Wednesday 31 August 2022

မန်ကျည်းသီးစိမ်းထောင်း

 


ဒီနေ့တော့ ရာသီစာ မန်ကျည်းသီးစိမ်းလေးတွေကို ချဉ်ငံစပ်လေး ထောင်းဖြစ်ပါတယ် ပုဇွန်ခြောက်လေးတွေနဲ့ ထောင်းတဲ့အတွက် စားလို့ပိုပြီး ကောင်းပါတယ် ဒါကြောင့်မို့လို့ မာမာပြင်ဆင်ပြီး ထောင်းထားတဲ့ နည်းလေးကို မျှဝေပေးလိုက်ပါတယ်ရှင်။

ပါ၀င်ပစ္စည်းများ
  1. မန်ကျည်းသီးစိမ်း - အတောင့်ကြီးကြီး ဆယ်တောင့်
  2. ငရုတ်သီးစိမ်း  - မိမိနှစ်သက်သလောက်
  3. ပုဇွန်ခြောက် - အကောင်ကြီးကြီး အကောင် လေးဆယ်ခန့်
  4. ဆား - လက်ဖက်ရည်ဇွန်း တစ်ဇွန်းခွဲ
  5. ကြက်သွန်ဖြူ  - အမွှာကြီးကြီး ခွန်နှစ်မွှာ
  6. အချိုမှုန့် - လက်ဖက်ရည်ဇွန်း တစ်၀က်
  7. ဆီ - လိုသလောက် သုံးပေးပါ

ပြင်ဆင်ပုံ
  • မန်ကျည်းသီးစိမ်းကို အပေါ်ယံ အခွံမှာ ကပ်နေသော အညိုရောင်အမှုန့်များကို ခြစ်ပေးပါ
  • ပြီးတာနဲ့ မန်ကျည်းသီးမှ အစေ့နှင့် အကြောများထုတ်၍ ရေဆေးကာ ညက်နေအောင် ထောင်းထားပါ
  • ငရုတ်သီးစိမ်းကို ရေဆေးပြီး အညှာများ ဖြုတ်ထားပါ
  • ကြက်သွန်ဖြူ ကို အခွံခွာပြီး ရေဆေးထားပါ
  • ငရုတ်ဆုံထဲမှာ မန်ကျည်းသီးစိမ်း ပုဇွန်ခြောက် ငရုတ်သီးစိမ်းနှင့် ကြက်သွန်ဖြူ တို့ကိုထည့်ပြီး ညက်နေအောင် ထောင်ပေးပါ
  • ပြီးတာနဲ့ အချိုမှုန့်နှင့်ဆားတို့ ထည့်ထောင်းပေးပါ
  • အားလုံးညက်သွားပြီ ဆိုတာနဲ့ အရသာ မြည်းပေးကာ မိမိစိတ်ပြိုက် အရသာ ရလာအောင် ပြင်ပေးပါ
  • မန်ကျည်းသီးစိမ်းထောင်းကို ပန်းကန်တစ်ခုထဲ ပြောင်းထည့်ပေးပြီး ဆီမြုပ်အောင် ထည့်ပေးပါ
  • ထမင်းပူပူလေးနဲ့ သုံးဆောင်နိူင်ရန် ချဉ်ငံစပ် မန်ကျည်းသီးစိမ်းထောင်း ချဉ်ငံစပ်လေးကို ရပါပြီ။

Tuesday 30 August 2022

သရက်သီးစိမ်းထောင်း

 





ဒီရာသီဆို သရက်သီးစိမ်းလေးတွေ ပေါ်လာပါပြီ ဒါောကာင့်မို့လို့ သရက်သီးစိမ်းလေးတွေကို မျိုးစုံအောင် လုပ်စားရင်း ဒီနေ့တော့ သရက်သီးစိမ်းကို မြေပဲလှော်နဲ့ အစိမ့်လေး ထောင်းပြီး ထမင်းမြိန်မြိန် စားရလေအောင် မာမာပြင်ဆင်ထားတဲ့ ပဲဆီစိမ်းနဲ့ စိမ်နည်းလေးကို မျှဝေလိုက်ပါတယ်ရှင်။

ပါ၀င်ပစ္စည်းများ
  1. သရက်သီးစိမ်း - ခပ်ကြီးကြီး တစ်လုံး
  2. ပုဇွန်ခြောက် - တစ်ဆယ့်ငါးကောင်
  3. ငပိရည် - ထမင်းစားဇွန်း ၃ဇွန်း ( ပုံမှာပြထားတဲ့ ငပိရည်ကို သုံးပေးပါ)
  4. ငရုတ်သီးတောင့် - အစပ်စားနိူင်သလောက်
  5. အရသာမှုန်. -  လက်ဖက်ရည်ဇွန်း ၁ ဇွန်း
  6. ဆား - လက်ဖက်ရည်ဇွန်း ၁ ဇွန်း

ပြင်ဆင်ပုံ
  • သရက်သီးစိမ်းကို အရင်ဆုံး အညှာဘက်မှလှီးကာ ရေတနာရီလောက် စိမ်ထားပေးပါ
  • ရေစိမ်ပြီး အစေးများ ကုန်လောက်ပြီဆိုရင် အခွံခွာပြီး ဓါးပြတ်ပြတ်နှင့် ပေါက်ပေးပါ
  • ပြီးတာနဲ့ ခပ်နုတ်နုတ် သေးသေးလေးတွေ လှီးထားပေးပါ
  • ကြပ်သွန်ဖြူကို အခွံခွာပြီး ရေဆေးထားပါ
  • ငရုတ်ဆုံထဲမှာ ငရုတ်သီး ကြက်သွန်ဖြူကို ပုဇွန်ခြောက်ကိုထည့်ပြီး မညက်တညက် ထောင်းထားပေးပါ
  • ပြီးတာနဲ့ လှီးထားသော သရက်သီး ငပိရည် ဆားနှင့် အရသာမှုန့်တို့ကို ထည့်ထောင်းပေးပါ
  • အရသာ သမအောင် ဇွန်းနှင့်မွှေပြီးတာနဲ့ အရသာမြည်းပြီး မိမိစိတ်ကြိုက် အရသာ ရလာအောင် ပြင်ပေးပါ
  • သရက်သီးစိမ်းထောင်းကို အရသာ ပြင်ပေးပြီးတာနဲ့ ထမင်းပူပူလေးနဲ့ စားသုံးရန် ပြင်ပေးနိူင်ပါပြီ။

Friday 26 August 2022

ပဲလိပ်ကြော်

 





ဝါတွင်းကာလလေးမှာ သတ်သတ်လွတ်လေးတွေ စားဖို့အတွက် ဒီနေ့တော့ ပဲလိပ်ချောင်းလေးတွေကို ရေစိမ်ပြီး သတ်သတ်လွတ် ဟင်းလေးတစ်မယ်အတွက် မာမာပြင်ဆင်ပြီး ချက်ထားတဲ့ နည်းလေးကို မျှဝေပေးလိုက်ပါတယ်ရှင်။

