Thursday 31 December 2020

မုန့်ပိန္နဲစေ့ ချိုချိုလေး


ဒီနေ့မနက်တော့ မိုးလေ အေးအေးလေးနဲ့ မို့လို့ စိတ်ထဲမှာ မြန်မာပြည်ကို လွမ်းသလိုလိုလေး ခံစားလာရပါတယ် ဒီလိုနဲ့ဘဲ စိတ်ထဲမှာ မြန်မာမုန့်လေးတွေ စားချင်လာခဲ့တယ် ဘာလုပ်စားရင် ကောင်းမလဲ စဉ်းစားနေရင်းက လွယ်ကူမြန်ဆန် မုန့်ပိန္နဲစေ့လေးဘဲ လုပ်စားဖြစ်သွားပါတယ်။

မုန့်သားစပ်ပုံကတော့ မုန့်ကြာစေ့နဲ့ အတူတူပါဘဲ မုန့်လုပ်ပုံ လုပ်နည်းလေးဘဲ ကွာသွားတာပါ သူကတော့ ပိန္နဲစေ့ ပုံစံ ခပ်ရှည်ရှည်လေး လုပ်တဲ့အတွက် မုန့်ပိန္နဲစေ့လို့ ခေါ်​ခြင်းဖြစ်ပါတယ် ဒါကြောင့်မို့လို့ မာမာပြင်ဆင်ပြီး လုပ်ထားတဲ့ မုန့်လုပ်နည်းလေးကို မျှဝေပေးလိုက်ပါတယ်ရှင်။

ပါဝင်ပစ္စည်းများ
  1. ကောက်ညှင်းဆန် - ထမင်းပေါင်းအိုး ဆန်ချင်ဗူး သုံးဗူး
  2. ဆန်မှုန့် - ထမင်းပေါင်းအိုး ဆန်ချင်ဗူး တစ်ဗူး
  3. ရေ - ထမင်းပေါင်းအိုး ဆန်ချင်ဗူး တစ်ဗူးခွဲ( မုန့်သားနယ်ရန်)
  4. ထန်းလျှက် - 100 g (အချိုအရသာကို မိမိနှစ်သက်သလောက် ထည့်ပေးပါ)
  5. အုန်းသီးမှုန့်- မိမိနှစ်သက်သလောက်
  6. ဆား - လက်ဖက်ရည်ဇွန်း တစ်ဝက်
  7. ရေ - ထမင်းပေါင်းအိုး ဆန်ချင်ဗူး (ထန်းလျှက်ရည်ကျိုရန်)
ထန်းလျှက်ရည်ကျိုရန်
  • အနေတော် အိုးလေးထဲမှာ ရေနှင့် ထန်းလျှက်ခဲတို့ကိုထည့်ပြီး ထန်းလျှက်ခဲများ ပျော်သွားအောင် ကျိုပေးပါ
  • ထန်းလျှက်ခဲများ ပျော်သွားတာနဲ့ အဝတ်ပါးစ သန့်သန့်လေးနဲ့ အမှိုက်များ သဲများမပါအောင် စစ်ပေးပါ
  • ပြီးတာနဲ့ မပျစ်မကျဲ အနေအထားလေး ရလာအောင် ပြန်ပြီးကျိုထားပေးပါ
ပြင်ဆင်ပုံ
  • ဇလုံတစ်လုံးထဲမှာ ကောက်ညှင်းမှုန့် နှင့်ဆန်မှုန့်တို့ကို  သမအောင် မွှေပေးပါ
  • ပြီးတာနဲ့ ရေကိုနည်းနည်းချင်း ထည့်ပြီး နယ်ပေးပါ
  • ကောပ်ညှင်းသား ပျော့လာတဲ့အထိ နယ်ပေးရမှာဖြစ်လို့ ရေကိုတစ်ခါထဲ မထည့်ဘဲ နည်းနည်းချင်းထည့်ကာ  လိုတိုး ပိုလျှော့ လုပ်ပေးပါ
  • ကောက်ညှင်းသား လုံးလို့ရတဲ့ အနေအထားလောက် ရလာတာနဲ့ ပိ န္နဲစေ့လောက် မကြီးပေမဲ့ ပိန္နဲစေ့ပုံစံ အနေတော်လေးတွေ လုံးပေးပါ
  • မုန့်သားအားလုံး လုံးပြီးတာနဲ့ အိုးထဲကို ရေထည့်ပြီး ပွက်ပွက်ဆူအောင် တည်ပေးပါ
  • ရေပွက်ပွက်ဆူ အောင် တည်ပြီးတာနဲ့ လုံးထားသော မုန့်လေးတွေကို တစ်လုံးချင်း ထည့်ပေးပါ
  • ဇလုံတစ်လုံးထဲမှာ ရေခပ်များများလေးထည့်ပြီး အဆင်သင့် ပြင်ထားပါ
  • မုန့်လုံးလေးတွေ ရေပေါ်ပေါ်လာပြီး ငါးမိနစ်လောက်နေရင် ဆယ်ပေးပြီး ရေဇလုံထဲမှာ စိမ်ထားပေးပါ
  • မုန့်သားအားလုံး ပြုပ်လို့ ပြီးသွားတာနဲ့ အုန်းသီးမှုန့်နဲ့အတူ ထန်းလျှက်ရည်အိုးထဲမှာ ထည့်ပေးပါ
  • ပြီးတာနဲ့ မီးဖိုပေါ်တင်ပြီး မီးနွေးနွေးလေးနဲ့ ငါးမိနစ်လောက် တည်ပေးပြီးရင် ရပါပြီ
  • ချိုစိမ့်နေတဲ့ မုန့်ပိန္နဲစေ့ ပူပူလေးကို စားသုံးရန် ပြင်ပေးလို့ ရပါပြီ။

Wednesday 30 December 2020

ကြက်သား အစိမ်းကြော်


ဟင်းချက်ရတာ ပျင်းတဲ့နေ့တွေဆိုရင် အခုလို ဟင်းတစ်မယ်ထဲနဲ့ အရသာ အစုံပါတဲ့ ဟင်းမျိုးလေးတွေကို ချက်တတ်ပါတယ် တစ်မယ်ထဲနဲ့ အရသာ မျိုးစုံ ပါတဲ့အတွက် ထမင်းပူပူလေးနဲ့သာ စားလိုက်ရရင်တော့ တခြားဟင်းတွေ မပါရင်တောင် ပြည့်စုံစေတဲ့ ဟင်းဖြစ်တာကြောင့် မာမာပြင်ဆင်ပြီး ချက်ထားတဲ့ နည်းလေးကို မျှဝေပေးလိုက်ပါတယ်ရှင်။
ပါဝင်ပစ္စည်းများ
  1. ကြက်ရင်ပုံသား - 150 g
  2. မုံလာဥနီ - အနေတော် တစ်ဥ
  3. ကြက်သွန်နီ  - အနေတော် တစ်လုံး
  4. ကြက်သွန်ဖြူ - အမွှာကြီးကြီး နှစ်မွှာ
  5. ကြက်သွန်မိတ် - မိမိနှစ်သက်သလောက်
  6. ဆား - လက်ဖက်ရည်ဇွန်း သုံးပုံနှစ်ပုံ
  7. အရသာမှုန့် - လက်ဖက်ရည်ဇွန်း တစ်ဝက်
  8. နနွင်းမှုန့် - လက်ဖက်ရည်ဇွန်း သုံးပုံတစ်ပုံ
  9. ပဲငံပြာရည်အပျစ် - ထမင်းစားဇွန်း တစ်ဇွန်းခွဲ
  10. ပဲငံပြာရည်အကြည် - ထမင်းစားဇွန်း တစ်ဇွန်း
  11. သကြား - ထမင်းစားဇွန်း တစ်ဇွန်း
  12. နှမ်းဆီ - လက်ဖက်ရည်ဇွန်း တစ်ဝက်
  13. ဆီ - ထမင်းပေါင်းအိုး ဆန်ချင်ဗူး သုံးဗူး (ကြက်သားကြော်ရန်)
  14. ဆီ - ထမင်းစားဇွန်း ရှစ်ဇွန်း (အစိမ်းကြော် ကြော်ရန်)
  15. ပြောင်းကော်မှုန့် - ထမင်းစားဇွန်း နှစ်ဇွန်း (ကြက်သားနယ်ရန်)
  16. ရေ - ထမင်းစားဇွန်း လေးဇွန်း

အစိမ်းကြော် အရသာထည့်ရန်
  • ပဲငံပြာရည်အကြည်
  • နနွင်းမှုန့် 
  • အရသာမှုန့် 
  • သကြား
  • ပဲငံပြာရည် အပျစ် 
  • ဆား
  • နှမ်းဆီနှင့် ရေတို့ကို ဇလုံတစ်လုံးထဲမှာထည့်ပြီး ဖျော်ထားပါ
ပြင်ဆင်ပုံ
  • ကြက်သားကို အတုံးလိုက် ရေဆေးပြီး ခပ်သေးသေး အတုံးလေးတွေလှီးကာ ရေစစ်ထားပါ
  • ရေစစ်သွားတာနဲ့ ပြောင်းကော်မှုန့်နဲ့ နယ်ပေးပါ
  • မုံလာဥနီကို အခွံခွာပြီး ရေဆေးကာ မိမိနှစ်သက်သလို လှီးထားပါ
  • ကြက်သွန်နီကို အခွံခွာပြီး အလုံးလိုက် ရေဆေးကာ အကွင်းလိုက် လှီးထားပါ
  • ကြက်သွန်မိတ်ကို ရေဆေးပြီး လက်နှစ်ဆစ်စာလောက်လေးတွေ လှီးထားပါ
  • ကြက်သွန်ဖြူကို အခွံခွာပြီး ရေဆေးကာ ဓါးပြားရိုက်ထားပါ
  • ဒယ်အိုးတစ်လုံးထဲမှာ ဆီထည့်ပေးကာ အပူပေးပါ
  • ဆီပူလာတာနဲ့ ပြောင်းကော်မှုန့် နယ်ထားသော ကြက်သားကို အိုးဆန့်သလောက် တစ်တုံးချင်း ထည့်ကြော်ပေးပါ
  • ကြက်သားတုံးလေးတွေ ရွှေဝါရောင် သန်းလာတာနဲ့ ဆယ်ပြီးဆီစစ်ထားပါ
  • ကြက်သားအားလုံး ကြော်ပြီးတာနဲ့ အစိမ်းကြော်ကြော်ဖို့ ပြင်ဆင်ပေးပါ
  • ဒယ်အိုးထဲမှာ ဆီထည့်ပြီး အပူပေးပါ
  • ဆီပူလာတာနဲ့ ကြက်သွန်ဖြူကို ထည့်ကြော်ပါ
  • ကြက်သွန်နံ့လေး သင်းလာတာနဲ့ မုံလာဥနီနှင့် ကြက်သွန်နီကို ထည့်မွှေပေးပါ
  • မုံလာဥနီနှင့် ကြက်သွန်နီ အနည်းငယ် နွမ်းလာတာနဲ့ ကြော်ထားသော ကြက်သားများ ထည့်မွှေပေးပါ
  • ပြီးတာနဲ့ အရသာ စပ်ထားသော အရည်ကို လောင်းထည့်ပြီး မွှေပေးပါ
  • မိမိနှစ်သက်တဲ့ အရသာ ရလာအောင် ပြင်ပေးပြီးတာနဲ့ ကြက်သွန်မိတ် ထည့်မွှေပေးပါ
  • ကြက်သွန်မိတ် ထည့်မွှေပြီးတာနဲ့ ကြက်သားအချိုကြော် ချိုစိမ့်စိမ့်လေးကို ထမင်းပူပူ ဟင်းပူပူလေး တွဲဖက်ပြီး စားသုံရန် ပြင်ပေးနိူင်ပါ။

