အုန်းနို့ခေါက်ဆွဲကို ပုဇွန်ခေါင်းချိုး ပုဇွန်ထုတ် ပုဇွန်ဘော့ချိတ် ပဲပြား အသားတု ကြက်သားတို့နဲ့ အဆင်ပြေအောင် ချက်တဲ့ထဲမှာ မာမာ့အမေက တော်တော်လေး ကျွမ်းကျင်ပါတယ်။
အခုလဲ အမေချက်တဲ့ နည်းအတိုင်း ကြက်သားဆီသတ်နဲ့ အုန်းနို့ခေါက်ဆွဲကို မာမာချက်ဖြစ်လို့ ချက်နည်းလေး မျှဝေပေးလိုက်ပါတယ်။
ပါဝင်ပစ္စည်းများ (၅ယောက်စာ )
- ကုလားပဲ အစိမ်းမှုန့် - ထမင်းပေါင်းအိုး ဆန်ချင်ဗူး တစ်ဗူး
- ကြက်သွန်နီ - အလုံးကြီးကြီး နှစ်ဥ
- ကြက်သွန်ဖြူ - အမွှာကြီးကြီး ၄ မွှာ
- ကြက်သွန်နီ - အလုံးသေး ၇ ဥ
- အုန်းနို့ ချက်ပြီးသား - ထမင်းစားဇွန်း ၃ဇွန်းသာသာ
- ငရုတ်သီး အရောင်တင်မှုန့် - လက်ဖက်ရည်ဇွန်း တစ်ဇွန်းသာသာ
- ငံပြာရည် - ထမင်းစားဇွန်း ၄ဇွန်း
- နနွင်းမှုန့် - လက်ဖက်ရည်ဇွန်း လေးပုံတစ်ပုံ
- ဆား - လက်ဖက်ရည်ဇွန်း တစ်ဇွန်း
- အရသာမှုန့် - လက်ဖက်ရည်ဇွန်း တစ်ဝက်
- သကြား - ထမင်းစားဇွန်း တစ်ဇွန်းခွဲ
- ခေါက်ဆွဲဖတ် သို့မဟုတ် နန်းပြားဖတ် - 1500 g
- ကြက်သား - 250 g
- ဆီ - ထမင်းစားဇွန်း ၅ဇွန်း
- ဘဲဥ - သို့မဟုတ် ကြက်ဥ ၅လုံး ပြုပ်ထားပါ
- သံပုရာသီး - လိုသလောက် သုံးပါ
- ကြက်သွန်မိတ် - အနည်းငယ်
ကြက်သားဆီသတ်ရန်
- ကြက်သားကို ရေဆေးပြီး အရိုးအသား ရောကာ အနေတော် အတုံးလေးများ ခုတ်ပေးပါ
- ခုတ်ပြီးသော ကြက်သားကို ဆားလက်ဖက်ရည်ဇွန်း တ၀က် အချိုမှုန့်လက်ဖက်ရည်ဇွန်း တ၀က် နနွင်းမှုန့်. လက်ဖက်ရည်ဇွန်း လေးပုံတပုံ ငံပြာရည် ထမင်းစားဇွန်း တဇွန်းတို့နဲ့ နယ်ထားပါ
- ကြက်သွန်နီ အလုံးကြီးကို အခွံခွာပြီး ရေဆေးကာ ပါးပါးလှီးထားပါ
- ကြက်သွန်ဖြူကို အခွံခွာပြီး ရေေေးကာ ခပ်နုတ်နုတ် လှီးထားပါ
- ဆီကိုအပူပေးပြီး နနွင်းမှုန့် ကြက်သွန်နီ ကြက်သွန်ဖြူတို့ကို နွမ်းအောင်ထည့်ကြော်ပေးပါ
- ကြက်သွန်များ နွမ်းလာပါက ငရုတ်သီးမှုန့်ထည့်ပြီး မွှေးလာအောင် မွှေပေးပါ
- ငရုတ်သီးနံ့မွှေးလာပါက ကြက်သားကိုထည့်ပြီး ဆီသတ်ပေးပါ
- ဆီသတ်နေစဉ် ကြက်သားမာလာပါက ရေအနည်းငယ်ထည့်ပြီး ရေခမ်းအောင် တည်ပေးပါ
