Tuesday 29 June 2021

မာမာချက်တဲ့ မုန့်ဟင်းခါး




ဒီနေ့တော့ ရာသီဥတုက အေးလွန်းတာနဲ့ မုန့်ဟင်းခါး ချက်စားဖြစ်ပါတယ် မြန်မာပြည်မှာ နေတုန်းက မုန့်ဟင်းခါးကို ငါးဥနဲ့ စားဖူးတဲ့ အရသာလေးကို သတိရတာနဲ့ ဒီနေ့ချက်စားခြင်းလဲ ဖြစ်ပါတယ်။

ဒါကြောင့်မို့လို့ ငါးဥကြော်နည်းလေးရယ်  မုန့်ဟင်းခါး ချက်နည်းအပြည့်အစုံရယ်ကို  မာမာပြင်ဆင်ပြီး ချက်ထားတဲ့  ချက်နည်းလေးတွေကို မျှဝေပေးလိုက်ပါတယ်ရှင်။ 

ငါးပြုပ်ရန် ပါ၀င်ပစ္စည်းများ ( မိသားစု ၄ယောက်စာအတွက် )
  1. ငါးခူ - သုံးဆယ်သား
  2. ဆား - ထမင်းစားဇွန်း တစ်ဇွန်း (ငါးဆေးရန်)
  3. နနွင်းမှုန့် - လက်ဖက်ရည်ဇွန်း သုံးပုံတစ်ပုံ
  4. ဆား - လက်ဖက်ရည်ဇွန်း တစ်ဇွန်း (ငါးပြုပ်ရန်)
  5. ငါးငံပြာရည် - ထမင်စားးဇွန်း ငါးဇွန်း (ငါးပြုပ်ရန်)
  6. နနွင်းမှုန့် လက်ဖက်ရည်ဇွန်း တစ်ဝက် (ငါးပြုပ်ရန်)
  7. စပါးလင် - သုံးပင် (ငါးပြုပ်ရန်)
  8. ငရုတ်သီးအပွတောင့် - ငါးတောင့် (ငါးပြုပ်ရန်)
  9. ရေ - ၂ခွက် (မုန့်လုပ်ရာတွင် ချင်တွယ်သောခွက်) ငါးပြုပ်ရန်

ငါးပြုပ်ပုံ
  1. ငါးခူကို ဘေးဆူးတောင်များ ခုတ်ပြီး ဗိုက်ထဲမှ ကလီစာများ ထုတ်ပေးပါ
  2. ပြီးတာနဲ့ ဆား ထမင်းစားဇွန်း တစ်ဇွန်းထည့်ပြီး ပွတ်တိုက်ဆေးပေးပါ
  3. ငါးအရည်ခွံ တော်တော်လေး ဖြူလာတာနဲ့ ရေစင်အောင်ဆေးပေးပါ
  4. စပါးလင်ကို အပင်လိုက် ရေဆေးပြီး အထုံးလေးထုံးထားပါ
  5. ငရုတ်သီး အပွတောင့်ကို ရေဆေးထားပါ
  6. ဇောက်နက်သော အိုးတစ်လုံးထဲမှာ ရေဆေးထားသော ငါးခူ ငါးငံပြာရည် ဆား  နနွင်းမှုန့်  စပါးလင် ငရုတ်ပွတောင့်ထည့်ကာ ရေမြုပ်အောင်ထည့်ပြီး ပြုပ်ပေးပါ
  7. ငါးအသား နူလာတာနဲ့ အအေးခံပြီး အရိုးအသား သတ်သတ်စီ နွှင်ပေးပါ
  8. အရိုးနွှင်ပြီးတာနဲ့ ငါးအသားများကို ကျေသွားအောင် ချေထားပေးပါ
  9. အသားနွှင်ပြီးတာနဲ့ ငရုတ်ပွတောင့် ငါးအရိုးများနှင့် ထည့်ပြုပ်ထားသော စပါးလင်ချောင်းကို ကြေအောင်ထောင်းပြီး ရေအနည်းငယ်နှင့် အရည်ငင်ထားကာ ငါးပြုပ်ရည်ထဲမှာ ပြန်ရောပေးထာပါ။
ငါးဆီသတ်ရန် ပါဝင်ပစ္စည်းများ
  1. ငရုတ်သီး အရောင်တင်မှုန့် - ထမင်းစားဇွန်း တစ်ဇွန်း 
  2. ကြက်သွန်နီ - ခပ်ကြီးကြီး နှစ်လုံး 
  3. ကြက်သွန်ဖြူ - အမွှာကြီးကြီး ဆယ်မွှာ 
  4. ချင်း - နှစ်လက်မခန့် 
  5. စပါးလင် - အရင်းပိုင်း ငါးချောင်းခန့် 
  6. ဆီ - နှစ်ဆယ်သားခန့် 
  7. နနွင်းမှုန့် - လက်ဖက်ရည်ဇွန်း တစ်ဇွန်း 
  8. ငါးငံပြာရည် - ထမင်းစားဇွန်း နှစ်ဇွန်း (ငါးဆီသတ်ရန်)
  9. ဆား - လက်ဖက်ရည်ဇွန်း တစ်ဇွန်း ( ငါးဆီသတ်ရန်)

