Tuesday 27 October 2020

ပါစွန်ထည့်နည်း











ဒီနေ့တော့ ပါစွန်ထည့်နည်း အမျိုးမျိုးတွေထဲက နောက်တနည်းဖြစ်တဲ့ နည်းလေးကို မျှဝေပေးလိုက်ပါတယ် ဒီနည်းကတော့ ပထမတစ်ရက်မှာ ငါးထဲက အရည်တွေ ထွက်သွားအောင် ကြိုးနဲ့ တန်းလန်းစွဲထားပြီး နောက်နေ့မှာ ရိုးရိုးရေနဲ့ ငါးကို အပုတ်ခံတဲ့အနေနဲ့ တစ်ရက်စိမ်ပြီးမှ ဆန်ဆေးရည်နဲ့ စိမ်တဲ့အတွက် ပါစွန်အနံ့က အရမ်းမပျင်းလှပါဘူး။

တကယ်တမ်းကျတော့ ပါစွန်ဆိုတာ မြန်မာပြည်မှာ ငါးစရစ် ဒေါင်းပဆိပ် ငါးလက်ကပ် ငါးတောင်စင်းစသည့် ငါးသေးသေးလေးကို ဆန်လှော်မှုန့်နဲ့နယ်ပြီး အနည်းဆုံး ၃ရက်လောက်ထားပြီးမှ ကြက်သွန်နီ ပင်စိမ်း ရှမ်းနံနံ နံနံပင်စတဲ့ အမွှေးနံ့သာ အရွက်တွေရယ် ဇီးဖြူသီးထောင်း ဒါမှမဟုတ် သံပုရာသီးနဲ့ သုပ္စားရတဲ့  အသုပ်တစ်မျိုးပါ ဇီးဖြူ သီး မရှိရင်လဲ သံပုရာသီးနဲ့ သုပ်စားနိူင်ပါတယ်။

မာမာကေတာ့ မြန်မာငါးတွေ မရနိူင်တဲ့နေရာမှာ ရောက်နေတာမို့ မြန်မာငါး အရသာနဲ့ နီးစပ်တဲ့ ငါးသေးသေးလေးတွေကို အစားထိုးပြီး ပါစွန်လုပ်လိုက်ပါတယ် မြန်မာပြည်က ပါစွန်အရသာနဲ့ တစ်ထပ်ထည်းတူတဲ့ ပါစွန်အရသာရလို့ ပါစွန်လုပ်နည်းလေးကို မျှေ၀လိုက်ပါတယ်။

မြန်မာပြည်မှာတော့ ငှက်ပျောရွက် ကျူ ရွက် သက်ကယ်ရွက်တို့ အရမ်းပေါတဲ့အတွက် အရွက်တွေနဲ့ သေသေချာချာထုတ်ပြီး အပေါ်ကနေ အလေးတစ်ခုနဲ့ ဖိထားရပါတယ်။

အရွက်ကျို အရွက်ကြားက စိမ့်ထွက်လာတဲ့ အရည်တွေကို တစ်ချို့ကတော့ သွန်ပေးကြပြီး တချို့ကတော့ အရည်မသွန်ဘဲ အရည်ထဲမှာ စိမ်ထားတတ်ကြပါတယ်။

အခုနောက်ပိုင်းတော့ ဖန်ပုလင်းထဲမှာ ဖိသိပ်ထည့်ပြီး ပါစွန်လုပ်ကြပြန်ပါတယ် လုပ်ပုံလုပ်နည်းတွေက တစ်နေရာနဲ့တစ်နေရာ နည်းနည်းစီ ကွာခြားတတ်ပါတယ်။

မာမာကေတာ့ ထုတ္စရာ အရွက်ရှားလို့ ဒီတစ်ခါတော့ အဝတ်စလေးလေးတွေကို နှစ်ထပ်ထပ်ပြီး ကျစ်နေအောင်ထုတ်ကာ ကြိုးနဲ့တင်းနေအောင် စည်းပြီး ပထမတစ်ရက်မှာ တန်းမှာတွဲလောင်းချီထားပြီး ငါးထဲက အရည်တွေ ထွက်သွားအောင် စစ်ပေးထားပါတယ်။

