ဆီနီဆီချက် ချက်နည်းလေး မေးထားသူတွေအတွက် မာမာချက်တဲ့ နည်းလေးကို မျှဝေပေးလိုက်ပါတယ်ရှင်။
ဆီနီဆီချက် ချက်တဲ့အခါမှာ သတိထားရမှာက ဆီနီဆီချက်ကို ကြက်သွန်ဖြူထောင်းလေးကို အရင်ကြော်ပြီးမှ ဆယ်ထားကာ ဆီပူပူကို ငရုတ်သီးထဲကို လောင်းထဲ့ရင်လဲ ရပါတယ်။
ဒါပေမဲ့ ချက်နေမကျတဲ့ သူဆိုရင် ကြက်သွန်ဖြူကလဲ ခါးသွားတတ်သလို ငရုတ်သီးကလဲ တူးသွားတတ်ပါတယ်။
ဒါကြောင့်မို့လို့ ဆီနီဆီချက် အလွယ်ချက်နည်းလေးကိုလဲ ရေးပေးလိုက်ပါတယ်ရှင်။
ပါဝင်ပစ္စည်းများ
*****************
(၁) ငရုတ်သီး အရောင်တင်မှုန့် - ထမင်းစားဇွန်း ငါးဇွန်း
( ၂ ) ဆီ - လီတာဝက်ခန့်
( ၃ ) နနွင်းမှုန့် - လက်ဖက်ရည်ဇွန်း တဝက်သာသာ
ပြုလုပ်နည်း
*************
( ၁ ) အရင်ဆုံး ငရုတ်သီး အရောင်တင်မှုန့်ကို အနေတော် စတီးဇလုံထဲမှာ ထည့်ထားပါ။
(၂ )အိုးထဲမှာ ဆီနှင့် နနွင်းမှုန့်ထည့်ပြီး မီးအနေတော်နဲ့အပူပေးပါ။
( ၃ ) ဆီပူလာပြီ ဆိုတာနဲ့ ငရုတ်သီး အရောင်တင်မှုန့် ထည့်ထားသော ဇလုံထဲကို လောင်းထဲပေးပါ။
( ၄ ) ပြီးတာနဲ့ ဇွန်းရှည်ရှည်နှင့် ဆီနှင့်ငရုတ်သီးမှုန့် သမသွားအောင် ခပ်မြန်မြန်လေး မွှေပေးပါ။
( ၅ ) အေးသွားပြီ ဆိုတော့မှ မိမိသိမ်းထားမည့် ပုလင်း သို့မဟုတ် ဘူးလေးထဲမှာ ထည့်ထားပြီး သိမ်းထားပြီး အသုပ်သုပ်တဲ့ အခါကျမှ ယူသုံးပေးပါ။
