Monday 28 September 2020

မော်လမြိုင် အချဉ်








ဒီနေ့တော့ အစာပြေ စားဖို့ရာအတွက် အာလူးထောင်းကြော်လေး ကြော်ဖြစ်ပါတယ် အာလူးထောင်းကြော်က သူ့ခြည်းဘဲလဲ အရသာ ရှိပေမဲ့ မာမာကတော့ အချဉ်လေး စပ်ပြီးတော့ အာလူးထောင်းကြော်လေးနဲ့ စားပါတယ်။

ဒီအချဉ်စပ်နည်းလေးက မာမာ့စိတ်ထင် မော်လမြိုင်အချဉ်လို့ နံမည်တပ်ပေမဲ့ မွန်လူမျိုးတို့ရဲ့ အရသာစပ်နည်းလို့ ပြောလို့လဲ ရပါတယ် ဘာဖြစ်လို့လဲဆိုရင် ကျန်ခဲ့တဲ့ နှစ်သုံးဆယ်လောက် ကတည်းက မွန်ရွာဖြစ်တဲ့ ကောဗိန်း ကော့ဗောက် တိုက်နယ်ဆေးရုံမှာ မာမာ့အမျိုးသား တာဝန်ကျစဉ်က မာမာတို့ လိုက်နေဖြစ်ချိန်ထဲက အကြော်စုံစားတိုင်း သူတို့စပ်ပေးတဲ့ အချဉ်အရသာနဲ့ ပါဝင်တာတွေက ဒီအတိုင်းပါဘဲ။
ဒါကြောင့်မို့လို့ မာမာပြင်ဆင်ပြီး စပ်ထားတဲ့ အကြော်စုံပူပူလေးနဲ့ တွဲဖက်ပြီး စားဖို့အတွက် အချဉ်တည်နည်းလေးကို မျှဝေပေးလိုက်ပါတယ်ရှင်။

ပါ၀င်ပစ္စည်းများ
  1. မန်ကျည်းသီးမှည့် - ထမင်းစားဇွန်းမောက်မောက် နှစ်ဇွန်းစာ
  2. ကြက်သွန်ဖြူ - အမွှာကြီးကြီး ဆယ်မွှာ
  3. ငါးငံပြာရည် - ထမင်းစားဇွန်း သုံးဇွန်း
  4. ငရုတ်သီး အလှော်မှုန့် - ထမင်းစားဇွန်း တစ်ဇွန်း
  5. ပဲအကျက်မှုန့် - ထမင်းစားဇွန်း နှစ်ဇွန်း နှစ်ဇွန်း(ခပ်ပျစ်ပျစ်ကြိုက်ပါက ပိုထည့်ပါ)
  6. ငရုတ်သီးစိမ်း - ဆယ်တောင့်ခန့် (အစပ်ကြိုက်ပါက ပိုထည့်ပါ)
  7. နံနံပင် - အပင်ကြီးကြီး လေးပင်အ
  8. ရသာမှုန့် - လက်ဖက်ရည်ဇွန်း တစ်ဇွန်း
  9. ရေနွေးပွက်ပွက်ဆူပြီးသား - လက်ဖက်ရည် အကြမ်းပန်းကန်လုံး တစ်လုံးစာ (မန်ကျည်းသီးမှည့်စိမ်ရန်)
  10. ရေနွေးဆူပြီးသား ခပ်နွေးနွေး - လက်ဖက်ရည် အကြမ်းပန်းကန် တစ်လုံးစာ (အရသာစပ်ရန်)
အချဉ်စပ်နည်း
  • မန်ကျီးသီးမှည့်ကို ရေနှစ်ထပ်လောက်ဆေးပြီး ရေနွေးပွက်ပွက်ဆူနှင့် စိမ်ထားပါ
  • ငရုတ်သီးအလှော်မှုန့် ငါးငံပြာရည် အရသာမှုန့် ပဲအကျက်မှုန့်တို့ကို ပြင်ထားပါ
  • ကြက်သွန်ဖြူ ကို အခွံခွာပြီး ရေဆေးကာ မညက်တစ်ညက် ထောင်းထားပါ
  • ငရုတ်သီးစိမ်းကို ရေဆေးပြီး မထူမပါးလေးတွေ လှီးထားပါ 
  • နံနံပင်ကို ရေဆေးပြီး ခပ်ကြမ်းကြမ်း လွီးထားပါ
  • အားလုံးအဆင်သင့် ဖြစ်တာနဲ့ ဇောက်နက်သော ဇလုံတစ်လုံးထဲမှာ ပါ၀င်ပစ္စည်းများကို ထည့်ပေးပါ
  • မန်ကျည်းသီးမှည့် အဖတ်ထဲမှ အချဉ်အရသာများ ထွက်သွားအောင် နယ်ပေးပါ
  • ပြီးတာနဲ့ အဖတ်များကို ဖယ်ပေးကာ အသင့်ပြင်ထားသော ဇလုံထဲကို ထည့်ပေးပါ
  • ရေခပ်နွေးနွေးလေး လက်ဖက်ရည် အကြမ်းပန်းကန် တစ်လုံးစာနှင့် ရောပြီးဖျော်ပေးပါ
  • အရသာ စပ်ပြီးတာနဲ့ မြည်းကြည့်ပြီး မိမိစိတ်ကြိုက် အရသာ ပြင်ပေးပြီးပါက ချိုချဉ်ငံစပ် အရသာ ကောင်းလှသော မော်လမြိုင် အချဉ်လေးရပါပြီ။

Friday 25 September 2020

ပဲပြားပေါင်း ချိုစိမ့်လေး




ဒီနေ့တော့ နှမ်းဆီမွှေး ပဲငံပြာရည်တို့နဲ့ သတ်သတ်လွတ် ဟင်းတစ်မယ်အတွက် ပဲပြားကို အခ် ိုအရသာ ပေါင်းထားပါတယ် ထမင်းပူပူလေးနဲ့ အရမ်းလိုက်ဖက်လွန်းတဲ့အတွက် မာမာပြင်ဆင်ပြီး ပေါင်းထားတဲ့ နည်းလေးကို မျှဝေပေးလိုက်ပါတယ်ရှင်။

ပါ၀င်ပစ္စည်းများ
  1. ပဲပြားအပျော့ - 250 g
  2. ကြက်သွန်ဖြူ  - အမွှာကြီးကြီး နှစ်မွှာ
  3. ဆား - လက်ဖက်ရည်ဇွန်း သုံးပုံတစ်ပုံ
  4. ပဲငံပြာရည် အကြည် - ထမင်းစားဇွန်း တစ်ဝက်
  5. ငရုတ်ကောင်းမှုန့် - လက်ဖက်ရည်ဇွန်း လေးပုံတစ်ပုံ
  6. ဆား - လက်ဖက်ရည်ဇွန်း တစ်ဝက်သာသာ
  7. ပဲငံပြာရည် အနောက် - ထမင်းစားဇွန်း တစ်ဇွန်း
  8. ရေ - ထမင်းစားဇွန်း ခွန်နှစ်ဇွန်း