နောက်ရက်ကျတော့မှ ဇလုံတစ်ခုထဲကို ထည့်ပေးကာ ရေမြုပ်အောင် ထည့်ပေးပြီး အပေါ်ကနေ အလေးတစ်ခုနဲ့ ဖိထားပေးကာ တစ်ရက်ထားပေးပါတယ် နောက်ရက်ကျတော့မှ ဆန်ဆေးရေထဲမှာ ထပ်ပြီး တစ်ရက်ခွဲလောက် ထပ်ပြီးစိမ်ပေးထားပါတယ်။

ရာသီဥတု ပူရင်တော့ ဆန်ဆေးရည် စိမ်ထားချိန် နှစ်ရက်ခွဲလောက် ကောင်းကောင်း ချဉ်ပါတယ် မာမာတို့ဆီမှာလို ရာတုဥတု အရမ်းအေးရင်တော့ ဆန်ဆေးရည်နဲ့ စိမ်ထားတဲ့ ရက္က တစ်ပါတ်လောက်မှ ချဉ်ပါတယ် အချဉ်စိမ်ထားတဲ့ ဆန်ဆေးရည်ကိုလဲ သုံးရက်တစ်ခါလောက် လဲပေးရပါတယ်။

ငါးသန့်စင်နည်းကိုတော့ http://mmlazp.blogspot.com/2020/10/blog-post_26.html ဒီလင့်လေးမှာ ကြည့်နိူင်ပါတယ်ရှင်။

ပါ၀င်ပစ္စည်းများ
  1. ငါး1000 gကို သန့်စင်ပြီးသောငါး - 300 g
  2. ဆား - 80 g
  3. အအေးခံထားသော ထမင်းဖြူ  - 150 g
  4. သန့်စင်ထားသော ပိတ်စ - နှစ်စ (ပိတ်စအထူကို သုံးပါက တစ်ထပ်ဘဲ သုံးပေးပါ)
  5. ခြည်ရန်ကြိုး - လိုသလောက် ပြင်ထားပါ
  6. ရေ - လိုသလောက် ပြင်ထားပါ
  7. ဆန်ဆေးရည် - လိုသလောက် ယူထားပါ
  8. ပါစွန်ထုတ် ဖိရန် ခပ်လေးလေး - တစ်ခု
  9. ပါစွန်ထုတ် ရေစိမ်ရန် ဇလုံအနေတော် - တစ်လုံး
ပါစွန်ထည့်ရန် ပြင်ဆင်ပုံ
  • ဇလုံတစ်လုံးထဲမှာ သန့်စင်ထားသောငါး ဆားနှင့် ထမင်းတို့ကိုထည့်ပြီး သမအောင် နယ်ပေးပါ
  • အသုံးပြုမည့် ပိတ္စကို ရေနှင့်ဆေးပြီး  ရေစင်အောင် ညှစ်ပေးထားကာ နှစ်ထပ်ထပ်ပြီး ဖြန့်ခင်းပေးပါ
  • ထိုပိတ်စပေါ်မှာ အရသာ နယ်ထားသော ငါးများကို ထည့်ပေးပါ
  • ပြီးတာနဲ့ ကျစ်လစ်နေအောင် လိပ်ပေးပါ
  • လိပ်ပြီးတာနဲ့ ကြိုးနှင့်ကျစ်နေအောင် တစ်လိပ်လုံးကို ခြည်ပေးပါ
  • ပြီးတာနဲ့ လိတ်ထားသော ငါးထုတ်ကို ထိပ်ဖက်မှ ကြိုးနှင့်ခြည်ပြီး တန်းတစ်ခုမှု ခြည်ထားပေးပါ
  • အောက်ဖက်မှ ငါးအရည်များ ကျလာရင် ခံထားဖို့ ဇလုံတစ်လုံးကို ခံထားပေးကာ ငါးအရည်များ ကျလာရင် သွန်သွန်ပေးပါ
  • ငါးထဲမွ အရည်များကို တစ်ရက်လောက် စစ်ပေးပြီးတာနဲ့ နောက်ရက်မှာ ဇလုံထဲထည့်ပြီး ရေနှင့် တစ်ရက် စိမ်ပေးပါ
  • ရေစိမ်ထားစဉ် အပေါ်မှ ခပ်လေးလေး အရာနှင့် ဖိထားပါ
  • ရေနှင့်တစ်ရက် စိမ်ပြီးတာနဲ့ ထိုရေများကို သွန်ပေးပြီး ဆန်ဆေးရည်ကို မြုပ်အောင်ထည့်ပြီး အပေါ်မှ အလေးနှင့် ဖိကာ ထပ်စိမ်ပေးပါ 
  • အခန်းအပူချိန်အတိုင်း ထားပေးကာ ရာသီဥတု ပူပါက ဆန်ဆေးရည်နှင့် စိမ်ထားချိန် နှစ်ရက်ခွဲလောက်ဆို ရပါတယ်
  • ရာသီဥတု အေးပါက ဆန်ဆေးရည်နှင့် စိမ်ထားချိန် တစ်ပါတ်လောက် ထားရပါတယ်
  • ဆန်ဆေးရည်ကိုလဲ သုံးရက်တစ်ခါလောက် လဲပေးရပါတယ်
  • ဆန်ဆေးရည် စိမ်ထားချိန် ပြည့်တာနဲ့ ပါစွန်ချဉ်မွှေးမွှေးလေးကို ရပါပြီ
  • ဆန်ဆေးရည်များကို သွန်ပေးပြီး ပါစွန်ထုတ် အထဲမွ အရည်များကုန်သွားအောင် လက်အားသန်သန်နဲ့ ညှစ်ချပေးပါ
  • ပြီးတော့မှ ထုတ်ထားသော ပိတ်စကို ဖြည်ပေးပြီး အထဲမွ ပါစွန်များကို ထုတ်ပေးပါ
  • မာမာကတော့ တစ်ခါထဲ စားလို့မကုန်တဲ့အတွက် အတုံးလေးတွေ တုံးပေးကာ လိုသလောက်ဘဲ သုံးပေးပြီး ကျန်နေတဲ့ ပါစွန်တွေကို လေလုံဗူးလေးနှင့် ထည့်ပေးကာ ရေခဲသေတာထဲမှာ သိမ်းထားလိုက်ပါတယ်။

