ထင်ပါတယ်။

ပေါင်းနည်းပြင်ဆင်ပုံ
  1. ရွှေဖရုံသီးကို ခပ်ထူထူ အတုံးလေးတွေတုံးပြီး အထဲမှ မလိုတာတွေ ဖယ်ပြီးရေစင်အောင် ဆေးပေးပါ
  2. ရေဆေးပြီးတာနဲ့ ကြွေပန်းကန် ထူထူထဲကို ထည့်ပေးပါ
  3. ပြီးတာနဲ့ ပေါင်းအိုးအောက်ခံ အိုးထဲကို ပေါင်းခံခုံ ထိလောက်တဲ့အထိ ရေထည့်ပေးပါ
  4. ပေါင်းအိုးထဲ ရေထည့်ပြီးတာနဲ့ ပေါင်းခံခုံပေါ်မှာ ပေါင်းခံဇကာကို တင်ပေးပါ
  5. ပေါင်းခံဇကာထဲမှာ ရွှေဖရုံသီး ပန်းကန်ကို တင်ပေးပြီး အိုးအဖုံးကို အုပ်ပေးပါ
  6. အိုးအဖုံး အုပ်ပြီးတာနဲ့ steam ခလုတ်ကို နှိပ်ပေးကာ ငါးမိနစ် အချိန်မှာ ထားပေးပါ
  7. ပြီးတာနဲ့ ပေါင်းမည့်ခလုတ်ကို နှိပ်ပေးပါ
  8. ငါးမိနစ် ပြည့်တာနဲ့ အိုးထဲမှ လေများကုန်သွားအောင် ထုတ်ပေးပြီးမှ အိုးအဖုံးကို ဖွင့်ပေးပါ
  9. ရွှေဖရုံသီးပေါင်း ပန်းကန်ကို အပြင် ထုတ်ပေးကာ နူးအိပြီး ချိုအီနေတဲ့ ရွှေဖရုံသီးပေါင်းလေးကို စားသုံးရန် ပြင်ပေးနိူင်ပါပြီ။

Saturday 7 November 2020

ပြောင်းဖူးထောင်းကြော်









ဒီနေ့တော့ ထမင်းကို ဟင်းတွေနဲ့ မစားချင်တာနဲ့ ပြောင်းဖူးကို ကြက်ဥလေးနဲ့ အရသာလေးတွေ ထည့်ရောကာ ဗလင်ဒါထဲ ထည့်ကြိတ်ပေးပြီး မွမွရွရွလေး ကြော်စားဖြစ်ပါတယ် ဒါကြောင့်မို့လို့ မာမာပြင်ဆင်ပြီး ကြော်ထားတဲ့ နည်းလေးကို မျှဝေပေးလိုက်ပါတယ်ရှင်။

ပါ၀င်ပစ္စည်းများ
  1. ပြောင်းဖူးစေ့ - 3 cups
  2. ဂျုံမှုန့် - 1 cup
  3. baking powder - 1 tsp
  4. olive oil - 3 tbsp
  5. ကြက်သွန်နီ - အနေတော် တစ်လုံး
  6. ကြက်ဥ - နှစ်လုံး
  7. နံနံပင် - 1/4 cup (လှီးပြီးသား)
  8. ဆား - လက်ဖက်ရည်ဇွန်း တစ်ဇွန်း
  9. အရသာမှုန့် - လက်ဖက်ရည်ဇွန်း တစ်ဇွန်း
  10. ငရုတ်ကောင်းမှုန့် - လက်ဖက်ရည်ဇွန်း တစ်ဝက်
ပြင်ဆင်ပုံ
  • ပြောင်းဖူးစေ့နှင့် လိုအပ်တာတွေကို ပြင်ထားပါ
  • ကြက်သွန်နီကို အခွံခွာပြီး ရေဆေးကာ ခပ်ပါးပါးလေးတွေ လှီးပေးပါ
  • နံနံပင်ကို ရေဆေးကာ လှီးထားပါ
  • အလုံးအဆင်သင့် ဖြစ်တာနဲ့ ကြက်သွန်နီ ကြက်ဥ ဂျုံမှုန့် ဆား အရသာမှုန့် ငရုတ်ကောင်းမှုန့် နံနံပင်နှင့် ပြောင်းဖူးစေ့ တစ်ဝက်တို့ကို ဗလင်ဒါထဲထည့်ပြီး တစ်မိနစ်လောက်ဘဲ ကြိတ်ပေးပါ
  • ပြီးတာနဲ့ ကျန်နေသော ပြောင်းဖူးစေ့နှင့် ရောပေးပါ
  • အဆင်သင့် ဖြစ်တာနဲ့ ဒယ်အိုးကို အပူပေးပြီး သုတ်ပေးပါ
  • ဆီပူလာတာနဲ့ အရသာ စပ်ထားသော ပြောင်းဖူးများကို ဇွန်းနှင့်ခပ်ပြီး ထည့်ပေးပါ
  • ထည့်ပေးပြီးတာနဲ့ မီးကိုအနေတော်လောက်မှာ ထားပေးပါ
  • မီးအရမ်း မပြင်းစေရန် သတိထားပြီး ကြော်ပေးပါ
  • မီးအရမ်းပြင်းပါက ကြက်ဥပါတဲ့အတွက် ခနလေးနဲ့ ကျွမ်းသွားတတ်ပါတယ်
  • တစ်ဖက်ကျက်တာနဲ့ နောက်တစ်ဖက်ကို လှန်ပေးပါ
  • နှစ်ဖက်လုံး ကျက်တာနဲ့ ပြေင်းဖူးကြော် ပူပူလေးကို ရေနွေးကြမ်း ပူပူလေးနဲ့ စားသုံးရန် ပြင်ပေးနိူင်ပါပြီ။