ပြင်ဆင်ပုံ
  • ပဲပြားကို ရေဆေးကာ လက်တစ်လုံး အရွယ်လေးတွေ အချပ်လိုက် လှီးထားပါ
  • ကြက်သွန်ဖြူ ကို အခွံခွာပြီး ရေဆေးကာ  ဓါးပြားရိုက်ထားပါ
  • ပန်းကန်တစ်လုံးထဲမှာ ဆား ပဲငံပြာရည်အနောက် ပဲငံပြာရည် အကြည် ရေနှင့် ငရုတ်ကောင်းမှုန့်တို့ကို ရောပြီး သမအောင် ပြင်ထားပါ
  • ပန်းကန်တစ်လုံးထဲမှာ ပဲပြား ကြက်သွန်ဖြူ နှင့် အရသာ စပ်ထားသော ပဲငံပြာရည်တို့ကို ထည့်ပေးပါ
  • ထိုပန်းကန်ကို ပေါင်းအိုးထဲထည့်ပြီး အဖုံးအုပ်ပေးပါ
  • ပြီးတာနဲ့ ပေါင်းမည့်ခလုတ်ကို နှိပ်ပေးပြီး သုံးမိနစ် ပေါင်းပေးပါ
  • ပဲပြားပေါင်းချိန် သုံးမိနစ် ပြည့်တာနဲ့ ပေါင်းအိုးမှ လေထုတ်မည့် ခလုတ်ကို နှိပ်ပေးပြီး လေကုန်အောင် နှိပ်ပေးပြီးမှ အိုးအဖုံးကို ဖွင့်ပေးပါ
  • ပဲပြားပေါင်းစဉ် ထွက်လာသော အရည်မှာ အရမ်းကို ချိုတဲ့အတွက် အရည်သောက်ဆမ်းလေး ပြင်ပေးနိူင်ပါတယ်
  • ပြီးတာနဲ့ ပဲပြားပေါင်း ပန်းကန်ကို ပေါင်းအိုးအပြင်သို့ ထုတ်ပေးပြီး ပူပူလူလူလေး သုံးဆောင်နိူင်ပါပြီ။

Saturday 19 September 2020

ဂုံးကော်ကြော် ကြွတ်ကြွတ်လေး









ဒီနေ့တော့ ဂုံးလေးတွေ ဝယ်ထားပြီး ဆီပြန်လေး ချက်စားရင်းက များလို့ဖယ်ထားတဲ့ ဂုံးလေးတွေကို ကော်ကြော်လေး ကြော်စားဖြစ်ပါတယ် စားလို့အရမ်းကောင်းပြီး ကြွတ်ကြွတ်လေးနဲ့ အရသာ ရှိလွန်းတဲ့အတွက် မာမာပြင်ဆင်ပြီး ကြော်ထားတဲ့ ကော်ကြော် ကြော်နည်းလေးကို မျှဝေပေးလိုက်ပါတယ်ရှင်။

ပါ၀င်ပစ္စည်းများ
  1. ကော်မှုန့် - 150 g
  2. ရေ - 250 ml
  3. ဂုံးအသား - တစ်ဆယ်သားခန့် (ပြုပ်ပြီး အခွံခွာပြီးသား)
  4. တရုတ်နံနံပင် - အနေတော် နှစ်ပင်ခန့် (ကြိုက်လျှင်ပိုထည့်ပါ)
  5. ဆား - လက်ဖက်ရည်ဇွန်း တစ်ဝက်အ
  6. ရသာမှုန့် - လက်ဖက်ရည်ဇွန်း တစ်ဇွန်း
  7. ကြက်သွန်ဖြူ  - အမွှာကြီးကြီး သုံးမွှာ
  8. ဆီ - ထမင်းစားဇွန်း ဆယ်ဇွန်းခန့် 
  9. အောက်ချေမကပ်သောဒယ်အိိုး - ခပ်ကြီးကြီး တစ်လုံး
ပြင်ဆင်ပုံ
  • ကြက်သွန်ဖြူ ကို အခွံခွာပြီး ရေဆေးကာ မညက်တစ်ညက် ထောင်းပေးပါ
  • ဂုံးအသားများကို မလိုတာတွေ ဖယ်ပေးပြီး ရေဆေးထားပါ
  • တရုတ်နံနံပင်ကို ရေဆေးပြီး ခပ်ပါးပါး လွီးထားပါ
  • ကော်မှုန့်ကို ရေဖြင့် ခပ်ပြစ်ပြစ် ဖျော်ပေးပါ
  • ဖျော်ထားသော ကော်ရည်ထဲမှာ ဂုံးအသားများ ဆား အရသာမှုန် ့နှင့် တရုတ္နံနံတို ့ကိုထည့်ပေးကာ အရသာသမအောင် မွှေပေးပါ
  • ဒယ်အိုးထဲမှာ ဆီထည့်ပြီး အပူပေးပါ
  • ဆီပူလာတာနဲ့ မီးကိုအနည်းငယ် လျှော့ပေးကာ ကြက်သွန်ဖြူ ကို ထည့်ပေးပြီး ကြော်ပေးပါ
  • ကြက်သွန်များ ဝါရောင်လေး သန်းတာနဲ့ အရသာ ဖျော်ထားသော ကော်ရည်ကိုထည့်ပြီး မွှေပေးပါ
  • မွှေပြီးတာနဲ့ အိုးကိုအဖုံးအုပ်ပေးကာ တည်ထားပေးပါ
  • တည်ထားစဉ် မီးအရမ်းမပြင်းဖို့ သတိထားပြီး တည်ပေးပါ
  • အပေါ်ဖက်မှာ ကော်ရည်အရောင် ကြည်ကြည်လေး ဖြစ်လာပါပြီး အောက်ဖက်မှ တစ်ဖက်သို့ လှန်လို့ရလောက်တဲ့ အေနအထား အရလာရင် ဇွန်းပြားနဲ့ ထိုးကလော်ပြီး လှန်ပေးပါ
  • ကော်ကြော်ကို တစ်ဖက်သို့ လှန်ပြီးတာနဲ့ အိုးအဖုံး ပြန်အုပ်ပေးပြီး ဆက်ကြော်ပေးထားပါ
  • ထိုနည်းအတိုင်း ကော်ကြော်လေး ကြွတ်ပြီးရွလာတဲ့အထိ စိတ်ရှည်ရှည်နဲ့ ကြော်ပေးပါ
  •  ကော်ကြော် ကြွတ်လာပြီ ဆိုတော့မှ မီးဖိုပေါ်မှ ဖယ်ပေးကာ ပန်းကန်ထဲကို ပြောင်းထည့်ပေးပါ
  • အရသာ အရမ်းကောင်းပြီး စားလို့ကောင်းလွန်းတဲ့ ဂုံးကော်ကြော် ကြွတ်ကြွတ် မွှေးမွှေးလေး ရပါပြီ။

Friday 18 September 2020

ဘေဘီဘရော့ကိုလီကြော်


ဟင်းချက်ရမှာ အချိန်မရတဲ့နေ့တို့ လူကနေမကောင်းချင်လို့ မီးဖိုထဲ ဝင်ရမှာ ပျင်းတဲ့နေ့တို့ဆိုရင် ဟင်းတစ်မယ်ထဲနဲ့ အဆင်ပြေစေမဲ့ အသီးအရွက်တွေရယ် အသားတစ်မျိုးမျိုးနဲ့ ရောပြီး အစိမ်းကြော် ကြော်လေ့ရှိပါတယ်။

