ဒီနေ့တော့ ကြာဇံကြီးဖတ်လေးတွေ ဝယ်လာဖြစ်တာနဲ့ သတ်သတ်လွတ် အုန်းနို့ ကြာဇံကြီး စားချင်သူတွေအတွက် အရမ်းကိုအဆင်ပြေလွန်းတဲ့ ပဲပြားဆီသတ် အုန်းနို့ ကြာဇံကြီး ချက်စားဖြစ်ပါတယ်။
မာမာ့သမီးလေး စားရအောင် ချက်လိုက်ပြီး အသားမပါဘဲ သတ်သတ်လွတ်လေး ချက်ဖြစ်ပေမဲ့ စားလို့ကောင်းလွန်းလို့ မာမာပြင်ဆင်ပြီး ချက်ထားတဲ့ ဒီနည်းလေးကို မျှဝေပေးလိုက်ပါတယ်ရှင်။
ပါဝင်ပစ္စည်းများ
- နန်းကြီးဖတ်အစို - ၇ဆယ်သား
- ကုလားပဲ အစိမ်းမှုန့် - ထမင်းပေါင်းအိုး ဆန်ချင်ဗူး တစ်ဗူး
- ပဲပြား - ၂တုံး
- ကြက်သွန်နီ - အလုံးကြီးကြီး နှစ်ဥ (ပဲပြားဆီသတ်ရန်)
- ကြက်သွန်ဖြူ - အမွှာကြီးကြီး ၄ မွှာ (ပဲပြားဆီသတ်ရန်)
- ကြက်သွန်နီ - အလုံးသေး ၇ ဥ (ဟင်းရည်အိုးထဲထည့်ရန်)
- ကြက်သွန်နီ - အလုံးကြီးကြီး နှစ်ဥ (မုန့်ပွဲပြင်သည့်အထဲ ထည့်ရန်)
- အုန်းဆီ ချက်ပြီးသား - ထမင်းစားဇွန်း ၅ဇွန်းသာသာ
- ငရုတ်သီး အရောင်တင်မှုန့် - လက်ဖက်ရည်ဇွန်း တစ်ဇွန်းသာသာ (ဆီသတ်ရန်)
- ဆား - ထမင်းစားဇွန်း တစ်ဇွန်းခွဲ (အငံစားပါက ပိုထဲ့ပေးပါ)
- နနွင်းမှုန့် - လက်ဖက်ရည်ဇွန်း လေးပုံတစ်ပုံ
- အရသာမှုန့် - လက်ဖက်ရည်ဇွန်း တစ်ဝက်
- သကြား - ထမင်းစားဇွန်း တစ်ဇွန်းခွဲ
- ခေါက်ဆွဲဖတ် သို့မဟုတ် နန်းကြီးဖတ် - 1500 g
- ဆီ - ထမင်းစားဇွန်း ၅ဇွန်း (အုန်းဆီချက်ရန်)
- ဆီ - ထမင်းစားဇွန်း ၅ဇွန်း ပဲပြားဆီသတ်ရန်) )
- ဘဲဥ - သို့မဟုတ် ကြက်ဥ ၅လုံး (ပြုပ်ပြီးအခွံခွာထားပါ)
- သံပုရာသီး - လိုသလောက် သုံးပေးပါ
- နံနံပင် - လိုသလောက် သုံးပေးပါ
- ပဲပြားကို ရေဆေးပြီး အနေတော် အတုံးလေးများ ရအောင် လှီးထားပါ
- ကြက်သွန်နီ အလုံးကြီးနှစ်လုံးကို အခွံခွာပြီး ရေဆေးကာ ခပ်ပါးပါး လှီးထားပါ
- ကြက်သွန်ဖြူကို အခွံခွာပြီး ရေေေးကာ ခပ်နုတ်နုတ် လှီးထားပါ
- ပြီးတာနဲ့ ကြက်သွန်နီ ကြက်သွန်ဖြူနှင့် ငရုတ်သီး အရောင်တင်မှုန့်တို့ကို ညက်နေအောင် ထောင်းထားပါ
- အားလုံးအဆင်သင့် ဖြစ်တာနဲ့ ဒယ်အိုးထဲမှာ ဆီထဲ့ပြီး အပူပေးကာ အပူပေးပါ
- ဆီပူလာတာနဲ့ နနွင်းမှုန့် ကြက်သွန်နီ ကြက်သွန်ဖြူ ငရုတ်သီးထောင်းတို့ကို နွမ်းအောင်ထည့်ကြော်ပေးပါ
- ကြက်သွန်များ နွမ်းပါက လှီးထားသော ပဲပြားနှင့် ဆားကို ထည့်ပြီး မွှေးလာအောင် မွှေပေးပါ
- ငရုတ်သီးနံ့မွှေးလာပြီး ဆီပြန်လာပါက ရပါပြီ။