ငါးဆီသတ်ပုံ
  • ကြက်သွ န်ဖြူနှင့် ကြက်သွန်နီကို အခွံခွာပြီး ရေဆေးထားပါ
  • စပါးလင်ကို ရေဆေးပြီး ခပ်ပါးပါးလေးတွေ လှီးထားပါ
  • ချင်းကိုအခွံခွာပြီး ရေဆေးထားပါ
  • အားလုံးအဆင်သင့် ဖြစ်တာနဲ့ ငရုတ်ဆုံထဲမှာ ငရုတ်သီးအရောင်တင်မှုန့်နှင့်ရောပြီး ညက်နေအောင် ထောင်းပေးပါ
  • ငါးပြုပ်အရိုးထွင်ပြီးသားနှင့် ပါဝင်ပစ္စည်းများကို အဆင်သင့် ပြ င်ထားပါ
  • ဒယ်အိုးထဲမှာ ဆီနှင့်နနွင်းမှုန့်ထည့်ပြီး အပူပေးပါ
  • ဆီပူလာတာနဲ့ ငရုတ်သီးထောင်းပြီးသားကိုထည့်ပြီး ဆီသတ်ပေးပါ
  • ဆီသတ်နံ့ မွှေးလာတာနဲ့ အရိုးထွင်ပြီးသား ငါးအသား ငါးငံပြာရည်ကိုနှင့် ဆားတို့ကို ထည့်ပေးပါ
  • ငါးအသားကို အိုးမကပ်စေရန် မကြာမကြာ မွှေမွှေပေးပြီး ဆီသတ်ပေးပါ
  • ဆီသတ်ထားတာ ဆီပျံလာတာနဲ့ မီးပိတ်ပြီး မီးဖိုပေါ်က ဖယ်ပေးထားပါ။