ပါဝင်ပစ္စည်းများ
  1. ပဲလိပ်ချောင်း - ဆယ်ချောင်းခန့်
  2. ကြွက်နားရွက်မှို - ဆယ်ခု
  3. ကြက်သွန်ဖြူ - အမွှာကြီးကြီး သုံးမွှာ
  4. ပဲငံပြာရည်အပျစ် - ထမင်းစားဇွန်း တစ်ဇွန်းခွဲ
  5. ပဲငံပြာရည်အကြည် - ထမင်းစားဇွန်း တစ်ဇွန်းခွဲ
  6. အရသာမှုန့် - လက်ဖက်ရည်ဇွန်း တစ်ဝက်သာသာ
  7. ဆီ - ထမင်းစားဇွန်း ငါးဇွန်း
ပြင်ဆင်ချက်ပြုပ်ပုံ
  • ပဲလိပ်ချောင်းများကို ရေမြုပ်အောင်ထည့်ပြီး လေးနာရီလောက် စိမ်ထားပါ
  • ​ပဲလိပ်များ ရေဝလာပါက ခပ်ပါးပါးလေးတွေ ညှပ်ထားပါ
  • ကြွက်နားရွက်မှိုကိုလဲ ရေမြုပ်အောင်ထည့်ပြီး လေးနာရီလောပ် စိမ်ထားပါ
  • ကြွက်နားရွက်မှိုများ ပျော့လာပါက ရေစင်အောင်ဆေးပြီး ခပ်ပါးပါးလေးဆွေ ညှပ်ထားပါ
  • ကြက်သွန်ဖြူကို အခွံခွာပြီး ရေဆေးကာ ခပ်နုတ်နုတ် လှီးထားပါ
  • အိုးထဲမှာ ဆီထည့်ပြီး အပူပေးကာ ဆီပူလာတာနဲ့ ကြက်သွန်ဖြူကို ထည့်ကြော်ပေးပါ
  • ကြက်သွန်ဖြူများ နွမ်းလာပါ  ပဲလိပ်နှင့်ကြွက်နားရွက်မှိုတို့ကို ထည့်ကြော်ပေးပါ
  • ပြီးတာနဲ့ ပဲငံပြာရည်အကြည်နှင့် ပဲငံပြာရည် အနောက်တို့ ထည့်မွှေပေးပါ
  • အရသာ သမလောက်တာနဲ့ ပဲလိပ်များကို ရေမြုပ်အောင်ထည့်ပြီး အဖုံးအုပ်ကာ တည်ပေးပါ
  • အိုးထဲမှ ရေများ ခမ်းလာတာနဲ့ အရသာမြည်းပြီး မိမိစိတ်ကြိုက် အရသာ ရလာအောင် ပြင်ပေးပါ
  • ပြီးတာနဲ့ ပဲပြား ကြွက်နားရွက်မှိုကြော် စိမ့်စိမ့်လေးကို စားသုံးရန် ပြင်ပေးနိူင်ပါပြီ။

Tuesday 16 August 2022

ဆိတ်သားဆီပြန်

 


ဒီနေ့တော့ ဈေးသွားရင်းက ဆိတ်သား ခုတ်ပြီးသားလေးတွေ တွေ့တာနဲ့ ဝယ်လာဖြစ်ပါတယ် ဒါကြောင့်မို့လို့ ဒီတစ်ခါတော့ ဆိတ်သားကို ဆီပြန်လေး ချက်ပါတယ်။

ဆီပြန်ဟင်း ဖြစ်တဲ့အတွက် ထမင်းပူပူလေးနဲ့ လိုက်ဖက်သလို ပေါင်မုန့် ပလာတာ နံပြားတို့နဲ့လဲ  ပိုပြီးစားလို့ ကောင်းစေတဲ့အတွက် မာမာပြင်ဆင်ပြီး ချက်နည်းလေးကို မျှဝေပေးလိုက်ပါတယ်ရှင်။

ပါ၀င်ပစ္စည်းများ
  1. ဆိတ်သား - 500 g
  2. ပဲအစိမ်းမှုန့် - ထမင်းစားဇွန်း သုံးဇွန်း ( ဆိတ်သားဆေးရန်)
  3. ကြက်သွန်နီ - အနေတော် တစ်ဥ
  4. ကြက်သွန်ဖြူ - အမွှာကြီးကြီး သုံးမွှာ
  5. ချင်းထောင်းပြီးသား - ထမင်းစားဇွန်း တစ်ဇွန်း
  6. စပါးလင်ထောင်းပြီးသား - ထမင်းစားဇွန်း တစ်ဇွန်း
  7. စပါလင် အရင်ပိုင်း - နှစ်လက်မခန့် လေးခု
  8. ငရုတ်သီး အရောင်တင်မှုန့် - လက်ဖက်ရည်ဇွန်း တစ်ဇွန်းခွဲ
  9. ကရဝေးရွက် - လေးရွက်
  10. သစ်ဂျပိုးခေါက် - နှစ်လက်မခန့် တစ်ချောင်း
  11. ဇီယာစေ့ - အစေ့ နှစ်ဆယ်ခန့်
  12. ဆား - လက်ဖက်ရည်ဇွန်း တစ်ဝက် (အသားအရသာ နယ်ရန်)
  13. ဆား - အနည်းငယ် (ဟင်းအိုးထဲထည့်ရန်)
  14. အရသာမှုန့် - လက်ဖက်ရည်ဇွန်း တစ်၀က်သာသာ
  15. နနွင်းမှုန့် - လက်ဖက်ရည်ဇွန်း သုံးပုံတစ်ပုံ (အသားအရသာ နယ်ပေးရန်)
  16. မဆလာ - ထမင်းစားဇွန်း တစ်ဇွန်း (အသားအရသာ နယ်ရန်)
  17. နနွင်းမှုန့် - လက်ဖက်ရည်ဇွန်း သုံးပုံတစ်ပုံ (ဆီသတ်ရန်)
  18. ဆီ - ထမင်းစားဇွန်း ငါးဇွန်းသာသာ

ပြင်ဆင်ပုံ
  • ဆိတ်သားကို အတုံးလေးတွေတုံးပြီး ပဲအစိမ်းမှုန့်နှင့်နယ်ကာ ရေခဲသေတ္တာ မခဲတဲ့ အကန့်ထဲမှာ တစ်နာရီလောက် နှပ်ထားပေးပါ
  • နှပ်ထားချိန် ပြည့်တော့မှ ဆိတ်သားများကို ပဲအစိမ်းမှုန့်များ ကုန်တဲ့အထိ ရေကြည်လာအောင် ဆေးပေးပါ
  • ပြီးတာနဲ့ ဆိတ်သားများကို ဆား မဆလာ အရသာမှုန့် နနွင်းမှုန့်တို့နဲ့ နယ်ကာ ၁၅မိနစ်လောက် နှပ်ထားပါ
  • ကြက်သွန်နီကို အခွံခွာ အလုံးလိုက်ရေဆေးပြီး ခပ်နုတ်နုတ် လှီးထားပါ
  • ကြက်သွန်ဖြူကို အခွံခွာပြီး ရေဆေးကာ ခပ်နုတ်နုတ် လှီးထားပါ
  • ချင်းကို အခွံခွာပြီး ညက်နေအောင် ထောင်းထားပါ
  • စပါးလင် အရင်ပိုင်းကို ရေစင်အောင် ဆေးပေးပြီး ညက်နေအောင် ထောင်းထားပေးပါ
  • စပါလင် အရင်းပိုင်း လေးခုကို ရေဆေးပြီး ထုထားပါ
  • ကျန်နေသော ပါဝင်ပစ္စည်းများကို အဆင်သင့် ပြင်ထားပါ
ချက်ပြုပ်ပုံ
  1. ဇောက်နက်သော အိုးတစ်လုံးကို အပူပေးပြီး နနွင်းမှုန့်နှင့် ဆီတို့ထည့်ပါ
  2. ဆီပူလာတာနဲ့ ကြက်သွန်ဖြူ ကြက်သွန်နီ ချင်း သစ်ဂျပိုးခေါက် ကရဝေးရွက် ဇီယာစေ့ စပါးလင်နှင့် ငရုတ်သီးမှုန့်တို့ထည့်ပြီး အဆက်မပြတ် မွှေပေးကာ မွှေးလာအောင် ဆီသတ်ပေးပါ
  3. ဆီသတ်နံ့ မွှေးပြီး ငရုတ်သီးလေးတွေ မွလာတာနဲ့ ဆိတ်သားများကို ထည့်မွှေပေးပြီး ဆီသတ်ထားပါ
  4. ဆိတ်သားများ မာလာတော့မှ ရေမြုပ်အောင် ထည့်ပြီး အဖုံးအုပ်ကာ တည်ပေးပါ
  5. ပထမတစ်ရည် ခမ်းလာတာနဲ့ နောက်တစ်ရည်ကို ချင့်ချိန်ထည့်ပြီး ရေဆူအောင် ထပ်တည်ပေးပါ
  6. ဆီပြန်တဲ့အထိ တည်ပေးကာ အရသာမြည်းပြီး လိုသလိုပြင်ပေးကာ ဆိတ်သားဟင်း မွှေးမွှေးလေးကို စားပွဲပြင်နိုင်ပါပြီ။