အစိမ်းကြော်မှာပါတဲ့ အရသာ စပ်ထားတဲ့ ဆော့စ်ရည်က အရမ်းစားလို့ ကောင်းလွန်းတဲ့အတွက် စားမြိန်ဟင်းလေး တစ်မယ်အတွက် မာမာပြင်ဆင်ပြီး ချက်ထားတဲ့ နည်းလေးကို မျှဝေပေးလိုက်ပါတယ်ရှင်။

ပါ၀င်ပစ္စည်းများ
  1. ဘေဘီဘရော့ကိုလီ - ဆယ်ပင်ခန့်
  2. ပုဇွန်ထုတ် - 150 g
  3. ကြက်သွန်ဖြူ - အမွှာကြီးကြီး သုံးမွှာ
  4. ဆား - လက်ဖက်ရည်ဇွန်း တစ်ဝက်
  5. သကြား - ထမင်းစားဇွန်း နှစ်ဇွန်း
  6. ပဲငံပြာရည်အနောက် - ထမင်းစားဇွန်း တစ်ဇွန်း
  7. ဆီ - ထမင်းစားဇွန်း ငါးဇွန်း 
အရသာစပ်ရန်
  • သကြား - ထမင်းစားဇွန်း တစ်ဇွန်း
  • ပဲငံပြာရည် အနောက်- ထမင်းစားဇွန်း တစ်ဇွန်း
  • ရေ - လက်ဖက်ရည်ပန်းကန်လုံး တစ်လုံးခွဲစာ
  • ဆား - လက်ဖက်ရည်ဇွန်း တစ်ဝက် (အထက်ပါ ပါဝင်ပစ္စည်း အားလုံးကိုရောပြီး အရသာ အရည်အဖြစ် စပ္ထားပါ)
ပြင်ဆင်ပုံ
  • ပုဇွန်ထုတ်ကို ရေစင်အောင်ဆေးပြီး အခွံခွာပြီး ခေါင်းများဖြုတ် ထားပေးပါ
  • ကြက်သွန်ဖြူကို အခွံခွာပြီး ရေဆေးကာ ဓါးပြားရိုက်ပြီး ခပ်သေးသေး လွီးထားပါ
  • ဘဘေီဘရော့ကိုလီ ရေဆေးပြီး အနေတော်  အခက်လေးတွေ လွီးထားပါ
  • အားလုံးအဆင်သင့် ဖြစ်တာနဲ့ ဒယ်အိုးထဲမှာ ဆီထည့်ပြီး အပူပေးပါ
  • ဆီပူလာလျှင် ကြက်သွန်ဖြူကို မွှေးလာရုံလေး ထည့်ကြော်ပေးပါ
  • ပြီးတာနဲ့ ပုဇွန်ထုတ်ကို ထည့်ကြော်ပေးပါ
  • ပုဇွန်ကျက်သွားပါက ဘေဘီဘရော့ကိုလီကို ထည့်မွှေပေးပါ
  • ဘရော့ကိုလီများ အနည်းငယ် နွမ်းသွားပါက အရသာ စပ်ထားသော အချိုရည်ကို လောင်းထည့်ပေးပါ
  • ပြီးတာနဲ့ အရသာ သမသွားအောင် မွှေပေးပါ
  • အသီးအရွက်ကြော် ဖြစ်တဲ့အတွက် အရမ်းနွမ်းပြီး အသီးအရွက်များ အရောင်ပြောင်းတဲ့အထိ ကြော်စရာမလိုတဲ့အတွက် ခနဘဲကြော်ပေးပါ
  • ဘေဘီဘရော့ကိုလီများ အရသာ သမလောက်ပြီ ဆိုတာနဲ့ အရသာမြည်းပြီကား လိုသလို ပြင်ပေးပါ
  • မိမိစိတ်ကြိုက် အရသာ ရပြီဆိုတာနဲ့ ပန်းကန်ထဲ ပြောင်းထဲ့ပေးပါ
  • ထမင်းပူပူလေးနဲ့ လိုက်ဖက်လွန်းတဲ့ ဘေဘီဘရော့ကိုလီ အစိမ်းကြော်လေး ရပါပြီ။

Wednesday 16 September 2020

ပြည်ကြီးငါးကင် မွှေးမွှေးလေး









ဒီနေ့တော့ ပြည်ကြီးငါး ခေါင်းပိုင်း ပိုင်းပြီးသားလေးတွေ ဝယ်လာပြီး အကင်အိုးလေးနဲ့ ကင်ဖြစ်ပါတယ် စားလို့ကောင်းလွန်းတဲ့အတွက် မာမာကင်တဲ့နည်းလေး မျှဝေလိုက်ပါတယ် မိမိအသုံးပြုတဲ့ ပြည်ကြီးငါးရဲ ့အသားတုံး အကြီးအသေး အပေါ်မူတည်ပြီး မိနစ်အနည်းအများကို လိုတိုးပိုလျှော့ လုပ်ပေးဖို့တော့ သတိလေး ပြုစေချင်ပါတယ်ရှင်။

ပါ၀င်ပစ္စည်းများ
  1. ပြည်ကြီးငါးခေါင်းပိုင်း - လေးပိုင်း
  2. ဆား - လက်ဖက်ရည်ဇွန်း လေးပုံတစ်ပုံ
  3. ငရုတ်သီး အကြမ်းဖတ် - ထမင်းစားဇွန်း  တစ်ဇွန်း
  4. နနွင်းမှုန့် လက်ဖက်ရည်ဇွန်း သုံးပုံတစ်ပုံ
  5. အရသာမှုန့် - လက်ဖက်ရည်ဇွန်း တစ်ဝက်
  6. ဆီ - ထမင်းစားဇွန်း တဇွန်းခွဲ
  7. သံပုရာသီး - တစ်လုံး
  8. ဆားကြမ်း - ထမင်းစားဇွန်း တစ်ဇွန်း (ပြည်ကြီးငါးဆေးရန်)
  9. အကင်ဒုတ်တံ - လေးချောင်း
ပြင်ဆင်ပုံ
  • အကင်ဒုတ်တံကို ရေနာရီဝက်လောက် ကြိုပြီးစိမ်ထားပါ
  • ပြည်ကြီးငါး ခေါင်းပိုင်းနှင့် ဆားတို့ကို ဇလုံထဲမှာ ထည့်ပေးပြီး အယိအရွဲများ ကုန်သွားအောင် နယ်ပေးပါ
  • ပြီးတာနဲ့ ရေစင်အောင်ဆေးပြီး ရေစစ်ထားပါ
  • သံပုရာသီးကို ရေဆေးပြီး အစိတ်လေးတွေ စိတ္ထားပါ
  • ရေစစ်ထားသော ပြည်ကြီးငါးကို နနွင်းမှုန့် ဆား အရသာမှုန့်နှင့် ငရုတ္သီး အကြမ်းဖတ်တို့ဖြင့် နယ်ပေးပါ
  • အရသာ နယ်ပြီးတာနဲ့ အကင်ဒုတ်တံလေးတွေနဲ့ ထိုးပေးပါ 
  • အားလုံး အဆင်သင့် ဖြစ်တာနဲ့ ပြည်ကြီးငါး ကင်ရန်အတွက် အကင်အိုးကို အပူပေးပါ
  • အိုးပူလာပါက ဆီထည့်ပြီး အိုးအဖုံးနှင့် အိုးအျပားကို ဆီန့ှံသွားအောင် လိုက်သုတ်ပေးပါ
  • ပြီးတာနဲ့ အရသာ နယ်ထားသော ပြည်ကြီးငါးကို စပြီးထည့်ပေးပါ
  • ပြည်ကြီးငါးရဲ့တစ်ဖက်ကို သုံးမိနစ်လောက် ကင်ပေးပြီးမှ နောက်တစ်ဖက်ကို လှန်ပေးပြီး ဆက်ကင်ပါ
  • နောက်တစ်ဖက်ကိုလဲ သုံးမိနစ်လောက်ဘဲ ကင်ပေးပါ
  • ပြည်ကြီးငါးကင်နှင့်သံပုရာသီး အစိတ်လေးများကို ပြင်ပေးပြီးတာနဲ့ ပြည်ကြီးငါးကင် မွှေးမွှေးလေးကို သံပုရာညွစ္ကာ သုံးဆောင်နိူင်ပါပြီ။

