Monday 19 October 2015

ကြက်ဥ အစာသွပ်ကြော်


မာမာတို့အမေ အလှူလုပ်တိုင်း ဘုန်းကြီးပွဲအတွက် တခုတ်တရအဖြစ် ကြော်တ်တဲ့ ကတ်တလိတ်ကြော်လေးပါ ကြက်သား ကြက်အသည်းအမြစ် အာလူးတို့ကို အစာလုပ်ပြီး ကြက်ဥနဲ့လိတ်ထားတာမို့ အရသာကတော့ ရှယ်ပါဘဲ ဒါကြောင့်မို့လို့ မာမာ့အမေရဲ့ ကြော်နည်းလေးအတိုင်း မာမာပြင်ဆင်ပြီး ကြော်ထားတဲ့ ကြော်နည်းလေးကို မျှဝေလိုက်ပါတယ်ရှင်။

ပါ၀င်ပစ္စည်းများ
  1. မြေနီအာလူး - 150g 
  2. ပြောင်းကော်မှုန့် - ထမင်းစားဇွန်း တစ်ဝက်
  3. ကြက် အသည်း - နှစ်ခု
  4. ကြက်အမြစ် - နှစ်ခု
  5. ကြက် နှစ်လုံး - ငါးခု
  6. ကြက်သား  - 200g
  7. ကြက်သွန်နီ - အနေတော် တစ်လုံး
  8. ကြက်သွန်ဖြူ - အမွှာကြီးကြီး သုံမွှာ
  9. ကြက်ဥ - လေးလုံး 
  10. ဆား - လက်ဖက်ရည်ဇွန်း တစ်ဝက်
  11. အရသာမှုန့် - လက်ဖက်ရည်ဇွန်း တစ်ဇွန်း ( ကြက်သား ကြက်အမြစ် ကြက်နှစ်လုံး ကြက်အသည်းများပြုပ်ရာတွင် တ၀က်ထည့်ပါ)
  12. နနွင်းမှုန့် - လက်ဖက်ရည်ဇွန်း တစ်ဇွန်း (ကြက်သားဆီသတ် ကြက်သားပြုပ်ထဲတွင်ထဲ့ရန် )
  13. ချင်း - လက်တစ်ဆစ်ခန့်
  14. နာနတ်ပွင့် - တစ်ခြမ်း
  15. တရုတ်နံနံပင် - အနည်းငယ် 
  16. ဆီ - လက်ဖက်ရည်အကြမ်းပန်းကန် နှစ်လုံး သာသာ  
ကြက်ဥ ပြင်ဆင်ပုံ
  1. ကြက်ဥ ၄လုံးကို ဇလုံတစ်လုံးထဲမှာ ထည့်ပေးပြီး ပွလာတဲ့အထိ ခလောက်ထားပါ 

အာလူးပြင်ဆင်ပုံ
  1. မြေနီအာလူး အစေးသီးကို ရေစင်အောင်ဆေးပြီး နူးအောင်ပြုပ်ကာ အခွံခွာထားပါ
  2. အခွံခွာထားသော အာလူးကို ခပ်သေးသေးလေးတွေ လှီးထားပါ
အစာသွပ်လုပ်ရန် ပြင်ဆင်ပုံ
  • ကြက်နှစ်လုံး ကြက်အမြစ် ကြက်သားတို့ကို သန့်စင်အောင်ဆေးကြောကာ ဆား လက်ဖက်ရည်ဇွန်း ၃ပုံတပုံ နနွင်းမှုန့် လက်ဖက်ရည်ဇွန်း လေးပုံတပုံ အရသာမှုန့် လက်ဖက်ရည်ဇွန်း သုံးပုံတပုံတို့နှင့်နယ်ကာ နာနတ်ပွင့်နှင့် ချင်းထည့် ရေမြုပ်အောင်ထည့်ပြီး ရေခမ်းတဲ့ထိ တည်ပေးပါ
  • ရေခမ်းပါက အအေးခံပြီး ခပ်နုတ်နုတ်လေးတွေ လှီးပေးပါ
  • ကြက်သွန်နီ ကြက်သွန်ဖြူတို့ကို အခွံခွာပြီး ခပ်နုတ်နုတ်လှီးထားပါ
  • တရုတ်နံနံပင်ကို ခပ်ကြမ်းကြမ်း လှီးထားပေးပါ
  • ကော်မှုန့်ကို  ရေ ထမင်းစားဇွန်း ၂ဇွန်းလောက်နဲ့ ဖျော်ထားပါ
  • ဆီ ထမင်းစားဇွန်း ၂ဇွန်းကို နနွင်းမှုန့် အနည်းငယ်ထဲ့ပြီး အပူပေးကာ ကြက်သွန်အဖြူ အနီကို နွမ်းရုံ ကြော်လိုက်ပါ
  • ကြက်သွန်များ နွမ်းတာနဲ့ လှီးထားသော အာလူး အသည်းအမြစ်များကို ထည့်ပြီး ဆီသတ်ပေးပါ
  • ပြီးတာနဲ့ ကော်မှုန့်ဖျော်ရည်ထည့်ကာ မွှေပေးပါ
  • ၅မိနစ်လောက် မွှေကြော်ကြော်ပေပြီး တရုတ်နံနံထည့်မွှေကာ အအေးခံထားပါ
အစာသွပ်ကြော်ပုံ
  • ဒယ်အိုး ခပ်ပြန့်ပြန့်ကို အပူပေးပြီး ဆီထည့်ပါ
  • ဆီပူလာတာနဲ့ ခလောက်ထားသော ကြက်ဥကို အနေတော်တချပ်စာ ထည့်ကြော်ပါ
  • အပြန့်ကြီးကြီးရအောင် ဒယ်အိုးကို စောင်းဝှေ့ပြီး ဖြန့်ပေးပါ
  • ကြက်ဥကြော် တဖက်ကျက်လောက်တာနဲ့ တဖက်ကို လှန်ပေးပြီး ကြက်ဥကြော် အပေါ်မှာ ကြက်သားအစာကို ထမင်းစားဇွန်း ၂ဇွန်းလောက် ထည့်ပေးပြီး ကြက်ဥကြော်နှင့်အုပ်ကာ ပန်းကန်ပြားထဲ ပြောင်းထည့်ပေးပါ
  • အထက်ပါ နည်းအတိုင်း ကြက်ဥနှင့် ကြက်သားအစာများ ကုန်တဲ့အထိ လုပ်ပေးပါ
  • အားလုံး အြီးသွားတာနဲ့ ကြက်ဥအာလူးကတ်တလိတ် အစာသွတ်ပူပူလေးကို သုံးဆောင်ရန် ပြင်နိူင်ပါပြီ။

No comments:

Post a Comment