Saturday 25 July 2020

ဆန်ပြားခေါက်ဆွဲကြော်


ဒီနေ့တော့ အိမ်မှာ မကြာမကြာ ကြော်စားဖြစ်တဲ့ ဆန်ပြားခေါက်ဆွဲကို စားတော်ပဲ ပဲပြုပ်လေးနဲ့ ခပ်စိမ့်စိမ့် အရသာလေး ရအောင်လို့ ကြော်စားဖြစ်ပါတယ် စားလို့ကောင်းလွန်းတဲ့အတွက် မာမာပြင်ဆင်ပြီး ကြော်ထားတဲ့ ကြော်နည်းလေးကို မျှဝေပေးလိုက်ပါတယ်ရှင်။

ပါ၀င်ပစ္စည်းများ
  1. ဆန်ပြားခေါက်ဆွဲ - 500 g
  2. ကြက်သွန်ဖြူ  - အမွှာကြီးကြီး သုံးမွှာ
  3. မုံလာဥနီ - အနေတော် တစ်ဥ
  4. တရုတ်ကန်စွန်းရွက် - အနေတော် သုံးပင်
  5. ပဲတောင့်ရှည် - ငါးတောင့်
  6. ကြက်သွန်မိတ် - အနေတော်နှစ်ပင်
  7. တရုတ်နံနံ - အခက်ကြီးကြီး သုံးခက်
  8. ဘဲဥ - နှစ်လုံး
  9. စားတော်ပဲပြုပ် - မိမိနှစ်သက်သလောက်
  10. ဗနီကာ - ထမင်းစားဇွန်း တစ်ဇွန်း
  11. ဆား - လက်ဖက်ရည်ဇွန်း တစ်ဇွန်း
  12. အရသာမှုန့် - လက်ဖက်ရည်ဇွန်း တစ်ဇွန်း
  13. ပဲငံပြာရည်အနောက် - ထမင်းစားဇွန်း တစ်ဇွန်း
  14. ပဲငံပြာရည်အကြည် - ထမင်းစားဇွန်း တစ်ဇွန်း
  15. ခရုဆီ - ထမင်းစားဇွန်း တစ်ဇွန်း
  16. နှမ်းဆီ - လက်ဖက်ရည်ဇွန်း တစ်ဇွန်း
  17. ဆီ - ထမင်းစားဇွန်း ခြောက်ဇွန်း 
ပြင်ဆင်ပုံ
  • ဆန်ပြားခေါက်ဆွဲနှင့် ပါ၀င်ပစ္စည်းများကို ပြင်ထားပါ
  • ကြက်သွန်ဖြူကို အခွံခွာပြီး ရေဆေးကာ ဓါးပြားရိုက်ပြီး ခပ်သေးသေးလေးတွေ လှီးထားပါ
  • စားတော်ပဲပြုပ် ပြုပ်ပြီးသားကို အဆင်သင့် ပြင်ထားပါ
  • မုံလာဥနီကို အခွံခွာပြီး မိမိနှစ်သက်သည့်ပုံစံ လှီးထားပါ
  • ပဲသီးကို အတောင့်လိုက် ရေဆေးကာ အနေတော် လှီးထားပါ
  • ကန်စွန်းရွက်ကို ထက်ဝက်ခြမ်းကာ အနေတော် လှီးပေးပြီး ရေဆေးထားပါ
  • တရုတ်နံနံကို ရေဆေးပြီး အနေတော် ပိုင်းဖြတ်ထားပါ
  • ကြက်သွန်မိတ်ကို အပင်လိုက် ရေဆေးပေးပြီး အနေတော်လေးတွေ လှီးပေးထားပါ
  • ဇလုံတစ်လုံးထဲမှာ ဗနီကာ ဆား အရသာမှုန့် ပဲငံပြာရည်အကြည် ပဲငံပြာရည်အနောက် ခရုဆီနှင့် နှမ်းဆီတို့ကို အရသာ သမအောင် မွှေပေးထားပါ
  • အားလုံးအဆင်သင့် ဖြစ်တာနဲ့ ဒယ်အိုးထဲမှာ ဆီထည့်ပြီး အပူပေးပါ
  • ဆီပူလာလျှင် ကြက်သွန်ဖြူကို မွှေးလာရုံလေး ထည့်ကြော်ပေးပါ
  • ပဲပြုပ် တရုတ်နံနံနှင့် ကြက်သွန်မိတ်မှလွဲပြီး ကျန်နေသော အသီးအရွက်များတို့ကို ထည့်ကြော်ပေးပါ
  • အသီးအရွက်များ အနည်းငယ် နွမ်းသွားပါက ဆန်ပြားခေါက်ဆွဲနှင့် အရသာ စပ်ထားသော အရည်ကို ထည့်ကြော်ပေးပါ
  • ပြီးတာနဲ့ အရသာ သမသွားအောင် မွှေပေးပါ
  • အသီးအရွက်ကို အရမ်းနွမ်းပြီး အသီးအရွက်များ အရောင်ပြောင်းတဲ့အထိ ကြော်စရာ မလိုတဲ့အတွက် ခနဘဲကြော်ပေးပါ
  • အရသာ သမလောက်ပြီ ဆိုတာနဲ့ ပဲပြုပ် တရုတ်နံနံနှင့် ကြက်သွန်မိတ်တို့ကို ထဲ့ပေးပြီး သမသွားအောင် မွှေပေးပါ
  • ပြီးတာနဲ့ အရသာ မြည်းပေးကာ မိမိစိတ်ကြိုက် အရသာ ရလာအောင် လိုသလို ပြင်ပေးပါ
  • မိမိစိတ်ကြိုက် အရသာ ရပြီဆိုတာနဲ့ ပန်းကန်ထဲ ပြောင်းထည့်ပေးပါ
  • ကြော်ပြီးတာနဲ့ ပူပူလူလူလေး သုံးဆောင်ပါက အရမ်းကို ကောင်းလွန်းတဲ့ ဆန်ပြားခေါက်ဆွဲကြော်ကို စားသုံးရန် ပြင်ပေးနိူင်ပါပြီ။