Saturday 13 August 2022

သခွားသီးသုပ်


 


နေ့တော့ သခွားသီး တောသုပ်လေး သုပ်ဖြစ်ပါတယ် သခွားသီးသုပ် သုပ်တဲ့အခါ မာမာကတော့ မာမာ့တို့အမေ သုပ်တဲ့နည်းအတိုင်း ငါးပိရည်ဖျော် ကောင်းကောင်းလေးနဲ့ သုပ်ရတာကို ပိုပြီးတော့ ကြိုက်ပါတယ်။

ဒါကြောင့်မို့လို့ မာမာက ငါးပိရည်ကျိုကို ပုဇွန်ထုတ်မီးကင် ကြက်သွန်ဖြူမီးကင် ငရုတ်သီးစိမ်းမီးကင်လေးတွေနဲ့ ထောင်းပြီး အဖျော်လုပ်ထားပြီး သခွားသီးသုပ်ဖို့ ပြင်ထားပါတယ်။

ဒါကြောင့်မို့လို့ မာမာပြင်ဆင်ပြီး သုပ်ထားတဲ့ ချဉ်ငံစပ် သခွားသီးသုပ် သုပ်နည်းလေးကို မျှဝေပေးလိုက်ပါတယ်ရှင်။

ပါဝင်ပစ္စည်းများ
  1. သခွားသီး အလုံးကြီးကြီး - တစ်လုံး (တစ်ကီလိုခွဲခန့်)
  2. ကြက်သွန်နီ - အနေတော် တစ်လုံး
  3. ပင်စိမ်းရွက် - နှစ်သက်သလောက်
  4. ပုဇွန်ထုတ် - အကောင်ကြီးကြီး ကိုးကောင်
  5. ငါးပိရည်ကျိုပြီးသား - တရုတ်ဟင်းရည်သောက်ပန်းကန် တစ်ဝက်သာသာ
  6. အရသာမှုန့် - လက်ဖက်ရည်ဇွန်း တစ်ဇွန်း
  7. ငရုတ်သီးစိမ်း - မိမိစားနိူင်သလောက်ထည့်ပါ
  8. ကြက်သွန်ဖြူ - အမွှာကြီးကြီး ဆယ်မွှာ
  9. ငရုတ်သီး အလှော်မှုန့် - ထမင်းစားဇွန်း တစ်ဇွန်းခွဲ
  10. သံပုရာသီး - တစ်လုံး
ပြင်ဆင်ပုံ
  • သခွားသီးကို အခွံခွာပြီး အစေ့များ မပါအောင် အပြင်ဖက်မှစပြီး သခွားခြစ်နှင့် ခြစ်ထားပါ
  • အထဲမှ အစေ့များ ပေါ်လာပါက ဆက်မခြစ်တော့ဘဲ ပြစ်လိုက်ပါ
  • ကြက်သွန်နီကို အခွံခွာပြီး အလုံးလိုက် ရေဆေးကာ ခပ်ပါးပါး လှီးထားပါ
  • ပင်စိမ်းရွက်ကို ရေဆေးထားပါ
  • သံပုရာသီးကို ရေဆေးပြီး အစိတ်လေးတွေ စိတ်ထားပါ
  • ပုဇွန်ထုတ်ကို မီးကင်ပြီး အခွံခွာထားပါ
  • ကြက်သွန်ဖြူကို မီးကင်ပြီး အခွံခွာကာ ရေဆေးထားပါ
  • ငရုတ်သီးစိမ်းကို အညှာခြွေပြီး ရေဆေးကာ မီးကင်ထားပါ
  • ငါးငပိရည်ကို ကျိုပေးပြီး အရိုးစစ်ထားပါ
  • အဆင်သင့် ဖြစ်တာနဲ့ ပုဇွန်ထုတ် ကြက်သွန်ဖြူနှင့် ငရုတ်သီးစိမ်းတို့ကို မညက်တညက် အနေအထားရအောင် ထောင်းပေးပါ
  • ပြီးတာနဲ့ ငါးပိရည်ပန်းကန်ထဲကို ငရုတ်သီး အလှော်မှုန့်  ပုဇွန်ထောင်းနှင့် အရသာမှုန့်တို့ထည့်ပြီး ဖျော်ပေးပါ
သခွားသီးသုပ်ပုံ
  • ဇလုံကြီးကြီးထဲမှာ ခြစ်ထားသော သခွားသီး သံပုရာရည် ကြက်သွန်နီ ပင်စိမ်းရွက်နှင့် ငါးပိရည်ဖျော် တို့တို သင့်သလို ထည့်ပေးပြီး အရသာ မျှတအောင် နယ်ပေးပါ
  • ပိုနေသော ငါးပိရည်ဖျော်ပြီးသားကို ထမင်းပွဲမှာ တို့စရာနှင့် တွဲဖက်စားသုံးရန် သိမ်းထားပါ
  • သခွားသီးသုပ် အရသာနယ်ပြီးတာနဲ့ အရသာ မြည်းပေးပြီး မိမိလိုအပ်တဲ့ အရသာ ရလာအောင် ပြင်ပေးပါ
  • ထမင်းပူပူလေးနဲ့ လိုက်ဖက်လွန်းသလို ဒီအတိုင်းစားရင်လဲ အရမ်းကောင်းလွန်းတဲ့ သခွားသီးသုပ် ချဉ်ငံစပ်လေးကို သုံးဆောင်နိူင်ပါပြီ။

Friday 12 August 2022

Chai Seed ဖျော်ရည်

 



ဒီနေ့တော့ မာမာနေ့စဉ် သောက်နေကျ chai seed ဖျော်ရည်လေး ဖျော်ဖြစ်ပါတယ် မာမာကိုယ်တိုင် ဆီးချိုရှိတဲ့အတွက် အစားအသောက်လေးတွေကို လေ့လာပြင်ဆင်ပြီး စားတတ်ပါတယ်။

Chai seed လေးတွေက ဆီးချိုသမားတွေအတွက် အရမ်းသင့်တော်သလို ခန္ဓာကိုယ် ဝခြင်းကိုလဲ ထိမ်းပေးထားနိူင်ပါတယ်။

သူ့ကို ဒီအတိုင်းကြီး သောက်မဲ့အစား အသီးအနှံလေးတွေ ပျားရည်နဲ့ ဒိန်ချဉ်တို့ကာ သောက်သုံးနိူင်တဲ့အတွက် ဒီနေ့တော့ ပျားရည်နဲ့ သံပုရာရည်လေးထည့်ကာ ဖျော်ထားပါတယ်။

ဒါကြောင့်မို့လို့ တစ်နေ့တစ်ခွက် သောက်နိူင်ဖို့ရာအတွက် စိတ်ဝင်စားတဲ့သူတွေ သောက်နိူင်အောင် မျှဝေပေးလိုက်ပါတယ်ရှင်။

