ချဉ်ပေါင်ရွက် ရှားပါးတဲ့ အရပ်ဒေသမှာ ချဉ်ပေါင်ရွက်နည်းနည်း မျှစ်များများနဲ့ ခပ်စပ်စပ်လေး ကြော်ထားတာမို့ စားမိသူအပေါင်း လျှာဂျွမ်းပြန်မှာတော့ သေချာပါတယ် ဒီနေ့ချဉ်ပေါင်ကြော်က အသားမထည့်ဘဲ ပုဇွန်ငပိနဲ့ကြော်ထားတဲ့အတွက် ထူးကဲအရသာ တစ်မျိုး ရတာမို့ ကြော်နည်းလေးကို မျှဝေလိုက်ပါတယ်။
ပါဝင်ပစ္စည်းများ
- အရိုးသင်ပြီး ရေစင်အောင်ဆေးပြီး ရေစစ်ထားသော ချဉ်ပေါင်အနီ - ဇကာအလတ် တစ်ဝက်သာသာ
- ပြုပ်ပြီး ခပ်ပါးပါး လှီးထားသော မျှစ် - တရုတ်ဟင်းပြင်ပန်းကန် အလတ် တစ်လုံးစာ
- ပုဇွန်ငပိ အကောင်းစား - ထမင်းစားဇွန်း တစ်ဇွန်း
- ခပ်ပါးပါး လှီးထားသော ကြက်သွန်နီ - အနေတော် တစ်လုံး
- အနေတော်စိတ်ထားသော ကြက်သွန်ဖြူ - အမွှာကြီးကြီး ငါးမွှာ
- ငရုတ်သီး လုံးခြမ်းကွဲ - ထမင်းစားဇွန်း နှစ်ဇွန်းခွဲ
- ငါးငံပြာရည် - ထမင်းစားဇွန်း သုံးဇွန်း
- အရသာမှုန့် - လက်ဖက်ရည်ဇွန်း တစ်ဝက်သာသာ
- ဆီ - ထမင်းစားဇွန်း ၄ဇွန်း
- နနွင်းမှုန့်. - လက်ဖက်ရည်ဇွန်း လေးပုံတစ်ပုံ
- ငရုတ်သီးစိမ်း - နှစ်သက်သလောက်
ပြင်ဆင်ချက်ပြုပ်ပုံ
- လိုအပ်သော ပစ္စည်းများကို ပြင်ထားပါ
- အောက်ခြေမကပ်သော အိုးကို အပူပေးပြီး ဆီနှင့်နနွင့်မှုန့်ကိုထည့်ပါ
- ဆီပူလာပါက ကြက်သွန်နီနှင့် ငရုတ်သီးမှုန့်ကို ထည့်ပြီး မွှေးလာအောင်ကြော်ပေးပါ
- ငရုတ်သီးနံ့မွှေးလာတာနဲ့ ပုဇွန်ငပိကို တမိနစ်လောက်ထည့်ပြီး ကြော်ပေးပါ
- ပြီးတာနဲ့ ချဉ်ပေါင်ရွက်ကို ထည့်ပြီးမွှေပါ
- ချဉ်ပေါင်ရွက် ကျေလာတာနဲ့မျှစ်ကို ထည့်ကြော်ပါ
- မျှစ်ထည့်ပြီးတာနဲ့ ငံပြာရည်နှင့် အရသာမှုန့် ကြက်သွန်ဖြူ ငရုတ်သီးစိမ်းတို့ထည့်ပြီး သမအောင်မွှေပေးပါ
- အားလုံးသမသွားပြီဆိုတာနဲ့ အရသာမြည်းပြီး လိုသလိုပြင်ပေးကာ ချဉ်ပေါင်ကြော် မွှေးမွှေးလေးကို သုံးဆောင်နိုင်ပါပြီ။
No comments:
Post a Comment