ကြက်သားထဲက မထွက်နိုင်သော မာမာ့ရဲ့ဟင်းပွဲလေးထဲက ဒီတခါတော့ ကြက်အသည်းအမြစ်ကို အာလူးနဲ့ ဆီလည်ရေလည်လေး ချက်ထားလို့ ချက်နည်းလေး မျှဝေလိုက်ပါတယ်။
ပါဝင်ပစ္စည်းများ
ကြက်အသည်းအမြစ် အရသာနယ်ရန်
- ကြက်အသည်းအမြစ် - 500g
- ငံပြာရည် - ထမင်းစားဇွန်း တဇွန်း
- ဟင်းချိုမှုန့် - လက်ဖက်ရည်ဇွန်း တဝက်
- နနွင်းမှုန့် - လက်ဖက်ရည်ဇွန်း လေးပုံတပုံ
- ဆား - လက်ဖက်ရည်ဇွန်း တဝက်
- ကြက်သွန်နီ - အနေတော် တလုံး
- ကြက်သွန်ဖြူ - အမွှာကြီးကြီး ၃မွှာ
- ချင်း - လက်တဆစ်ခန့်
- စပါးလင် - တလက်မခန့်
- ကရဝေးရွက် - တရွက်
- ငရုတ်သီးအရောင်တင်မှုန့် - လက်ဖက်ရည်ဇွန်း တဇွန်း
- အာလူး - အနေတော် ၃လုံး (အာလူးကို အခွံခွာကာ အနေတော်တုံးပြီး ရေဆေးထားပါ)
- ဆီ - ထမင်းစားဇွန်း ၃ဇွန်း
ကြက်အသည်းအမြစ် ရေဆေးရန်
- ကြက်အသည်းကို သပ်သပ်ဖယ်ထားပြီး ရေဆေးပါ
- ကြက်အမြစ်ကို အအစာအိတ်ထုတ်ပြီး ဆား လက်ဖက်ရည်ဇွန်း တဇွန်း နနွင်း လက်ဖက်ဇွန်း တ၀က်နှင့်နာနာနယ်ပေးပါ
- နယ်ပြီးတာနဲ့ ရေ ၄ခါလောက်နှင့် စင်အောင်ဆေးပါ
- ဆေးပြီးမှ အနေတော် အတုံးလေးများ တုံးပေးထားပါ
အရသာနယ်ရန်
- ကြက်အသည်းအမြစ်ကို ဆား နနွင်း ဟင်းချိုမှုန့် ငံပြာရည်တို့နဲ့ အရသာဝင်အောင် နယ်ထားပါ
ငရုတ်သီးထောင်းရန်
- ကြက်သွန်ဖြူ- ငါးမွှာ
- ကြက်သွန်နီ - ခပ်ကြီးကြီး တဥ
- ချင်း- လက်တဆစ်ခန့်
- စပါးလင် - ထမင်းစားဇွန်း တဇွန်း
- ငရုတ်သီးမှုန့် - ထမင်းစားဇွန်း တဇွန်း အားလုံးကို ရောပြီးထောင်းပေးပါ
ပြင်ဆင်ပုံ
- ကြက်သားနှင့်ချက်ရန် လိုအပ်သော ပစ္စည်းများကိုပြင်ထားပါ
- ကြက်သွန်ဖြူ နီ ချင်း စပါးလင်ထောင်း ကရဝေးရွက်နှင့် ငရုတ်သီးမှုန့်တို့ကို မွှေးလာာတဲ့ထိ ဆီသတ်ပေးပါ
- အရသာနယ်ထားသော ကြက်အသည်းအမြစ်ကိုထဲ့ပြီး ဆီသတ်ပေးပါ
- အသားများ မာကျစ်လာတဲ့ထိ သုံးမိနစ်လောက် ဆီသတ်ပေးပါ
- အသားများမာလာမှ ရေကိုမြုပ်အောင်ထည့်ပြီး အသည်းအမြစ် နူးတဲ့ထိဆက်တည်ပေးပါ
- အာလူးရောပြီး ရေမြုပ်အောင် ထပ်ထည့်ကာ ဆက်တည်ပါ
- ရေမခမ်းခင် အရသာမြည်းပြီး လိုသလို ပြင်ပေးပါ
- ရေခမ်းခင် ဆီလည်ရေလည်ချိန်မှာ စားသုံးနိူင်ပါပြီ။
No comments:
Post a Comment