ပါဝင်ပစ္စည်းများ
  1. Chai Seed - ထမင်းစားဇွန်း နှစ်ဇွန်း
  2. ပျားရည် - ထမင်းစားဇွန်း တစ်ဇွန်းခွဲ
  3. ရေ - ဖန်ခွက်တစ်ခွက်စာ
  4. ဆား - လက်ဖက်ရည်ဇွန်းဖျား ပါတယ်ဆိုရုံလေး
  5. သံပုရာသီး - တစ်စိတ်
ပြင်ဆင်ပြုလုပ်ပုံ
  • ဖန်ခွက်ထဲမှာ chai seed နှင့် ရေတို့ကို ထည့်ကာ အနည်းဆုံး သုံးနာရီလောက် စိမ်ထားပါ
  • Chai seed များ ပွလာပါက ပျားရည် ဆားနှင့် သံပုရာရည်တို့ကို ထည့်မွှေပေးပါ
  • ပြီးတာနဲ့ မိမိနှစ်သက်သလို နည်းနည်းချင်းဖြစ်စေ တစ်ခါထဲဘဲဖြစ်စေ သောက်သုံးနိူင်ပါပြီ။

Wednesday 10 August 2022

ဂဏန်း အစပ်ကြော်

 










ဒီနေ့တော့ blue crabs လေးတွေ ဝယ်ထားတာ အဆင်သင့် ရှိနေတာနဲ့ တန်ပူရာမှုန့်ကို အရသာစပ်ကာ ဂဏန်းနဲ့လူးကာ ကြော်စားဖြစ်ပါတယ် ဒါကြောင့်မို့လို့ မာမာပြင်ဆင်ပြီး ကြော်ထားတဲ့ နည်းလေးကို မျှဝေပေးလိုက်ပါတယ်ရှင်။

ပါဝင်ပစ္စည်းများ
  1. Blue Crabs - အကောင်ကြီးကြီး နှစ်ကောင်
  2. တန်ပူရာမှုန့် - ထမင်းစားဇွန်း ခြောက်ဇွန်း
  3. နနွင်းမှုန့် - လက်ဖက်ရည်ဇွန်း သုံးပုံတစ်ပုံ
  4. ရေ - လိုသလောက် သုံးပေးပါ
  5. ချင်းမှုန့် - လက်ဖက်ရည်ဇွန်း တစ်ဝက် အရသာနယ်ရန်
  6. ကြက်သွန်ဖြူမှုန့် - လက်ဖက်ရည်ဇွန်း တစ်ဝက် အရသာနယ်ရန်
  7. ငရုတ်ကောင်းမှုန့် - လက်ဖက်ရည်ဇွန်း သုံးပုံတစ်ပုံ အရသာနယ်ရန်
  8. ငရုတ်သီး အရောင်တင်မှုန့် - လက်ဖက်ရည်ဇွန်း တစ်ဇွန်း အရသာမှုန့်
  9. ဆား - လက်ဖက်ရည်ဇွန်း တစ်ဝက် အရသာနယ်ရန်
  10. အရသာမှုန့် - လက်ဖက်ရည်ဇွန်း တစ်ဝက်သာသာ အရသာနယ်ရန်
  11. ဆီ - လိုသလောက် သုံးပေးပါ
  12. ငရုတ်သီးစိမ်း - မိမိနှစ်သက်သလောက်
  13. ကြက်သွန်ဖြူ - အမွှာကြီးကြီး ဆယ်မွှာ
  14. ငရုတ်ကောင်းမှုန့် - အနည်းငယ်
  15. ဆား - အနည်းငယ်
  16. အရသာမှုန့် - အနည်းငယ်
ဂဏန်းသန့်စင်ပုံ
  • ဂဏန်းများကို ရေစင်အောင်ဆေးပြီး ဂဏန်းအပေါ်ခွံကို ခွာပေးပါ
  • ဂဏန်းမှ ပါးဟက်များနှင့် အစာအိတ်များကို ဖယ်ပေးပါ
  • ​ပြီးတာနဲ့ ဂဏန်းတစ်ကောင်ကို လေးပိုင်းပိုင်းပေးပြီး ဂဏန်းလက်များကို ဖဲ့ထားပေးပါ 
ဂဏန်းကြော်ရန်ပြင်ဆင်ပုံ
  • ငရုတ်သီးစိမ်းကို ရေဆေးပြီး မထူမပါးလေးတွေ လှီးထားပါ
  • ကြက်သွန်ဖြူကို အခွံခွာပြီး ရေဆေးကာ ခပ်နုတ်နုတ် လှီးထားပါ
  • ဂဏန်းကြော်ရန် အားလုံးအဆင်သင့် ဖြစ်တာနဲ့ ဇလုံတစ်လုံးထဲမှာ နနွင်းမှုန့် တန်ပူရာမှုန့် ဆား အရသာမှုန့် ချင်းမှုန့် ကြက်သွန်ဖြူမှုန့် ငရုတ်သီး အရောင်တင်မှုန့်နှင့် ငရုတ်ကောင်းမှုန့်တို့ထည့်ကာ အရသာ သမအောင် မွှေပေးပါ
  • ထိုအမှုန့်များထဲကို ရေနည်းနည်းချင်း ထည့်ပေးကာ မုန့်နှစ်ခပ်ပျစ်ပျစ် အနေအထား ရလာအောင် မွှေပေးပါ
  • မုန့်နှစ် ခပ်ပျစ်ပျစ် အနေအထား ရလာတာနဲ့ သန့်စင်ထားသော ဂဏန်းများကို မုန့်နှစ်နှင့် လူးပေးပါ
  • ဇောက်အနည်းငယ် နက်သော ဒယ်အိုးထဲမှာ ဆီကိုခပ်များများလေးထည့်ပြီး အပူပေးပါ
  • ဆီပူလာတာနဲ့ မီးကိုအနေတော် လျှော့ပေးပြီးမှ မုန့်နှစ်လူးထားသော ဂဏန်းများကို အိုးဆန့်သလောက် ထည့်ကြော်ပေးပါ
  • ဂဏန်းကြော်နေစဉ် တစ်ဖက်ကျက်တာနဲ့ နောက်တစ်ဖက်ကို လှန်ပေးပြီး ကြော်ပေးပါ
  • နှစ်ဖက်လုံး ကျက်သွားအောင် ကြော်ပေးပြီးတာနဲ့ ဆယ်ပြီးဆီစစ်ပေးပါ
  • နောက်ထပ် အိုးတစ်လုံးထဲမှာ ဆီထည့်ပြီး အပူပေးပါ
  • ဆီပူလာတာနဲ့ ထိုဆီထဲမှာဘဲ ငရုတ်သီးစိမ်းနှင့် ကြက်သွန်ဖြူ တို့ကို ကြွတ်ရွလာအောင် ကြော်ပေးပါ
  • ကြော်ပြီးတာနဲ့ ဆီစစ်ထားသော ဂဏန်းကြော် ငရုတ်ကောင်းမှုန့် ဆားနှင့် အရသာမှုန့်တို့ ပေါ်မှာ ဖြူးပေးပြီး စားသုံးနိူင်ပါပြီ။

Sunday 7 August 2022

မန်ကျည်းရွက်ပေါင်းထောင်း

 






ဝါတွင်းကာလ သတ်သတ်လွတ် စားဖွယ်ရာလေးတွေ စားရလေအောင် ဒီနေ့တော့ မန်ကျည်းရွက် ပေါင်းပြီးသားလေးကို ထောင်းဖြစ်ပါတယ်။
မန်ကျည်းရွက် နုနုလေးတွေ မရှိတဲ့အတွက် ready made ပေါင်းပြီးသား မန်ကျည်းရွက်နဲ့ဘဲ ထောင်းထားပါတယ် ဒါကြောင့်မို့လို့ မာမာပြင်ဆင်ပြီး ထောင်းထားတဲ့ နည်းလေးကို မျှဝေပေးလိုက်ပါတယ်ရှင်။