ပဲပြုပ်ရန် ပါဝင်ပစ္စည်းများ
  1. ကုလားပဲဆံ - ထမင်းပေါင်းအိုး ဆန်ချင်ဗူး တစ်ဝက်
  2. ဆား - လက်ဖက်ရည်ဇွန်း တစ်ဝက်
  3. နနွင်းမှုန့် - လက်ဖက်ရည်ဇွန်း သုံးပုံတစ်ပုံ
ပဲပြုပ်ပုံ
  • ကုလားပဲဆံကို ရေလေးခါလောက် ဆေးပေးပါ
  • ရေဆေးပြီးတာနဲ့ ဇောက်နက်သော အနေတော် အိုးထဲကို ထည့်ပေးပါ
  • ပဲများကို ရေမြုပ်အောင် ထည့်ပေးပြီး ဆားနှင့်နနွင်းမှုန့်ထည့်ကာ ပဲများနူးအောင် ပြုပ်ပေးပါ
  • ပထမ တစ်ရည်နဲ့ ပဲမနူးသေးပါက ရေထပ်ထပ် ထည့်ပေးပြီး ပဲနူးတဲ့အထိ ပြုပ်ပေးပါ
  • ပဲများနူးပါက ဇကာတိုက်ပြီး ပဲများကျေတဲ့အထိ အနှစ်တိုက်ပေးထားပါ။
ဆန်လှော်မှုန့်လုပ်ရန်
  • ဆန် ထမင်းပေါင်းအိုး ဆန်ချင်ဗူး လေးဗူးကို ဒယ်အိုးထဲမှာ ထည့်ပြီး အပူပေးပါ
  • ဆန်လှော်မှုန့်များ အကျက်ညီစေရန် မွှေမွှေပေးပါ
  • ဆန်လှော်မှုန့်များ တအိုးလုံး ရွှေအိုရောင် သန်းလာပါက မီးဖိုပေါ်က ဖယ်ပေးပြီး အအေးခံထားပါ
  • ဆန်လှော်မှုန့်များ အေးသွားပါက ကော်ဖီစေ့ ကြိတ်စက်လေးနှင့် မှုန့်နေအောင် ကြိတ်ပေးပါ
  • ဆန်လှော်အားလုံး ကြိတ်ပြီးပါက မုန့်ဟင်းရည် ချက်ဖို့အတွက် လိုသလောက်ဘဲ သုံးပေးပါ
  • ကျန်နေတဲ့ ဆန်မှုန့်တွေကိုတော့ လေလုံပုလင်းထဲမှာ ထည့်ပြီးသိမ်းထားပါ
မြေပဲလှော်ထောင်းနည်း
  • မြေပဲ ထမင်းပေါင်းအိုး ဆန်ချင်ဗူး တစ်ဗူးစာကို ဒယ်အိုးထဲထည့်ပြီး အပူပေးပါ
  • အိုးပူလာတာနဲ့ မီးကိုအနေတော် လျှော့ပေးပြီး လှော်ပေးပါ
  • မြေပဲလှော်များ ကြွတ်လာတဲ့အထိ လှော်ပေးပြီး အအေးခံထားပါ
  • မြေပဲလှော်များ အေးသွားတာနဲ့ အခွံများ ချွတ်ပြီး ပြာထုတ်ပေးပါ
  • အခွံများ ပြောင်သွားတာနဲ့ ငရုတ်ဆုံထဲထည့်ပြီး မညက်တစ်ညက် ထောင်းထားပါ။
ဆီချက်ချက်ရန် ပါဝင်ပစ္စည်းများ
  1. ကြက်သွန်ဖြူ - အမွှာကြီးကြီး ၂၀မွှာ (ဆီချက်ချက်ရန်)
  2. ဆီ - မုန့်လုပ်ရာတွင် ချင်သောခွက် သုံးခွက်စာ (ဆီချက်ချက်ရန်)
  3. နနွင်းမှုန့် - လက်ဖက်ရည်ဇွန်း တစ်ဝက် (ဆီချက်ချက်ရန်)
ဆီချက် ချက်နည်း
  1. ကြက်သွန်ဖြူကို အခွံခွာပြီး ရေဆေးကာ မညက်တစ်ညက် ထောင်းပေးပါ
  2. ဒယ်အိုးထဲမှာ ဆီနှင့်နနွင်းမှုန့်ထဲ့ပြီး အပူပေးပါ 
  3. ဆီပူလာတာနဲ့ မီးကိုအနေတော် လျှော့ပေးပြီး ကြက်သွန်ဖြူထောင်းကို ထဲ့ကြော်ပေးပါ
  4. ကြော်နေစဉ် အကျက်ညီစေရန် မွှေမွှေပေးပါ
  5. ကြက်သွန်အားလုံး ရွှေဝါရောင် သန်းလာတာနဲ့ ဆယ်ပြီးဆီစစ်ပေးကာ အအေးခံထားပေးပါ
  6. ဆီနှင့် ကြက်သွန်ကြော်များ အေးသွားပါက ပန်းကန်တစ်ခုထဲမှာ ရောပြီး ထဲ့ပေးထားပါ။
ငရုတ်ကောင်းလှော်ထောင်းနည်း
  • ငရုတ်ကောင်း ထမင်းပေါင်းအိုး ဆန်ချင်ဗူး တစ်ဗူးစာကို ဒယ်အိုးထဲထည့်ပြီး အပူပေးပါ
  • အိုးပူလာတာနဲ့ အကျက်ညီစေရန် မီးကိုအနေတော်လျှော့ပြီး လှော်ပေးပါ
  • ငရုတ်ကောင်းများ မွှေးနံ့ထွက်လာပြီး ကြွတ်ရွလာပါက မီးပိတ်ပြီး အအေးခံထားပါ
  • ငရုတ်ကောင်းများ အေးသွားပါက ကော်ဖီကြိတ်စက်လေးနှင့် ညက်နေအောင် ကြိတ်ပေးပါ
  • မုန့်ဟင်းရည် ချက်ရာမှာ လိုသလောက်ဘဲ အသုံးပြုပါ
  • ပို​နေသော ငရုတ်ကောင်းမှုန့်များကို လေလုံပုလင်းထဲထည့်ပြီး သိမ်းထားပေးပါ။

