သရက်သီးစိမ်းလေးတွေ ဈေးကနေ ရလာလို့ ဒီနေ့တော့ သရက်သီးစိမ်းနဲ့ ပုဇွန်ငါးပိကို ချဉ်ငံစပ်လေး ထောင်းပါတယ် ဒါကြောင့်မို့လို့ ထမင်းစားလို့ မြိန်စေတဲ့ ငါးပိထောင်းနည်းလေး မျှဝေလိုက်ပါတယ်။
ပါဝင်ပစ္စည်းများ
- ပုဇွန်ငါးပိ - ထမင်းစားဇွန်း မောက်မောက် ၂ဇွန်းခွဲ
- ပုဇွန်ခြောက် - အကောင်ကြီးကြီး ၁၅ကောင်
- ကြက်သွန်ဖြူ - အမွှာကြီးကြီး ၇မွှာ
- ငရုတ်သီးစိမ်း - ၁၅တောင့်
- ငရုတ်သီးအလှော်မှုန့် - ထမင်းစားဇွန်းတစ်ဇွန်း
- သရက်သီးစိမ်း - အနေတော် တစ်လုံး
- အရသာမှုန့် - လက်ဖက်ရည်ဇွန်း တစ်ဝက်သာသာ
ပြင်ဆင်ပုံ
- ပုဇွန်ငါးပိကို ပန်းကန်ထဲထည့်ပြီး မိုက်ခရိုဝေ့ထဲမှာ စက္ကန့်၃၀ဆီ ၂ခါကင်ပေးပါ
- ငရုတ်သီးစိမ်းကို ရေဆေးပြီး အညှာခြွေကာ မွှေးနေအောင် လှော်ထားပါ
- ကြက်သွန်ဖြူကို အခွံခွာပြီး ရေဆေးထားပါ
- ပုဇွန်ခြောက်ကို ရေဆေးထားပါ
- သရက်သီးကို အညှာဖက်မှ လှီးပေးပြီး အစေးထုတ်ကာ ရေနာရီဝက်လောက် စိမ်ထားပါ
- ရေစိမ်ပြီးတာနဲ့ အခွံခွာကာ ခပ်နုတ်နုတ် ပေါက်ထားပါ
- ငရုတ်ဆုံထဲမှာ အရင်ဆုံး ပုဇွန်ခြောက်ကို ညက်အောင်ထောင်းပေးပါ
- ပုဇွန်ခြောက် ညက်တာနဲ့ ငရုတ်သီးစိမ်းနဲ့ ကြက်သွန်ဖြူကို ထည့်ထောင်းပါ
- ပြီးတာနဲ့ သရက်သီးကို ထည့်ထောင်းပါ
- အားလုံး လေးစိတ်ကွဲ အနေအထား ရတာနဲ့အရသာမှုန့် ပုဇွန်ငါးပိကင်နှင့် ငရုတ်သီး အလှော်မှုန့် တို့ ထည့်ထောင်းပါ
- ပြီးတာနဲ့ အ၇သာ မြည်းပေးကာ လိုသလို ပြင်ပေးပြီးပါက သရက်သီး ပုဇွန်ငါးပိထောင်း မွှေးမွှေးလေးရပါပြီ
No comments:
Post a Comment