Tuesday 15 September 2020

Enoki mushroom အကြွတ်ကြော်



ဒီနေ့တော့့ Enoki mushroom လေးတွေကို တန်ပူရာမှုန့်နဲ့ ကြော်စားဖြစ်ပါတယ် သတ်သတ်လွတ် စားသူတွေအတွက် အရမ်းအဆင်ပြေစေတဲ့ အကြော်လေးဖြစ်တဲ့အတွက် မာမာတို့အိမ်မှာ မကြာမကြာ ကြော်စားဖြစ်ပါတယ်။

ဒါကြောင့်မို့လို့ ကြော်ရတာ လွယ်သလောက် စားရတာ အရမ်းကောင်းတဲ့အတွက်  မှိုလေးတွေလဲ မိမိအိမ်မှာ အဆင်သင့် ရှိနေမယ် အချိန်လေးလဲ အားနေမယ် ဆိုရင်တော့ ကြော်စားကြည့်ရအောင် ကြော်နည်းလေး မျှဝေလိုက်ပါတယ်ရှင်။

ပါ၀င်ပစ္စည်းများ
  1. Enoki mushroom  -  60 g
  2. တန်ပူရာမှုန့် - 150 g
  3. ရေ - ထမင်းပေါင်းအိုး ဆန်ချင်ခွက် တစ်ခွက်မရှိတစ်ရှိ
  4. ဆီ - လိုသလောက် သုံးပေးပါ

ပြင်ဆင်ပုံ
  • တန်ပူရာမှုန့်ကို ရေနည်းနည်းချင်းထည့်ကာ ရောပေးပြီး သမအောင်မွှေပေးကာ ခပ်ပျစ်ပျစ်ဖျော်ပေးပါ
  • ရေကိုတစ်ခါထဲ မထည့်ဘဲ နည်းနည်းချင်းထည့်ပေးကာ လိုတိုးပိုလျော့ လုပ်ပေးပါ
  • မုန့်နှစ်ကို ခပ်ပြစ်ပြစ် အေနအထား ရအောင်ဖျော်ပေးပါ
  • မှိုမှာပါဝင်တဲ့ မလိုအပ်တဲ့ အောက်ပိုင်းနေရာကို ဖြတ်ပေးပြီး ဖယ်ပေးကာ လွှင့်ပလိုက်ပါ
  • ကျန်နေသော အပိုင်းကို ရေဆေးကာ ရေစစ်ထားပါ
  • မှိုကို လက်ညှိုးတချောင်းစာ သာသာ ယူပေးပြီး ဖျော်ထားသာ မုန့်နှစ်ထဲမှာ  နှစ်ပေးပါ
  • ဒယ်အိုးထဲမှာ ဆီထည့်ပြီး ဆီကိုမီးအား ခပ်ပြင်းပြင်းနဲ့ အပူပေးပါ
  • ဆီပူလာပါက မီးကိုအလယ်လောက်အထိ လျှော့ပေးပြီးမှ မှို မုန့်နှစ်လူးကို ထဲ့ကြော်ပေးပါ
  • မုန့်နှစ်လူးထားတဲ့ မှိုကိုဆီအိုးထဲ ထည့်ရာမှာ အထဲထိ ကျက်စေရန်အတွက် ဖြန့်ပြီးထည့်ပေးပါ
  • မီးအရမ်း မများစေရန် သတိပြုပြီး ကြော်ပေးပါ 
  • မီးအရမ်း မ်ားပါက မှိုရဲ့ အထဲဖက်မှာ မကျက်ဘဲ ပျော့ပြဲကြီး ဖြစ်နေတတ်ပါတယ်
  • ကြော်နေစဉ် တစ္ဖက္က ရွှေဝါရောင်သန်းလာပါက တစ်ဖက်ကို လှန်ပေးပါ
  • နှစ်ဖက်လုံး ရွှေဝါရောင် သန်းလာပါပြီး ကြွတ်ရွလာပါက ဆယ်ပြီးဆီစစ်ပေးပါ
  • ဆီစစ်သွားပါက မှိုကြော် ကြွတ်ကြွတ်ရွရွ ချိုချိုလေးကို ဆလတ်ရွက် နှစ်သက်ရာ အချဉ်နဲ့ တွဲဖက်ကာ သုံးဆောင်လို့ရပါပြီ။


Thursday 10 September 2020

Shrimp Paster








ဒီနေ့တော့ မာမာတို့တွေ ပုဇွန်ထုတ်လေးတွေနဲ့ Pasta လေး လုပ်စားဖြစ်ပါတယ် ပြင်ဆင်ရတာ အရမ်းလွယ်ကူ ရိုးရှင်းပါတယ် စားလို့ကောင်းလွန်းပေမဲ့ အအီအစိမ့်တွေ ပါတဲ့အတွက် ကျန်းမာရေးအတွက် အမြဲတမ်း စားဖို့အတွက်တော့ မသင့်တော်ဘူးလို့ ထင်မိပါတယ်။