Thursday 23 July 2020

မန်ကျည်းသီးစိမ်း ငပိချက်









မန်ကျည်းသီးစိမ်းလေးတွေ ပေါ်လာတဲ့ ရာသီရောက်လာပြီမို့လို့ ထမင်းမြိန်မြိန် စားရလေအောင် ပုဇွန်ခေါင်းချိုးလေးတွေနဲ့ ငါးပိချက်လေး ချက်ပါတယ် ရာသီစာလေး ဖြစ်တဲ့အတွက် မာမာပြင်ဆင်ပြီး ချက်ထားတဲ့ နည်းလေးကို မျှဝေပေးလိုက်ပါတယ်ရှင်။
ပါ၀င်ပစ္စည်းများ
  1. မန်ကျည်းသီးစိမ်း - အနေတော် ၁၅တောင့်ခန့်
  2. ပုဇွန်ခေါင်းချိုး - နှစ်ဆယ်သား
  3. ကြက်သွန်နီ - အလုံးကြီးကြီး နှစ်လုံး (ခပ်ပါးပါး လှီးရန်)
  4. ကြက်သွန်နီ - အနေတော် နှစ်လုံး (ထောင်းရန်)
  5. ကြက်သွန်ဖြူ  အမွှာကြီးကြီး - ငါးမွှာ (ထောင်းရန်)
  6. ကြက်သွန်ဖြူ   အမွှာသေးသေး - ဆယ်မွှာ (ငါးပိချက်ထဲထည့်ရန်)
  7. ငရုတ်သီး အရောင်တင်မှုန့် - ထမင်းစားဇွန်း တစ်ဇွန်း
  8. ငရုတ်သီး လုံးကြမ်းခွဲ - ထမင်းစားဇွန်း လေးဇွန်း
  9. ငရုတ်သီးစိမ်း - စားနိူင်သလောက်
  10. ငါးငံပြာရည် - ထမင်းစားဇွန်း ခြောက်ဇွန်း
  11. အရသာမှုန့် - လက်ဖက်ရည်ဇွန်း တစ်ဇွန်း
  12. နနွင်းမှုန့် - လက်ဖက်ရည်ဇွန်း သုံးပုံတစ်ပုံ
  13. ဆီ - ထမင်းစားဇွန်း ဆယ်ဇွန်း 
ပြင်ဆင်ပုံ
  • မန်ကျည်းသီးစိမ်း အခွံမှာ ကပ်နေသော အညိုရောင် အပေါ်ယံများ ကျွတ်သွားအောင် ဓါးနှင့် ခြစ်ပေးပါ။
  • မန်ကျည်းသီးစိမ်းက အနည်းငယ် ရင့်တဲ့အတွက် အစေ့များထုတ်ရန် ထက်ခြမ်းခြမ်းကာ အစေ့များ ထုတ်ပေးပါ။
  • ပြီးတာနဲ့ ရေသုံးထပ်လောက်ဆေးပြီး ရေစစ်ကာ မညက်တစ်ညက် ထောင်းပေးထားပါ။
  • ပုဇွန်ကို ရေဆေးပြီး ခေါင်းဖြုတ်ကာ ကြောဖက်မှ အမည်းကြောင်းကို ဖယ်းထားပေးပါ။
  • ကြက်သွန်နီကို အခွံခွာပြီး အလုံးလိုက် ရေဆေးကာ ခပ်ပါးပါး လှီးထားပါ။
  • ငရုတ်သီးစိမ်းကို အညှာခြွေပြီး ရဆေးထားပါ။
  • ကြက်သွန်နီ နှစ်လုံးကို ထောင်းရန်အတွက် အခွံခွာပြီး ရေဆေးထားပါ။
  • ကြက်သွန်ဖြူ  အမွှာကြီးများကို ထောင်းရန်အတွက် အခွံခွာပြီး ရေဆေးထားပါ။
  • ကြက်သွန်ဖြူ  အမွှာသေးများကို အခွံခွာပြီး ရေဆေးထားပါ
  • ငရုတ်သီး အကြမ်းမှုန့်ကို ပြင်ထားပါ။
  • ပြီးတာနဲ့ ကြက်သွန်ဖြူ  ကြက်သွန်နီနှင့် ငရုတ်သီး အရောင်တင်မှုန့်တို့ကို ရောပြီး ထောင်းပေးပါ။
  • နနွင်းမှုန့် ဆီ ငံပြာရည် အရသာမှုန့်တို့ကို ပြင်ထားပါ။
ငါးပိချက်ချက်ရန် ပြင်ဆင်ပုံ
  • ဒယ်အိုးကို အပူပေးပြီး ဆီနှင့်နနွင်းမှုန့် ထည့်ပေးပါ။
  • ဆီပူလာတာနဲ့ လှီးထားသော ကြက်သွန်နီကို နွမ်းအောင်ထည့်ပြီး ကြော်ပေးပါ။
  • ကြက်သွန်နီ နွမ်းလာတာနဲ့ ငရုတ်သီးထောင်းကို ထည့်ကြော်ပေးပါ။
  • ငရုတ်သီးနံ့သင်းလာတာနဲ့ ငရုတ်သီး အကြမ်းမှုန့်နှင့် ပုဇွန်များကို ထည့်မွှေပေးပါ။
  • ပုဇွန်များ မာလာတာနဲ့ ငံပြာရည်နှင့် အရသာမှုန့်ကိုထည့်မွှေပေးပါ။
  • ပြီးတာနဲ့ ထောင်းထားသော မန်ကျည်းသီးစိမ်းကို ထည့်မွှေပေးပြီး ၅မိနစ်လောက် ကြော်ပေးပြီး ရေမြုပ်အောင်ထည့်ကာ ရေခမ်းတဲ့အထိ တည်ပေးပါ။
  • ရေခမ်းပြီး ဆီမပြန်ခင်မှာ အရသာမြည်းပြီး လိုသလို ပြင်ပေးပါ။
  • အရသာ မြည်းပြီးတာနဲ့ဆီပြန်ပြီး အနည်းငယ် ခြောက်လာအောင် မီးအေးအေးနဲ့ တည်ပေးပါ။
  • ပြီးတာနဲ့ ကြက်သွန်ဖြူ အမွှာသေးများနှင့် ငရုတ်သီးစိမ်းလေးတွေ ထည့်မွှေပေးကာ မီးပိတ်ပေးပါ။
  • ချဉ်ငံစပ်မွှေး မန်ကျည်းသီးစိမ်း ငါးပိချက်လေးကို ထမင်းပူပူလေးနဲ့ စားသုံးရန် ပြင်ပေးနိူင်ပါပြီ။