Monday 26 October 2020

ငါးသားပေါက် သန့်စင်နည်း (ပါစွန်ထည့်ရန်)


 







ဒီနေ့တော့ ပါစွန်သုပ်ပါတယ် ပါစွန်လို့ပြောလိုက်တာနဲ့ မသိတဲ့သူ တော်တော်များပါတယ် သိတဲ့သူတွေကျပြန်တော့ အရမ်းကြိုက်တဲ့ အစာတမျိုး ဖြစ်နေတာကို တွေ့ရပါတယ်။

တကယ်တမ်းကျတော့ ပါစြန္ဆိုတာ မြန်မာပြည်မှာ ငါးစရစ် ဒေါင်းပဆိပ် ငါးလက်ကပ် ငါးတောင်စင်းစသည့် ငါးသေးသေးလေးကို ဆန်လှော်မှုန့်နဲ့နယ်ပြီး အနည်းဆုံး ၃ရက်လောက်ထားပြီးမှ ကြက်သွန်နီ ပင်စိမ်း ရှမ်းနံနံ နံနံပင်စတဲ့ အမွှေးနံ့သာ အရွက်တွေရယ် ဇီးဖြူသီးထောင်း ဒါမှမဟုတ် သံပုရာသီးနဲ့ သုပ္စားရတဲ့  အသုပ်တစ်မျိုးပါ ဇီးဖြူ သီး မရှိရင်လဲ သံပုရာသီးနဲ့ သုပ်စားနိူင်ပါတယ်။

မာမာကေတာ့ မြန်မာငါးတွေ မရနိူင်တဲ့နေရာမှာ ရောက်နေတာမို့ မြန်မာငါး အရသာနဲ့ နီးစပ်တဲ့ ငါးသေးသေးလေးတွေကို အစားထိုးပြီး ပါစွန်လုပ်လိုက်ပါတယ် မြန်မာပြည်က ပါစွန်အရသာနဲ့ တစ်ထပ်ထည်းတူတဲ့ ပါစွန်အရသာရလို့ ပါစွန်လုပ်နည်းလေးကို မျှေ၀လိုက်ပါတယ်။