Tuesday 29 December 2020

ကန်ပုံကြက်သား အာလူးဆီပြန်ဟင်း


 ဒီနေ့တော့ ဗီယက်နမ်ဈေးကို ဈေးသွားဝယ်ရင်း ကန်ပုံကြက်သားလေး ရလာတာနဲ့ အာလူးနဲ့ ဆီပြန်ဟင်း ချက်ပါတယ် ကန်ပုံကြက်သားက စားလို့ကောက်းသလို ဈေးလဲကြီးပါတယ် ရိုးရိုးကြက်သားက တစ်ကီလိုကို $10 ဘဲ ပေးရပေမဲ့ သူကတော့ $19 လောက် ပေးရပါတယ်။

စားရတာလဲ လေးလေးပင်ပင်ရှိပြီး မြန်တဲ့မာပြည်အက အိမ်ကြက်သား အရသာနဲ့ တော်တော်လေး တူပါတယ် ဒါကြောင့်မို့လို့  မာမာပြင်ဆင်ပြီး ချက်ထားတဲ့ နည်းလေးကို မျှဝေပေးလိုက်ပါတယ်ရှင်။

ပါဝင်ပစ္စည်းများ
  1. ကြက်သား - 400 g
  2. ဆား - လက်ဖက်ရည်ဇွန်းတစ်ဝက်
  3. နနွင်းမှုန့် - လက်ဖက်ရည်ဇွန်း တစ်ဝက်
  4. ငါးငံပြာရည် - ထမင်းစားဇွန်း တစ်ဇွန်းခွဲ
  5. ငရုတ်သီး အစိမ်းမှုန့် - ထမင်းစားဇွန်း တစ်ဇွန်း
  6. ကြက်သွန်ဖြူ - အမွှာကြီးကြီး သုံးမွှာ
  7. ကြက်သွန်နီ - အလုံးကြီးကြီး တစ်လုံး
  8. ချင်း - လက်တစ်ဆစ်ခန့်
  9. စပါးလင် - အရင်းပိုင်း နှစ်လက်မခန့်
  10. မဆလာ - ထမင်းစားဇွန်း တစ်ဇွန်း
  11. ဆီ - ထမင်းစားဇွန်း ဆယ်ဇွန်းသာသာ
  12. အာလူး - အလုံးကြီးကြီး နှစ်လုံး
င်ပြဆင်ပုံ
  • ကြက်သားကို ရေဆေးပြီး အနေတော် အတုံးလေးတွေ တုံးထားပါ
  • ကြက်သားကို တုံးပြီးတာနဲ့ ဆား ငံပြာရည် မဆလာ အရသာမှုန့်နှင့် နနွင်းမှုန့်တို့ထည့်ကာ အရသာဝင်အောင် နယ်ပေးထားပါ
  • အာလူးကို အခွံခွာပြီး ရေဆေးကာ အနေတော် အတုံးလေးတွေ တုံးထားပါ
  • ကြက်သွန်ဖြူ ကြက်သွန်နီနှင့် ချင်းတိုကို အခွံခွာပြီး ရေဆေးထားပါ
  • စပါးလင်ကို ရေဆေးပြီး ခပ်ပါးပါးလေးတွေ လှီးထာပါ
  • ပြီးတာနဲ့ စပါးလင် ကြက်သွန်နီ ကြက်သွန်ဖြူ ချင်းနှင့် ငရုတ်သီးမှုန့်တို့ကို ညက်နေအောင် ရောပြီးထောင်းထားပါ
  • အားလုံးအဆင်သင့် ဖြစ်တာနဲ့ အိုးထဲမှာ ဆီထည့်ပြီး အပူပေးပါ
  • ဆီပူလာတာနဲ့  ထောင်းထားသော ငရုတ်သီးကို ထည့်ကြော်ပြီး ဆီသပ်ပေးပါ
  • ငရုတ်သီးနံ့လေး မွှေးလာတာနဲ့ အရသာ နယ်ထားသော ကြက်သားကို ထည့်မွှေပေပါ
  • အထက်အောက် သမအောင် မွှေပေးပြီးတာနဲ့ ကြက်သားအသား မာလာအောင် ခနလောက် တည်ထားပေးပါ
  • ကြက်သားအသား မာလာတာနဲ့ ရေအနည်းငယ်ထည့်ကာ အိုးအဖုံးအုပ်ပြီး တည်ပေးပါ
  • အိုးမကပ်စေရန် အိုးကိုမကြာ မကြာ လှုပ်လှုပ်ပေးပါ
  • အရင်ဆုံး ထည့်ထားတဲ့ ရေခမ်းလာပြီး ကြက်သားအသားတွေ မာကျစ်လာနဲ့ ရေမြုပ်အောင်ထည့်ပြီး အိုးအဖုံးအုပ်ကာ တည်ပေးပါ
  • အိုးမကပ်စေရန် သတိထားပြီး ကြည့်ကြည့်ပေးကာ ရေခမ်းကာနီးတာနဲ့ နောက်ထပ်တစ်ရည် ထပ်ထည့်ပြီး အာလူးပါ တစ်ခါထဲထည့်ကာ အိုးအဖုံးအုပ်ပြီး တည်ပေးပါ
  • ရေခမ်းကာနီးတာနဲ့ အာလူးနူးမနူး ကြည့်ပေးကာ အရသာ မြည်းပေးပါ
  • အရသာ မြည်းပေးပြီး လိုအပ်တဲ့ အရသာကို မိမိစိတ်ကြိုက် ရလာအောင် ပြင်ပေးပါ
  • အာလူးလဲနူးပြီး ဟင်းအိုးလဲ ဆီပြန်လာကာ အရသာလဲ မိမိစိတ်ကြိုက် ရလာတာနဲ့  ကြက်သား အာလူး ဆီပြန်ဟင်းလေးကို စားသုံးရန် ပြင်ဆင်ပေးနိူင်ပါပြီ။

Monday 28 December 2020

သင်္ဘောသီး မုန့်ဖတ်ထောင်း




ဒီနေ့တော့ သင်္ဘောသီး အစိမ်းလေးတွေ ဝယ်လာပြီး မုန့်ဖတ်လေးနဲ့ ထောင်းစားဖြစ်ပါတယ် ထမင်းမစားချင်တဲ့ နေ့တွေဆို အခုလိုလေး စားရတာ ပါးစပ်ထဲမှာ ခံတွင်းတွေ့သလိုလဲ ခံစားရပါတယ် ဒါကြောင့်မို့လို့ မာမာပြင်ဆင်ပြီး ထောင်းထားတဲ့ နည်းလေးကို မျှဝေပေးလိုက်ပါတယ်ရှင်။

ပါဝင်ပစ္စည်းများ
  1. သင်္ဘောသီး ခြစ်ပြီးသား - လက်တစ်ဆုတ်စာ
  2. မုန့်ဖတ် - လက်တစ်ဆုတ်စာ
  3. ပုဇွန်ပြုပ်ပြီးသား - အကောင်ကြီးကြီး ၇ကောင်
  4. ငါးငံပြာရည် - ထမင်းစားဇွန်း တစ်ဇွန်း
  5. ယိုးဒယား ငါးပိရည် - ထမင်းစားဇွန်း တစ်ဇွန်း
  6. ယိုးဒယား ပုဇွန်ငံပြာရည် - ထမင်းစားဇွန်း တစ်ဇွန်း
  7. ယိုးဒယား ဂဏန်းငံပြာရည် - ထမင်းစားဇွန်း တစ်ဇွန်း
  8. သံပုရာသီး - တစ်လုံး
  9. ထန်းလျှက်ခဲ - အနေတော် တစ်ခဲ
  10. ကြက်သွန်ဖြူ - အမွှာကြီးကြီး ငါးမွှာ
  11. ငရုတ်သီး အခြောက်တောင့် - ငါးတောင့်ခန့်
  12. မြေပဲလှော် - မိမိနှစ်သက်သလောက် ထည့်ပါ
  13. ချယ်ရီခရမ်းချဉ်သီး - ဆယ်လုံးခန့်
  14. အရသာမှုန့် - လက်ဖက်ရည်ဇွန်း တစ်ဇွန်း
ပြင်ဆင်ပုံ
  • ပါဝင်ပစ္စည်းများ အားလုံးကို အဆင်သင့် ပြင်ထားပါ
  • ကြက်သွန်ဖြူကို အခွံခွာပြီး ရေဆေးထားပါ
  • ခရမ်းချဉ်သီးကို ရေဆေးပြီး ထက်ဝက်ခြမ်းထားပါ
  • သံပုရာသီးကို ရေဆေးပြီး အစိတ်လေးတွေ လှီးထားပါ
  • အားလုံးအဆင်သင့် ဖြစ်တာနဲ့ ငရုတ်ဆုံ ခပ်ကြီးကြီးထဲမှာ ထန်းလျှက်ခဲ  ကြက်သွန်ဖြူနှင့် ငရုတ်သီးတောင့်တို့ကို ထည့်ထောင်းပေးပါ
  • မညက်တစ်ညက် အနေအထားလေး ရလာတာနဲ့ သုံးရမဲ့ ငါးပိရည် ငံပြာရည်နှင့် အရသာမှုန့်တို့ ကို ထည့်ပေးပြီး ဇွန်းနှင့်မွှေပေးပါ
  • ပြီးတာနဲ့ သံပုရည်ညှစ်ထည့်ကာ ခရမ်းချဉ်သီး ပုဇွန်ထုတ် သင်္ဘောသီးနှင့် မုန့်ဖတ်တို့ကို ထည့်မွှေပေးပါ
  • အားလုံးအရသာ သမသွားတာနဲ့ အရသာကို မြည်းပေးပြီး ချိုချဉ်ငံစပ် အရသာကို မြည်းပေးကာ လိုအပ်တာကို မိမိစိတ်ကြိုက် အရသာ ရလာအောင် ပြင်ပေးပါ
  • မိမိစိတ်ကြိုက် အရသာ ရလာပြီ ဆိုရင်တော့ မြေပဲလှော်ထည့်ပေးပြီးတာနဲ့ ချဉ်ငံစပ် သင်္ဘောသီး မုန့်ဖတ်ထောင်းလေးကို စားသုံးရန်  ပြင်ဆင်ပေးနိူင်ပါပြီရှင် ။