Saturday 18 July 2020

ကောက်ညှင်းဖြူ လှော်စာ
















လှော်စာဆိုတာ မာမာ အရမ်းကြိုက်တဲ့ အစာတစ်ခုပါ မမွားပါဘူး နာဂတောင်တန်းမှာ နေစဉ်တုန်းက ဒေသအစာ တစ်ခုဖြစ်ပေမဲ့ ရာသီဥတု အေးတဲ့အတွက် ခက်ခက်ခဲခဲလေး လုပ်ကြရပြီး ရာသီဥတုပူတဲ့ မြေပြန့်မှာဆိုရင်တော့ လုပ်ရတာ ပိုပြီးလွယ်ပါတယ်။

ယူကျူ့မှာ ဗီယက်နမ်တွေ လုပ်တဲ့နည်းကတော့ dried yeast ball ကို သုံးပါတယ် မာမာကေတာ့ dried yeast cake ကို သုံးထားပါတယ် ဆိုင်မှာမေးတော့ အတူတူဘဲလို့ ပြောပါတယ် အေးရှန်းဆိုင်မှာ ၀ယ်လို့ရပါတယ် မြန်မာပြည်မှာဆိုရင်တော့ လှော်စာ ဆေးလုံးဆိုပြီး ပရဆေးဆိုင်တွေမှာ မေးပြီး၀ယ်လို့ရပါတယ်။

ဒီတစ်ခေါက်လုပ်တဲ့ လှော်စာကိုတော့ ခပ်ပျင်းပျင်း သျှတတလေး သောက်ချင်တာနဲ့ သကြားရည် မထည့်ဘဲ ဒီအတိုင်း သောက်ကြပါမယ်။

လှော်စာလုပ်တဲ့နေရာမှာ သုံးတဲ့အိုးခွက်တွေနဲ့ ကောက်ညှင်းကို ကိုင်တဲ့အခါမှာ လက်ကိုတော့ အရမ်းသန့်ရပါတယ် ဆီတွေပေနေတဲ့ လက် အိုးခွက်ပန်းကန်တွေနဲ့ လုပ်ရင်တော့ လှော်စာမဖြစ်ဘဲ လှော်စာက ပျက်သွားတတ်ပါတယ် ဒါကြောင့်မို့လို့ မာမာပြင်ဆင်ပြီး လုပ်ထားတဲ့ လှော်စာလုပ်နည်းလေးကို မျှဝေပေးလိုက်ပါတယ်ရှင်။


ပါ၀င်ပစ္စည်းများ

  1. ကောက်ညှင်းဆန် - ထမင်းပေါင်းအိုး ဆန်ချင်ဗူး သုံးဗူး
  2. လှော်စာဆေးလုံး - 22 g တစ်လုံး (dried yeast ball)
  3. ပေါင်းအိုး - တစ်လုံး
  4. လှော်စာဖောက်ရန်ဇလုံ - တစ်လုံး
  5. လက်သုတ်ပုဝါ - ခပ်ထူထူ တစ်ထည်G
  6. Glad wrap - လိုသလောက် သုံးပေးရန်