မြန်မာပြည်မှာတော့ ငှက်ပျောရွက် ကျူ ရွက် သက်ကယ်ရွက်တို့ အရမ်းပေါတဲ့အတွက် အရွက်တွေနဲ့ သေသေချာချာထုတ်ပြီး အပေါ်ကနေ အလေးတစ်ခုနဲ့ ဖိထားရပါတယ်။

အရွက်ကျို အရွက်ကြားက စိမ့်ထွက်လာတဲ့ အရည်တွေကို တစ်ချို့ကတော့ သွန်ပေးကြပြီး တချို့ကတော့ အရည်မသွန်ဘဲ အရည်ထဲမှာ စိမ်ထားတတ်ကြပါတယ်။

အခုနောက်ပိုင်းတော့ ဖန်ပုလင်းထဲမှာ ဖိသိပ်ထည့်ပြီး ပါစွန်လုပ်ကြပြန်ပါတယ် လုပ်ပုံလုပ်နည်းတွေက တစ်နေရာနဲ့တစ်နေရာ နည်းနည်းစီ ကွာခြားတတ်ပါတယ်။

မာမာကေတာ့ ထုတ္စရာ အရွက်ရှားလို့ ဒီတစ်ခါတော့ အဝတ်စလေးလေးတွေကို နှစ်ထပ်ထပ်ပြီး ကျစ်နေအောင်ထုတ်ကာ ကြိုးနဲ့တင်းနေအောင် စည်းပြီး ပထမတစ်ရက်မှာ တန်းမှာတွဲလောင်းချီထားပြီး ငါးထဲက အရည်တွေ ထွက်သွားအောင် စစ်ပေးထားပါတယ်။

နောက်ရက်ကျတော့မှ ဇလုံတစ်ခုထဲကို ထည့်ပေးကာ ရေမြုပ်အောင် ထည့်ပေးပြီး အပေါ်ကနေ အလေးတစ်ခုနဲ့ ဖိထားပေးကာ တစ်ရက်ထားပေးပါတယ် နောက်ရက်ကျတော့မှ ဆန်ဆေးရေထဲမှာ ထပ်ပြီး တစ်ရက်ခွဲလောက် ထပ်ပြီးစိမ်ပေးထားပါတယ်။

ရာသီဥတု ပူရင်တော့ ဆန်ဆေးရည် စိမ်ထားချိန် နှစ်ရက်ခွဲလောက် ကောင်းကောင်း ချဉ်ပါတယ် မာမာတို့ဆီမှာလို ရာတုဥတု အရမ်းအေးရင်တော့ ဆန်ဆေးရည်နဲ့ စိမ်ထားတဲ့ ရက္က တစ်ပါတ်လောက်မှ ချဉ်ပါတယ် အချဉ်စိမ်ထားတဲ့ ဆန်ဆေးရည်ကိုလဲ သုံးရက်တစ်ခါလောက် လဲပေးရပါတယ်။

ဒီနေ့တော့ ငါးဆေးနည်းကို ပြောချင်ပါတယ် မြန်မာပြည်မှာ ပါစွန်ထည့်ရင်တော့ ငါးသေးသေးလေးတွေက သန့်တဲ့အတွက် အရမ်းကြီး သန့်စင်ရအောင် အချိန်မကြာပါဘူး။

အခုမာမာ သုံးထားတဲ့ ငါးလေးတွေကတော့ အမှိုက်မပါပေမဲ့ သဲတွေပါပါတယ် သဲတွေပါသလို ငါးချေးလေးတွေကလဲ များတဲ့အတွက် ရေတော်တော်များများနဲ့ ဆေးရပါတယ် ဒါကြောင့်မို့လို့ ဒီနေ့တော့ ပါစွန်လုပ်ဖို့ ငါးသန့်စင်နည်းလေးကို မျှဝေပေးလိုက်ပါတယ်ရှင်။