Friday 25 December 2020

ဂဏန်းသား ခေါက်ဆွဲကြော်



 
ဒီနေ့တော့ Sydney မြို့ထဲဘက်ကို ဈေးသွားဝယ်ရင်း ပန်းဂေါ်ဖီ အရိုးရှည်လေးတွေ ရလာတာနဲ့ ဂဏန်းသားလေးတွေပါ ဝယ်လာကာ ခေါက်ဆွဲကြော်လေး ကြော်စားဖြစ်ပါတယ် ကြော်နည်းလေးကတော့ ရိုးရိုးလေးပါဘဲ ဂဏန်းသား အရသာလေးနဲ့ စားရတာ တစ်မျိုးလေး ကောင်းလွန်းပါတယ် ဒါကြောင့်မို့လို့ မာမာပြင်ဆင်ပြီး ကြော်ထားတဲ့ ဂဏန်းသား ခေါက်ဆွဲကြော်နည်းလေးကို မျှဝေပေးလိုက်ပါတယ်ရှင်။

ပါ၀င်ပစ္စည်းများ
  1. ခေါက်ဆွဲပြား အစို - လေးဆယ်သား
  2. ဂဏန်းသား - 200 g
  3. ပန်းဂေါ်ဖီ - အခက်ကြီးကြီး ငါးခက်
  4. မုံလာဥနီ - အနေတော် တစ်ဥ
  5. ကြက်သွန်ဖြူ - အမွှာကြီးကြီး သုံးမွှာ
  6. ပဲငံပြာရည် အပျစ် - ထမင်းစားဇွန်း တစ်ဇွန်း
  7. ပဲငံပြာရည် အကြည် - ထမင်းစားဇွန်း တစ်ဇွန်း
  8. သကြား - ထမင်းစားဇွန်း တစ်ဇွန်း
  9. ဆား - လက်ဖက်ရည်ဇွန်း တစ်ဇွန်း
  10. ဆီ - ထမင်းစားဇွန်း ရှစ်ဇွန်းခန့်
  11. ကြက်ပြုပ်ရည် - ထမင်းစားဇွန်း ရှစ်ဇွန်း
  12. တရုတ်နံနံ - မိမိနှစ်သက်သလောက်
  13. နှမ်းဆီမွှေး - လက်ဖက်ရည်ဇွန်း တစ်ဝက်
  14. ကြက်ဥ - တစ်လုံး

ပြင်ဆင်ချက်ပြုပ်ပုံ
  • ဂဏန်းသားကို အဆင်သင့် ပြင်ထားပါ
  • ခေါက်ဆွဲကို ဇလုံတစ်လုံးထဲထည့်ကာ နှမ်းဆီမွှေး ပဲငံပြာရည်အပျစ်တို့နဲ့ နယ်ပေးထားပါ
  • ပန်းဂေါ်ဖီကို ရေဆေးကာ အခက်သေးလေးတွေရအောင် လွီးထားပါ
  • မုံလာဥနီကို အခွံခွာပြီး ရေဆေးပြီး မိမိနှစ်သက်သလို လှီးထားပါ
  • တရုတ်နံနံကို  ရေဆေးပြီး အရိုးလေးတွေ ကျေသွားအောင် အနည်းငယ်ထုပြီး အနေတော် လွီးထားပါ
  • ကြက်သွန်ဖြူ ကို အခွံခွာပြီး ရေဆေးကာ ဓါးပြားရိုက်ထားပါ
  • ပါ၀င်ပစ္စည်းများကို အဆင်သင့် ပြင်ထားပါ
  • မကပ်သော ဒယ်အိုးကို အပူပေးပါ အိုးပူလာပါက ဆီထည့်ပေးပါ
  • ဆီပူလာတာနဲ့ သကြားကို အရင်ထည့်ကြော်ပါ
  • သကြားပျော်လာပြီး အညိုရောင် ပြောင်းလာတာနဲ့ ဂဏန်းသားကို ထည့်ကြော်ပေးပါ
  • ဂဏန်းသား ထည့်မွှေပြီးတာနဲ့ နှစ်မိနစ်လောက် ကြော်ပေးပါ
  • ပြီးတာနဲ့  ကြက်သွန်ဖြူကို ထည့်မွှေပေးပါ
  • ကြက်သွန်ဖြူ  အနံ့လေး မွှေးလာတာနဲ့ ပန်းဂေါ်ဖီနှင့် မုံလာဥနီတို့ကို ထည့်ကြော်ပေးပါ
  • ပြီးတာနဲ့ ပဲငံပြာရည်အကြည်နှင့် ကြက်ပြုပ်ရည်တို့ကို ထည့်ကြော်ပေးပါ
  • အသီးအရွက်များ အရမ်းနူးမသွားစေရန် ၂မိနစ်လောက် ကြော်ပြီးတာနဲ့ အရသာ နယ်ထားသော ခေါက်ဆွဲကို ထည့်ကြော်ပါ
  • အသီးအရွက်များနှင့် သမသွားအောင် မွှေပေးပြီး တမိနစ်လောက် မွှေပြီးတာနဲ့ ကျန်နေသော ကြက်ပြုပ်ရည်ကို ထည့်ကြော်ကာ အရသာမြည်းပေးကာ လိုသလို ပြင်ပေးပါ
  • ပြီးတာနဲ့ ခေါက်ဆွဲကြော်ကို ဘေးဖက်မှာ ခနတွန်းထားပြီး ကြက်ဥကို ဖောက်ထည့်ပြီး မွှေပေးပါ
  • ကြက်ဥ ကျက်တာနဲ့ ခေါက်ဆွဲကြော်ကို ရောမွှေပေးကာ အားလုံးသမသွားတာနဲ့ တရုတ်နံနံကိုထည့်မွှေပေးပြီးပါက ဂဏန်းသား ခေါက်ဆွဲကြော် မွှေးမွှေးလေးကို မိမိနှစ်သက်ရာ ဟင်းချို ဟင်းခါးတို့နှင့် သုံးဆောင်နိူင်ပါပြီ။

Wednesday 23 December 2020

မုန့်ဟင်းခါး ဟင်းရည်ကျဲ



ဒီနေ့တော့ မုန့်ဟင်းခါး ဟင်းရည်ကျဲလေး စားချင်တာနဲ့ မော်လမြိုင် မုန့်ဟင်းခါး ချက်စားဖြစ်ပါတယ် အားလုံးချက်ပြီးကာမှ ပူစီနံ မရှိတာကို သတိရသွားပါတယ်။
ဒါပေမဲ့လဲ မိုးတွေလေတွေ အသားကုန်ရွာနေတော့ သွားဝယ်ဖို့ကလဲ မဖြစ်နိူင် ဒီတော့လဲ ရှိတာလေးနဲ့ဘဲ စားလိုက်ရ ပါတော့တယ် ဒါကြောင့်မို့လို့ ဟင်းရည်ချက်နည်းလေးကိုဘဲ မာမာပြင်ဆင်ပြီး ချက်ထားတဲ့ နည်းအတိုင်း မျှဝေပေးလိုက်ပါတယ်ရှင်။

