Monday 19 October 2015

ကြက်သားတောက်တောက်စင်း အစိမ်းကြော်


အိမ်ချက် ဟင်းအမယ်လေးတွေ စဉ်းစားရင်း ကြက်သားကို နုတ်နုတ်စင်းပီး ရှိတဲ့အသီးအရွက်လေးနဲ့ ကြော်လိုက်တော့လဲ ထမင်းမြိန်စေတဲ့ ဟင်းတမယ်တော့ ရလာတာပါဘဲ ဒါကြောင့်မို့လို့  ကြော်နည်းလေးကို မျှဝေလိုက်ပါတယ်။

ပါဝင်ပစ္စည်းများ

  1. ကြက်ရင်ပုံသား - 150 g
  2. ကြက်သွန်နီ - အနေတော် တစ်ဥ
  3. ကြက်သွန်ဖြူ - အမွှာကြီးကြီး သုံးမွှာ
  4. မုံလာဥနီ - အနေတော် တစ်ဥ
  5. ပန်းဂေါ်ဖီ - လေးခက်
  6. ရွှေပဲသီး - ငါးတောင့်
  7. မုံညှင်း - သုံးခက်
  8. ကြက်သွန်မိတ် - နှစ်ပင်
  9. တရုတ်နံနံ -နှစ်ခက်
  10. ခရမ်းချဉ်သီးဆော့ - ထမင်းစားဇွန်း နှစ်ဇွန်း
  11. ဆား - လက်ဖက်ရည်ဇွန်း တစ်ဝက်သာသာ
  12. သကြား - ထမင်းစားဇွန်း တစ်ဇွန်း
  13. ဆီ - ထမင်းစားဇွန်း သုံးဇွန်း

ပြင်ဆင်ပုံ
  • ကြက်သားကို ရေဆေးပြီး နုတ်နုတ်စင်းထားပါ
  • ကြက်သွန်နီကို အခွံခွာပြီး ရေဆေးကာ အတုံးလေးများရအောင် လှီးထားပါ
  • ကြက်သွန်ဖြူကို အခွံခွာပြီး ရေဆေးကာ ဓါးပြားရိုက်ထားပါ
  • မုံလာဥနီကို အခွံခွာပြီး ရေဆေးကာ ပန်းပွင့်ပုံဖော် လှီးထားပါ
  • ပန်းဂေါ်ဖီကို ရေဆေးပြီး အနေတတော် လှီးထားပါ
  • ရွှေပဲသီးကို ရေဆေးပြီး အကြောသင်ပေးကာ အနေတတော် လှီးထားပါ
  • မုန့်ညှင်းရွက်ကို ရေဆေးပြီး အနေတော် လှီးထားပါ 
  • ကြက်သွန်မိတ်ကို ရေဆေးပြီး တလက်မစီလောက် လှီးထားပါ
  • တရုတ်နံနံကို ရေဆေးပြီး တလက်မစီလောက် လှီးထားပါ
  • လိုအပ်သော အသီးအရွက်များ အသားများကို အဆင်သင့်ဖြစ်အောင် ပြင်ထားပေးပါ
  • ဒယ်အိုးထဲမှာ ဆီထည့်ပြီး အပူပေးပါ
  • ဆီပူလာတာနဲ့ကြက်သားကို ထည့်ကြော်လိုက်ပါ
  • ကြက်သား အရောင်ပြောင်းလာတာနဲ့ ရေမြုပ်အောင်ထည့်ပြီး ရေခမ်းတဲ့အထိ တည်လိုက်ပါ
  • ရေခမ်းတာနဲ့ ကြက်သွန်နီနဲ့ကြက်သွန်ဖြူကို အရင်ထည့်ပြီး မိနစ်ဝက်လောက် ကြော်လိုက်ပါ
  • မိနစ်ဝက်ပြည့်တာနဲ့မုံလာဥနီ ပန်းဂေါ်ဖီ မုန်ညှင်းတို့ကို ထည့်ပြီး တစ်မိနစ်လောက် ကြော်ပေးပါ
  • တစ်မိနစ်လောက် ကြော်ပြီးတာနဲ့ ဆား သကြား ခရမ်းချဉ်သီးဆော့တို့ထည့်ပြီး ကြော်ပေးပါ
  • ကြော်ချိန် တစ်မိနစ်လောက် ရပြီဆိုတာနဲ့ ရွှေပဲသီး တရုတ်နံနံနှင့် ကြက်သွန်မိတ်တို့ ထည့်မွှေပေးပြီး ပူပူလူလူလေး စားနိုင်ပါပြီ။

No comments:

Post a Comment