ပါဝင်ပစ္စည်းများ
  1. မန်ကျည်းရွက်ပေါင်းပြီးသား - 450 g
  2. မြေပဲလှော် - ထမင်းစားဇွန်း သုံးဇွန်း
  3. ဆား - လက်ဖက်ရည်ဇွန်း တစ်ဝက်
  4. အရသာမှုန့် - လက်ဖက်ရည်ဇွန်း တစ်ဝက်သာသာ
  5. ကြက်သွန်ဖြူ - အမွှာကြီးကြီး ကိုးမွှာ
  6. ငရုတ်သီးစိမ်း - မိမိစားနိူင်သလောက်
  7. ပဲဆီ - လိုသလောက် ဆမ်းပေးပါ
ပြင်ဆင်ပုံ
  • မန်ကျည်းရွက်ပေါင်းကို ပုလင်းထဲမှ ထုတ်ပြီး ရေစစ်ကာ အဆင်သင့် ပြင်ထားပါ
  • ကြက်သွန်ဖြူကို အခွံခွာပြီး ရေဆေးထားပါ
  • ငရုတ်သီးစိမ်းကို အညှာခြွေပြီး ရေဆေးထားပါ
  • အားလုံးအဆင်သင့် ဖြစ်တာနဲ့ မန်ကျည်းရွက်ပေါင်း ဆား အရသာမှုန့် ငရုတ်သီးစိမ်းနှင့် မြေပဲလှော်တို့ကို ငရုတ်ဆုံထဲထည့်ပြီး ညက်နေအောင် ထောင်းပေးပါ
  • ထောင်းထားတာတွေ ညက်လာတာနဲ့ ပန်းကန်ထဲ ပြောင်းထည့်ပေးကာ ပဲဆီမွှေးမွှေးလေး ဆမ်းပေးပြီး သုံးဆောင်နိူင်ပါပြီ။

Saturday 6 August 2022

ပုဇွန်ကျား အချိုကြော်

 



ဒီနေ့တော့ ပုဇွန်အချိုကြော်လေး ကြော်ပါတယ် ရေငံပုဇွန်တို့ရဲ့ထုံးစံအတိုင်း ပုဇွန်အနံ့က ရေချိုပုဇွန်တို့ထက် အနံ့နဲနဲ ပိုပြင်းပါတယ် အဲဒီအနံ့ကို ပျောက်အောင်လို့ ပုဇွန်ထုတ်ကို သံပုရာရည်နဲ့ အရင်ဆုံး နယ်ပြီးဆေးရသလို ကြော်တဲ့အခါမှာလဲ  ငါးငံပြာရည်နဲ့ ကြက်သွန်ဖြူကူမှ ပုဇွန်ရဲ့ အညှီနံ့ ကင်းပါတယ်။

မကြော်ခင်မှာ ပုဇွန်ကို အခွံခွာ ပြီးတာနဲ့ သုံရာရည်နဲ့ အရင်ဆုံး နယ်ပေးပြီးမှ ကြောခွဲပြီး အမဲကြောင်းထုတ်ကာ သန့်ရှင်းအောင် အရင်ဆုံးလုပ်ပေးရပါတယ်။

ပြီးမှ ကင်းမွန်ငံပြာရည်ကို အဓိထားပြီးထဲ့ကာ အရသာတွေနဲ့နယ်ပြီး ဆယ်မိနစ်လောက် နှပ်ထားပြီးမှကြော်ပေးတာ အကောင်းဆုံးပါ အဲဒါမှရေငံပုဇွန်ရဲ့ အနံ့ပျောက်နိုင်ပါတယ်။

ဒါကြောင့်မို့လို့ မာမာပြင်ဆင်ပြီး ကြော်ထားတဲ့ ပုဇွန်ကျား ပုဇွန်ထုတ် ကြော်တဲ့ ကြော်နည်းလေးကို မျှဝေပေးလိုက်ပါတယ်ရှင်။

ပါ၀င်ပစ္စည်းများ
  1. ပုဇွန်ထုတ် - အကောင်ကြီးကြီး နှစ်ကောင်
  2. ကင်းမွန်ငံပြာရည် - ထမင်းစားဇွန်း တစ်ဇွန်းခွဲ
  3. သံပုရာရည် - ထမင်းစားဇွန်း သုံးဇွန်း (ပုဇွန်အညှီဓါတ်ပျောက်အောင်ဆေးရန်)
  4. နနွင်းမှုန့် - လက်ဖက်ရည်ဇွန်း သုံးပုံတစ်ပုံ
  5. အရသာမှုန့် - လက်ဖက်ရည်ဇွန်း တစ်၀က်သာသာ
  6. ကြက်သွန်နီ - အလုံးကြီးကြီး တစ်လုံး
  7. ကြက်သွန်ဖြူ - အမွှာကြီးကြီး သုံးမွှာ
  8. ဆီ - ထမင်းစားဇွန်း ဆယ်ဇွန်း
ပြင်ဆင်ချက်ပြုပ်ပုံ
  • ပုဇွန်ကို ရေဆေးပြီး မလိုသော အရာများဖယ်ပြီး သန့်စင်ထားပေးပါ
  • ပြီးတာနဲ့ သံပုရာရည်နှင့် နယ်ပေးကာ ငါးမိနစ်လောက် နှပ်ထားပြီးမှ ရေဆေးပေးပါ
  • သန့်စင်ထားသော ပုဇွန်ကို နနွင်း အရသာမှုန့် ငါးငံပြာရည်တို့နဲ့နယ်ပြီး အရသာ၀င်အောင် ငါးမိနစ်လောက် နှပ်ထားပေးပါ
  • ကြက်သွန်နီကို အခွံခွာပြီး အလုံးလိုက် ရေဆေးကာ ခပ်ပါးပါး လှီးထားပါ
  • ကြက်သွန်ဖြူကို အခွံခွာပြီး ရေဆေးကာ ဓါးပြားရိုက်ထားပါ
  • လိုအပ်တာတွေ ပြင်ပြီးပါက ဒယ်အိုးထဲ ဆီနှင့်နနွင်းမှုန့်တို့ထည့်ကာ ဆီကိုအပူပေးပါ
  • ဆီပူလာပါက ကြက်သွန်နီနှင့် ကြက်သွန်ဖြူကို အနည်းငယ် ပျော့လာတဲ့အထိ ကြော်ပေးပါ
  • ကြက်သွန်များ ပျော့သွားတာနဲ့  ပုဇွန်အရသာနယ်ကို ၄မိနစ်လောက် ထည့်ကြော်ပေးပါ
  • ပုဇွန်ထုတ်က အကောင်ကြီးတဲ့အတွက် အသားထဲအထိ ကျက်စေရန် ရေအနည်းငယ်ထည့်ကာ အဖုံးအုပ်ပြီး တည်ပေးပါ
  • ပုဇွန်အချိုကြော် ကျက်ပြီ ဆိုတာနဲ့ အရသာမြည်းပြီး လိုသလိုပြင်ပေးကာ မီးပိတ်ပေးနိုင်ပါပြီ။

Friday 5 August 2022

ဝက်နားရွက်သုပ် (ဒုတိယနည်း)

 




ဒီနေ့တော့ ဝက်နားရွက်လေးတွေ ဝယ်လာဖြစ်တာနဲ့ ချဉ်ငံစပ်လေး သုပ်ဖြစ်ပါတယ် အရင်ရက်က ဝက်နားရွက်ကို အစိမ့်သုပ်တဲ့ အသုပ် သုပ်နည်း တစ်နည်းကို တင်ပေးထားပါတယ်။

ဒီနေ့ကတော့ အရမ်းစပ်ပြီး စားလို့ပိုကောင်းကာ အရသာ ပြည့်စုံလွန်းတဲ့ အသုပ်သုပ်နည်း နောက်တစ်နည်းကို အရမ်းသပ်တဲ့ ငရုတ်ဆီနဲ့ သုပ်ထားပါတယ်။