ငါးပြုပ်ရန် ပါဝင်ပစ္စည်းများ
  1. ငါးခူ - သုံးဆယ်သား
  2. မုန့်လုပ်ထန်းလျှက်ခဲ - ကွမ်းသီးဆံလုံးလောက် သုံးခဲ
  3. ငါးငံပြာရည် - ထမင်းစားရည် ငါးဇွန်း 
  4. ဆား - လက်ဖက်ရည်ဇွန်း နှစ်ဇွန်း 
  5. စပါးလင် - နှစ်ပင်
ငါးပြုပ်ပုံ
  • ငါးခူကို ဘေးဆူးတောင်များ ခုတ်ပြီး ဗိုက်ထဲမှ ကလီစာများ ထုတ်ပေးပါ
  • ပြီးတာနဲ့ ဆား ထမင်းစားဇွန်း တဇွန်းထည့်ပြီး ပွတ်တိုက်ဆေးပေးပါ
  • ငါးအရည်ခွံ တော်တော်လေး ဖြူလာတာနဲ့ ရေစင်အောင် ဆေးပေးပါ
  • စပါးလင် နှစ်ပင်ကို ရေဆေးပြီး ထုပေးကာ အထုံးလေး ထုံးပေးပါ
  • ဇောက်နက်သော အိုးတစ်လုံးထဲမှာ ရေ စပါးလင် ငါး ဆား လက်ဖက်ရည်ဇွန်း တစ်ဇွန်း ထန်းလျှက်ခဲ ငါးငံပြာရည် ထမင်းစားဇွန်း ငါးဇွန်း နနွင်းမှုန့်  တို့ထည့်ပြီး ပြုပ်ပေးပါ
  • ငါးအသား နူလာတာနဲ့ အအေးခံပြီး အရိုးအသား သပ်သပ်စီ ထွင်ပေးထားပါ
  • အသားထွင်တဲ့အခါ ငါးအသား အမြှောင်းလေးတွေ ရအောင် ထွင်ပေးပါ
  • အသားထွင်ထားသော ငါးအရိုးများနှင့် ထည့်ပြုပ်ထားသော စပါးလင်ထုံးတို့ကို ကြေအောင်ထောင်းပြီး ရေအနည်းငယ်နှင့် အရည်ငင်ထားကာ ငါးပြုပ်ရည်ထဲမှာ ပြန်ရောပေးထာပါ။
  • ငါးဆီရန် ပါဝင်ပစ္စည်းများ
  • ဆီ - ထမင်းပေါင်းအိုး ဆန်ချင်ဗူး တစ်ဗူး
  • ကြက်သွန်နီ - နှစ်ဆယ်သား 
  • ကြက်သွန်ဖြူ  - တစ်ဆယ်သား
  • စပါးလင် - သုံးပင်င
  • ရုတ်သီး အရောင်တင်မှုန့် - လက်ဖက်ရည်ဇွန်း တစ်ဝက်သာသာ 
  • ချင်း - ငါးကျပ်သား 
  • နနွင်းမှုန့် - လက်ဖက်ရည်ဇွန်း တစ်ဝက်အ
  • ရသာမှုန့် - လက်ဖက်ရည်ဇွန်း တစ်ဇွန်းမောက်မောက်
ငါးဆီသတ်ပုံ
  • ကြက်သွန်ဖြူကို အခွံခွာပြီး အလုံးလိုက် ရေဆးကာ ခပ်ကြမ်းကြမ်း ထောင်းထားပါ
  • ကြက်သွန်နီ အခွံခွာပြီး အလုံးလိုက် ရေဆေးကာ ခပ်ကြမ်းကြမ်း ထောင်းထားပါ
  • ချင်းကို အခွံခွာပြီး ညက်နေအောင် ထောင်းပေးပါ
  • စပါးလင်သုံးပင်ကို ရေဆေးပြီး ခပ်ပါးပါး လှီးပေးကာ ညက်နေအောင် ထောင်းပေးပါ
  • ဒယ်အိုးထဲ ဆီထည့်ပြီး နနွင်းမှုန့် လက်ဖက်ရည်ဇွန်း သုံးပုံတစ်ပုံ ထည့်ပေးပါ
  • ဆီပူလာတာနဲ့ ကြက်သွန်ဖြူ ကြက်သွန်နီ စပါးလင် ချင်းထောင်းတို့ကို ထည့်ပြီးဆီသတ်ပေးပါ 
  • ကြက်သွန်ဆီသတ်နံ့ မွှေးလာတာနဲ့ အရိုးထွင်ထားသော ငါးနှင့် အရသာမှုန့် တို့ ထည့်မွှေပေးပါဆီသတ်နံ့ သင်းလာပြီဆိုတာနဲ့ မီးပိတ်ပေးပါ။
ငှက်ပျောအူလှီးရန် ပါဝင်ပစ္စည်းများ
  1. ငှက်ပျောအူ - တစ်ထွာသာသာလောက် (နုတဲ့နေရာကိုဘဲ သုံးပါ)
  2. နနွင်းမှုန့် - လက်ဖက်ရည်ဇွန်း နှစ်ဇွန်း 
  3. ရေ - လိုသလောက် သုံးပါ
ငှက်ပျောအူလှီးရန်
  1. ဇလုံတစ်လုံးထဲမှာ ရေနှင့် နနွင်းမှုန့် လက်ဖက်ရည်ဇွန်း နှစ်ဇွန်းတို့ကိုထည့်ပြီး ဖျော်ထားပါ
  2. ငှက်ပျောအူကို အဖတ်လေးတွေ ခွာပေးပြီး အကျောသင်ပေးပါ
  3. အကျောသင်ပြီးတာနဲ့ မထူမပါးလေးတွေလှီးပြီး နနွင်းဖျော်ထားသော ဇလုံထဲမှာထည့်ပြီး စိမ်ထားပါ
ဟင်းရည်ချက်ရန် ပါဝင်ပစ္စည်းများ
  1. ငါးဆီသတ်ပြီးသား
  2. ငှက်ပျောအူ လှီးပြီးသား
  3. ကြက်သွန်နီ - အလုံးသေး (မိမိနှစ်သက်သလောက်ထည့်ပါ)
  4. ငါးပြုပ်ရည်
  5. ဆန်လှော်မှုန့် - 1000 g
  6. ရေ - သုံးလီတာခန့်
  7. ဆား - လက်ဖက်ရည်ဇွန်း တစ်ဇွန်း
  8. ငါးငံပြာရည် - ထမင်းစားဇွန်း သုံးဇွန်း
  9. အရသာမှုန့် - လက်ဖက်ရည်ဇွန်း နစ်ဇွန်းခွဲ
  10. ငရုတ်ကောင်းမှုန့် - လက်ဖက်ရည်ဇွန်း နှစ်ဇွန်း
ဟင်းရည်ချက်ပုံ
  • ဇောက်နက်သော အိုးတစ်လုံးထဲ ငါးပြုပ်ရည် ငါးအရိုးကိုထောင်းပြီး အရည်ငင်ထားသော ငါးရိုးအရည် ငါးဆီသတ်များနှင့် နောက်ထပ်ရေ ၃လီတာခန့်ထည့်ပြီး တည်ပေးပါ
  • ဆန်လှော်မှုန့်ကို ရေအနည်းငယ်နှင့် ဖျော်ထားပါ
  • ဟင်းရည်အိုး ရေဆူလာတာနဲ့ လှီးထားသော ငှက်ပျောအူများကို ထည့်ပေးပါ
  • ငှက်ပျောအူများ နူးလာတဲ့အထိ တည်ပေးပြီးတာနဲ့ ဆန်လှော်မှုန့် အရည်ဖျော်ကိုထည့်ပြီး ဆား ငံပြာရည် အရသာမှုန့်တို့ကို သင့်သလိုထည့်ပြီး သမအောင် မွှေပေးပါ
  • ဆန်လှော်မှုန့်ထည့်ပြီး ဟင်းရည်အိုး ပွက်ပွက်ဆူလာတော့မှ ကြက်သွန်များထည့်ပြီး နူးလာပြီဆိုတာနဲ့ ငရုတ်ကောင်းမှုန့် ခတ်ပေးပါ
  • ပြီးတာနဲ့ အရသာ မြည်းပေးပြီး လိုသလို ပြင်ပေးပြီးပါက မော်လမြိုင် မုန့်ဟင်းခါး ဟင်းရည်ကျဲ ပူပူလေး ရပါပြီ။
မုန့်ပွဲပြင်ရန် ပါဝင်ပစ္စည်းများ
  1. မုန့်ဖတ် - တစ်ကီလိုခွဲ
  2. မုန့်ဟင်းရည် - မိမိနှစ်သက်သလောက်
  3. ငရုတ်သီး အလှော်မှုန့် - မိမိနှစ်သက်သလောက်
  4. နံနံပင် - မိမိနှစ်သက်သလောက်
  5. ငါးဖယ်ကြော် - မိမိနှစ်သက်သလောက်
  6. ပူစီနံ  - မိမိနှစ်သက်သလောက်
  7. ပဲကြော်  - မိမိနှစ်သက်သလောက်
မုန့်ပွဲပြင်ပုံ
  • မုန့်ပွဲပြင်ရန် ပါဝင်ပစ္စည်းများကို ပြင်ထားပါ
  •  နံနံပင်နှင့် ပူစီနံကို ရေဆေးပြီး သင့်သလို လှီးထားပါ
  • ပန်းကန်လုံး တစ်ခုထဲမှာ မုန့်ဖတ်နှင့် မိမနှစ်သက်ရာတို့ကို ထည့်ပေးပြီး မုန့်ဟင်းရည်ဆမ်းကာ မော်လမြိုင် မုန့်ဟင်းခါး ပူပူလေးကို စားသုံးနိူင်ပါပြီ။

Friday 18 December 2020

ပုဇွန် သင်္ဘောသီးထောင်း



ဒီနေ့တော့ သင်္ဘောသီး အစိမ်းလေးတွေ ဝယ်လာပြီး ပုဇွန်ထုတ်လေးတွေနဲ့ ထောင်းစားဖြစ်ပါတယ် မာမာကတော့ ထမင်းမစားချင်တဲ့ နေ့တွေဆို အခုလိုလေး စားရတာ ပါးစပ်ထဲမှာ ခံတွင်းတွေ့သလိုလဲ ခံစားရပါတယ် ဒါကြောင့်မို့လို့ မာမာပြင်ဆင်ပြီး ထောင်းထားတဲ့ နည်းလေးကို မျှဝေပေးလိုက်ပါတယ်ရှင်။


ပါဝင်ပစ္စည်းများ
  1. သင်္ဘောသီး ခြစ်ပြီးသား - လက်တစ်ဆုတ်စာ
  2. ပုဇွန်ပြုပ်ပြီးသား - အကောင်ကြီးကြီး ၇ကောင်
  3. ငါးငံပြာရည် - ထမင်းစားဇွန်း တစ်ဇွန်း
  4. ယိုးဒယား ငါးပိရည် - ထမင်းစားဇွန်း တစ်ဇွန်း
  5. ယိုးဒယား ပုဇွန်ငံပြာရည် - ထမင်းစားဇွန်း တစ်ဇွန်း
  6. ယိုးဒယား ဂဏန်းငံပြာရည် - ထမင်းစားဇွန်း တစ်ဇွန်း
  7. သံပုရာသီး - တစ်လုံး
  8. ထန်းလျှက်ခဲ - အနေတော် တစ်ခဲ
  9. ကြက်သွန်ဖြူ - အမွှာကြီးကြီး ငါးမွှာ
  10. ငရုတ်သီး အခြောက်တောင့် - ငါးတောင့်ခန့်
  11. ချယ်ရီ ခရမ်းချဉ်သီး - ငါးလုံး
  12. ကြက်သွန်ပင်ပေါက် - ငါးပင်ခန့်
  13. အရသာမှုန့် - လက်ဖက်ရည်ဇွန်း တစ်ဇွန်း
ပြင်ဆင်ပုံ
  • ပုဇွန်ထုတ်ကို ရေဆေးပြီး ရေမြုပ်အောင်ထည့်ကာ ပြုပ်ပေးပါ
  • ပုဇွန်ပြုပ်အိုး ရေပွက်ပွက်ဆူတာနဲ့ သုံးမိနစ်လောက် ထားပေးကာ ရေပူများကို သွန်ပေးပါ
  • အြီးတာနဲ့ အခွံများ ခွာပေးထားပါ
  • ပါဝင်ပစ္စည်းများ အားလုံးကို အဆင်သင့် ပြင်ထားပါ
  • ကြက်သွန်ဖြူကို အခွံခွာပြီး ရေဆေးထားပါ
  • ကြက်သွန်ပင်လေးတွေကို ရေဆေးထားပါ
  • ခရမ်းချဉ်သီးကို ရေဆေးပြီး ထက်ဝက်ခြမ်းထားပါ
  • သံပုရာသီးကို ရေဆေးပြီး အစိတ်လေးတွေ လှီးထားပါ
  • အားလုံးအဆင်သင့် ဖြစ်တာနဲ့ ငရုတ်ဆုံ ခပ်ကြီးကြီးထဲမှာ ထန်းလျှက်ခဲ  ကြက်သွန်ဖြူနှင့် ငရုတ်သီးတောင့်တို့ကို ထည့်ထောင်းပေးပါ
  • မညက်တစ်ညက် အနေအထားလေး ရလာတာနဲ့ သုံးရမဲ့ ငါးပိရည် ငံပြာရည်နှင့် အရသာမှုန့်တို ကို ထည့်ပေးပြီး ဇွန်းနှင့်မွှေပေးပါ
  • ပြီးတာနဲ့ သံပုရည်ညှစ်ထည့်ကာ ခရမ်းချဉ်သီး ပုဇွန်ထုတ်နှင့် သင်္ဘောသီးတို့ကို ထည့်မွှေပေးပါ
  • အားလုံးအရသာ သမသွားတာနဲ့ အရသာကို မြည်းပေးပြီး ချိုချဉ်ငံစပ် အရသာကို မြည်းပေးကာ လိုအပ်တာကို မိမိစိတ်ကြိုက် အရသာ ရလာအောင် ပြင်ပေးပါ
  • မိမိစိတ်ကြိုက် အရသာ ရလာပြီ ဆိုရင်တော့ချဉ်ငံစပ် သင်္ဘောသီးထောင်းလေးကို ကြက်သွန်ပင်လေးတွေနဲ့ တွဲဖက်ပြီး စားသုံးရန်  ပြင်ဆင်ပေးနိူင်ပါပြီရှင်။

