ကြံမဆိုင်ဟင်းချိုက ဝက်ရိုးလေးနဲ့ချက်ရင် ပိုပြီးကောင်းပါတယ် မာမာတို့အိမ်မှာ ဝက်သားမစားတော့ ပုဇွန်အကောင်လေးတွေနဲ့ဘဲ ချက်ထားပေမဲ့ သောက်လို့ကောင်းလွန်းပြီး ချဉ်ဖြုံ့ဖြုံ့နဲ့ အရသာကောင်းတဲ့ ဟင်းချို ချက်နည်းလေး မျှဝေလိုက်ပါတယ်။
ပါဝင်ပစ္စည်းများ
- ပုဇွန် သန့်ပြီးသား- ငါးကျပ်သား
- ကြံမဆိုင် - ဟင်းပြင်ပန်းကန် တလုံးစာ (အနေတော် လှီးထားပါ)
- ဘရော့ကိုလီ - ၃ခက် (အနေတော် လှီးထားပါ)
- ပဲပြား - အတုံးသေး ၁၀တုံး
- ကြက်သွန်ဖြူ - သုံးမွှာ (အခွံခွာပြီး ဓါးပြားရိုက်ထားပါ)
- ကြက်သွန်နီ - တစ်ခြမ်း (အခွံခွာပြီး လေးစိတ်စိတ်ထားပါ)
- ချင်း - လက်တစ်ဆစ် (အပြားလေးတွေ လှီးထားပါ)
- ပန်းဂေါ်ဖီ - သုံးခက် ( အနေနော် လှီးထားပါ)
- မုံလာဥနီ - တစ်ဥ (အတုံးလေးတွေ လှီးထားပါ)
- ဆား - လက်ဖက်ရည်ဇွန်း တစ်ဇွန်းမောက်မောက်
- ဟင်းချိုမှုန့် - လက်ဖက်ရည်ဇွန်း တစ်ဇွန်း
- ရေ - တရုတ်ဟင်းရည်သောက်ပန်းကန် သုံးလုံး
ပြင်ဆင်ပုံ
- ပုဇွန်ကို ချင်းပြား ဟင်းချိုမှုန့်နှင့်ဆားထည့်ပြီး ရေအနည်းငယ်ထည့်ကာ ပြုပ်ပေးပါ
- ပုဇွန်မာလာတာနဲ့ ရေ တရုတ်ဟင်းရည်သောက် ပန်းကန်လုံး ၂လုံးစာထည့်ပြီး ပါဝင်ပစ္စည်း အားလုံးထည့်ကာ ရေဆူအောင်တည်ပေးပါ
- ရေပွက်ပွက်ဆူပြီး အသီးအရွက်များ နူးတာနဲ့ အရသာမြည်း လိုသလိုပြင်ကာ သောက်နိူင်ပါပြီ။
No comments:
Post a Comment