စားလို့အရမ်းကောင်းတဲ့အတွက် မာမာပြင်ဆင်ပြီး သုပ်ထားတဲ့ အသုပ်သုပ်နည်း နောက်တစ်နည်းကို ထပ်မံပြီး မျှဝေပေးလိုက်ပါတယ်ရှင်။


ပါဝင်ပစ္စည်းများ

  1. ဝက်နားရွက် - 
  2. ဗီနီကာ - 
  3. ဆား  - 
  4.  ချင်း - 


ဝက်နားရွက်ပြုပ်ပုံ

  • ဝက်နားရွက်ကို ရေဆေးပြီး ဆား အရသာမှုန့်နှင့် ဗနီကာတို့ထည့်ကာ နယ်ထားပါ
  • ချင်းကိုအခွံခွာပြီး ရေဆေးကာ ထောင်းထားပါ
  • ပြီးတာနဲ့ အိုးထဲမှာ ထောင်းထားသော ချင်းကိုထည့်ပြီး ပြုပ်ပေးပါ
  • ရေများ ပွက်ပွက်ဆူလာပါက အရသာ နယ်ထားသော ဝက်နားရွက်များကို ထည့်ပြုပ်ပေးပါ
  • ဝက်နားရွက်များ နူးလာပါက ဆယ်ပြီးရေစစ်ထားပါ။
အသုပ်သုပ်ရန် ပါဝင်ပစ္စည်းများ
  1. ဝက်နားရွက်
  2. အရသာမှုန့်
  3. ငါးငံပြာရည်
  4. ငရုတ်ဆီ
  5. ဂေါ်ဖီ
  6. ကြက်သွန်နီ 
  7. ကြက်သွန်ဖြူ 
  8. ခရမ်းချဥ်သီး
  9. သခွားသီး 
  10. နံနံပင်
  11. သံပုရာသီး
  12. ငရုတ်သီးစိမ်း

အသုပ်သုပ်ရန် ပြင်ဆင်ပုံ

  • ရေစစ်ထားသော ဝက်နားရွက်များကို မထူမပါးလေးတွေ လှီးထားပါ
  • ငရုတ်ဆီ အရသာမှုန့်နှင့် ငါးငံပြာရည်တို့ကို အဆင်သင့် ပြင်ထားပါ
  • ဂေါ်ဖီကို ရေဆေးပြီး ခပ်ပါးပါးလေးတွေ လှီးထားပါ
  • ကြက်သွန်နီကို အခွံခွာပြီး ရေဆေးကာ ခပ်ပါးပါးလေးတွေ လှီးထားပါ
  • ကြက်သွန်ဖြူကို အခွံခွာပြီး ရေဆေးကာ ဓါးပြားရိုက်ထားပါ
  • ခရမ်းချဉ်သီးကို ရေဆေးပြီး မထူမပါးလေးတွေ လှီးထားပါ
  • သခွားသီးကို ရေဆေးပြီး မထူမပါးလေးတွေ လှီးထားပါ
  • နံနံပင်ကို ရေဆေးပြီး မထူမပါးလေးဆွေ လှီးထားပါ
  • သံပုရာသီးကို ရေဆေးပြီး ထက်ဝက်ခြမ်းထားပါ
  • ငရုတ်သီးစိမ်းကို ရေဆေးပြီး ဓါးပြားရိုက်ထားပါ
အသုပ်သုပ်ပုံ
  • ဇလုံတစ်လုံးထဲမှာ ဝက်နားရွက် ငရုတ်ဆီ ဂေါ်ဖီ ကြက်သွန်နီ ကြက်သွန်ဖြူ သခွားသီး ခရမ်းချဉ်သီး နံနံပင်နှင့် ငရုတ်သီးစိမ်းတို့ ထည့်ပေးပါ
  • ပြီးတာနဲ့ ငါးငံပြာရည်နှင့် အရသာမှုန့်တို့ထည့်ကာ  သံပုရာရည်ညှစ်ပြီး နယ်ပေးပါ
  • အရသာ သမအောင် နယ်ပြီးတာနဲ့ အရသာ မြည်းပေးကာ မိမိနှစ်သက်တဲ့ အရသာ ရလာအောင် ပြင်ပေးပါ
  • အရသာ သမသွားတာနဲ့ အရမ်းစပ်ပြီး စားလို့ကောင်းလွန်းတဲ့ ဝက်ခေါင်းသုပ်ကို စားသုံးရန် ပြင်ပေးနိူင်ပါပြီ။

Thursday 4 August 2022

ဝက်သား ပုန်းရည်ကြီးဟင်း

 


မာမာ ဒီနေ့တော့ ဝက်သားနဲ့ ပုန်းရည်ကြီးကို ချက်ဖြစ်ပါတယ် ပုန်းရည်ကြီး အရသာ ချဉ်ဖြုံ့ဖြုံ့လေးရယ် အနံ့မွှေးမွှေးလေးရယ်ကြောင့် အင်မတန်မှ စားလို့ကောင်းတဲ့ ဟင်းတစ်မျိုး ဖြစ်တဲ့အတွက် မာမာပြင်ဆင်ပြီး ချက်ထားတဲ့ နည်းလေးကို မျှဝေပေးလိုက်ပါတယ်ရှင်။

ပါဝင်ပစ္စည်းများ

  1. ဝက်သား - 500 g
  2. ပုန်းရည်ကြီး - ထမင်းစားဇွန်း ငါးဇွန်း
  3. ရေ - လက်ဖက်ရည်ပန်းကန် နှစ်လုံးစာ (ပုန်းရည်ကြီးဖျော်ရန်)
  4. နနွင်းမှုန့် - လက်ဖက်ရည်ဇွန်း တစ်ဝက်
  5. ဆား - လက်ဖက်ရည်ဇွန်း တစ်ဇွန်း
  6. သကြား - ထမင်းစားဇွန်း နှစ်ဇွန်း
  7. အရသာမှုန့် - လက်ဖက်ရည်ဇွန်း တစ်ဇွန်း
  8. ကြက်သွန်နီ -  အနေတော် သုံးလုံး
  9. ဆီ - ထမင်းစားဇွန်း ငါးဇွန်း
  10. ရေ - လိုသလောက် သုံးပေးပါ
ပြင်ဆင်ချက်ပြုပ်ပုံ
  • ဝက်သားကို ရေစင်အောင်ဆေးပြီး အနေတော် အတုံးလေးတွေ တုံးထားပါ
  • ပြီးတာနဲ့ ဆား သကြားနှင့် အရသာမှုန့်တို့ထည့်ပြီး အရသာဝင်အောင် နယ်ထားပါ
  • ကြက်သွန်နီကို အခွံခွာပြီး ရေဆေးကာ မထူမပါးလေးတွေ လှီးထားပါ
  • ပုန်းရည်ကြီးကို ရေနှင့်ဖျော်ထားပါ
  • အားလုံးအဆင်သင့် ဖြစ်တာနဲ့ အိုးထဲမှာ ဆီနှင့်နနွင်းမှုန့်တို့ထည့်ကာ အပူပေးပါ
  • ဆီပူလာတာနဲ့ မီးကိုအနည်းငယ် လျှော့ပေးကာ ဝက်သားကို ထည့်မွှေပေးပါ
  • ဝက်သားထည့်ပြီးတာနဲ့ ဟိုဘက်ဒီဘက် လှန်ပေးကာ အသားများ မာတင်းလာတဲ့အထိ လှန်ပေးပါ
  • အသားများ တင်းလာပါက ရေမြုပ်အောင်ထည့်ပြီး အိုးအဖုံးအုပ်ကာ တည်ပေးပါ
  • ဟင်းအိုးထဲမှ ရေမခမ်းခင် အသား နူး မနူး စမ်းကြည့်ပါ 
  • အသား မနူးသေးပါက ရေထပ်ထည့်ပြီး ဆက်တည်ပေးပါ
  • အသား နူးလာပါက အရည်ဖျော်ထားသော ပုန်းရည်ကြီးနှင့် ကြက်သွန်များကို ထည့်ပေးပါ
  • ပြီးတာနဲ့ အိုးအဖုံးအုပ်ကာ တည်ပေးပါ
  • ရေမခမ်းခင် အရသာမြည်းပြီး မိမိစိတ်ကြိုက် အရသာ ရလာအောင် ပြင်ပေးပါ
  • ဟင်းအနှစ်လဲ တော်တော်လေး ပြစ်လာပြီး ဝက်သားများလဲ နူးအိလာပြီ ဆိုရင်တော့ ဝက်သားပုန်းရည်ကြီးဟင်းကို စားသုံးလို့ ရပါပြီ။