ဒါပေမဲ့လဲ တစ်ခါတစ်လေ စားမယ်ဆိုရင်တော့ အဆင်ပြေတဲ့အတွက် အပြောင်းအလဲလေး စားချင်ရင် စားလို့ရလေအောင် မာမာပြင်ဆင်ထားတဲ့ နည်းလေးကို မျှဝေပေးလိုက်ပါတယ်ရှင်။
ပါ၀င်ပစ္စည်းများ
  1. Pasta - 300 g
  2. ဆီ - ထမင်းစားဇွန်း တစ်ဇွန်း (spaghetti ပြုပ်ရန်)
  3. ရေ - 5 cups (spaghetti ပြုပ်ရန်)
  4. ဆား - ထမင်းစားဇွန်း တစ်ဇွန်း ( Pasta ပြုပ်ရန်)
  5. Fresh oregano leaves - မိမိနှစ်သက်သလောက် ထည့်ပါ (သို့မဟုတ်)
  6. Oregano အခြောက် - ထမင်းစားဇွန်း နှစ်ဇွန်း
  7. ပုဇွန်ထုတ် - 150 g
  8. ကြက်သွန်ဖြူ  - အမွှာကြီးကြီး လေးမွှာ
  9. Pasta ပြုပ်ရည် - 1 cup
  10. ငရုတ်ကောင်းမှုန့် - လက်ဖက်ရည်ဇွန်း သုံးပုံတစ်ပုံ
  11. Thickened Parmesan ချိစ် - ထမင်းစားဇွန်း နှစ်ဇွန်း
  12. Cream - ထမင်းစားဇွန်း သုံးဇွန်း (ကြိုက်လျှင်ပိုထည့်ပါ)
  13. ဆီ - ထမင်းစားဇွန်း ငါးဇွန်း (pasta ကြော်ရန်)
  14. ဆီ - ထမင်းစားဇွန်း တစ်ဇွန်း (ပုဇွန်အိုးပူတိုက်ရန်)
ပြင်ဆင်ပုံ
  • ဇောက်နက်သော အိုးထဲမှာ ရေ ဆီနှင့် ဆားတို့ကို ထည့်ပေးပြီး ပွက်ပွက်ဆူအောင် တည်ပေးပါ
  • ရေပွက်ပွက် ဆူလာတာနဲ့ Pasta ကိုထည့်ပြီး ပြုပ်ပေးပါ
  • Pasta နူးလာတာနဲ့ ဇကာခံပြီး ဇလုံသန့်သန့်ထဲကို ပြုပ်ရည်များ သွန်ချပေးကာ ရေစစ်ထားပါ
  • ကြက်သွန်ဖြူကို အခြံခြာကာ ရေဆေးပြီး အကွင်းလိုက်လေးတွေ လှီးပေးပါ
  • Oregano leaves ရွက်များကို ရေဆေးပြီး ခပ်နုတ်နုတ်လေးတွေ စင်းပေးပါ
  • ပုဇွန်ကို ရေဆေးပြီး အခြံ ခေါင်းနှင့် ကြောဖက်မှ အမဲကြောင်းကို ထုတ်ပေးထားပါ
  • ဒယ်အိုးထဲကို ဆီထည့်ပြီး အပူပေးပါ
  • ဆီပူလာတာနဲ့ ပုဇွန်များကို ထည့်ပေးပြီး အိုးပူတိုက်ပေးပါ
  • တစ်ဖက်ကျက်တာနဲ့ တစ်ဖက်ကို လှန်ပေးပြီး ကျက်အောင် လုပ်ပေးပါ
  • ပုဇွန်ကျက်တာနဲ့ ဒယ်အိုးနောက်တစ်လုံးထဲမှာ ဆီထည့်ပြီး ကြက်သွန်ဖြူ ကို ထည့်ပြီး အပူပေးပါ
  • ကြက်သွန်ဖြူ  နံ့လေး သင်းလာတာနဲ့ ပြုပ်ထားသော pasta နှင့် ငရုတ်ကောင်းမှုန့်တို့ကို ထည့်မွှေပါ
  • ပြီးတာနဲ့ pasta ပြုပ်ထားသော အရည်နှင့် ပုဇွန်များ ထည့်မွှေပေးပါ
  • ရေခမ်းလာတာနဲ့ Oregano leaves အရွက်များကို ထည့်မွှေပေးပါ
  • အရသာ သမသွားတာနဲ့ အရသာ မြည်းပေးကာ လိုသလို ပြင်ပေးကာ ပန်းကန်ထဲ ထည့်ပေးပြီး parmesan ချိစ်ကို ထည့်ပေးပြီး ပူပူနွေးနွေးလေး သုံးဆောင်နိူင်ပါပြီ။

Friday 4 September 2020

ကြက်သားဟင်းထုတ်











ဒီနေ့တော့ ရှမ်းပြည်မြောက်ပိုင်းဖက်က အစားအစာ တစ်မျိုးဖြစ်တဲ့ ဟင်းထုတ်လေး ထုတ်စားဖြစ်ပါတယ် သူတို့ကတော့ ဝက်သားနဲ့ ထုတ်စားကြပေမဲ့ မာမာကတော့ ဝက်သားမစားတဲ့အတွက် ကြက်သားနဲ့ဘဲ ထုတ်ထားပါတယ်။ဒါကြောင့်မို့လို့ မိမိနှစ်သက်ရာ အသားကို သုံးနိူင်ပါတယ်ရှင်။

ပါဝင်ပစ္စည်းများ အကုန်မပါပေမဲ့ ရှိသလောက်နဲ့ဘဲ ပြင်ဆင်ထားပေမဲ့ ချဉ်ငံစပ် အရသာ အကုန်ပါတဲ့အတွက် စားလို့အရမ်းကောင်းပါတယ် ဒါကြောင့်မို့လို့ မာမာပြင်ဆင်ပြီး ပေါင်းထားတဲ့ ကြက်သားဟင်းထုတ် ထုတ်နည်းလေးကို မျှဝေပေးလိုက်ပါတယ်ရှင်။


