ကြက်သွန်ဖြူ ဆီချက်က မချက်တတ်ရင် တူးပြီး ခါးတတ်သလို မီးအရမ်းများရင်လဲ တူးပြီးခါသွားတတ်ပါတယ်။
နောက်တခုက အသားထူတဲ့ အိုးကိုသုံးစေချင်တာက အိုးအသားပါးရင်လဲ ဆီအရမ်းပူလွန်းပြီး ကြက်သွန်ကြော်တွေက မကြွတ်ဘဲ ခနလေးနဲ့ ကျွမ်းသွားတတ်ပါတယ်။
ဒါကြောင့်မို့လို့ မာမာချက်တဲ့ နည်းလေးကို မျှဝေပေးလိုက်ပါတယ်ရှင်။
ပါဝင်ပစ္စည်းများ
****************
( ၁ ) ကြက်သွန်ဖြူ - အမွှာကြီးကြီး အခုသုံးဆယ်ခန့်
( ၂ ) ဆီ - လီတာဝက်ခန့်
( ၃ ) နနွင်းမှုန့် - လက်ဖက်ရည်ဇွန်း တဝက်ခန့်
( ၄ ) အသားထူသော အိုးကိုသုံးပါ
( ၅ ) ဆီစစ်ဇကာ တခု
ပြုလုပ်နည်း
************
(၁ ) ကြက်သွန်ဖြူကို အခွံခွာပြီး ရေစင်အောင်ဆေးကာ ရေခြောက်သွားအောင် သုတ်ပေးပါ။
(၂ ) ရေခြောက်သွားပြီ ဆိုတော့မှ မထူမပါး အနေတော်လေးတွေ လှီးပေးထားပါ။
( ၃ ) အိုးထဲမှာ ဆီနှင့်နနွင်းမှုန့်ထည့်ပြီး အပူပေးပါ
( ၄ ) ဆီပူလာတာနဲ့ မီးကို အနေတော် လျှော့ပေးပြီးမှ လှီးထားတဲ့ ကြက်သွန်ဖြူများကို ထည့်ပေးပါ။
( ၅ ) ကြက်သွန်ဖြူ ထည့်ပြီးတာနဲ့ အဆက်မပြတ် မွှေပေးပါ။
( ၅ ) ကြက်သွန်ဖြူများ ရွှေဝါရောင် သန်းလာတာနဲ့ ဆယ်ပြီးတော့ ဆီစစ်ဇကာထဲ ထည့်ပေးကာ ဆီစစ်ပေးပါ။
( ၆ )ဆီကိုတော့ အအေးခံထားကာ ဆီများ အေးလာတော့မှ ကြက်သွန်ဖြူ ဆီချက်ဖတ်များနဲ့ ပြန်ရောပေးပြီး ပုလင်း သို့မဟုတ် ဘူးထဲမှာ ထည့်ပေးထားပါ။
( ၇ ) အသုပ်သုပ်ရန် လိုအပ်မှ ပုလင်းအဖုံးကို ဖွင့်ပြီး ယူသုံးကာ ပုလင်းကို လေလုံအောင် ပြန်ပိတ်ထားပေးပါ။
မှတ်ချက် ။။ ကြက်သွန်အဖတ် များများကြိုက်ရင်တော့ ပိုထည့်ပြီး ကြော်ပေးလို့ရပါတယ်။