ငါးသန့်စင်ရန် ပြင်ဆင်ပုံ
  1. ငါး မ်ားကို အိတ်ထဲမှ ထုတ်ပြီးတာနဲ့ အပေါက် ခပ်ကြီးကြီးပါသော ဇကာထဲကို ထည့်ပေးပါ 
  2. ပြီးတာနဲ့ ဇလုံကို အောက်မှာခံပြီး သဲများထွက်ကျသွားအောင် ဇလုံထဲမှာ ရေထည့်ပြီး လှုပ်လှုပ်ပြီး ဆေးပေးပါ
  3. ငါးလေးတွေထဲမှာ သဲတွေ အများကြီး ပါတဲ့အတွက် သဲတွေကုန်သွားအောင် ရေငါးထပ်လောက်နဲ့ ဆေးပေးပါ
  4. သဲများကုန်သွားတော့မှ ငါးမ်ားကို လက်နှင့်နယ်နယ်ပြီး ညှစ်ပေးပါ
  5. ငါးဗိုက်ထဲမှ ချေးများထွက်သွားအောင် ညှစ်ညှစ်ပေးပါ
  6. ပြီးတာနဲ့ ရေတစ်ထပ်နှင့် ဆေးပေးပြီး ရေကုန်သွားအောင် လက်နှစ်ဖက်ကြားမှာ ငါးများကိုထည့်ပြီး ရေများကုန်သွားအောင် ညှစ်ချပေးပါ
  7. ပြီးတာနဲ့ ငါးမ်ားကို နောက်တစ်ခါ လက်နှင့်ညှစ်ပြီး ဆုတ်ပြီးနယ်ပေးပါ
  8. ပြီးတာနဲ့ အထက်ပါ နည်းအတိုင်း ရေနှင့်ဆေးလိုက် ရေကုန်အောင် ညှစ်ချလိုက်နဲ့ လုပ်ပေးပါ
  9. ထိုနည်းအတိုင်း ရေဆေးလိုက် ငါးမ်ားကို ဆုတ်ဆုတ်ပြီး ညှစ်ပေးလိုက်နဲ့ ရေကြည်လာတဲ့အထိ ဆေးပေးပါ
  10. ရေဆေးထားသော ငါးမှမလိုတာတွေ ကုန်သွားပါက ရေကြည်လာပြီ ဖြစ်တဲ့အတွက် နောက်ဆုံးအဆင့်အနေနဲ့ ဇကာစိတ်စိတ်လေးထဲ သြန္ခ်ကာ နောက်ဆုံးအကြိမ် ဆေးပေးပါ
  11. ပြီးတာနဲ့ ရေများ ကုန်သွားအောင် လက်နှင့် အားရှိသလောက် ညှစ်ချပေးပြီးတာနဲ့ ပါစွန်ထည့်ရန် ငါးရေဆေးပြီး သန့်စင်တာ ရပါပြီ။

Sunday 25 October 2020

ဆန်ပြား ခေါက်ဆွဲကြော်



ဒီနေ့တော့ ဆန်ပြားခေါက်ဆွဲဖတ်လေးတွေ ကိုယ့်ဘာသာကိုယ် လုပ်လိုက်ပြီး အသီးအရွက် များများနဲ့ ကြော်စားပါတယ် ကြော်ပြီးပြီးချင်း ပူပူလူလူလေး စားလို့ကတော့ အရမ်းကို စားလို့ကောင်းတဲ့အတွက် ကြော်စားကြည့်နိူင်အောင် မာမာပြင်ဆင်ပြီး ကြော်ထားတဲ့ နည်းလေးကို မျှဝေပေးလိုက်ပါတယ်ရှင်။