ပါဝင်ပစ္စည်းများ
  1. ကြက်သား - 400 g
  2. ခရမ်းချဉ်သီး - ခပ်ကြီးကြီး တစ်လုံး
  3. နံနံပင် - အပင်ခပ်ကြီးကြီး ရှစ်ပင်ခန့်
  4. ကြက်သွန်နီ - အနေတော် တစ်လုံး
  5. ကြက်သွန်ဖြူ  - အမွှာကြီးကြီး လေးမွှာ
  6. ကြက်သွန်မိတ် - အပင်ကြီးကြီး လေးပင်ဆား
  7.  - လက်ဖက်ရည်ဇွန်း တစ်ဇွန်း
  8. အရသာမှုန့် - လက်ဖက်ရည်ဇွန်း တစ်ဇွန်း
  9. ကြက်သွန်ဖြူ - အမွှာကြီးကြီး သုံးမွှာ
  10. ဆီ - ထမင်းစားဇွန်း သုံးဇွန်း (အရသာစပ်ရန်)
  11. ဆီ - ထမင်းစားဇွန်း တစ်ဇွန်း (ငှက်ပျောရွက်ကို သုတ်ရန်)
  12. နံနံပင် - မိမိနှစ်သက်သလောက် (မုန့်ညှင်းပေါင်းနှင့်တွဲစားရန် )
  13. ကြက်သွန်ဖြူ ဆီချက် - လိုသလောက် (မုန့်ညှင်းပေါင်းနှင့်တွဲစားရန် )
  14. ငရုတ်သီး အကြမ်းမှုန့် ဆီချက် - လိုသလောက် (မုန့်ညှင်းပေါင်းနှင့်တွဲစားရန်)
  15. ပေါင်းခံဇကာပါသော ပေါင်းအိုး - တစ်လုံး 
  16. ငှက်ပျောရွက် - လိုသလောက် သုံးပေးပါ
ပြင်ဆင်ပုံ
  • အသုံးပြုမည့် ငှက်ပျောရွက် ပြင်ဆင်ရန်ငှ
  • က်ပျောရွက်ကိုသုံးလျှင် ခန့်မှန်းခြေ အနံ ၈လက်မ အလ်ွား ၁၀လက်မ လောက် ဖြတ်ထားပေးပြီး ဖက်ရွက်ပျော့သွားအောင် မီးနှင့်အရွက် မထိဘဲ ပူတယ်ဆိုရုံလေး ဖက်ပျော့သွားအောင် မီးအနည်းငယ် ကင်ပေးပါ
  • ဟင်းထုတ် ထုတ်ကာ နီးပါက ဖက်ရွက်ကို သန့်သွားအောင် အ၀တ်စသန့်သန့်နှင့် သုတ်ထားပေးပါ
  • အဝတ်စနှင့် သုတ်ပေးပြီးတာနဲ့ ငှက်ပျောရွက်များကို ဆီနှင့် သုတ်ပေးထားပါ
ပြင်ဆင်ပုံ
  • ကြက်သားကို ရေဆေးကာ အသားတုံးလေးတွေတုံးပြီး ခပ်နုတ်နုတ် စင်းထားပါ
  • ကြက်သွန်မိတ်များကို ရေစင်အောင်ဆေးပြီး ရေစစ်ကာ ရေစစ်သွားတာနဲ့  မထူမပါး အနေလေးတွေ လှီးထားပါ
  • နံနံပင်ကို ရေဆေးပြီး မထူမပါးလေးတွေ လှီးထားပါ
  • ကြက်သွန်နီကို အခွံခွာပြီး ရေဆေးကာ ခပ်နုတ်နုတ်လေးတွေ လှီးထားပါ
  • ကြက်သွန်ဖြူကို အခွံခွာပြီး ဓါးပြားရိုက်ကာ ခပ်နုတ်နုတ် စင်းပေးထားပါ
  • ခရမ်းချဉ်သီးကို ရေဆေးပြီး ခပ်သေးသေး အတုံးလေးတွေ လှီးထားပါ
  • ပါဝင်ပစ္စည်းများကို ပြင်ထားပါ
  • ကြက်သွန်ဖြူဆီချက်ကို ချက်ထားပါ
  • ငရုတ်သီး အကြမ်းမှုန့်ကို ဆီချက်ချက်ထားပါ
  • နံနံပင်ကို ရေဆေးပြီး ရေဆေးပြီး ရေစစ်ထားပါ
  • ဇလုံတစ်လုံးထဲမှာ ငှက်ပျောရွက်မှလွဲပြီး ပါဝင်ပစ္စည်း အားလုံးကို ထည့်ပေးကာ သမအောင် ရောနယ်ပေးပါ
  • အရသာ သမအောင် နယ်ပြီးတာနဲ့ သန့်စင်ပြီး ဆီသုတ်ထားသော ငှက်ပျောရွက်ကို နှစ်ထပ်ထပ်ပေးပါ
  • ထိုငှက်ပျောရွက်ထဲမှာ အရသာ နယ်ထားသော ကြက်သားနှင့် အစာမ်ားကို ထမင်းစားဇွန်း သုံးဇွန်းလောက် ထဲ့ပေးပါ
  • ပြီးတာနဲ့ ငှက်ပျောရွက်ကို အထဲမွ အစာမ်ား မထွက်အောင် လုံနေအောင် ထုတ်ပေးပါ
  • အထက်ပါ နည်းအတိုင်း အစာမ်ား ကုန်အောင်ထုတ်ပေးပါ
  • ပြီးတာနဲ့ အစာမ်ား အပြင်မထွက်စေရန် ပေါင်းခံဇကာထဲမှာ အထုတ်များကို မှောက်ပြီး  ထည့်ပေးပါ
  • ပေါင်းအိုးအောက်ခံအိုးကို ရေတစ်ဝက်လောက်  ထည့်ပေးကာ ထိုရေထဲမှာ  ပေါင်းခံခုံနှင့် ပေါင်းခံဇကာကို တင်ပေးပါ
  • ပြီးတာနဲ့ အိုးအဖုံးကို အုပ်ပေးကာ ပေါင်းမည့်ခလုတ် steam ခလုတ္ကို နှိပ်ပေးကာ မိနစ်နှစ်ဆယ် နှိပ်ပေးပါ
  • ပေါင်းချိန် မိနစ်နှစ်ဆယ် ပြည့်တာနဲ့ အိုးအဖုံးကို မဖွင့်ခင် အိုးထဲမွ လေကုန်အောင် ထုတ်ပေးပြီးမှ အဖုံးကို ဖွင့်ပေးပါ
  • အိုးအပြင် ထုတ်ပေးပြီးတာနဲ့ ကြက်သားငှက်ဟင်းထုတ် မွှေးမွှေးလေး ရပါပြီ
  • ကြက်သားဟင်းထုတ်ကို အစပ်စားသူတို့အတွက် ငရုတ်သီးကြော်နှင့် ပြင်ပေးပါ
  • ကြက်သားဟင်းထုတ်ကို အစပ္မစားပါက ကြက်သွန်ဖြူ ဆီချက်နှင့် ပြင်ပေးပါ
  • ဟင်းထုတ်ပူပူလေးကို  နံနံပင် ကြက်သွန်ဖြူ ဆီချက် ငရုတ်သီးဆီချက်တို့နှင့် တြဲဖက္ကာ မိမိနှစ်သက်သလို သုံးဆောင်နိုင်ပါပြီ။

Thursday 3 September 2020

ဒူးရင်းသီး ကောက်ညှင်းပေါင်း အုန်းနို့ဆမ်း








Covid ကာလမှာ အပြင်စာတွေ မစားရဲတော့ အိမ်မှာဘဲ သရည်စာလေးတွေ လုပ်စားဖြစ်ပါတယ် ဒါကြောင့်မို့လို့ ဒီနေ့တော့ ဒူးရင်းသီးနံ့လေးနဲ့ စားလို့အရမ်းကောင်းလွန်းတဲ့ အချို ပွဲလေး ပြင်ဖြစ်ပါတယ်။ ဒါကြောင့်မို့လို့ ကောက်ညှင်းပေါင်းကို ဒူးရင်းသီး ချိုချို မွှေးမွှေးလေးနဲ့ စားကြပါမယ် ဒါကြောင့်မို့လို့ မာမာပြင်ဆင်ထားတဲ့ နည်းလေးကို မျှဝေပေးလိုက်ပါတယ်ရှင်။

ပါ၀င်ပစ္စည်းများ

  1. ကောက်ညှင်းဆန် - ထမင်းပေါင်းအိုး ဆန်ချင်ဗူး နှစ်ဗူး
  2. အုန်းနို့ - 450 g (ready made တစ်ဗူး)
  3. ဆား - လက်ဖက်ရည်ဇွန်း တစ်ဝက်
  4. ဒူးရင်းသီး - ငါးမွှာ
  5. ပေါင်းအိုး - တစ်လုံး
  6. Baking paper - လိုသလောက် သုံးပေးပါ

အုန်းနို့ချက်ရန်

  • ဇောက်နက်သော အနေတော် အိုးတစ်လုံးထဲမှာ အုန်းနို့နှင့် ဆားကိုထည့်ပြီး တည်ပေးပါ
  • အုန်းနို့အိုး တည်ထားစဉ် ဝေကျတတ်တဲ့အတွက် မကြာမကြာ မွှေပေးပါ
  • အုန်းနို့ ခပ်ပျစ်ပျစ်လေး ရလာတာနဲ့ မီးပိတ်ပေးပါ။