ပြင်ဆင်ပုံ

  • လှော်စာဖောက်ရန် လိုအပ်တာတွေကို အဆင်သင့် ပြင်ထားပေးပါ
  • ကောက်ညှင်းဆန်ကို ရေဆေးပြီး ရေနှစ်နာရီလောက် စိမ်ပေးကာ ရေစစ်ထားပါ
  • ရေစစ်ထားသော ကောက်ညှင်းဆန်ကို ဇကာပေါ်မှာ ပိတ်စသန့်သန့် တစ်ခုခင်းပြီး ထည့်ပေးပါ
  • ပြီးတာနဲ့ ပေါင်းအိုးအောက်ခံအိုးထဲကို အောက်ခံခုံ ထိတယ်ဆိုရုံလေး ရေထည့်ပေးပါ
  • ခုံအပေါ်ကို ကောက်ညှင်းဆန် ထည့်ထားသော ဇကာကို တင်ပေးပါ
  • ကောက်ညှင်းဆန်များ အကျက်ညီစေရန် ပိတ်စကို အုပ်ပေးပါ
  • ပြီးတာနဲ့ ပေါင်းအိုးအဖုံးကို လေလုံအောင် ပိတ်ပေးပြီး steam ခလုတ်ကို နှိပ်ပေးပါ
  • နာရီခလုတ်ကိုနှိပ်ပြီး ဆယ်မိနစ်ချိန်ပေးကာ စတင်ပေါင်းပေးပါ
  • ပေါင်းချိန်ပြည့်တာနဲ့ အိုးထဲမှ လေများကုန်အောင် ထုတ်ပေးပြီးမှ အိုးအဖုံးကို ဖွင့်ပေးပါ
  • ကောက်ညှင်းပေါင်းဇကာကို အပြင်ထုတ်ပေးပြီး ကောက်ညှင်းများကို ဇလုံထဲ ထည့်ပေးပါ
  • ပြီးတာနဲ့ ရေကိုခပ်ဖြေးဖြေးထည့်ပြီး ကောက်ညှင်းများကို အသာလေး နှစ်ချက်လောက် ဝေ့ပြီး ပထမတစ်ထပ် ဆေးပေးပါ
  • ဆေးပြီးသားရေကို သွန်ပေးပြီး ဒုတိယတစ်ကြိမ်လဲ ပထမတစ်ကြိမ်လိုဘဲ ဆေးပေးပါ
  • ပြီးတာနဲ့ ဇကာသန့်သန့်ထဲထည့်ပြီး ရေစစ်ထားပါ
  • လှော်စာဆေးလုံးကို ညက်ပြီးမှုန့်နေအောင် ထောင်းထားပါ
  • ကောက်ညှင်းဆန်များ ရေစစ်သွားတာနဲ့ ဇလုံတစ်လုံးထဲမှာထည့်ပြီး ထောင်းထားသော လှော်စာဆေးမှုန့်များကို ဖြန့်ထည့်ပေးပါ
  • ပြီးတာနဲ့ ဇွန်းသန့်သန့်ဖြင့် သမအောင် မွှေပေးပါ
  • လှော်စာဖောက်မည့် ဇလုံကို သန့်နေအောင် ဆေးပေးပြီး အခြောက်ခံထားပါ
  • ပြီးတာနဲ့ အလုံးလေးတွေ လုံးပေးပါ
  • အခြောက်ခံထားသော ဇလုံထဲကို ကောက်ညှင်းလုံးများ ထည့်ပေးပါ
  • အရင်လှော်စာဆေးမှုန့် နယ်ထားသော ဇလုံကို ရေ ထမင်းစားဇွန်း နှစ်ဇွန်းလောက်နှင့် ကျင်းပေးပြီး ကောက်ညှင်းအပေါ်မှာ ဖြန့်ပြီးထည့်ပေးပါ
  • ပြီးတာနဲ့ လေလုံစေရန် glad wrap ဖြင့် လုံနေအောင် အုပ်ပေးပါ
  • မာမာက ရာသီဥတု အေးတဲ့အချိန်မှာ လှော်စာလုပ်တဲ့အတွက် မီးဖိုခန်းရဲ့ အပူဆုံး နေရာဖြစ်တဲ့ oven ထဲမှာ ထည့်ထားလိုက်ပါတယ်
  • ရာသီဥတုအပေါ် မူတည်ပြီး လှော်စာအချဉ်ဖောက်တဲ့ရက် ရက်အတိုးအလျှော့ ရှိနိူင်ပေမဲ့ ပုံမှန်အပူချိန်ဆိုရင် နှစ်ရက်လောက်နေရင် ကစော်ဖောက်လာပါပြီ
  • လှော်စာထည့်ထားသော ဇလုံအဖုံးကို ဖွင့်လိုက်တာနဲ့ လှော်စာနံ့သင်းသင်းလေး ရပြီဆိုရင် စားဖို့ပြင်နိူင်ပါပြီ။
  • မိမိစားလို့ ပိုနေသော လှော်စာကို ရေခဲသေတ္တာထဲမှာ ၅ရက်လောက်အထိ ထားပြီး စားနိူင်ပါတယ်။
  • လှော်စာလုပ်ရာမှာ အသုံးပြုသော ပစ္စည်းများ လက်နှင့် လှော်စာထည့်မည့် ဇလုံတို့မှာ သန့်ပြန့်သော ပစ္စည်းများ ဖြစ်ရပါမယ်ရှင်

Thursday 16 July 2020

ချဉ်ငံစပ် ပဲပြားဟင်း


ဒီနေ့တော့ ထမင်းစားလို့ မြိန်စေမဲ့ ပဲပြားဟင်းကို ချဉ်ငံစပ်လေး ချက်ဖြစ်ပါတယ် သတ်သတ်လွတ် ဟင်းလေး တစ်မယ်ဖြစ်လို့ သတ်သတ်လွတ် စားတဲ့သူတွေအတွက် အစဉ်ပြေမှာဖြစ်လို့ မာမာပြင်ဆင်ပြီး ချက်ထားတဲ့ ဟင်းချက်နည်းလေးကို မျှဝေပေးလိုက်ပါတယ်ရှင်။

ပါ၀င်ပစ္စည်းများ
  1. ပဲပြားအပျော့ - 250 g 
  2. ခရမ်းချဉ်သီး - အလုံးကြီးကြီး သုံးလုံး
  3. ကြက်သွန်နီ - အနေတော် တစ်လုံး
  4. ကြက်သွန်ဖြူ  - အမွှာကြီးကြီး သုံးမွှာ
  5. ငရုတ်သီး အရောင်တင်မှုန့် - လက်ဖက်ရည်ဇွန်း တစ်ဇွန်း
  6. နနွင်းမှုန့် - လက်ဖက်ရည်ဇွန်း လေးပုံတစ်ပုံ
  7. ဆား - လက်ဖက်ရည်ဇွန်း တစ်၀က်
  8. အရသာမှုန့် - လက်ဖက်ရည်ဇွန်း တစ်၀က်
  9. ဆီ - ထမင်းစားဇွန်း သုံးဇွန်း
  10. နံနံပင် - မိမိနှစ်သက်သလောက်
  11. ငရုတ်သီးစိမ်း - နှစ်သက်သလောက်
ပြင်ဆင်ပုံ
  • ပဲပြားကို ရေဆေးပြီး အတုံးလေးတွေ တုံးထားပါ
  • ခရမ်းချဉ်သီးကို ရေဆေးပြီး ခပ်ပါးပါး လှီးထားပါ
  • ငရုတ်သီးစိမ်းကို ရေဆေးပြီး အညှာများ ဖြုတ်ထားပါ
  • နံနံပင်ကို ရေဆေးပြီး အနေတော် ပိုင်းဖြတ်ထားပါ
  • ကြက်သွန်ဖြူ  နှင့် ကြက်သွန်နီတို့ကို အခွံခွာပြီး ရေဆေးကာ ငရုတ်သီး အရောင်တင်မှုန့်နှင့် ရောပြီး ညက်နေအောင် ထောင်းပေးပါ
  • ဒယ်အိုးထဲမှာ ဆီကိုထည့်ပြီး အပူပေးပါ ဆီပူလာပါက နနွင်းမှုန့်ထည့်ပြီးတာနဲ့ ငရုတ်သီးထောင်းကိုထည့်ကာ မွှေပေးပါ
  • ငရုတ်သီး အနံ့သင်းပြီး ကြက်သွန်များ နွမ်းလာတာနဲ့ လှီးထားသော ခရမ်းချဉ်သီးကိုထည့်ပြီး မွှေပေးပါ
  • ပြီးတာနဲ့ ခရမ်းချဉ်သီးများကို ကျေသွားအောင် ဇွန်းနှင့် ဖိချေပေးပါ
  • ခရမ်းချဉ်သီးများ ကျေသွားပြီး အခွံများ လိတ်လာပါက ပဲပြား ဆားနှင့် အရသာမှုန့်တို့ ထည့်မွှေပါ
  • ပဲပြားနှင့်ခရမ်းချဉ်သီးများ လုံးမိသွားက ရေမြုပ်အောင်ထည့်ပြီး အဖုံးအုပ်ကာ ဆီပြန်အောင် တည်ပေးပါ
  • ဆီမပြန်ခင် ငရုတ်သီးစိမ်းကို ထည့်ပေးပြီး ဆက်တည်ပေးပါ
  • ဆီပြန်လာပြီ ဆိုပါက နံနံပင်ကိုထည့်ပြီး သမအောင် အသာမွှေပေးပါ
  • ပြီးတာနဲ့ အရသာမြည်းပြီး လိုသလိုပြင်၍ စားသုံးနိူင်ရန် ပြင်ပေးနိူင်ပါပြီ။