- ကြက်သားမာပြီး ဆီပြန်လာပါက ဟင်းရည်ချက်ရန် ရပါပြီ။
အုန်းဆီချက်ရန်
- အုန်းသီးကို သုံးပါက အုန်းသီးကို ခြစ်နဲ့ခြစ်ပြီး အုန်းသီးမှုန့်များကို ရေနွေးပူပူလေး နဲနဲခြင်းလောင်းပြီး နယ်ပါ
- ရေနွေးကို နည်းနည်းခြင်းဘဲ ထည့်ပြီးနယ်လိုက် အရည်ယူလိုက် လုပ်ပါ
- ရေအရမ်းများစေရန် သတိထားပြီးနယ်ပါ
- ရေများပါက အုန်းဆီချက်လျှင် ကြာတတ်ပါတယ်
- အုန်းနို့များ ထွက်လာပါက အဖတ်များ မပါအောင် အ၀တ်ပါးထဲ ထည့်ပြီး ညှစ်ချပါ
- ရလာသော အုန်းနို့ကို ဆီထမင်းစားဇွန်း ၅ဇွန်းခန့်ထည့်ပြီး အုန်းဆီဖတ်လေး ရတဲ့အထိ အုန်းဆီချက်ပေးထားပါ
- Ready made အုန်းနို့ဗူးကို သုံးပါက အုန်းနို့ကို အိုးထဲပြောင်းထည့်ပြီး ဆီထမင်းစားဇွန်း ၅ဇွန်းထည့်ပြီး အုန်းဆီဖတ်လေးများ ရတဲ့အထိ ချက်ပေးပြီး ပန်းကန်ထဲ ပြောင်းထည့်ထားပါ။
ဟင်းရည်ချက်ရန်
- ကုလားပဲ အစိမ်းမှုန့်ကို ရေ 2 cups နှင့် ကျေအောင်ဖျော်ပေးပါ
- ပဲများကျေသွားပါက မီးဖိုပေါ်တင်ပြီး အဆက်မပြတ် မွှေပေးပါ
- ၅မိနစိလောက် မွှေပေးပြီးပါက ပဲများ ဥလာပြီဆိုရင် ဆီသတ်ထားသော ကြက်သားကို ဟင်းရည်အိုးထဲကို ထည့်ပါ
- အခွံခွာထားသော ကြက်သွန်နီ ဥလေးများထည့်ပါ
- ရေ 5 cups ထည့်ပြီး ဆား ငံပြာရည် သကြားတို့ထည့်ကာ ဟင်းရည်ဆူအောင် တည်ပါ
- ဟင်းရည်ဆူကာ ကြက်သွန်ဥလေးများ နူးပါက အပေါ့အငံမြည်းပြီး ပြုပ်ပြီးသား ဘဲဥတစ်လုံးကို ပါးပါးလှီးထည့်ကာ မီးပိတ်ပြီး သုံးဆောင်နိုင်ပါပြီ။
တစ်ပွဲစာပြင်ရန်
- ကြက်သွန်နီကို အခွံခွာပြီးရေဆေးကာ ခပ်ပါးပါးလှီးပြီး ရေဆေးထားပါ
- ဘဲဥကိုပြုပ်ထားပြီး အခွံခွာကာ အနေတော် လှီးထားပေးပါ
- ငရုတ်သီးအလှော်မှုန့် လိုသလောက် ထည့်ပေးပါ
- သံပုရာသီးကို အစိတ်လေးများ စိတ်ထားပေးပါ
- ကြက်သွန်မိတ်ကို ရေဆေးပြီး အနေတော် လှီးထားပေးပါ
- အကြော် ငါးဖယ်ကြော်တို့ကို နှစ်သက်ပါက ပြင်ထားပေးပါ
- ပန်းကန်တခုထဲ ခေါက်ဆွဲဖတ်ထည့်ကာ အားလုံးကို အနည်းငယ်စီ ထည့်ပေးထားပြီး ဟင်းရည်ထည့်ကာ သုံးဆောင်နိုင်ပါပြီ။
No comments:
Post a Comment