ငှက်ပျောအူလှီးရန် ပါဝင်ပစ္စည်းများ
  1. ငှက်ပျောအူ - တစ်ထွာသာသာလောက် (နုတဲ့နေရာကိုဘဲ သုံးပါ)
  2. နနွင်းမှုန့် - လက်ဖက်ရည်ဇွန်း နှစ်ဇွန်း 
  3. ရေ - လိုသလောက် သုံးပါ

ငှက်ပျောအူလှီးပုံ

  • ဇလုံတစ်လုံးထဲမှာ ရေနှင့် နနွင်းမှုန့် လက်ဖက်ရည်ဇွန်း နှစ်ဇွန်းတို့ကိုထည့်ပြီး ဖျော်ထားပါ
  • ငှက်ပျောအူကို အဖတ်လေးတွေ ခွာပေးပြီး အကျောသင်ပေးပါ
  • အကျောသင်ပြီးတာနဲ့ မထူမပါးလေးတွေလှီးပြီး နနွင်းဖျော်ထားသော ဇလုံထဲမှာထည့်ပြီး စိမ်ထားပါ

ဟင်းရည်ချက်ရန် ပါဝင်ပစ္စည်းများ
  1. ကြက်သွန်နီ - အလုံးသေး ၁၀လုံး
  2. မြေပဲလှော် ထောင်းပြီးသား - ထမင်းပေါင်းအိုး ဆန်ချင်ဗူး တစ်ဗူးစာ
  3. ဆန်လှော်မှုန့် - ထမင်းပေါင်းအိုး ဆန်ချင်ဗူး တစ်ဗူးစာသာသာ
  4. ပဲအနှစ်တိုက်ပြီးသား - ထမင်းပေါင်းအိုး ဆန်ချင်ဗူး တစ်ဗူးစာသာသာ
  5. ငှက်ပျောအူ - မိမိနှစ်သက်သလောက် (သို့)
  6. ကြာစွယ် - မိမိနှစ်သက်သလောက်
  7. ကြက်ဥ (သို့) ဘဲဥ - သုံးလုံး (လှီးပြီးထည့်ရန်)
  8. ကြက်ဥ သို့ (ဘဲဥ) - ငါးလုံး (အိုးဘဲဥလုပ်ရန်)
  9. ဆား - လက်ဖက်ရည်ဇွန်း တစ်ဇွန်းခွဲ(ဟင်းရည်ထဲထည့်ရန်)
  10. ငါးငံပြာရည်- ထမင်းစားဇွန်း ခြောက်ဇွန်း
  11. အချိုမှုန့် - လက်ဖက်ရည်ဇွန်း တစ်ဇွန်း
  12. ငရုတ်ကောင်းမှုန့် - လက်ဖက်ရည်ဇွန်း သုံးဇွန်း
  13. ရေ - ၂၀ခွက် (မုန့်လုပ်ရာတွင် ချင်တွယ်သောခွက်) ဟင်းရည်ချက်ရန်
ဟင်းရည်အိုးတည်ပုံ
  1. မုန့်ဟင်းရည်ချက်ရန် ပါဝင်ပစ္စည်းများကို အဆင်သင့် ပြင်ထားပါ
  2. ဆန်လှော်မှုန့်ကို ရေနှင့်ဖျော်ထားပါ
  3. ဆား အချိုမှုန့် ငရုတ်ကောင်းမှုန့်နှင့် ငါးငံပြာရည်ကိုတို့ ပြင်ထားပါ
  4. ကြက်သွန်နီ အလုံးသေးများကို အခွံခွာပြီး ရေဆေးထားပါ
  5. ငှက်ပျောအူကို အကြောသင်ပြီး ခပ်ပါးပါးလှီးကာ နနွင်းရည်မှာ စိမ်ထားပါ
  6. ကြက်ဥများကို ကျက်အောင်ပြုပ်ပြီး အခွံခွာထားပါ
  7. ကြက်ဥ သုံးလုံးကို ခပ်ပါးပါး လှီးထားပါ
  8. ကြက်ဥငါးလုံးကို အခွံခွာပြီး အလုံးလိုက်ထားပါ
  9. အားလုံးအဆင်သင့် ဖြစ်တာနဲ့ ဇောက်နက်သော အိုးတစ်လုံးထဲမှာ ငါးပြုပ်ရည် မြေပဲလှော်ထောင်း ပဲအနှစ် ရေ ဆား ငါးငံပြာရည် အချိုမှုန့် ကြက်ဥအလုံးလိုက်နှင့် ဆီသတ်ထားသော ငါးအသားတို့ကို ထဲ့ပေးပြီး မီးဖိုပေါ်တင်ပြီး တည်ပေးပါ