Wednesday 15 July 2020

ကြက်သား ဒိန်ချဉ်နှပ်ဟင်း


ဒီနေ့တော့ ပြောင်းဖူးကြက်သားလေးတွေကို ဒိန်ချဉ်နဲ့ နှပ်ထားပြီး ချက်ဖြစ်ပါတယ် ဒံပေါက်ကြက်သား အရသာလေး ရတဲ့အတွက် ထမင်းဖြူလေးနဲ့လဲ အရမ်းကို လိုက်ဖက်ပါတယ်။

စားလို့အရမ်းကောင်းပြီး ထမင်းဖြူ  ပူပူလေးနဲ့ လိုက်ဖက်လွန်းတဲ့အတွက် မာမာပြင်ဆင်ပြီး ချက်ထားတဲ့ ကြက်သားဒိန်ချဉ်နှပ်ဟင်း ချက်နည်းလေးကို မျှဝေပေးလိုက်ပါတယ်ရှင်။

ပါ၀င်ပစ္စည်းများ
ပြောင်းဖူးကြက်သား - 600 g 
ဒိန်ချဉ် - ထမင်းစားဇွန်း လေးဇွန်း
ဟင်းချိုမှုန့် - လက်ဖက်ရည်ဇွန်း တစ်ဝက်
နနွင်းမှုန့် - လက်ဖက်ရည်ဇွန်း သုံးပုံတစ်ပုံ
ဆား - လက်ဖက်ရည်ဇွန်း တစ်ဇွန်း
ငံပြာရည် - ထမင်းစားဇွန်း တစ်ဇွန်း
ဆီ - ထမင်းစားဇွန်း ခွန်နှစ်ဇွန်း
ကြက်သွန်ဖြူ - အမွှာကြီးကြီး သုံးမွှာ
ကြက်သွန်နီ - ခပ်ကြီးကြီး တစ်ဥ
ချင်း - လက်တစ်ဆစ်ခန့်
ကရဝေးရွက် - သုံးရွက်
သစ်ဂျပိုးခေါက် - နှစ်လက်မခန့်
လေးညှင်း - သုံးပွင့်
ဖာလာစေ့ - နှစ်စေ့
ငရုတ်သီး အရောင်တင်မှုန့် - လက်ဖက်ရည်ဇွန်း တစ်ဇွန်းမောက်မောက်

ကြက်သားအရသာနယ်ရန်

ကြက်သားကို ရေဆေးပြီး အနေတော် အတုံးလေးတွေ တုံးကာ ဇလုံတစ်လုံးထဲမှာ ထည့်ထားပါ
ဒိန်ချဉ် - ထမင်းစားဇွန်း လေးဇွန်း
ငံပြာရည် - ထမင်းစားဇွန်း တစ်ဇွန်း
ဆား - လက်ဖက်ရည်ဇွန်း တစ်ဝက် 
ဆီ - ထမင်းစားဇွန်း ခွန်နှစ်ဇွန်း
ဟင်းချိုမှုန့် - လက်ဖက်ရည်ဇွန်း တစ်ဝက်
နနွင်းမှုန့် - လက်ဖက်ရည်ဇွန်း သုံးပုံတစ်ပုံ
ကြက်သွန်ဖြူ ကို အခွံခွာပြီး ရေဆေးထားပါ
ကြက်သွန်နီကို အခွံခွာကာ ရေဆေးထားပါ
ချင်းကို အခွံခွာပြီး ရေဆေးထားပါ
ကြက်သွန်ဖြူ  ကြက်သွန်နီ ချင်းနှင့် ငရုတ်သီး အရောင်တင်မှုန့်တို့ကို ရောပြီး ညက်နေအောင် ထောင်းပေးပါ
ကရဝေးရွက် ဖာလာစေ့ လေးညှင်း သစ်ဂျပိုးခေါက်တု့ကို ပြင်ထားပါ
ပါ၀င်ပစ္စည်းများ အားလုံးတို့ကို ကြက်သားထဲထည့်ကာ အရသာ၀င်အောင် နယ်ထားပြီး ရေခဲသေတာ မခဲတဲ့ အကန့်ထဲမှာ တစ်ညသိပ် နှပ်ထားပါ