ပြင်ဆင်ပုံ

  • ကောက်ညှင်းဆန်ကို ဇလုံတစ်လုံးထဲမှာ ရေမြုပ်အောင်ထည့်ကာ ၆နာရီခန့် ရေစိမ်ထားပေးပါ
  • ရေစိမ်ထားချိန် ပြည့်တာနဲ့ ကောက်ညှင်းဆန်ကို ခပ္ဖြဖြေလး ရေဆေးပေးကာ ရေစစ်ပေးပါ
  • ရေစစ်သွားတာနဲ့ ပေါင်းခံဇကာထဲ ထည့်ပေးပါ
  • မာမာ အသုံးပြုတဲ့ ပေါင်းခံဇကာက အပေါက်ကြီးတဲ့အတွက် ပေါင်းခံဇကာထဲမှာ baking paper ခံပေးထားပါတယ်
  • ပေါင်းအိုးအောက်ခံ အိုးထဲမွာ ရေထည့်ပြီး ကောက်ညှင်းဆန် ထည့်ထားသော ပေါင်းခံဇကာကို တင်ပေးပါ
  • ပြီးတာနဲ့ ပေါင်းအိုးကို အဖုံးအုပ်ပြီး ပေါင်းမည့် steam ခလုတ်နှိပ်ကာ မိနစ်၂၀ ချိန်ပေးပြီး ပေါင်းပေးပါ
  • ကောက်ညှင်ပေါင်းချိန် ပြည့်တာနဲ့ ပေါင်းအိုးထဲမှ လေကို ကုန်အောင်ထုတ်ပြီးမှ အဖုံးဖွင့်ပေးပါ
  • အိုးအဖုံး ဖွင့်ပြီးတာနဲ့ ကောက်ညှင်းပေါင်းကို အထက်အောက် သမသွားအောင် မွှေပေးပြီး အိုးအဖုံး ပြန်ဖုံးပေးကာ ဆယ်မိနစ်လောက် လက်ကျန်အပူရှိန်နဲ့ နှပ်ပေးထားပါ
  • ဒူးရင်းသီးကို အဆင်သင့် ပြင်ထားပါ
  • အုန်းနို့ကိုလဲ အဆင်သင့် ပြင်ထားပါ
  • ပြီးတာနဲ့ ပန်းကန်ပြားထဲ ကောက်ညှင်းပေါင်း ထည့်ပေးပြီး ကောက်ညှင်းပေါင်း အပေါ်မှာ အုန်းနို့ကို ဆမ်းပေးပါ
  • အုန်းနို့နံ့ မွှေးမွှေးလေးနဲ့ ဒူးရင်းသီး အမွှာလေးများ ထည့်ပေးကာ ကောက်ညှင်းပေါင်း ပူပူလေးကို သုံးဆောင်နိူင်ပါပြီ။

Wednesday 2 September 2020

ပြည်ပလာတာသုပ်











ဒီနေ့တော့ အိမ်ကသံပုရာပင်လေးမှာ အသီးလေးတွေ ရင့်လာတော့ ခူးချင်လာသလို ပူစီနံ အိုးလေးလဲ အပင်လေးတွေ တက်လာပြီမို့လို့ ဘာချက်စားရင် ကောင်းမလဲလို့ စဉ်းစားမိပါတယ်။

ဒီတော့ ပြည်ပလာတာလေး ချက်စားမယ်ဆိုပြီး ချက်ဖြစ်ပါတယ် ပလာတာ လုပ်နည်းကိုတော့ https://mmlazp.blogspot.com/2016/09/blog-post_14.html ဒီလင့်လေးမှာ ကြည့်နိူင်ပါတယ် ပြည်ပလာတာလေးက ပဲအရသာ စိမ့်စိမ့်လေးနဲ့ စားလို့ကောင်းလွန်းတဲ့အတွက် မာမာပြင်ဆင်ပြီး ချက်ထားတဲ့ နည်းလေးကို မျှဝေပေးလိုက်ပါတယ်ရှင်။