Thursday 5 November 2020

မတ်ပဲ ဒိုဆာ








 



ဒီနေ့တော့ သတ်သတ်လွတ် စားရတာ အဆင်ပြေလွန်းတဲ့ မတ်ပဲဒိုဆာလေး လုပ်စားဖြစ်ပါတယ် လုပ်ရတာလဲ လွယ်ကူပြီး စားရတာလဲ ကောင်းလွန်းတဲ့အတွက် မာမာပြင်ဆင်ပြီး လုပ်ထားတဲ့နည်းလေးကို မျှဝေပေးလိုက်ပါတယ်ရှင်။

ပါ၀င်ပစ္စည်းများ
  1. မတ်ပဲ - ထမင်းပေါင်းအိုး ဆန်ချင်ဗူး နှစ်ဗူး
  2. ရေ - ထမင်းပေါင်းအိုး ဆန်ချင်ဗူး နှစ်ဗူး
  3. ဆား - လက်ဖက်ရည်ဇွန်း တစ်ဇွန်း
  4. အရသာမှုန့် - လက်ဖက်ရည်ဇွန်း တစ်ဇွန်း
  5. ပူစီနံ - သုံးညွန့်ခန့်
  6. ချင်း - တစ်လက်မ
  7. ငရုတ်သီးစိမ်း - နှစ်တောင့်ပူ
  8. စီနံ - ထမင်းစားဇွန်း သုံးဇွန်းသာသာ (လှီးပြီးသား)
  9. ကြက်သွန်နီ - အလုံးကြီးကြီး တစ်လုံး
  10. ခရမ်းချဉ်သီး - အနေတော် သုံးလုံး
  11. ဆီ - ထမင်းပေါင်းအိုး ဆန်ချင်ဗူး တစ္ဗူးခြဲ
  12. မကပ်သောဒယ်အိုး - တစ်လုံး
  13. ယောက်ချိုဇွန်းမှုတ် - တစ်ချောင်း
ပြင်ဆင်ပုံ
  • မတ်ပဲကို ပဲစိမ်းနံ့ပျောက်အောင် ရေလေးထပ်လောက်ဆေးပြီး ရေမြုပ်အောင် လေးနာရီလောက် စိမ်ထားပါ
  • ငရုတ်သီးစိမ်းကို အညှာခြွေပြီး ရေဆေးထားပါ
  • ပူစီနံကို ရေဆေးပြီး ရေစစ်ထားပါ
  • ချင်းကို အခွံခွာပြီး ရေဆေးထားပါ
  • ကြက်သွန်နီကို အခွံခွာပြီး ရေဆေးကာ ခပ်သေးသေးလေးတွေ လွီးထားပါ
  • ခရမ်းချဉ်သီးကို ရေဆေးပြီး အလယ်မှ အစေ့များ ဖယ်ပေးကာ ခပ်သေးသေးလေးတွေ လွီးထားပါ
  • ပူစီနံကို ရေဆေးပြီး ခပ်ပါးပါးလေးတွေ လွီးထားပါ
  • ဆီနှင့်အတူ ပါ၀င်ပစ္စည်းများကို ပြင်ထားပါ
  • ရေစိမ်ထားတာ ပဲများပွလာပါက ရေစစ်ပေးပြီး ဗလင်ဒါထဲမှာ ထည့်ပေးပါ
  • ပဲနှင့်အတူ ဆား အရသာမှုန့် ငရုတ်သီးစိမ်း ချင်းနှင့် ရေတို့ထည့်ပြီး ညက်နေအောင် ကြိတ်ပေးပါ
  • အားလုံးအဆင်သင့် ဖြစ်ပါက ဒယ်အိုးကို မီးဖိုပေါ် တင်ပေးပါ
  • ပြီးတာနဲ့ အိုးကို ဆီသုတ်ပေးပြီး ဆီပူတာနဲ့ ပဲအနှစ်ကို ထည့်ဖို့ ပြင်ပေးပါ
  • ပဲကို ဇွန်းမှုတ်နှင့် မခပ်ခင် အရသာ သမသွားအောင် မွှေပေးပါ
  • ပြီးတာနဲ့ တစ်ဇွန်းစာ အပြည့်ခပ်ပြီး ဒယ်အိုးထဲကို ဖြန့်ထည့်ပေးပါ
  • ပဲအနှစ်ထည့်ပြီးတာနဲ့ လှီးထားသော ကြက်သွန်နီ ခရမ်းချဉ်သီးနှင့် ပူစီနံတို့ကို ဖြန့်ပြီးထည့်ပေးပါ
  • ပြီးတာနဲ့ အပေါ်ဖက်ကို ဆီနှင့် ခပ်ရွှဲရွှဲလေး လိုက်သုတ်ပေးပြီး အသီးအရွက်များကို ယောင်းမလေးနှင့် အသာလေး လိုက်ဖိပေးပါ
  • အောက်ဖက်မှ ခပ်ကြွတ်ကြွတ်လေး ဖြစ်လာပြီဆိုရင် ယောင်းမနှင့် ထိုးကလော်ပြီး လှန်ပေးပါ
  • နောက်တစ်ဖက် လှန်ပေးပြီးတာနဲ့    မိနစ်ဝက်လောက် ထားပြီးတာနဲ့ အိုးပေါ်မှ ဖယ်ပေးပါ
  • အထက်ပါ နည်းအတိုင်း ပဲအနှစ်များ ကုန်တဲ့အထိ လုပ်ပေးပြီးပါက မတ်ပဲဒိုဆာ ပူပူလေးကို စားသုံးရန် ပြင်ပေးနိူင်ပါပြီ။