ပြင်ဆင်ပုံ

ကြက်သားချက်ရန် ဇောက်နက်သော အိုးတစ်လုံးထဲမှာ အရသာ နယ်ထားသော ကြက်သားများကို ထည့်ပေးပါ
ပြီးတာနဲ့ ကြက်သားအိုးကိ်ု မီးဖိုပေါ်တင်ပြီး တည်ပေးပါ
ကြက်သားအသားများ မာကျစ်လာတဲ့ထိ ငါးမိနစ်လောက် လုံးချက်ချက်ပြီး ဆီသတ်ပေးပါ
ကြက်သားအသားများ မာလာမှ ရေကိုမြုပ်အောင်ထည့်ပြီး ဆက်တည်ပေးပါ 
ဟင်းအိုးတည်ထားစဉ် အိုးမကပ်စေရန် မကြာမကြာ လှုပ်လှုပ်ပေးပါ
ရေမခမ်းခင် ဆီလည်ရေလည် ဖြစ်လာပါက အရသာမြည်းပြီး လိုသလို ပြင်ပေးပါ
ကြက်သားအရသာ မိမိစိတ်ကြိုက် ရလာပါက အရသာ ထူးကဲပြီး မွှေးကြိုင်နေတဲ့ ကြက်သားဟင်း မွှေးမွှေးလေးကို စားသုံးနိူင်ပါပြီ။

Monday 13 July 2020

ကြက်သားကြော် မွမွလေး














ဒီနေ့တော့ ထမင်းပူပူလေးဘဲစားစား ဒီအတိုင်းဘဲစားစား အရမ်းကိုမှ စားလို့ကောင်းလွန်းတဲ့ ကြက်ကြော်မွှေးမွှေး မွမွလေးကို ကြော်ဖြစ်ပါတယ်။

ဒါကြောင့်မို့လို့ ဒီတစ်ခါတော့ အရသာလေးလဲ ဆန်းရလေအောင် bread crumb အမှုန့်လေးလူးပြီး ကြွတ်ကြွတ်လေး ကြော်ပါတယ် ဒါကြောင့်မို့လို့ မာမာပြင်ဆင်ပြီး ကြော်ဖြစ်တဲ့ ကြက်ကြော် ကြော်နည်းလေးကို မျှဝေပေးလိုက်ပါတယ်။

ပါ၀င်ပစ္စည်းများ
  1. ကြက်ပေါင်သား - လေးခု
  2. ကြက်ဥ - တစ်လုံး
  3. နနွင်းမှုန့် - လက်ဖက်ရည်ဇွန်း သုံးပုံတစ်ပုံ
  4. အရသာမှုန့် - လက်ဖက်ရည်ဇွန်း တစ်၀က်
  5. ဆား - လက်ဖက်ရည်ဇွန်း သုံးပုံတစ်ပုံ
  6. သံပုရာရည် - ထမင်းစားဇွန်းတစ်၀က်
  7. ငရုတ်ကောင်းမှုန့် - လက်ဖက်ရည်ဇွန်း သုံးပုံတစ်ပုံ
  8. ဆီ - လိုသလောက် 
  9. Bread crumbs - ထမင်းစားဇွန်း လေးဇွန်းမောက်မောက်
ပြင်ဆင်ပုံ
  • ကြက်သားကို ရေဆေးပြီး ရေခြောက်အောင် Paper Towelနှင့် ခပ်ဖွဖွ သုတ်ပေးပါ
  • အသားများကို နနွင်းမှုန့် ဆား အရသာမှုန့် သံပုရာရည်တို့နဲ့အရသာ၀င်အောင် ဆုတ်ဆုတ်ပြီး နယ်ပေးပါ
  • အရသာ နယ်ပြီးပါက ကြက်ဥကို ဖောက်ထည့်ပြီး အရသာ သမအောင် နယ်ပေးကာ တစ်နာရီလောက် နှပ်ထားပေးပါ
  • အရသာ နှပ်ပြီးသွားပါက bread crumbs မှုန့်နဲ့ ကြက်ပေါင်သား တစ်ခုလုံး အပေါ်ကို ဖြူ းပြီး ခပ်ဖွဖွ လူးပေးပါ
  • အောက်ချေ မကပ်သော ဒယ်အိုးတစ်လုံးထဲမှာ ဆီကိုခပ်များများထည့်ပြီး အပူပေးပါ
  • ဆီပူလာပါက မီးကိုအနေတော်မှာ ထားပေးပြီး ကြက်သားကို အိုးဆန့်သလောက် ထည့်ကြော်ပေးပါ
  • ကြက်သားတုံး တစ်ဖက်ရွှေဝါရောင် သန်းလာရင် နောက်တစ်ဖက် လှန်ပေးပြီး နောက်တစ်ဖက် ရွှေဝါရောင် သန်းလာပါက ဆယ်ပြီး ဆီစစ်ပေးပါ
  • ဆီစစ်သွားပါက ကြက်သားကြော် ကြွတ်ကြွတ်မွှေးမွှေးလေးကို စားသုံရန် ပြင်ပေးနိုင်ပါပြီ။

မန်ကျည်းသီးစိမ်းထောင်း











 


ဒီနေ့တော့ မန်ကျည်းသီးစိမ်းလေးတွေကို ချဉ်ငံစပ်လေး ထောင်းပါတယ် အရင်ထောင်းနေကျ ပုံစံအတိုင်း ပုဇွန်ခြောက် ပုဇွန်အစိုတွေနဲ့ မထောင်းဘဲ ငါးခူပြုပ်နဲ့ ထောင်းပါတယ် စားလို့ပိုကောင်းတဲ့အတွက် မာမာထောင်းထားတဲ့ နည်းလေးကို မျှဝေပေးလိုက်ပါတယ်ရှင်။

ပါ၀င်ပစ္စည်းများ
  1. မန်ကျည်းသီးစိမ်း - အတောင့်ကြီးကြီး ဆယ်တောင့်
  2. ငရုတ်သီးစိမ်း  - မိမိနှစ်သက်သလောက်
  3. ငါးခူ - အကောင်ကြီးကြီး နှစ်ကောင်
  4. ငံပြာရည် - ထမင်းစားဇွန်း သုံးဇွန်း
  5. ငရုတ်သီး အလှော်မှုန့် - ထမင်းစားဇွန်း နှစ်ဇွန်း
  6. ကြက်သွန်ဖြူ  - အမွှာကြီးကြီး ခွန်နှစ်မွှာ
  7. အချိုမှုန့် - လက်ဖက်ရည်ဇွန်း တစ်၀က်
  8. ဆီ - လိုသလောက် သုံးပေးပါ
  9. ဆားကြမ်း - ထမင်းစားဇွန်း နှစ်ဇွန်း (ငါးခူဆေးရန်)