Wednesday 16 December 2020

ကြက်သားလုံးကြော်


ဒီနေ့တော့ အရသာ တစ်မျိုးလေးနဲ့ စားလို့အရမ်းကောင်းလွန်းတဲ့ ကြက်သားလုံးကြော်လေး ကြော်ဖြစ်ပါတယ် ထမင်းပူပူလေးနဲ့ လိုက်ဖက်သလို ဒီအတိုင်းလေးလဲ စားလို့ကောင်းါတယ်  ကြောင့်မိုလို့ မာမာပြင်ဆင်ပြီး ကြော်ထားတဲ့ ကြက်သားလုံးကြော် ကြော်နည်းလေးကို မျှဝေပေးလိုက်ပါတယ်ရှင်။

ပါဝင်ပစ္စည်းများ


  1. ကြက်ရင်ပုံသား - 500 g
  2. ကြက်သွန်ဖြူ   - အမွှာကြီးကြီး သုံးမွှာ
  3. င​ရုတ်ကောင်းမှုန့် - လက်ဖက်ရည်ဇွန်း သုံးပုံတစ်ပုံ
  4. ချင်း - လက်တစ်ဆစ်ခန့် (ချင်းအရသာ ကြိုက်ပါက ပိုထည့်ပေးပါ)
  5. အရသာမှုန့် - လက်ဖက်ရည်ဇွန်း တစ်ဇွန်း
  6. ဆား - လက်ဖက်ရည်ဇွန်း တစ်ဝက်သာသာ
  7. နနွင်းမှုန့် -  လက်ဖက်ရည်ဇွန်း တစ်ဝက်
  8. ခရုဆီ - လက်ဖက်ရည်ဇွန်း တစဇွန်း  
  9. နှမ်းဆီမွှေး - ထမင်းစားဇွန်း တစ်ဇွန်း
  10. ပြောင်းကော်မှုန့် - ထမင်းစားဇွန်ူ နှစ်ဇွန်း
  11. တန်ပူရာမှုန့် - ထမင်းစားဇွန်းလေးဇွန်း
  12. ကြက်ဥ - တစ်လုံး
  13. ဆီ - လိုသလောက် သုံးပေးပါ
ပြင်ဆင်ပုံ
  • ကြက်သွန်ဖြူနှင့် ချင်းတို့ကို အခွံခွာပြီး ရေဆေးကာ ပါဝင်ပစ္စည်းများကို ပြင်ထားပါ
  • ကက်ဥကို ဇလုံတစ်လုံးထဲမှာ ခလောက်ထားပါ
  • တန်ပူရာမှုန့်ကို ပန်းကန်ထဲမှာ ထည့်ထားပေးပါ
  • ကြက်သားကို ရေဆေးပြီး အတုံးလေးတွေတုံးပေးပါ
  • ပြီးတာနဲ့ နနွင်းမှုန့် ဆား အရသာမှုန့် ပြောင်းကော်မှုန့် ခရုဆီ နှမ်းဆီမွှေး ချင်း နှင့်ကြက်သွန်ဖြူတို့နဲ့အတူ ကြိတ်စက်ထဲ ထည့်ပေးပါ
  • အသားများ ညက်သွားတဲ့အထိ ကြိတ်ပေးပါ
  • ကြက်သားများ ညက်သွားတာနဲ့ အလုံးလေးတွေ လုံးပေးပါ
  • ကြက်သားလုံးလေးတွေကို ကြက်ဥထဲမှာထည့်ပြီး နှစ်ပေးကာ  တန်ပါပူရာမှုန့်ထဲမှာ လူးပေးပါ
  • အထက်ပါ ပုံစံအတိုင်း နှစ်ကြိမ်လုပ်ပေးပြီးတာနဲ့ ကြက်သားလုံး ကြော်ဖို့ပြင်ပေးပါ
  • ဒယ်အိုးထဲမှာ ဆီများများထည့်ပြီး မီးဖိုပေါ်တင်ကာ အပူပေးပါ
  • ဆီပူလာတာနဲ့ မီးကိုအနေတော် လျှော့ပေးပြီးမှ ကြက်သားလုံးများကို အိုးဆန့်သလောက် ထည့်ကြော်ပေးပါ
  • ကြက်သားလုံးလေးတွေ တစ်ဖက်ကျက်တာနဲ့ နောက်တစ်ဖက်ကို လှန်ပေးပြီး ကြော်ပေးပါ
  • ကြက်သားလုံး တစ်ခုလုံး ရွှေဝါရောင် သန်းလာတာနဲ့ ဆယ်ပြီးဆီစစ်ပေးပါ
  • ဆီစစ်သွားတာနဲ့ ကြက်သားလုံးကြော် မွှေးမွှေးလေးကို ထမင်းပူပူလေးနဲ့ စားသုံးရန် ပြင်ပေးနိူင်ပါပြီ။

Monday 14 December 2020

ဆိတ်ဝမ်းပျင်မုန့်










ဒီနေ့တော့ ငယ်ငယ်က အရမ်းကြိုက်ခဲ့တဲ့ ဆိတ်ဝမ်းပျင်မုန့်လေး လုပ်စားဖြစ်ပါတယ် အရမ်းလဲ မချိုဘဲ ခပ်စိမ့်စိမ့် အရသာလေး ​ြဖစ်လို့ ရေနွေးကြမ်းလေးနဲ့ စားရင်လဲ လိုက်ဖက်လွန်းတဲ့အတွက် မာမာပြင်ဆင်ပြီး လုပ်ထားတဲ့ နည်းလေးပို မျှဝေပေးလိုက်ပါတယ်ရှင်။

ပါဝင်ပစ္စည်းများ

  1. ဂျုံမှုန့် - 160 g
  2. ပြောင်းကော်မှုန့် - 60 g
  3. နှမ်းအမည်း - ထမင်းစားဇွန်း တစ်ဇွန်း 
  4. ဆား - လက်ဖက်ရညိဇွန်း လေးပုံတစ်ပုံ
  5. ရေ - 200 mml (မုန့်ရည် အပျစ်အကျဲပေါ် မူတည်ပြီး ရေကိုလိုတိုး ပိုလျှော့လုပ်ပေးပါ)
  6. သကြား - မိမိနှစ်သက်သလောက်ထည့်ပါ
  7. အုန်းသီးခြစ်ပြီးသား - မိမိနှစ်သက်သလောက်(အုန်းသီးအနုလေးတွေကို သုံးပါက ပိုကောင်းပါတယ်)
  8. ထောပါတ် - လိုသလောက် ပြင်ထားပါ
  9. မကပ်သောဒယ်အိုး - တစ်လုံး
ပြင်ဆင်ပုံ
  • ဇလုံတစ်လုံးထဲမှာ ဆား ဂျုံမှုန့်  ပြောင်းကော်မှုန့်နှင့်ရေတို့ထည့်ပြီး သမအောင် မွှေပေးပါ
  • အားလုံး သမသွားတာနဲ့ မုန့်ပွလာအောင် နာရီဝက်လောက် ဖောက်ထားပေးပါ
  • ထောပါတ် အုန်းသီးနှင့် သကြားတို့ပို အဆင်သင့် ပြင်ထားပါ
  • မုန့်ဖောက်ချိန် ပြည့်တာနဲ့ ဒယ်အိုးကို မီးဖိုပေါ် တင်ကာ အပူပေးပါ
  • ဒယ်အိုးပူလာတာနဲ့ ထောပါတ် ထမင်းစားဇွန်း တစ်ဇွန်းစာ ထည့်ပေးပါ
  • ထောပါတ်ပူလာတာနဲ့ မုန်းနှစ်ရည်ကို အထက်အောက် သမအောင် မွှေပေးပြီး ယောက်ချိုဇွန်း တစ်ဇွန်းစာ ခပ်ပြီး အိုးထဲထည့်ပေးပါ
  • မုန့်ရည်ထည့်ပြီးတာနဲ့ ဇွန်းဖင်ဖြင့် ဝေ့ဝိုက်ပြီး ဖြန့်ပေးပါ
  • မုန့်သားပြန့်ပြန့်လေး ဖြစ်သွားတာနဲ့ အုန်းသီးနှင့်သကြားတို့ပိုထည့်ပြီး အိုးအဖုံးကို ခနအုပ်ပေးထားပါ
  • မုန့်သားကျက်သွားတာနဲ့ အိုးအဖုံးကို ဖွင့်ပေးပြီး ထက်ဝက်ချိုပြီး ခေါက်ပေးပါ
  • ထက်ဝက်ချိုး ခေါက်ပြီးတာနဲ့ နောက်တစ်ဝက်ချိုး ဒေါင့်ချွန်းပုံစံ ထပ်ခေါက်ပေးပြီး အိုးထဲမှ ဆယ်ပေးပါ
  • ကျန်နေသော မုန့်ရည်များကို အထက်ပါ နည်အးတိုင်း လုပ်ပေးပါ
  • မုန့်အားလုံး လုပ်ပြီးပါက ထောပါတ်နံ့ သင်းသင်းလေးနဲ့ ဆိတ်ဝမ်းပျင်းမုန့် စိမ့်စိမ့်လေးကို စားသုံးရန် ပြင်ပေးနိူင်ပါပြီ။

Saturday 12 December 2020

ချဉ်ငံစပ် ပြည်ကြီးငါးထောင်း




ဒီနေ့တော့ ပြည်ကြီးငါး ခေါင်းပိုင်းလေးတွေ ဝယ်လာပြီး တစ်ဝက်ကို ကြော်စားကာ တစ်ဝက်ကိုတော့ ချဉ်ငံစပ်လေး ထောင်းစား ဖြစ်ပါတယ် ရာသီဥတု အပြောင်းအလဲလေးကြောင့် အခုရက်ထဲ ထမင်းမစား ချင်တဲ့ရက်တွေက များနေသလို ထမင်းမစားချင်တဲ့ နေ့တွေဆို အခုလိုလေး စားရတာ ပါးစပ်ထဲမှာ ခံတွင်းတွေ့သလိုလဲ ခံစားရတဲ့အတွက် မာမာပြင်ဆင်ပြီး ထောင်းထားတဲ့ နည်းလေးကို မျှဝေပေးလိုက်ပါတယ်ရှင်။