ပါ၀င်ပစ္စည်းများ (၁၀ယောက်စာ)
  1. ပလာတာ - တစ်ဆယ့်ငါးချပ်
  2. ကြက်သား - တစ်ကီလို  (အရိုးအသား တွဲသုံးပါ)
  3. ကုလားပဲခြမ်း - နှစ်ဆယ်သား
  4. နနွင်းမှုန့် - လက်ဖက်ရည်ဇွန်း တစ်ဝက် (ပဲပြုပ်သည့် အထဲထည့်ရန်)
  5. နနွင်းမှုန့် - လက်ဖက်ရည်ဇွန်း တစ်ဝက် (ကြက်သား အရသာနယ်ရန်)
  6. ဆား - လက်ဖက်ရည်ဇွန်း တစ်ဇွန်း (ကြက်သား အရသာနယ်ရန်)
  7. အရသာမှုန့် - လက်ဖက်ရည်ဇွန်း တစ်ဇွန်း (ကြက်သား အရသာနယ်ရန်)
  8. မဆလာ - လက်ဖက်ရည်ဇွန်း တစ်ဇွန်းခွဲ (ကြက်သား အရသာနယ်ရန်)
  9. ငရုတ်ပွခြောက် - ခြောက်တောင့် (သို့မဟုတ်)
  10. ငရုတ်သီး အရောင်တင်မှုန့် - လက်ဖက်ရည်ဇွန်း နှစ်ဇွန်း
  11. ကြက်သွန်နီ - အနေတော် လေးလုံး (ငရုတ်သီးနှင့် ရောထောင်းရန်)
  12. ကြက်သွန်ဖြူ  - အမွှာကြီးကြီး ကိုးမွှာ (ငရုတ်သီးနှင့် ရောထောင်းရန်)
  13. ချင်း - လက်တစ်ဆစ်ခန့် (ငရုတ်သီးနှင့် ရောထောင်းရန်)
  14. အာလူး - ကီလိုဝက်
  15. ဆား - လက်ဖက်ရည်ဇွန်း တစ်ဝက် (အာလူးအရသာနယ်ရန်)
  16. နနွင်းမှုန့် - လက်ဖက်ရည်ဇွန်း သုံးပုံတစ်ပုံ (အာလူး အရသာနယ်ရန်)
  17. အရသာမှုန့် - လက်ဖက်ရည်ဇွန်း တစ်ဝက် (အာလူး အရသာနယ်ရန်)
  18. ဆီ - ထမင်းစားဇွန်း ဆယ်ဇွန်း (အာလူးကြော်ရန်နှင့် ဆီသတ်ရန်)
  19. ဆား - လက်ဖက်ရည်ဇွန်း တစ်ဇွန်း (ဟင်းရည်အိုးထဲ ထည့်ရန်)
  20. အရသာမှုန့် - လက်ဖက်ရည်ဇွန်း တစ်ဇွန်း (ဟင်းရည်အိုးထဲ ထည့်ရန်)
  21. ကရဝေးရွက် -နှစ်ရွက်
  22. ပဲနံ့သာစေ့ - လက်ဖက်ရည်ဇွန်းနှစ်ဇွန်း
  23. ဂေါ်ဖီထုပ် - တစ်စိတ်
  24. ကြက်သွန်နီ - အနေတော် ငါးလုံး
  25. ငရုတ်သီးစိမ်း - မိမိနှစ်သက်သလောက်သ
  26. ပုရာသီး - ငါးလုံး
  27. ပူစီနံ - မိမိနှစ်သက်သလောက်
ပဲပြုပ်ရန် ပြင်ဆင်ပုံ
  • ကုလားပဲခြမ်းကို ရေနှစ်ထပ်လောက် ဆေးပေးပြီး ဇောက်နက်သော အိုးထဲမွာ ထည့်ပေးပါ
  • ကုလားပဲခြမ်းကို ရေမြုပ်အောင်ထည့်ပြီး နနွင်းမှုန့်ထည့်ကာ ပြုပ်ပေးပါ
  • ပဲပြုပ်တဲ့အခါ ပဲအိုးထဲမွ ရေများဝေမကျအောင် အိုးအဖုံးကို ဟပြီးပြုပ်ပေးပါ
  • ပဲများကို နူးတဲ့အထိ ပြုပ်ပေးပြီး ပဲများနူးပါက အအေးခံပြီး ပဲများကျေသွားအောင် ချေထားပါ
ကြက်သားချက်ရန်
  • ကြက်သားကို အတုံးလိုက် ရေဆေးပြီး အနေတော် အတုံးလေးတွေ တုံးထားပါ
  • ဇလုံထဲမှာ ကြက်သား နနွင်းမှုန့် ဆား အရသာမှုန့်နှင့် မဆလာတို့ထည့်ကာ အရသာဝင်အောင် နယ်ပေးပါ
  • အရသာ နယ်ပြီးတာနဲ့ ရေခဲသေတ္တာ မခဲတဲ့ အကန့်ထဲမှာ နှစ်နာရီခန့် နှပ်ထားပေးပါ
ငရုတ်သီးထောင်းရန်
  • ငရုတ်ပွတောင့်ကို နာရီဝက်လောက် ရေစိမ်ပေးပြီး အညှာခြွေကာ ရေဆေးပေးပါ
  • မာမာကတော့ ငရုတ်ပွတောင့် မရှိတဲ့အတွက် ငရုတ်သီး အရောင်တင်မှုန့်ကို သုံးထားပါတယ်ကြ
  • က်သွန်နီကို အခွံခွာပြီး ရေဆေးကာ လေးစိတ်စိတ်ထားပေးပါ
  • ကြက်သွန်ဖြူ  နှင့် ချင်းကို အခွံခွာပြီး ရေဆေးပေးပါ
  • ပြီးတာနဲ့ ငရုတ်ဆုံထဲမှာ ငရုတ်ပွတောင့် (သို့မဟုတ်) ငရုတ်သီး အရောင်တင်မှုန့် ချင်း ကြက်သွန်ဖြူ နှင့် ကြက်သွန်နီတို့ကို ညက်နေအောင် ရောပြီး ထောင်းပေးထားပါ
အာလူးကြော်ရန်
  • အာလူးများကို အခွံခွာပြီး အလုံးလိုက် ရေဆေးကာ လေးစိတ်စိတ်ထားပါ
  • ပြီးတာနဲ့ အာလူးမ်ားကို နနွင်းမှုန့် အရသာမှုန့်နှင့် ဆားတို့ထည့်ကာ အရသာဝင်အောင် နယ်ပေးပါ
  • ဒယ်အိုးထဲမှာ ဆီထည့်ပြီး အပူပေးပါ ဆီပူလာတာနဲ့ အာလူးကို ထည့်ကြော်ပေးပါ
  • အာလူးတစ်တုံးလုံး ရွှေဝါရောင် သန်းလာပါက ဆယ်ပေးထားပါ
ဟင်းချက်ရန်
  • အာလူးကြော်ထားသော ဆီအိုးထဲမွာ ပဲနံ့သာစေ့နှင့် ကရဝေးရွက်တို့ကို ထည့်ကြော်ပေးပါ
  • ပြီးတာနဲ့ ထောင်းထားသော ငရုတ်သီးအနှစ်များကို ထည့်မွှေပေးပြီး ဆီသတ်ထားပါ
  • ဆီသတ်နံ့ မွှေးလာတာနဲ့ အရသာ နယ်ပြီးနှပ်ထားသော ကြက်သားများကို ထည့်မွှေပေးပါ
  • ပြီးတာနဲ့ ကြက်သားများ လုံးမိအောင် မွှေပေးပါ
  • ကြက်သားအသား မာကျစ်လာတာနဲ့ အာလူးကို ထည့်ပေးပြီး ရေကိုနည်းနည်းချင်း ထည့်ပြီးချက်ပေးပါ
  • ကြက်သားနှင့်အာလူး နူးတဲ့အထိ ရေကိုနည်းနည်းချင်း ထည့်ပေးပြီး ချက်ပေးပါ
  • အာလူးနှင့် ကြက်သား နူးလာပါက ပြုပ်ပြီးချေထားသော ပဲအိုးထဲကို ပြောင်းပြီးထည့်ကာ တည်ပေးပါ
  • ရေကိုမပျစ်မကျဲ  အေနအထား ရလာအောင် ထည့်ပေးပြီး ဆားနှင့် အရသာမှုန့်တို့ ထည့်ပြီး မွှေပေးကာ အရသာကို မြည်းပေးပြီး ပြင်ပေးပါ
  • မိမိနှစ်သက်တဲ့ အရသာ ရလာတာနဲ့ ကြက်သား ပဲဟင်းရည် ရပြီဖြစ်တဲ့အတွက် မီးပိတ်ပေးပါ။
ပလာတာကြော်ရန်
  • ဒယ်အိုးထဲမှာ ဆီအနည်းငယ်ထည့်ပြီး အပူပေးပါ
  • ဆီပူလာတာနဲ့ ပလာတာကို တစ်ချပ်ချင်း ထည့်ကြော်ပေးပါ
  • တစ်ဖက်ကျက်တာနဲ့ တစ်ဖက်ကို လှန်ပေးပြီး နောက်တစ်ဖက် ကျက်ပါက ဆယ်ပြီးဆီစစ်ပေးထားပါ
စားပွဲပြင်ရန်
  • ကြော်ထားသော ပလာတာမ်ားကို ကပ်ကျေးဖြင့် အနေတော် ညှပ်ပေးထားပါ
  • ပဲဟင်းရည် ပူပူနွေးနွေးကိုလဲ ပြင်ထားပါ
  • ဂေါ်ဖီကို ခပ်ပါးပါးလှီးပြီး ရေဆေးကာ ရေစစ်ထားပါ
  • ငရုတ်သီးစိမ်းကို ရေဆေးပြီး ခပ်ပါးပါး လှီးပေးထားပါ
  • ကြက်သွန်နီကို အခွံခွာပြီး အလုံးလိုက် ရေဆေးကာ ခပ်ပါးပါး လှီးပေးထားပါ
  • ပူစီနံကို ရေဆေးပြီး ရေစစ်ထားပါ
  • သံပုရာသီးကို ရေဆေးပြီး လေးစိတ်စိတ်ထားပါ
  • အားလုံး အဆင်သင့် ဖြစ်တာနဲ့ ပန်းကန်ပြား တစ်ချပ်ထဲမှာ ပလာတာ ထည့်ပေးပြီး ကြက်သား ပဲဟင်းရည်ဆမ်းကာ ဂေါ်ဖီ ပူစီနံ ငရုတ်သီးစိမ်းနှင့် သံပုရာရည်တို့ကို ထည့်ပေးကာ ပြည်ပလာတာ ပူပူလေးကို စားသုံးရန် ပြင်ပေးနိူင်ပါပြီ။