အုန်းဆီချက်ရန်
- အုန်းသီးကို သုံးပါက အုန်းသီးကို ခြစ်နဲ့ခြစ်ပြီး အုန်းသီးမှုန့်များကို ရေနွေးပူပူလေး နဲနဲခြင်းလောင်းပြီး နယ်ပါ
- ရေနွေးကို နည်းနည်းခြင်းဘဲ ထည့်ပြီးနယ်လိုက် အရည်ယူလိုက် လုပ်ပါ
- ရေအရမ်းများစေရန် သတိထားပြီးနယ်ပါ
- ရေများပါက အုန်းဆီချက်လျှင် ကြာတတ်ပါတယ်
- အုန်းနို့များ ထွက်လာပါက အဖတ်များ မပါအောင် အ၀တ်ပါးထဲ ထည့်ပြီး ညှစ်ချပါ
- ရလာသော အုန်းနို့ကို ဆီထမင်းစားဇွန်း ၅ဇွန်းခန့်ထည့်ပြီး အုန်းဆီဖတ်လေး ရတဲ့အထိ အုန်းဆီချက်ပေးထားပါ
- Ready made အုန်းနို့ဗူးကို သုံးပါက အုန်းနို့ကို အိုးထဲပြောင်းထည့်ပြီး ဆီထမင်းစားဇွန်း ၅ဇွန်းထည့်ပြီး အုန်းဆီဖတ်လေးများ ရတဲ့အထိ ချက်ပေးပြီး ပန်းကန်ထဲ ပြောင်းထည့်ထားပါ။
ဟင်းရည်ချက်ရန်
- ဇောက်နက်သော အိုးထဲမှာ ကုလားပဲ အစိမ်းမှုန့်ကို ရေ 2 cups နှင့် ကျသွေားအောင် ဖျော်ပေးပါ
- ပဲများကျေသွားပါက မီးဖိုပေါ်တင်ပြီး အဆက်မပြတ် မွှေပေးပါ
- ၅မိနစ်လောက် မွှေပေးပြီးပါက ပဲများ ဥလာပြီဆိုရင် ပဲပြားဆီသတ်ပြီးသားကို ဟင်းရည်အိုးထဲကို ထည့်ပေးပါ
- တစ်ဆက်ထဲမှာဘဲ အခွံခွာထားသော ကြက်သွန်နီ ဥလေးများကို ထည့်ပေးပါ
- အခွံခွာထားသော ကြက်ဥနှစ်လုံးကို ခပ်ပါးပါးလေးတွေ လှီးထားပါ
- ကက်သွန်နီ အလုံးသေးများကို ဟင်းရည်ထဲထဲ့ရန် အခွံခွာပြီး အလုံးလိုက် ရေဆေးထားပါ
- ပြီးတာနဲ့ ပဲရည်ကျိုထားသော အိုးထဲကို သကြား အရသာမှုန့် ချက်ထားသော အုန်းဆီနှင့် ရေ 5 cups ထည့်ပြီး ဟင်းရည်အိုးကို ဆူအောင် တည်ပေးပါ
- ဟင်းရည်များ ဆူလာပြီး ကြက်သွန်ဥလေးများ နူးပါက လှီးထားသော ကြက်ဥကို ထည့်ပေးပါ
- ပြီးတာနဲ့ အပေါ့အငံမြည်းပြီး အရသာကို မိမိစိတ်ကြိုက်ရတဲ့အထိ ပြင်ပေးကာ မီးပိတ်ပြီး သုံးဆောင်နိုင်ပါပြီ။
တစ်ပွဲစာပြင်ရန်
- ကြက်ဥကို ကျက်အောင်ပြုပ်ပြီး အခွံခွကာ ထက်ဝက်ခြမ်းထားပါ
- နံနံပင်ကို ရေဆေးပြီး အနေတော် ပိုင်းဖြတ်ထားပါ
- သံပုရာသီးကို ရေဆေးပြီး အစိတ်လေးတွေ လှီးထားပါ
- ငရုတ်သီး အလှော်မှုန့်ကို ပြင်ထားပါ
- ကြာဇံကြီးဖတ်ကို ပြင်ထားပါ
- ပန်းကန်တခုထဲ ကြာဇံကြီးဖတ်ထည့်ကာ အားလုံးကို အနည်းငယ်စီ ထည့်ပေးထားပြီး သံပုရာရည် ညှစ်ပြီး ဟင်းရည်လိုသလောက်ထည့်ကာ သုံးဆောင်နိုင်ပါပြီ။
No comments:
Post a Comment