ပြင်ဆင်ပုံ
  • မန်ကျည်းသီးစိမ်းကို အပေါ်ယံ အခွံမှာ ကပ်နေသော အညိုရောင်အမှုန့်များကို ခြစ်ပေးပါ
  • ပြီးတာနဲ့ မန်ကျည်းသီးမှ အစေ့နှင့် အကြောများထုတ်၍ ရေဆေးကာ ညက်နေအောင် ထောင်းထားပါ
  • ငါးခူကို မလိုတာတွေ ဖယ်ပေးပြီး ဆားနှင့် ပွတ်တိုက်ကာ ရေစင်အောင် ဆေးပေးထားပါ
  • ပြီးတာနဲ့ အိုးထဲမှာ ငံပြာရည် ငါးခူနှင့် ငါးခူကို ရေမြုပ်အောင်ထည့်ပြီး ပြုပ်ပေးပါ
  • ငါးပြုပ်ထားသော ရေခမ်းတာနဲ့ အအေးခံပေးကာ အရိုးအသား သတ်သတ်စီ ထွင်ထားပေးပါ
  • ငရုတ်သီးစိမ်းကို ရေဆေးပြီး အညှာများ ဖြုတ်ထားပါ
  • ကြက်သွန်ဖြူ ကို အခွံခွာပြီး ရေဆေးထားပါ
  • ငရုတ်သီး အလှော်မှုန့်နှင့် ဆီတို့ကို ပြင်ထားပါ
  • ငရုတ်ဆုံထဲမှာ မန်ကျည်းသီးစိမ်း ငရုတ်သီးစိမ်းနှင့် ကြက်သွန်ဖြူ တို့ကိုထည့်ပြီး ညက်နေအောင် ထောင်ပေးပါ
  • ပြီးတာနဲ့ အချိုမှုန့် အသားထွင်ထားသော ငါးခူပြုပ်များနှင့် ငရုတ်သီး အလှော်မှုန့်တို့ကို ထည့်ထောင်းပေးပါ
  • အားလုံးညက်သွားပြီ ဆိုတာနဲ့ အရသာ မြည်းပေးပါ
  • ငါးခူပြုပ်ထဲမှာ အငံအရသာ ပါတဲ့အတွက်အရမ်းအငံ မစားပါက အငံထပ်ထည့်ရန် မလိုပါ
  • မန်ကျည်းသီးစိမ်းထောင်းကို ပန်းကန်တစ်ခုထဲ ပြောင်းထည့်ပေးပြီး ဆီမြုပ်အောင် ထည့်ပေးပါ
  • ထမင်း မြိန်မြိန် သုံးဆောင်နိူင်မဲ့ ချဉ်ငံစပ် မန်ကျည်းသီးစိမ်းထောင်း ချဉ်ငံစပ်လေးကို ရပါပြီ။

Saturday 11 July 2020

ကြက်သား ငှက်ပျောဖူးဟင်းထုတ်




ဒီနေ့တော့ ငှက်ပျောဖူးနဲ့ ကြက်သားဟင်းထုတ်လေး ထုတ်ပြီးစားပါတယ် စားလို့အရမ်းကောင်းပြီး ဟင်းထုတ်တစ်ထုတ်ဆို တစ်ထုတ်လောက်နဲ့ တင်းတိမ်ရောင့်ရဲတဲ့အထိ ကောင်းလွန်းပါတယ်။

ထမင်းမစားချင်တဲ့ အခါမျိုးမှာ အခုလို ဟင်းထုတ်လေးတွေ လုပ်စားရတာလဲ ခံတွင်းလိုက်စေတာပါတယ် အရသာ အကုန်ပါတဲ့အတွက် စားလို့အရမ်းကောင်းလွန်းတဲ့အတွက် မာမာပြင်ဆင်ပြီး ပေါင်းထားတဲ့ ကြက်သားငှက်ပျောဖူးပေါင်း ဟင်းထုတ် ထုတ်နည်းလေးကို မျှဝေလိုက်ပါတယ်ရှင်။

ပါဝင်ပစ္စည်းများ

ငှက်ပျောဖူးအနု - 400 g
ဆန်မှုန့် - 100 g
ကောက်ညှင်းမှုန့် - 25 g
ကြက်သား - 150 g
ရေ - 150 ml
ဆား - လက်ဖက်ရည်ဇွန်း တစ်ဇွန်း
ငရုတ်ကောင်းမှုန့် - လက်ဖက်ရည်ဇွန်း တစ်ဝက်
အရသာမှုန့် - လက်ဖက်ရည်ဇွန်း တစ်ဇွန်း
ချင်း - လက်တစ်ဆစ် သာသာ
ကြက်သွန်ုဖြူ - အမွှာကြီးကြီး သုံးမွှာ
ဆီ - ထမင်းစားဇွန်း သုံးဇွန်း (အရသာစပ်ရန်)
ဆီ - ထမင်းစားဇွန်း တစ်ဇွန်း (ငှက်ပျောရွက်ကို သုတ်ရန်)
နံနံပင် - မိမိနှစ်သက်သလောက် (မုန့်ညှင်းပေါင်းနှင့်တွဲစားရန် )
ကြက်သွန်ဖြူ ဆီချက် - လိုသလောက် (မုန့်ညှင်းပေါင်းနှင့်တွဲစားရန် )
ငရုတ်သီး အကြမ်းမှုန့် ဆီချက် - လိုသလောက် (မုန့်ညှင်းပေါင်းနှင့်တွဲစားရန်)
ပေါင်းခံဇကာပါသော ပေါင်းအိုး - တစ်လုံး 
ငှက်ပျောရွက် - လိုသလောက် သုံးပေးပါ
ဆားကြမ်း - ထမင်းစားဇွန်း နှစ်ဇွန်း (ငှက်ပျောဖူးဆေးရန်)
သံပုရာရည် - ထမင်းစားဇွန်းသုံးဇွန်း (ငှက်ပျောဖူးဆေးရန်)
ပြင်ဆင်ပုံ
အသုံးပြုမည့်ဖက် ပြင်ဆင်ရန်
ငှက်ပျောရွက်ကိုသုံးလျှင် ခန့်မှန်းခြေ အနံ ၈လက်မ အလျှား ၁၀လက်မ လောက် ဖြတ်ထားပေးပြီး ဖက်ရွက်ပျော့သွားအောင် မီးနှင့်အရွက် မထိဘဲ ပူတယ်ဆိုရုံလေး ဖက်ပျော့သွားအောင် မီးအနည်းငယ် ကင်ပေးပါ
ဟင်းထုတ် ထုတ်ကာနီးပါက ဖက်ရွက်ကို သန့်သွားအောင် အ၀တ်စသန့်သန့်နှင့် သုတ်ထားပေးပါ
အဝတ်စနှင့် သုတ်ပေးပြီးတာနဲ့ ငှက်ပျောရွက်များကို ဆီနှင့် သုတ်ပေးထားပါ
ပြင်ဆင်ပုံ