ပါ၀င်ပစ္စည်းများ
  1. ဆန်ပြားခေါက်ဆွဲ - 500 g
  2. ဘဲဥ - နှစ်လုံး
  3. မုံလာဥနီ - အနေတော် တစ်ဥ
  4. ကြက်သွန်ဖြူ  - အမွှာကြီးကြီး သုံးမွှာ
  5. ကိုက်လံ - အနေတော် တစ်ပင်ပဲ
  6. ပင်ပေါက် - နှစ်သက်သလောက်
  7. ကြွက်နားရွက်မှို - ဆယ်ခုခန့်
  8. ကြက်သွန်မိတ် - အနေတော်နှစ်ပင်
  9. တရုတ်နံနံ - အခက်ကြီးကြီး သုံးခက်
  10. ဆား - လက်ဖက်ရည်ဇွန်း တစ်ဇွန်း
  11. သကြား - ထမင်းစားဇွန်း နှစ်ဇွန်း
  12. ပဲငံပြာရည်အနောက် - ထမင်းစားဇွန်း တစ်ဇွန်း
  13. ပဲငံပြာရည်အကြည် - ထမင်းစားဇွန်း တစ်ဇွန်း
  14. နှမ်းဆီ - လက်ဖက်ရည်ဇွန်း တစ်ဇွန်း
  15. ခရုဆီ - ထမင်းစားဇွန်း တစ်ဇွန်း
  16. ဆီ - ထမင်းစားဇွန်း ခြောက်ဇွန်း 
ပြင်ဆင်ပုံ
  • ။ဘဲဥကို ဇလုံထဲမှာ ဖောက်ထဲ့ပေးပြီး ခေလာက်ထားပါ
  • ဆန်ပြားခေါက်ဆွဲနှင့် ပါ၀င်ပစ္စည်းများကို ပြင်ထားပါ
  • ကြွက်နားရွက်မှိုကို ဇလုံထဲမှာ ရေမြုပ်အောင် ထည့်ပြီး သုံးနာရီလောက် ရေစိမ်ထားပါ
  • ရေစိမ်ပြီး ပွလာသော ကြွက်နားရွက်မှိုကို ရေများများနှင့် ငါးထပ်လောက်ဆေးကာ ခဲနှင့်သဲများ စင်အောင် ဆေးထားပါ
  • ကြက်သွန်ဖြူကို အခွံခွာပြီး ရေဆေးကာ ဓါးပြားရိုက်ပြီး ခပ်သေးသေး လွီးထားပါ
  • မုံလာဥနီကို အခွံခွာပြီး ရေဆေးကာ မိမိနှစ်သက်သလို လွီးထားပါ
  • ပဲပင်ပေါက်ကို ရေဆေးပြီး ရေစစ်ထားပါ
  • ကိုက်လံကို ခပ်ကြမ်းကြမ်း လှီးပေပြီး ရေဆေးကာ ရေစစ်ထားပါ
  • တရုတ်နံနံကို ရေဆေးပြီး အနေတော် ပိုင်းဖြတ်ကာ ရေစစ်ထားပါ
  • ကြက်သွန်မိတ်ကို အပင်လိုက် ရေဆေးပေးပြီး မိမိနှစ်သက်သလို လှီးပေးထားပါ
  • ဇလုံတစ်လုံးထဲမှာ ဆား အရသာမှုန့် ပဲငံပြာရည်အကြည် ပဲငံပြာရည်အနောက် ခရုဆီနှင့် နှမ်းဆီတို့ကို အရသာ သမအောင် မွှေပေးထားပါ
  • အားလုံးအဆင်သင့် ဖြစ်တာနဲ့ ဒယ်အိုးထဲမှာ ဆီထည့်ပြီး အပူပေးပါ
  • ဆီပူလာလျှင် သကြားကို အရင်ဆုံးထည့်ပြီး ညိုလာတဲ့အထိ ကြော်ပေးပါ
  • သကြားများ အရည်ပျော််လာပြီး  ညိုရောင်သန်းလာတာနဲ့ ကြက်သွန်ဖြူကို မွှေးလာရုံလေး ထည့်ကြော်ပေးပါ
  • ပြီးတာနဲ့ ရေစစ်ထားတဲ့ ကြွက်နားရွက်မှို ကိုက်လံနှင့် မုံလာဥနီတို့ကို အရင်ဆုံး ထည့်ကြော်ပေးပါ
  • အသီးအရွက်များကို တစ်မိနစ်လောက်ဘဲ ကြော်ပေးပါ
  • အသီးအရွက်များ အနည်းငယ်လေး နွမ်းသွားပါက ဆန်ပြားခေါက်ဆွဲနှင့် အရသာ စပ်ထားသော အရည်ကို ထည့်ကြော်ပေးပါ
  • ပြီးတာနဲ့ အရသာ သမသွားအောင် မွှေပေးပါအသီးအရွက်ကြော် ဖြစ်တဲ့အတွက် အရမ်းနွမ်းပြီး အသီးအရွက်များ အရောင်ပြောင်းတဲ့အထိ ကြော်စရာမလိုတဲ့အတွက် ခနဘဲ ကြော်ပေးပါ
  • အရသာ သမလောက်ပြီ ဆိုတာနဲ့ အရသာ မြည်းပြီးပြင်ပေးပါ
  • မိမိစိတ်ကြိုက် အရသာ ရပြီဆိုတာနဲ့ အိုးဘေးမှာ ခနတွန်းထားပြီး ခလောက်ထားတဲ့ ဘဲဥကိုထည့်ပေးပါ
  • ဘဲဥကျက်တာနဲ့ ဆန်ပြားကြော်ထဲမှာ ရောမွှေပေးပါ
  • ပြီးတာနဲ့ ပဲပင်ပေါက် တရုတ်နံနံနှင့် ကြက်သွန်မိတ်တို့ကို ထည့်ပေးပြီး မွှေပေးပြီးပါက ဆန်ပြားခေါက်ဆွဲကြော် ရပါပြီ
  • ကြော်ပြီးတာနဲ့ ပူပူလူလူလေး သုံးဆောင်ပါက အရမ်းကို ကောင်းလွန်းတဲ့ ဆန်ပြားခေါက်ဆွဲကြော်ကို စားသုံးရန် ပြင်ပေးနိူင်ပါပြီ။