ပါဝင်ပစ္စည်းများ
  1. သန့်စင်ပြီး ပြုပ်ထားပြီးသား ပြည်ကြီးငါးခေါင်းပိုင်း - ကိုးခု
  2. ပဲတောင့်ရှည် - ကိုးတောင့်
  3. ခရမ်းကြွတ်သီး - ကိုးလုံး
  4. မုန့်ဖတ် - မိမိစားနိူင်သလောက်
  5. ငါးငံပြာရည် - ထမင်းစားဇွန်း တစ်ဇွန်း
  6. ယိုးဒယား ငါးပိရည် - ထမင်းစားဇွန်း တစ်ဇွန်း
  7. ယိုးဒယား ပုဇွန်ငံပြာရည် - ထမင်းစားဇွန်း တစ်ဇွန်း
  8. ယိုးဒယား ဂဏန်းငံပြာရည် - ထမင်းစားဇွန်း တစ်ဇွန်း
  9. သံပုရာသီး - တစ်လုံး
  10. ထန်းလျှက်ခဲ - အနေတော် တစ်ခဲ
  11. ကြက်သွန်ဖြူ - အမွှာကြီးကြီး ငါးမွှာ
  12. ငရုတ်သီး အခြောက်တောင့် - ငါးတောင့်ခန့် (အစပ်မစားရင် လျှော့ထည့်ပါ)
  13. ချယ်ရီခရမ်းချဉ်သီး - ဆယ်လုံးခန့်
  14. အရသာမှုန့် - လက်ဖက်ရည်ဇွန်း တစ်ဇွန်း
ပြင်ဆင်ပုံ
  • ပါဝင်ပစ္စည်းများ အားလုံးကို အဆင်သင့် ပြင်ထားပါ
  • ကြက်သွန်ဖြူကို အခွံခွာပြီး ရေဆေးထားပါ
  • ချယ်ရီခရမ်းချဉ်သီးကို ရေဆေးပြီး ထက်ဝက်ခြမ်းထားပါ
  • သံပုရာသီးကို ရေဆေးပြီး အစိတ်လေးတွေ လှီးထားပါ
  • ခရမ်းကြွတ်သီးကို ရေဆေးပြီး မထူမပါးလေးတွေ လှီးထားပါ
  • ပဲတောင့်ရှည်လေးတောင့်ကို ရေဆေးပြီး အနေတော်လေးတွေ ပိုင်းဖြတ်ထားပါ
  • ပဲတောင့်ရှည် ငါးတောင့်ကို ရေဆေးပြီး ခပ်ရှည်ရှည်လေးတွေ ပိုင်းထားပါ
  • အားလုံးအဆင်သင့် ဖြစ်တာနဲ့ ငရုတ်ဆုံ ခပ်ကြီးကြီးထဲမှာ ထန်းလျှက်ခဲ  ကြက်သွန်ဖြူနှင့် ငရုတ်သီးတောင့်တို့ကို ထည့်ထောင်းပေးပါ
  • မညက်တစ်ညက် အနေအထားလေး ရလာတာနဲ့ သုံးရမဲ့ ငါးပိရည် အရသာမှုန့်နှင့် ငံပြာရည်တို့ကို  ထည့်ပေးပြီး ဇွန်းနှင့်မွှေပေးပါ
  • ပြီးတာနဲ့ သံပုရည်ညှစ်ထည့်ကာ ခရမ်းချဉ်သီး ပြည်ကြီးငါး ပဲသီးနှင့်ခရမ်းကြွတ်သီးတို့ ကို ထည့်မွှေပေးပါ
  • အားလုံးအရသာ သမသွားတာနဲ့  ချိုချဉ်ငံစပ် အရသာကို မြည်းပေးကာ လိုအပ်တာကို မိမိစိတ်ကြိုက် အရသာ ရလာအောင် ပြင်ပေးပါ
  • မိမိစိတ်ကြိုက် အရသာ ရလာပြီ ဆိုရင်တော့ ချဉ်ငံစပ် ပြည်ကြီးငါးထောင်းကို မုန့်ဖတ် ပဲသီးတို့နှင့်တွဲဖက်ကာ စားသုံးရန် ပြင်ဆင်ပေးနိူင်ပါပြီရှင်။

Wednesday 9 December 2020

ပြည်ကြီးငါး တန်ပူရာကြော်



 

ဒီနေ့တော့  ပြည်ကြီးငါး ခေါင်းပိုင်းလေးတွေကို တန်ပူရာမှုန့်နဲ့ ကြော်ဖြစ်ပါတယ် ပြည်ကြီးငါး စားတဲ့သူတွေအတွက်တော့ အရမ်းကို စားလို့ကောင်းပြီး အဆင်ပြေစေတဲ့ အကြော်လေးပါ။

ကြော်ရတာ လွယ်သလောက် စားရတာ အရမ်းကောင်းပါတယ် ပြည်ကြီးငါး ခေါင်းပိုင်းလေးတွေလဲ မိမိတို့အိမ်မှာ အဆင်သင့် ရှိနေမယ် အချိန်လေးလဲ အားမယ်ဆိုရင်တော့ ကြော်စားကြည့်စေချင်တဲ့အတွက် မာမာပြင်ဆင်ပြီး ကြော်ထားတဲ့ ကြော်နည်းလေးကို မျှဝေလိုက်ပါတယ်။

ပါ၀င်ပစ္စည်းများ
  1. ပြည်ကြီးငါးခေါင်းပိုင်း - ခပ်ကြီးကြီး ငါးခု
  2. နနွင်းမှုန့် - လက်ဖက်ရည်ဇွန်း တစ်ဝက်
  3. ဆား - လက်ဖက်ရည်ဇွန်း သုံးပုံတစ်ပုံ
  4. အရသာမှုန့် - လက်ဖက်ရည်ဇွန်း တစ်ဝက်
  5. ငရုတ်ကောင်းမှုန့် - လက်ဖက်ရည်ဇွန်း လေးပုံတစ်ပုံ
  6. တန်ပူရာမှုန့် - 150 g
  7. ရေ - ထမင်းပေါင်းအိုး ဆန်ချင်ခွက် တစ်ခွက်မရှိတစ်ရှိ
  8. ဆီ - လိုသလောက် သုံးပေးပါ
  9. ဆား - ထမင်းစားဇွန်း တစ်ဇွန်း (ပြည်ကြီးငါးဆေးရန်)
ပြင်ဆင်ပုံ
  • တန်ပူရာမှုန့်ကို ရေနည်းနည်းချင်းထည့်ကာ ရောပေးပြီး သမအောင် မွှေပေးကာ ခပ်ပျစ်ပျစ် ဖျော်ပေးပါ
  • ရေကိုတစ်ခါထဲ မထည့်ဘဲ နည်းနည်းချင်းထည့်ပေးကာ လိုတိုးပိုလျော့ လုပ်ပေးပါ
  • မုန့်နှစ်ခပ်ပြစ်ပြစ် ရအောင်ဖျော်ပေးပါ
  • ပြည်ကြီးငါးရဲ့ ခေါင်းပိုင်းမှ မလိုအပ်သော နေရာတွေကို ဖယ်ပေးပါ
  • ပြီးတာနဲ့ ဆားထည့်ကာ ခပ်နာနာ နယ်ပေးပါ
  • အကျိအချွဲများ ထွက်လာပါက ရေနိူင်နိူင်နှင့် ပြောင်စင်အောင် ဆေးပေးပါ
  • ရေဆေးပြီးတာနဲ့ ဇလုံတစ်လုံးထဲမှာ ထည့်ပေးကာ ဆား အရသာမှုန့် နနွင်းမှုန့် ငရုတ်ကောင်းမှုန့်တို့နဲ့ အရသာဝင်အောင် နယ်ပေးပါ
  • ပြီးတာနဲ့ တစ်ခုချင်း ယူပေးပြီး ဖျော်ထားသာ မုန့်နှစ်ထဲမှာ  နှစ်ပေးပါ
  • ဒယ်အိုးထဲမှာ ဆီထည့်ပြီး ဆီကိုမီးအား ပြင်းပြင်းနဲ့ အပူပေးပါ
  • ဆီပူလာပါက  မီးကိုအလယ်လောက်အထိ လျှော့ပေးပြီးမှ  မုန့်နှစ်လူးထားတဲ့ ပြည်ကြီးငါးကို တစ်ခုချင်း ထဲ့ကြော်ပေးပါ
  • ကြော်နေစဉ် မီးအရမ်း မများစေရန် သတိပြု ပြီး ကြော်ပေးပါ 
  • မီးအရမ်း များပါက အထဲမှ ပြည်ကြီးငါး အသားများ မကျက်ဘဲ ပျော့ပြဲကြီး ဖြစ်နေတတ်ပါတယ်
  • ကြော်နေစဉ် တစ်ဖက်က ရွှေဝါရောင် သန်းလာပါက တစ်ဖက်ကို လှန်ပေးပါ
  • နှစ်ဖက်လုံး ရွှေဝါရောင် သန်းလာပါက ဆယ်ပြီးဆီစစ်ပေးပါ
  • ဆီစစ်သွားပါက ပြည်ကြီးငါးကြော် ကြွတ်ကြွတ်ရွရွလေးကို မိမိနှစ်သက်ရာ အချဉ်နဲ့ တွဲဖက်ကာ သုံးဆောင်လို့ရပါပြီ။

ပဲကြော် ကြွတ်ကြွတ်လေး


ဒီနေ့တော့ ပဲကြော်ကြော်ပြီး မုန့်တီချက်သောက်ကြပါတယ် ပဲကြော်လေးတွေ ကြော်ဖြစ်တိုက်း ဝေမျှပေးချင်တဲ့ စိတ်လေးက တစ်ဖွားဖွား ပေါ်လာပြန်တော့ မာမာပြင်ဆင်ပြီး ကြော်ထားတဲ့ နည်းလေးကို ထပ်မံပြီး မျှ​ေ၀လိုက်ပါတယ်။

ပါ၀င်ပစ္စည်းများ (အချပ်ကြီး ၁၀ချပ်)

  1. ကုလားပဲခြမ်း - ထမင်းပေါင်းအိုး ဆန်ချင်ဗူး နှစ်ဗူး
  2. တန်ပူရာမှုန့် - 150 g (မည်သည့်အကြော်မှုန့်မဆို သုံးနိူင်ပါတယ်)
  3. ရေ - ထမင်းပေါင်းအိုး ဆန်ချင်ဗူး လေးဗူးကို လက်တလုံးစာလျှော့ထည့်ပါ
  4. ဆီ - နှစ်လီတာ
  5. ဒယ်အိုး အကြီး - တစ်လုံး 28cmခန့် (မကပ်သော ဒယ်အိုးကို သုံးပေးပါ)
  6. ဒယ်အိုးအသေး - တစ်လုံး 17 cmခန့် (မကပ်သောဒယ်အိုးကို သုံးပေးပါ)
  7. ယောက်ချိုဇွန်းမှုတ် - တစ်ချောင်း