ငှက်ပျောဖူးကို မထူမပါးလေးတွေ လှီးပေးပြီး ဆားနှင့် သံပုရာရည်တို့ထည့်ကာ ခပ်နာနာ နယ်ပေးပြီး ရေစင်အောင် ဆေးထားပါ
ကြက်သားကို ရေဆေးကာ အသားတုံးလေးတွေ တုံးထားပါ
ကြက်သွန်မိတ်များကို ရေစင်အောင်ဆေးပြီး ရေစစ်ထားပါ
ရေစစ်သွားတာနဲ့ လက်နှစ်ဆစ်ခန့် အနေလေးတွေ လှီးထားပါ
ဆန်မှုန့်နှင့် ပါဝင်ပစ္စည်းများကို ပြင်ထားပါ
ကြက်သွန်ဖြူဆီချက်ကို ချက်ထားပါ
ငရုတ်သီး အကြမ်းမှုန့် ဆီချက်ကို ချက်ထားပါ
နံနံပင်ကို ရေဆေးပြီး ရေဆေးပြီး ရေစစ်ထားပါ
ချင်းကိုအခွံခွာပြီး ရေဆေးကာ ညက်နေအောင် ထောင်းထားပါ
ကြက်သွန်ဖြူကို အခွံခွာပြီး ရေဆေးကာ မညက်တညက် ထောင်းထားပါ
အားလုံးအဆင်သင့် ဖြစ်တာနဲ့ ဇလုံခပ်ကြီးကြီး တစ်လုံးထဲမှာ ဆန်မှုန့်နှင့် ကောက်ညှင်းမှုန့်တို့ကို ထဲ့ပေးပြီး ရေနှင့်ပျော်သွားအောင် ဖျော်ထားပါ
ဆန်မှုန့်များ ပျော်သွားတာနဲ့ နှစ်နာရီခန့် နှပ်ထားပေးပါ
ဆန်နှစ်နှပ်ထားချိန် ပြည့်တာနဲ့ ပါဝင်ပစ္စည်း အားလုံးကို ထည့်ပေးကာ သမအောင် ရောနယ်ပေးပါ
အရသာ သမအောင် နယ်ပြီးတာနဲ့ သန့်စင်ထားသော ငှက်ပျောရွက်ကို နှစ်ထပ်ထပ်ပေးပါ
ထိုငှက်ပျောရွက်ထဲမှာ အရသာ နယ်ထားသော ငှက်ပျောဖူး မုန့်နှစ်ကို ထမင်းစားဇွန်း သုံးဇွန်းလောက် ထဲ့ပေးပါ
ထိုအပေါ်မှ ကြက်သားအသားတုံး နှစ်တုံးကို တင်ပေးပါ
ကြက်သားအပေါ်မှ ဆန်နှစ် ထမင်းစားဇွန်း တစ်ဇွန်းကို အုပ်ပြီးတင်ပေးပါ
ပြီးတာနဲ့ ငှက်ပျောရွက်ကို အထဲမှ ဆန်နှစ်များ မထွက်အောင် လုံနေအောင် ထုတ်ပေးပါ
အထုတ်ခပ်ကြီးကြီး သုံးထုတ်စာ ရအောင်ထုတ်ပြီး ပေါင်းခံဇကာထဲမှာ အထုတ်များကို မှောက်ပြီး  ထည့်ပေးပါ
ပေါင်းအိုးအောက်ခံအိုးကို ရေတစ်ဝက်သာသာ ထည့်ပေးကာ ပေါင်းခံခုံ အပေါ်မှာ ပေါင်းခံဇကာကို တင်ပေးပါ
ပြီးတာနဲ့ အိုးအဖုံးကို အုပ်ပေးကာ ပေါင်းမည့်ခလုတ် steam ခလုတ်ကို နှိပ်ပေးကာ မိနစ်နှစ်ဆယ် နှိပ်ပေးပါ
ပေါင်းချိန် မိနစ်နှစ်ဆယ် ပြည့်တာနဲ့ အိုးအဖုံးကို မဖွင့်ခင် အိုးထဲမှ လေကုန်အောင် ထုတ်ပေးပြီးမှ အဖုံးကို ဖွင့်ပေးပါ
အိုးအပြင် ထုတ်ပေးပြီးတာနဲ့ ကြက်သားငှက်ပျောဖူးဟင်းပေါင်း မွှေးမွှေးလေး ရပါပြီ
အစပ်စားသူတို့အတွက် ငရုတ်သီးကြော်နှင့် ပြင်ပေးပါ
အစပ်မစားပါက ကြက်သွန်ဖြူ ဆီချက်နှင့် ပြင်ပေးပါ
ဟင်းထုတ်ပူပူလေးကို  နံနံပင် ကြက်သွန်ဖြူ ဆီချက် ငရုတ်သီးဆီချက်တို့နှင့် တွဲဖက်ကာ မိမိနှစ်သက်သလို သုံးဆောင်နိုင်ပါပြီ။