Monday 12 October 2020

ငှက်ပျောသီးစိမ်း အကြွတ်ကြော်

 





ဒီနေ့တော့ ငှက်ပျောသီး အစိမ်းလေးတွေ ဝယ်လာပြီး အကြွတ်ကြော်လေး ကြော်စားပါတယ် စားလို့အရမ်းကောင်းပြီး ကြော်ရတာလဲ လွယ်ကူလွန်းတဲ့အတွက် မာမာပြင်ဆင်ပြီး ကြော်ထားတဲ့ နည်းလေးကို မျှဝေပေးလိုက်ပါတယ်ရှင်။

ပါ၀င်ပစ္စည်းများ
  1. ငှက်ပျောသီးအစိမ်း - ငါးလုံး
  2. ဆား - လက်ဖက်ရည်ဇွန်း လေးပုံတစ်ပုံ
  3. နနွင်းမှုန့် - လက်ဖက်ရည်ဇွန်း တစ်ဝက်
  4. ဆီ - လိုသလောက် သုံးပေးပါ
ပြင်ဆင်ပုံ
  • ငှက်ပျောသီးများကို အခွံခွာပေးပါ
  • အခွံခွာပြီးတာနဲ့ ရေနှင့် ဆေးပေးပြီး ရေစစ်ပေးပါ
  • ရေစစ်သွားတာနဲ့ ခြစ်ခုံလေးနှင့် ခြစ်ချပေးပါ
  • ငှက်ပျောသီးအားလုံး ခြစ်ပြီးတာနဲ့ ဆားနှင့် နနွင်းမှုန့်ထည့်ကာ အရသာ ဝင်သွားအောင် နယ်ပေးပါ
  • ပြီးတာနဲ့ ဇောက်နက်သော အိုးထဲကို ဆီခပ်များများ ထည့်ပေးကာ အပူပေးပါ
  • ဆီပူလာတာနဲ့ မီးကို အနေတော်လောက် လျှော့ပေးပြီး ငှက်ပျောသီးများကို အိုးဆန့်သလောက် ထည့်ပေးပါ
  • ငှက်ပျောသီး ကြော်နေစဉ် အကျက်ညီစေရန် မကြာမကြာ မွှေပေးပါ
  • ငှက်ပျောသီးများ ရွှေဝါရောင် သန်းလာပြီး ကြွတ်ရွလာပါက ဆီပေါ်ကို တက်လာပါလိမ့်မယ်
  • ပြီးတာနဲ့ ဆယ်ပြီးဆီစစ်ပေးပါ
  • ဆီစစ်သွားတာနဲ့ ငှက်ပျောသီး အစိမ်းကြော် ကြွတ်ကြွတ်မွှေးမွှေးလေးကို စားသုံးရန် ပြင်ပေးနိူင်ပါပြီ။