ပြင်ဆင်ပုံ

  • ပဲခြမ်းကို ရေမြုပ်အောင်ထည့်ပြီး ရေစိမ်ပေးကာ အပေါက်ပါသော ဇကာဖြင့်အုပ်ပြီး တစ်ညလောက် ရေစိမ်ထားပါ
  • မနက်ရောက်လျှင် ရေဝပြီး ပွနေသော ပဲများကို ရေ၂ထပ်လောက် ဆေးပေးပြီး ရေစစ်ပေးပါ
  • တန်ပူရာမှုန့်ကို (အကြော်မှုန့်) ရေနှင့်ပျော်အောင်ဖျော်ပြီး ရေစစ်ထားသော ပဲခြမ်များနှင့်ရောမွှေပါ
  • အောက်ခြေ မကပ်သော ဒယ်အိုးနှစ်အိုးကို အကြော်ကြော်ဖို့ ပြင်ဆင်ပေးပါ
  • ဒယ်အိုးအသေးနှင့် ဒယ်အိုးအကြီးကို မီးဖိုနှစ်လုံး ပြိုင်တူမီးဖွင့်ကာ မီးလယ်အလတ်လောက်နှင့် အပူပေးထားပါ
  • အိုးများပူလာတာနဲ့ ဒယ်အိုးအသေးထဲကို အိုးတဝက်လောက် ဆီထည့်ပေးပါ
  • ဒယ်အိုးအကြီးထဲကိုတော့ ကျန်နေတဲ့ ဆီအကုန်လုံး ထည့်ပေးပါ
  • အိုးထဲမှ ဆီအငွ့ တက်လာတာနဲ့ ဒယ်အိုးအကြီး တင်ထားသော မီးဖိုမှမီးကို အနည်းငယ် ထပ်လျှော့ပေးထားပါ
  • ဒယ်အိုးအသေးထဲမှ ဆီပူလာတာ အနေတော် ဖြစ်ပါက တန်ပူရာမှုန့် အနှစ်စပ်ထားသော ပဲရည်ဖျော်ကို ဟင်းချိုခပ် ယောက်ချိုဇွန်းနှင့် အရင်ဆုံး အထက်အောက် သမအောင်မွှေပေးပါ
  • အထက်အောက် သမသွားတာနဲ့ ယောက်ချိုဇွန်း ဇွန်းတစ်ဇွန်းစာကို ပဲနှင့်အရည် မျှအောင်ခပ်ယူပြီး ဆီအိုး အ​ေသးထဲကို ထည့်ပေးပါ
  • ဆီအိုးထဲ ထည့်ရာမှာ ဇွန်းကိုစောင်းပြီး အိုးဘေးအနားဘက်မှစ​ြပီး အဝိုင်းပုံ သဏ္ဌန် လှည့်ပြီး အလယ်ကို ရောက်တဲ့အထိဖြန့်ပြီး ခပ်ဖြေးဖြေး ထည့်ပေးပါ
  • ပဲစေ့များ ပြန့်နေမှ အကျက်ညီစေမှာ ဖြစ်ပါတယ်
  • ပဲစေ့များ တစ်နေရာထဲ ပုံနေပါက အကျက်မညီဘဲ ဖြစ်သွားတတ်ပါတယ်
  • ပဲစေ့နှင့် မုန့်နှစ်ရည်များ ထည့်ပြီးပါက အထက်အောက် လှန်ပေးစရာ မလိုဘဲ ဒီအတိုင်သူ့းလေး ထားပေးပါ
  • အောက်ချေဘက် သူ့ဘာသာသူ ကြွတ်ပြီး မွတက်လာမှ အသာလေး ဆယ်ပြီး ဆီအိုးအကြီးထဲသို့ ပြောင်းထည့်ပေးပါ
  • ပဲကြော်ရဲ့ အောက်ချေလေးဘဲ ကြွတ်လာပြီး အပေါ်ယံဘက်မှ ပဲစေ့များ မကျက်ပေမဲ့ စိတ်မပူပါနှင့်
  • နောက်ထပ်ဆီအိုး အကြီးထဲကို ပြောင်းထည့်တဲ့အခါ အပေါ်ယံမှ ပဲစေ့များ တဖြည်းဖြည်း ကျက်လာပါလိမ့်မယ်
  • ဆီအိုးအကြီးထဲမှာ ကြော်ထားစဉ် ပဲကြော်တစ်ချပ်လုံး ရွှေဝါရောင် သန်းလာတဲ့အထိ ကြော်ပေးပါ
  • ရွှေဝါရောင် သန်းလာပါက ဆယ်ပေးပြီး ဆီစစ်ဇကာထဲထည့်ကာ  ဆီစစ်ပေးပါ
  • နောက်တစ်ချပ် ထပ်မကြော်ခင် အကြော်အိုး အ​ေသးထဲမှာ ဆီနည်းသွားပါက အိုးအ​ကြီးထဲမှဆီကို အပူခံဇွန်း ခပ်ကြီးကြီးနှင့် ခပ်ယူကာ အိုးအေသးထဲကို ခပ်ထည့်ပေးပါ
  • နောက်ထပ် ကျန်သောပဲနှင့် မုန့်နှစ်ရည်များကိုလဲ  အိုးအသေးထဲမှ အကြော်ကို အိုးအကြီးထဲ ပြောင်းပြီးတာနဲ့ ပထမ ကြော်သည့်အတိုင်း ထည့်ကြော်ပေးပါ
  • ဆီအိုးထဲကို ပဲရည်ခပ်ထည့်စဉ် ဆီအပူရှိန်က အရင်ကထက် ပိုပြီးပူနေတဲ့အတွက် အိုးအပြင်ကို ​​ဝေကျ တတ်တဲ့အတွက် ဖြေးဖြေးချင်း ထည့်ပေးပါ
  • အထက်ဖော်ပြပါ နည်းအတိုင်း ပထမ အချပ်အတိုင်း ပဲရည်ကုန်တဲ့အထိ ဆက်ကြော်ပေးပါက အကြော်၁၀ချပ်ရပါမယ် 
  • အားလုံးကြော်လို့ ပြီးသွားကာ  အကြော်များ ဆီစစ်သွားပါက မိမိနှစ်သက်သလို သုံးဆောင်နိုင်မည့် ပဲကြော်ကြွတ်ကြွတ်လေးများ ရပါပြီ။

Saturday 5 December 2020

ကြက်ဥ ပုဇွန်ခြောက်နှပ်


ဒီဟင်းလေးက မာမာငယ်ငယ်လေးထဲ အရမ်းကြိုက်ခဲ့တဲ့ ဟင်းလေးပါ မကြာခန ဆိုသလို ချက်စားဖြစ်ပြီး ချက်ရတာလဲ လွယ်လွန်းတဲ့အတွက် မာမာပြင်ဆင်ပြီး ချက်ထားတဲ့ နည်းလေးကို မျှဝေပေးလိုက်ပါတယ်ရှင်။

ပါဝင်ပစ္စည်းများ
  1. ကြက်ဥ - ငါးလုံး
  2. ပုဇွန်ခြောက်မှုန့် - ထမင်းစားဇွန်း ငါးဇွန်း
  3. ငါးငံပြာရည် - ထမင်းစားဇွန်း တစ်ဇွန်းခွဲ
  4. အရသာမှုန့် - လက်ဖက်ရည်ဇွန်း တစ်ဇွန်း
  5. နနွင်းမှုန့် - လက်ဖက်ရည်ဇွန်း တစ်ဝက်
  6. ကြက်သွန်နီ အလုံးကြီးကြီး တစ်ဥ
  7. ချင်း - လက်တစ်ဆစ်သာသာ
  8. ပဲငံပြာရည် အပျစ် - ထမင်းစားဇွန်း တစ်ဇွန်း
  9. ဆီ - ထမင်းစားဇွန်း ဆယ်ဇွန်းခန့်
ပြင်ဆင်ပုံ
  • ကြက်ဥကို ကျက်အောင်ပြုပ်ပြီး အခွံခွာကာ ပါတ်ပါတ်လည်ကို ပုံပါအတိုင်း မွှန်းပေးထားပါ
  • ကြက်သွန်နီကို အခွံခွာပြီး အလုံးလိုက် ရေဆေးကာ ခပ်ပါးပါး လှီးထားပါ
  • ချင်းကိုအခွံခွာပြီး ရေဆေးကာ ခပ်ပါးပါး အမြှောင်းလိုက်လေးတွေ လှီးထားပါ
  • ပါဝင်ပစ္စည်းများကို အဆင်သင့် ပြင်ထားပါ
  •  ဒယ်အိုးထဲမှာ ဆီနှင့်နနွင်းမှုန့်ထည့်ပြီး အပူပေးပါ
  • ဆီပူလာတညနဲ့ ကြက်သွ န်နီကို နွမ်းသွားတဲ့အထိ ထည့်ကြော်ပေးပါ
  • ကြက်သွန်နီ နွမ်းတာနဲ့ ကြက်ဥကို ထည့်မွှေပေးပါ
  • ကြက်ဥနှင့် ကြက်သွန် သမသွားတာနဲ့ ပုဇွန်ခြောက်မှုန့် ချင်း အရသာမှုန့် ငါးငံပြာရည်နှင့် ပဲငံပြာရည် အပျစ်တို့ကို ထည့်မွှေပေးပါ
  • အနံ့လေး မွှေးလာတာနဲ့ အရသာမြည်းပြီး လိုတဲ့အရသာကို ပြင်ပေးပါ
  • ပြီးတာနဲ့ ကြက်ဥ ပုဇွန်ခြောက်နှပ် ဟင်းလေးကို စားသုံးရန် ပြင်ပေးနိူင်ပါပြီ။

Friday 4 December 2020

ပုဇွန်ထောင်းဆုတ်ကြော်









ဒီနေ့တော့ ပုဇွန်လတ်လတ်ဆတ်ဆတ်လေးတွေ ဝယ်လာပြီး ထမင်းပူပူလေးနဲ့ လိုက်ဖက်လွန်းတဲ့ ပုဇွန်ထောင်း ဆုတ်ကြော်လေး ကြော်ဖြစ်ပါတယ် အရသာ ရှိလွန်းပြီး စားလို့ကောင်းလွန်းတဲ့အတွက် မာမာပြင်ဆင်ပြီး ကြော်ထားတဲ့ နည်းလေးကို မျှဝေပေးလိုက်ပါတယ်ရှင်။

ပါ၀င်ပစ္စည်းများ
  1. ပုဇွန်ခေါင်းချိုး - 400 g
  2. ကြက်သွန်နီ - အနေတော် တစ်လုံး
  3. အရသာမှုန့် - လက်ဖက်ရည်ဇွန်း တစ်၀က်
  4. အကြော်မှုန့် - ထမင်းစားဇွန်း သုံးဇွန်း မောက်မောက်
  5. ဆား  - လက်ဖက်ရည်ဇွန်း သုံးပုံတစ်ပုံ
  6. နံနံပင် - အနည်းငယ်
  7. နနွင်းမှုန့် - လက်ဖက်ရည်ဇွန်း လေးပုံတစ်ပုံ
  8. ဆီ - လိုသလောက် သုံပေးပါ