Wednesday 3 August 2022

ဝက်သား ကင်မ်ချီဟင်း



မာမာဒီနေ့တော့ အိမ်မှာဝယ်ထားတဲ့ ဝက်သားလက်ကျန်လေးကို ကင်မ်ချီနဲ့ ဆီလည်ရေလည်လေး ချက်ဖြစ်ပါတယ် ကင်မ်ချီထဲမှာ ချဉ်ငံစပ် အကုန်ပါပြီးသား ဖြစ်တဲ့အတွက် ဝက်သားရဲ့ အရသာကို ပိုပြီးပေါ်လွင်သလို အအီပြေပြီး ချဉ်ဖြုန့်ဖြုန့်လေးနဲ့ စားလို့ကောင်းတဲ့အတွက် မာမာပြင်ဆင်ပြီး ချက်ထားတဲ့ နည်းလေးကို မျှဝေပေးလိုက်ပါတယ်ရှင်။

ပါဝင်ပစ္စည်းများ

  1. ဝက်သား - 500 g
  2. နနွင်းမှုန့် - လက်ဖက်ရည်ဇွန်း သုံးပုံတစ်ပုံ
  3. ဆား - လက်ဖက်ရည်ဇွန်း တစ်ဇွန်း
  4. သကြား - ထမင်းစားဇွန်း နှစ်ဇွန်း
  5. ကင်မ်ချီ - ဟင်းပြင်ပန်းကန် အသေး တစ်လုံးစာ
  6. အရသာမှုန့် - လက်ဖက်ရည်ဇွန်း တစ်ဝက်
  7. ကြက်သွန်ဖြူ - အမွှာကြီးကြီး ငါးမွှာ
  8. ကြက်သွန်နီ - အနေတော် နှစ်လုံး
  9. ဆီ - ထမင်းစားဇွန်း ၇ဇွန်း
ပြင်ဆင်ချက်ပြုပ်ပုံ
  • အရင်ဆုံး ဝက်သားကို အတုံးလိုက် ရေဆေးပြီးမှ အနေတော် အတုံးလေးတွေ တုံးထားပါ
  • အတုံးလေးတွေ တုံးပြီးတာနဲ့ ဆား သကြား အရသာမှုန့်နှင့် နနွင်းမှုန့်တို့ထည့်ကာ အရသာဝင်အောင် နယ်ပေးထားပါ
  • ကြက်သွန်ဖြူကို အခွံခွာပြီး ရေဆေးကာ ညက်နေအောင် ထောင်းထားပါ
  • ကြက်သွန်နီကို အခွံခွာပြီး ရေဆေးကာ ညက်နေအောင် ထောင်းထားပါ
  • ကင်မ်ချီကို အဆင်သင့် ပြင်ထားပါ
  • အားလုံးအဆင်သင့် ဖြစ်တာနဲ့ ပါဝင်ပစ္စည်းများကို ပြင်ထားပါ
  • အိုးတစ်လုံးထဲမှာ ဆီထည့်ပြီး အပူပေးပါ
  • ဆီပူလာတာနဲ့ ထောင်းထားသော ကြက်သွန်ဖြူ ကြက်သွန်နီတို့ကို ထည့်ကြော်ပေးပါ
  • ကြက်သွန်များ မွလာတာနဲ့ အရသာ နယ်ထားသော ဝက်သားကို ထည့်မွှေပေးပါ
  • ဝက်သားအပေါ်ယံများ မာတင်းလာတဲ့အထိ မွှေပေးပါ
  • ပြီးတာနဲ့ ဝက်သားကို ရေမြုပ်တဲ့အထိ ထည့်ကာ မီးအနည်းငယ် လျှော့ပေးပြီး အဖုံးအုပ်ကာ တည်ပေးပါ
  • အိုးထဲမှ ရေမခမ်းခင် အသား နူး မနူးကို စမ်းကြည့်ပါ
  • အသားမနူးသေးပါက ရေထပ်ထည့်ပြီး ဆက်တည်ပေးပါ
  • နောက်ထပ်ထည့်ထားသော ရေမခမ်းသေးခင် ကင်မ်ချီကို ထည့်ပြီး မွှေပေးကာ အိုးအဖုံးအုပ်ပြီး တည်ပေးပါ
  • ရေမခမ်းခင် အချိန်လေးမှာ အရသာအတွက် မိမိစိတ်ကြိုက် အရသာ ရလာအောင် ပြင်ပေးပါ
  • အိုးထဲမှ ရေမခမ်းခင် မီးပိတ်ပေးပြီးပါက ချဉ်ဖြုန့်ဖြုန့်လေးနဲ့ စားလို့ကောက်းတဲ့ ဝက်သား ကင်မ်ချီဟင်းလေး ရပါပြီ။

Tuesday 2 August 2022

ဝက်သား မရမ်းသီးဟင်း

 



မာမာ ဒီနေ့တော့ အဆီနဲ့အသား တစ်ထပ်စီပါတဲ့ ဝက်သားကို မရမ်းသီးခြောက်လေးတွေနဲ့ ချက်ပါတယ် အဆီတစ်ထပ် အသားတစ်ထပ်မို့လို့ အီတာကြောက်တဲ့ သူတွေအတွက် အီကောင်းအီနိူင်ပါတယ်။

ဒါပေမဲ့ မရမ်းပြားရဲ့ အချဉ်ဓါတ်နဲ့ အအီပြေအောင် ချက်မှာဖြစ်တဲ့အတွက် အအီကို ပြေစေပါတယ် ဒါကြောင့်မို့လို့ မာမာပြင်ပြီး ချက်ထားတဲ့ နည်းလေးကို မျှဝေပေးလိုက်ပါတယ်ရှင်။