Tuesday 6 October 2020

အာလူးထောင်းကြော် စိမ့်စိမ့်လေး


ဒီနေ့တော့ အာလူးထောင်းကြော်လေး လုပ်စားဖြစ်လို့ ကြော်စားချင်တဲ့စိတ် ရှိလာတဲ့အခါ ကြော်စားနိူင်ဖို့ရာအတွက် မာမာပြင်ဆင်ပြီး ကြော်ထားတဲ့ အာလူးထောင်းကြော် ကြော်နည်းလေးကို မျှဝေပေးလိုက်ပါတယ်ရှင်။

ပါ၀င်ပစ္စည်းများ
  1. အားလူး - 700 g 
  2. တန်ပူရာအကြော်မှုန့် - 200 g
  3. ဆား - လက်ဖက်ရည်ဇွန်း သုံးပုံတစ်ပုံ
  4. အရသာမှုန့် - လက်ဖက်ရည်ဇွန်း တစ်၀က် 
  5. နနွင်းမှုန့် - လက်ဖက်ရည်ဇွန်း လေးပုံတစ်ပုံ
  6. ဆီ - လိုသလောက်
  7. မကပ်သော ဒယ်အိုးပြား - တစ်လုံး

ပြင်ဆင်ပုံ
  • မြေနီအာလူး အာလူးအစေးသီးကို ရေစင်အောင်ဆေးပြီး အခွံမခွာဘဲ နူးနေအောင် ပြုပ်ပေးပါ
  • မိုက်ခရိုဝေ့ မီးဖိုနှင့်ပြုပ်ပါက ရေ အနည်းငယ်ထည့်ပြီး ၁၂မိနစ်နစ်ခန့် ပြုပ်ပေးပါ
  • အာလူးနူး မနူးကို ဓါးဦးချွန်လေးနှင့် ထိုးကြည့်ပေးပါ
  • နူးသွားပါက အာလူးပြုပ်ကို အအေးခံပြီး အခွံခွာပေးပါ
  • အခွံခွာပြီးသား အာလူးကို စတီးဇလုံ တစ်လုံးထဲထည့်ပြီး ဆား အရသာမှုန့် တန်ပူရာမှုန့် နနွင်းမှုန့်တို့ထည့်ပြီး အာလူးကျေအောင်ချေကာ နယ်ပေးပါ
  • အာလူးများ ကျေသွားပါက ငရုတ်ကျီပွေ့နှင့် ငရုတ်ဆုံ မရှိက ဇလုံထဲမှာဘဲ စေးပိုင်လာတဲ့ထိ ထောင်းပေးပါ
  • အာလူးများ စေးပိုင်လာပါက လက်တစ်ဆုတ်စာယူပြီး လက်ဝါးနှစ်ဖက်နှင့် ညှစ်ညှစ်ပြီး ဆုတ်လုံးပေးပါ
  • အရင်ဆုံး အာလူးများကို အလုံးလေးတွေ ရလာအောင် လုံးပေးထားပါ
  • အားလုံးကို ဆုတ်လုံးပေးပြီးပါက ဒယ်အိုးထဲကို အိုးရဲ့သုံးပုံနှစ်ပုံလောက်ထိ ထည့်ပေးပြီး အပူပေးပါ
  • ဆီပူလာပါက မီးကိုအလယ်လောက်ထိ လျှော့ပေးပါ
  • ပြီးတာနဲ့ အာလူးလုံးကိုယူကာ လက်ဝါးနှစ်ဖက်ကြားထည့်ပြီး မထူမပါးလေး ရလာအောင် ဖိပြားပေးပါ
  • မထူမပါး အနေအထားလေး ရလာတာနဲ့ အာလူးလုံးများကို အိုးဆန့်သလောက် တစ်လုံးခြင်းထည့်ပြီ ကြော်ပေးပါ
  • တစ်ဖက်ရွှေဝါရောင် သန်းလာပါက နောက်တစ်ဖက်ကို လှန်ပေးပါ
  • အာလူးထောင်းကြော် တစ်ခုလုံး ရွှေဝါရောင် သန်းလာပါက ဆယ်ပြီး ဆီစစ်ပေးပါ
  • ဆီစစ္်သွားပါက အာလူးထောင်းကြော်လေးများကို မော်လမြိုင်အချဉ်လေးနှင့် တွဲဖက်ပြီး စားသုံးနိုင်ပါပြီ။