ပြင်ဆင်ပုံ
  • ပုဇြန္ကို အခြံခြာ အမြှီးဖြုတ် ခေါင်းဖြုတ်ပြီး ကြောဖက်မှ အမဲကြောင်းကို ဖယ်ပေးပါ
  • အားလုံးပြီးလျှင် ရေတစ်ထပ်ဆေးပြီး ရေစစ်ထားပါ
  • ကြက်သွန်နီကို အခွံခွာပြီး ရေဆေးကာ ခပ်ပါးပါး လှီးထားပါ
  • နံနံပင်ကို ရေဆေးပြီး ခပ်ကြမ်းကြမ်း လှီးထားပါ
  • ပုဇွန်ရေစစ်ပါက ဆား နနွင်းမှုန်နှင့် အရသာမှုန့်တို့ထည့်ကာ နယ်ထားပါ
  • ငရုတ်ဆုံထဲမှာ ပုဇွန် ကြက်သွန်နီနှင့် အကြော်မှုန့်တို့ကို ထည့်ပြီး အရသာ သမသွားအောင် ထောင်းပေးပါ
  • ထောင်းလို့ပြီးပါက နံနံပင်နှင့် ရောနယ်ပေးကာ ရေခဲသေတ္တာ မခဲတဲ့ အကန့်ထဲမှာ နှစ်နာရီလောက် နှပ်ထားပေးပါ
  • နှပ်ထားချိန် ပြည့်တာနဲ့ ပုဇွန်ထောင်းတာကို ထမင်းစားဇွန်း တစ်ဇွန်းစာယူပြီး ဆုတ်ကာလုံးပေးပါ
  • ဆီကိုအပူပေးပြီး ဆီပူလာပါက လုံးထားသော ပုဇွန်လုံးကို မထည့်ခင် မီးကို အနေတော် ပြန်လျှော့ပေးပြီးမှ ပုဇွန်လုံးကို ထည့်ကြော်ပါ
  • တစ်ဖက်ကျက်တာနဲ့ နောက်တစ်ဖက်လှန်ပြီး ဆက်ကြော်ပေးပါ
  • နှစ်ဖက်လုံး ရွှေဝါရောင် သန်းပါက ဆယ်ပြီးဆီစစ်ပေးပါ
  • ဆီစစ်သွားပါက  ဆလတ်ရွက် နှစ်သက်ရာ အချဉ်နဲ့ တွဲဖက်ပြီး စားသုံးရန် ပြင်ပေးနိုင်ပါပြီ။

Thursday 3 December 2020

ကြက်ဥ အစာသွပ်




တစ်ခါတလေကျ အစားအသောက် တစ်ခုကို အမြဲတမ်း စားနေကျ ပုံစံအတိုင်း စားနေရတာထက် ပုံစံတစ်မျိုးလေး ခွဲထွက်ပြီး စားကြည့်ရတာကလဲ အရသာ ထူးထူးဆန်းဆန်းလေးတွေကို ရတတ်ပါတယ်။

ဒါကြောင့်မို့လို့ ဒီနေ့တော့ ကြက်ဥပြုပ်လေးတွေကို မြေပဲနဲ့ ငရုတ်သီး လုံးခြမ်းခွဲလေးကို ကြော်ပြီး ခပ်စိမ့်စိမ့် ခပ်စပ်စပ် ချဉ်ငံစပ် အရသာလေး ရလာအောင် လုပ်စားပါတယ် ဒါကြောင့်မို့လို့ မာမာပြင်ဆင်ပြီး လုပ်ထားတဲ့ နည်းလေးကို မျှဝေပေးလိုက်ပါတယ်ရှင်။

ပါဝင်ပစ္စည်းများ
  1. ကြက်ဥ - ငါးလုံး
  2. ငရုတ်သီး လုံးခြမ်းခွဲ - ထမင်းစားဇွန်း သုံးဇွန်း မောက်မောက်
  3. ငါးငံပြာရည် - ထမင်းစားဇွန်း နှစ်ဇွန်း
  4. အရသာမှုန့် - လက်ဖက်ရည်ဇွန်း တစ်ဇွန်း
  5. မြေပဲလှော် - ထမင်းစားဇွန်း ငါးဇွန်းခန့်
  6. ဆီ - ထမင်းစားဇွန်း ငါးဇွန်း
  7. နံနံပင် - အနည်းငယ်
  8. ဂေါ်ဖီ - အနည်းငယ်
  9. သံပုရာသီး - တစ်လုံး
ပြငိဆင်ပုံ
  • အရင်ဆုံး အိုးထဲမှာ ကြက်ဥကို ရေမြုပ်အောင်ထည့်ပြီး ပွက်ပွက်ဆူအောင် ဆယ်မိနစိလောက် ပြုပ်ပေးပါ
  • ပြီးတာနဲ့ အခွံခွာထားပေးပါ
  • ပါဝင်ပစ္စည်းများကို အဆင်သင့် ပြင်ထားပါ
  • ဂေါ်ဖီကို ခပ်ပါးပါးလေးတွေလှီးပြီး ရေဆေးကာ ရေစစ်ထားပါ
  • နံနံပင်ကို ရေဆေးထားပြီး ရေစစ်ထားပါ
  • သံပုရာသီးကို ရေဆေးပြီး အစိတ်လေးတွေ စိတ်ထားပါ
  • မြေပဲလှော်ကို မညက်တစ်ညက်လေးတွေ ထောင်းထားပါ
  • အားလုံး အဆင်သင့် ဖြစ်တာနဲ့ ဒယ်အိုးထဲမှာ ဆီထည့်ပြီး အပူပေးပါ
  • ဆီပူလာတာနဲ့ မီးကိုအနိမ့်ဆုံးအထိ လျှော့လိုက်ပြီးမှ ငရုတ်သီးကို ထည့်ကြော်ပေးပါ
  • ငရုတ်သီးနံ့ မွှေးလာတာနဲ့ မြေပဲ ငါးငံပြာရည်နှင့် အရသာမှုန့်တို့ကို တစ်ခါထဲ ထည့်မွှေပေးပါ
  • ငရုတ်သီးကြော်လေး ကြွတ်ပြီးမွှေးလာပြီဆိုရင် မီးပိတ်ပေးပါ
  • ကြက်ဥကို ဓါးနှင့် ခပ်စောင်းစောင်းလေး ခွဲပေးပြီး ငရုတ်သီးကြော်ကို အစာသွပ်ပေးပါ
  • ပြီးတာနဲ့ ဂေါ်ဖီ နံနံပင်နှင့် သံပုရာရည်တို့ ညှစ်ပေးကာ စားသုံးနိူင်ပါပြီရှင်။

Tuesday 1 December 2020

ကန်စွန်းဥပေါင်း ချိုချိုလေး



ဒီနေ့တော့ ကန်စွန်းဥ ခရမ်းရောင်လေးတွေ ဝယ်လာပြီး ပေါင်းလိုက်ပါတယ် စားလို့အရမ်းကောင်းတဲ့အတွက် မာမာပြင်ဆင်ပြီး လုပ်ထားတဲ့ မုန့်လုပ်နည်းလေးကို မျှဝေပေးလိုက်ပါတယ်ရှင်။

ပါ၀င်ပစ္စည်းများ
  1. 200 g - purple sweet potato 
  2. 1 - egg
  3. 1/2 cup - white sugar
  4. 1/2 cup - brown sugar
  5. 1/2 cup - milk
  6. 1 tsp - vanilla
  7. 1 1/2 cup - all purpose flour
  8. 1 tsp - salt
  9. 1 tsp - baking soda
  10. 1 tsp - baking powder
  11. 1 tsp - poppy seed
  12. 1/2 cup - butter

ပြင်ဆင်ပုံ
  • ထောပါတ်ခဲကို အနည်းငယ် အပူပေးပြီး အရည်ဖျော်ထားပါ
  • မုန့်ထည့်ပေါင်းမည့် ပန်းကန်လေးများကို ထောပါတ်သုတ်ပေးထားပါ
  • ပထမဦးဆုံး ကန်စွန်းဥကို အခွံခွာပြီး ဇလုံတစ်လုံးထဲထည့်ကာ ပျော့အိသွားတဲ့အထိ ပေါင်းပေးပါ
  • ပြီးတာနဲ့ ကျေညက်သွားတဲ့အထိ ချေထားပါ
  • ကန်စွန်းဥများ ကျေညက်သွားတာနဲ့ ကြက်ဥကို ဖောက်ထည့်ကာ ကန်စွန်းဥနှင့် ရောပြီး  မွှေပေးပါ
  • ပြီးတာနဲ့ သကြားအဖြူ  သကြားအညို တို့ကို ရောပြီးသကြားများ ပျော်သွားတဲ့အထိ မွှေပေးပါ
  • သကြားများ ပျော်သွားတာနဲ့ နောက်ထပ် ဇလုံတစ်လုံးထဲမှာ ဂျုံမှုန့် ဆား ဘိတ်ကင်ပေါင်ဒါနှင့် ဘိတ်ကင်ဆိုဒါတို့ကို ရောပြီးမွှေပေးပါ
  • ပြီးတာနဲ့ ကန်စွန်းဥ ဇလုံအပေါ်မှာ ဇကာခံပြီး ဂျုံ မှုန့်များကို စစ်ချပြီး ထည့်ပေးပါ
  • ဂျုံမှုန့်ထည့်ပြီးတာနဲ့ မုန့်နှစ်သမသွားအောင် မွှေတံဖြင့် မွှေပေးပါ
  • ပြီးတာနဲ့ မုန့်နှစ်များကို ထောပါတ်ဆီ သုတ်ပေးထားသော ပန်းကန်လေးတွေထဲကို ပန်းကန်တစ်၀က် သာသာလောက် လိုက်ထည့်ပေးပါ
  • မုန့်နှစ်များ ထည့်ပေးပြီးတာနဲ့ အပေါ်ယံမှ ဘိန်းစေ့လေးများကို လိုက်ဖြူးပေးပါ
  • အားလုံးအဆင်သင့် ဖြစ်တာနဲ့ ပေါင်းအိုးအောက်ခံ အိုးထဲကို ပေါင်းခံခုံကို ထိတယ်ဆိုရုံလေး ရေထည့်ပေးပါ
  • ရေထဲမှာ ပေါင်းခံကို ထည့်ပေးပြီးတာနဲ့ ခုံပေါ်မှာ ဇကာခံပြီး အိုးဆန့်သလောက် ပန်းကန်လေးတွေ ထည့်ပေးပါ
  • ပေါင်းအိုးကို အဖုံးလုံအောင်အုပ်ပြီး steam ခလုတ်ကို နှိပ်ပေးကာ ၁၅မိနစ် ပေါင်းပေးပါ
  • မုန့်ပေါင်းချိန် ပြည့်တာနဲ့ အိုးထဲမွ လေတွေကုန်အောင် အကုန်ထုတ်ပေပြီးမှ အိုးအဖုံးကို ဖွင့်ပေးပါ
  • ပေါင်းအိုးထဲမှာ လေများကျန်နေပါက အဖုံးဖွင့်တဲ့အခါမှာ ပေါက်ကွဲပြီး လူကိုအပူလောင်စေပါတယ်
  • ပေါင်းအိုးထဲမှ ကန်စွန်းဥပေါင်း ပန်းကန်လေးတွေကို အိုးအပြင်ကို ထုတ်ပေးပြီး စားသုံးရန် ပြင်ပေးနိူင်ပါပြီ။