Saturday, 17 October 2015

အာပူလျှာပူ ( မုန့်တီ )


မာမာ ဒီနေ့အလုပ်ရှုပ်တဲ့ မုန့်တီဟင်းရည် အာပူလျှာပူ ချက်ဖြစ်ပါတယ် ထမင်းမစားချင်တာနဲ့ စိတ်ပြောင်းစိတ်လွဲလေးလုပ်ပြီး ချက်လိုက်တာမို့  သောက်လို့တော်တော်လေးကောင်းပါတယ် ထမင်းလွတ်သောက်ကြတာမို့ တစ်နေကုန်မုန့်တီနဲ့ နှစ်ပါးသွားကြမှာပါ သားရောသမီးပါ အရမ်းကြိုက်ကြတာမို့ ချက်ရကျိုးလေး နပ်ပါတယ် လေးယောက်စာပေမဲ့ တစ်နေကုန်သောက်မှာမို့ ပိုချက်ထားပါတယ်။

ရခိုင်လူမျိုးချက်တဲ့ ရခိုင်မုန့်တီ စစ်စစ်မဟုတ်ပေမဲ့ အနီးစပ်ဆုံးတူအောင် ချက်ထားပြီး ငါးရွှေမရှိတဲ့အတွက် ဘာဆာငါးပြားကို ပြုပ်ပြီးချက်ထားပါတယ်။
လေးယောက်စာ
ပါဝင်ရမှာလေးတွေက
ငါးပြုပ်ရန်
  • ငါး - နှစ်ဆယ်သား (ဘာဆာငါးပြား)
  • ငံပြာရည် - လက်ဖက်ရည်ပန်းကန်လုံး တဝက်သာသာ
  • ဟင်းချိုမှုန့် - လက်ဖက်ရည်ဇွန်း တဇွန်း တို့ကိုရေမြုပ်ရုံရောပြုပ်ပေးပြီး နူးသွားပါက အသားဖတ်လေးမျးကို ဒယ်အိုးထဲ ထည့်လှော်ပေးထားပါ
ဟင်းရည်ချက်ရန်
  • ရေ - 11 cups
  • ကြက်သွန်ဖြူ - ဆယ်မွှာ (ထောင်းပေးပါ)
  • ကြက်သွန်နီ - နှစ်လုံး (အဖတ်လေးများလှီးပေးပါ)
  • ငရုတ်ကောင်းမှုန့် - လက်ဖက်ရည်ဇွန်း တဇွန်းမောက်မောက်
  • ပုဇွန်ငပိ - ထမင်းစားဇွန်းနှစ်ဇွန်း
  • ဆား - လက်ဖက်ရည်ဇွန်းတစ်ဇွန်း
  • ငံပြာရည် - ထမင်းစားဇွန်းနှစ်ဇွန်း
  • ဟင်းချိုမှုန့် - ထမင်းစားဇွန်းတဇွန်း
  • ပဒဲကော - တလက်မ (ထောင်းပေးပါ)
  • ငါးလှော် အသားများ အားလုံးရောပြီး ရေပွက်ပွက်ဆူကာ ကြက်သွန်ဖတ်များ နူးအောင်တည်ပေးပါ
မုန့်တီရည်သောက်ရန်
  • ငရုတ်သီးစိမ်းအစပ်တောင့် - အတောင့်ကြီးကြီးဆယ်တောင့် (လှော်ပြီးထောင်းပေးပါ)
  • မုန့်ဖတ် - 400 g (ပြုပ်ပေးထားပါ)
  • မကျည်းမှည့်ရည် - လက်ဖက်ရည်ပန်းကန် တလုံး
  • သံပုရာသီး - တလုံး( ကြိုက်လျှင်ထည့်သောက်ပါ )
  • ငံပြာရည် - လက်ဖက်ရည်ပန်းကန် တလုံး
  • ပဲကြော် - ဆယ်ချပ် (ချေထားပေးပါ)
  • နံနံပင် - ဆယ်ပင် (လှီးပေးထားပါ)
  • ငါးဖယ်ကြော် - အချပ်သုံးဆယ်
တစ်ပွဲစာပြင်ရန်
  • မုန့်ဖတ် - လက်ဖက်ရည်ပန်းကန် တလုံးစာ
  • ပဲကြော် - ထမင်းစားဇွန်းတစ်ဇွန်း
  • ငံပြာရည် - လက်ဖက်ရည်ဇွန်းတဝက်
  • မကျီးမှည့်ရေ - လက်ဖက်ရည်ဇွန်းတဇွန်း
  • ငရုတ်သီးစိမ်းထောင်း - လက်ဖက်ရည်ဇွန်းတဝက်
  • ငါးဖယ် - တချပ်
  • နံနံပင် - လက်ဖက်ရည်ဇွန်းတဇွန်း
ရခိုင်မုန့်တီချက်ဖို့လိုအပ်တာလေးတွေပါ






No comments:

Post a Comment