ပါဝင်ပစ္စည်းများ

  1. ဝက်သား - သုံးထပ်သား 500 g
  2. မရမ်းသီးခြောက် - ဆယ့်လေးခုခန့်
  3. နနွင်းမှုန့် - လက်ဖက်ရည်ဇွန်း သုံးပုံတစ်ပုံ
  4. ဆား - လက်ဖက်ရည်ဇွန်း တစ်ဇွန်း
  5. သကြား - ထမင်းစားဇွန်း နှစ်ဇွန်း
  6. အရသာမှုန့် - လက်ဖက်ရည်ဇွန်း တစ်ဝက်
  7. ကြက်သွန်ဖြူ - အမွှာကြီးကြီး ငါးမွှာ
  8. ကြက်သွန်နီ - အနေတော် နှစ်လုံး
  9. ပဲငံပြာရည် - ထမင်းစားဇွန်း နှစ်ဇွန်း
  10. နေကြာဆီ - ထမင်းစားဇွန်း ၇ဇွန်း
ပြင်ဆင်ချက်ပြုပ်ပုံ
  • အရင်ဆုံး ဝက်သားကို အတုံးလိုက် ရေဆေးပြီးမှ အနေတော် အတုံးလေးတွေ တုံးထားပါ
  • အတုံးလေးတွေ တုံးပြီးတာနဲ့ ဆား သကြား အရသာမှုန့်နှင့် နနွင်းမှုန့်တို့ထည့်ကာ အရသာဝင်အောင် နယ်ပေးထားပါ
  • မရမ်းပြားခြောက်ကို ရေမြုပ်အောင်ထည့်ပြီးတစ်နာရီခန့် စိမ်ထားပါ
  • ကြက်သွန်ဖြူကို အခွံခွာပြီး ရေဆေးကာ ညက်နေအောင် ထောင်းထားပါ
  • ကြက်သွန်နီကို အခွံခွာပြီး ရေဆေးကာ ညက်နေအောင် ထောင်းထားပါ
  • အားလုံးအဆင်သင့် ဖြစ်တာနဲ့ ပါဝင်ပစ္စည်းများကို ပြင်ထားပါ
  • အိုးတစ်လုံးထဲမှာ ဆီထည့်ပြီး အပူပေးကာ ဆီပူလာတာနဲ့ ထောင်းထားသော ကြက်သွန်နီနှင့်ကြက်သွန်ဖြူကို ထည့်ကြော်ပေးပါ
  • ကြက်သွန်များ မွလာတာနဲ့ အရသာ နယ်ထားသော ဝက်သားကို ထည့်မွှေပေးပါ
  • ဝက်သားအပေါ်ယံများ မာတင်းလာတဲ့အထိ တည်ပေးပါ 
  • ပြီးတာနဲ့ ဝက်သားကို ရေမြုပ်တဲ့အထိ ထည့်ပေးပါ
  • မရမ်းသီး အခြောက်ကို သုံးမှာဖြစ်တဲ့အတွက် ပထမတစ်ရည် စထည့်ထဲက ရေစိမ်ထားတဲ့ မရမ်းခြောက်များကို ထည့်တည်ပေးပါ
  • ရေနှင့်မရမ်းခြောက် ထည့်ပြီးတာနဲ့ မီးအနည်းငယ် လျှော့ပေးပြီး အဖုံးအုပ်ကာ တည်ပေးပါ
  • အိုးထဲမှ ရေမခမ်းခင် ဝက်သားနူး မနူး စမ်းကြည့်ပြီး မနူးသေးပါက ရေထပ်ထည့်ကာ  ဆက်တည်ပေးပါ
  • နောက်ထပ်ထည့်ထားသော ရေမခမ်းခင် အရသာ မြည်းပေးပါ
  • အရသာအတွက် မိမိစိတ်ကြိုက် အရသာ ရလာအောင် ပြင်ပေးပြီးတာနဲ့ အိုးကို အဖုံးအုပ်ပြီး ပြန်တည်ထားပါ
  • အိုးထဲမှ ရေများခမ်းလာပြီး မရမ်းပြားများလဲနူး ဝက်သားလဲ နူးအိလာလာကာ ဟင်းအိုးဆီပြန်လာရင်တော့ ဝက်သားမရမ်းပြားဟင်းလေး ရပါပြီ။

Monday 1 August 2022

ဝက်နားရွက်သုပ် (ပထမနည်း)

 








ဒီနေ့တော့ ဝက်နားရွက်လေးတွေ ဝယ်လာဖြစ်တာနဲ့ ချဉ်ငံစပ်လေး သုပ်ဖြစ်ပါတယ် စားလို့အရမ်းကောင်းတဲ့အတွက် မာမာပြင်ဆင်ပြီး သုပ်ထားတဲ့ အသုပ်သုပ်နည်းလေးကို မျှဝေပေးလိုက်ပါတယ်ရှင်။

ပါဝင်ပစ္စည်းများ

  1. ဝက်နားရွက် - နှစ်ခု
  2. ဗီနီကာ - ထမင်းစားဇွန်း နှစ်ဇွန်း
  3. ဆား  - လက်ဖက်ရည်ဇွန်း တစ်ဇွန်း
  4.  ချင်းတက် - လက်တစ်ဆစ်ခန့် 

ဝက်နားရွက်ပြုပ်ပုံ

  • ဝက်နားရွက်ကို ရေဆေးပြီး ဆား အရသာမှုန့်နှင့် ဗနီကာတို့ထည့်ကာ နယ်ထားပါ
  • ချင်းကိုအခွံခွာပြီး ရေဆေးကာ ထုထားပါ
  • ပြီးတာနဲ့ အိုးထဲမှာ ထုထားသော ချင်းကိုထည့်ပြီး ပြုပ်ပေးပါ
  • ရေများ ပွက်ပွက်ဆူလာပါက အရသာ နယ်ထားသော ဝက်နားရွက်များကို ထည့်ပြုပ်ပေးပါ
  • မိနစ်နှစ်ဆယ်လောက် ပြုပ်ပေးပါက ဝက်နားရွက်များ နူးလာတာနဲ့ ဆယ်ပြီးရေစစ်ထားပါ။
အသုပ်သုပ်ရန် ပါဝင်ပစ္စည်းများ
  1. ဝက်နားရွက်
  2. အရသာမှုန့်
  3. ငါးငံပြာရည်
  4. ဂေါ်ဖီ
  5. ကြက်သွန်နီ 
  6. ကြက်သွန်ဖြူ 
  7. ခရမ်းချဥ်သီး
  8. သခွားသီး 
  9. နံနံပင်
  10. သံပုရာသီး
  11. ငရုတ်သီးစိမ်း

အသုပ်သုပ်ရန် ပြင်ဆင်ပုံ

  • ရေစစ်ထားသော ဝက်နားရွက်များကို မထူမပါးလေးတွေ လှီးထားပါ
  • အရသာမှုန့်နှင့် ငါးငံပြာရည်တို့ကို အဆင်သင့် ပြင်ထားပါ
  • ဂေါ်ဖီကို ရေဆေးပြီး ခပ်ပါးပါးလေးတွေ လှီးထားပါ
  • ကြက်သွန်နီကို အခွံခွာပြီး ရေဆေးကာ ခပ်ပါးပါးလေးတွေ လှီးထားပါ
  • ကြက်သွန်ဖြူကို အခွံခွာပြီး ရေဆေးကာ ဓါးပြားရိုက်ထားပါ
  • ခရမ်းချဉ်သီးကို ရေဆေးပြီး မထူမပါးလေးတွေ လှီးထားပါ
  • သခွားသီးကို ရေဆေးပြီး မထူမပါးလေးတွေ လှီးထားပါ
  • နံနံပင်ကို ရေဆေးပြီး မထူမပါးလေးတွေ လှီးထားပါ
  • သံပုရာသီးကို ရေဆေးပြီး ထက်ဝက်ခြမ်းထားပါ
  • ငရုတ်သီးစိမ်းကို ရေဆေးပြီး ဓါးပြားရိုက်ထားပါ
အသုပ်သုပ်ပုံ
  • ဇလုံတစ်လုံးထဲမှာ ဝက်နားရွက် ဂေါ်ဖီ ကြက်သွန်နီ ကြက်သွန်ဖြူ သခွားသီး ခရမ်းချဉ်သီး နံနံပင်နှင့် ငရုတ်သီးစိမ်းတို့ကို သင့်သလို ထည့်ပေးပါ
  • ပြီးတာနဲ့ ငါးငံပြာရည်နှင့် အရသာမှုန့်တို့ထည့်ကာ  သံပုရာရည်ညှစ်ပြီး နယ်ပေးပါ
  • အရသာ သမအောင် နယ်ပြီးတာနဲ့ အရသာ မြည်းပေးကာ မိမိနှစ်သက်တဲ့ အရသာ ရလာအောင် ပြင်ပေးပါ
  • အရသာ သမသွားတာနဲ့ ချဉ်ငံစပ် ဝက်ခေါင်းသုပ်လေးကို ထမင်းပူပူလေးနဲ့ စားသုံးရန် ပြင်ပေးနိူင်ပါပြီ။