ကြက်သားဆီပြန်ချက်မယ်လို့ စိတ်ကူးမိပေမဲ့ အသားကြီးသက်သက် မစားချင်တာကြောင့် အာလူးအရော ဆီပြန်လေး ချက်လိုက်ပါတယ် ချက်နည်းကတော့ အရင် ကြက်သားချက်နည်းတွေ အတိုင်းဘဲ ချက်ထားပါတယ်။
ပါဝင်ပစ္စည်းများ
ကြက်သားအရသာနယ်ရန်
- ကြက်ပေါင်သား - 500g (အနေတော်တုံးထားပါ)
- ငံပြာရည် - ထမင်းစားဇွန်း တဇွန်း
- ဟင်းချိုမှုန့် - လက်ဖက်ရည်ဇွန်း တဝက်
- နနွင်းမှုန့် - လက်ဖက်ရည်ဇွန်း လေးပုံတပုံ
- ဆား - လက်ဖက်ရည်ဇွန်း တဝက်
- အာလူးကို အခွံခွာရေဆေးပြီး အနေတော် တုံးထားပါ
ဟင်းချက်ရန်
- ဆီ - ထမင်းစားဇွန်း ၇ဇွန်း
- ကြက်သွန်ဖြူထောင်းရန် - ငါးမွှာ
- ကြက်သွန်နီ မညက်တညက်ထောင်းရန် - ခပ်ကြီးကြီး တဥ
- ချင်းထောင်းရန် - လက်တဆစ်ခန့်
- စပါးလင်ထောင်းပြီးသား - ထမင်းစားဇွန်း တဇွန်း
- ငရုတ်သီးမှုန့် - ထမင်းစားဇွန်း တဇွန်း
ပြင်ဆင်ပုံ
- ကြက်သားနှင့်ချက်ရန် လိုအပ်သော ပစ္စည်းများကိုပြင်ထားပါ
- ကြက်သွန်ဖြူ နီ ချင်း စပါးလင်ထောင်နှင့် ငရုတ်သီးမှုန့်တို့ကို မွှေးလာာတဲ့ထိ ဆီသတ်ပေးပါ
- အရသာနယ်ထားသော ကြက်သားကိုထဲ့ပြီး ဆီသတ်ပေးပါ
- အသားများ မာကျစ်လာတဲ့ထိ သုံးမိနစ်လောက် ဆီသတ်ပေးပါ
- အသားများမာလာမှ ရေကိုမြုပ်အောင်ထည့်ပြီး နူးတဲ့ထိ ဆက်တည်ပေးပါ
- ကြက်သားနူးပါက အာလူးထည့်ပြီး အာလူးနူးလောက်ရုံ ရေထည့်ပြီး ဆက်တည်ပေးပါ
- ရေမခမ်းခင် အရသာမြည်းပြီး လိုသလို ပြင်ပေးပါ
- ရေခမ်းပြီး ဆီပြန်လာပါက ကြက်သားအာလူး ဆီပြန်မွှေးမွှေးလေး စားသုံးနိူင်ပါပြီ။
No comments:
Post a Comment