  10. ဟင်းရည်အိုး ပွက်ပွက်ဆူလာပါက ရေဖျော်ထားသော ဆန်လှော်မှုန့် ငှက်ပျောအူနှင့် ကြက်သွန်နီတို့ကို ထည့်ပေးပြီး ဆက်တည်ပေးပါ
  11. ဆန်လှော်မှုန့်များ အိုးမကပ်စေရန် မကြာမကြာ မွှေမွှေပေးပါ
  12. ငှက်ပျောအူများ နူးလာပါက လှီးထားသော ကြက်ဥများနှင့် ငရုတ်ကောင်းမှုန့်တို့ကို ထည့်ပေးပါ
  13. ပြီးတာနဲ့ အရသာမြည်းပြီး မိမိစိတ်ကြိုက် အပေါ့အငံ အရသာ ရလာအောင် ပြင်ပေးပါ
  14. အရသာ ပြင်ပေးပြီးတာနဲ့ မီးကိုပိတ်လိုက်ပြီး လက်ကျန်မီးအပူရှိန်နှင့် မီးဖိုပေါ်မှာ တင်ထားပေးပါ။
  15. ငှက်ပျောအူ မရှိပါက ကြာစွယ်ထည့်ပြီး ချက်နိူင်သလို ထည့်မချက်လဲ ရပါတယ်။
ငါးဥကြော်ရန် ပါဝင်ပစ္စည်းများ
  1. ငါးဥ - တစ်စုံ
  2. ဆား  - လက်ဖက်ရည်ဇွန်း သုံးပုံတစ်ပုံ
  3. နနွင်းမှုန့် - လက်ဖက်ရည်ဇွန်း သုံးပုံတစ်ပုံ
  4. အရသာမှုန့် - လက်ဖက်ရည်ဇွန်း တစ်ဝက်
  5. ဆီ - ထမင်းစားဇွန်း သုံးဇွန်း
  6. ရေ - ငါးဥမြုပ်တဲ့အထိ ထည့်ပေးပါ
ငါးဥကြော်ပုံ
  • ငါးဥကို ရေဆေးပြီး ဆား နနွင်းမှုန့်နှင့် အရသာမှုန့်တို့နှင့် နယ်ပြီး နာရီဝက်လောက် နှပ်ထားပါ
  • ပြီးတာတဲ့ မကပ်သော ဒယ်အိုးထဲမှာ ငါးဥကို ရေမြုပ်အောင်ထည့်ပြီး အိုးအဖုံးအုပ်ကာ တည်ပေးပါ
  • အိုးထဲမှ ရေခမ်းကာနီးတာနဲ့ ဆီထည့်ပေးပြီး မီးကို ခပ်နွေးနွေးလေးဘဲကျန်အောင် လျှော့ပေးပြီး တည်ထားပါ
  • အိုးထဲနှာ ဆီသံကြားလာပါက အိုးအဖုံးဖွင့်ပြီး အကျက်ညီအောင် ဟိုဘက်ဒီဘက် လှည့်လှည့်ပေးပါ
  •  ငါးဥတစ်ခုလုံး ရွှေဝါရောင် သန်းလာပါက ဆယ်ပြီးဆီစစ်ထားပါ။

မုန့်ပွဲပြင်ရန် ပါဝင်ပစ္စည်းများ
  1. မုန့်ဖတ် - တစ်ကီလိုခွဲ
  2. အကြော်စုံ - မိမိနှစ်သက်သလောက်
  3. နံနံပင် - မိမိနှစ်သက်သလောက်
  4. ပူစီနံ - မိမိနှစ်သက်သလောက်
  5. ကြက်သွန်ဖြူ ဆီချက်ဖတ် - မိမိနှစ်သက်သလောက်
  6. ငရုတ်သီး အလှော်မှုန့် - မိမိနှစ်သက်သလောက်
  7. သံပုရာသီး - မိမိနှစ်သက်သလောက်
မုန့်ပွဲပြင်ဆင်ပုံ
  1. မုန့်ဖတ်နှင့် ဟင်းရည်တို့ကို ပြင်ထားပါ
  2. ပဲသီးကို ရေဆေးပြီး အနေတော်လေးတွေ လှီးထားပေးပါ
  3. ပူစီနံကို ရေဆေးထားပါ
  4. မိမိနှစ်သက်ရာ အကြော်တို့ကို ပြင်ထားပေးပါ
  5. ကြက်သွန်ဖြူဆီချက်နှင့် ငရုတ်သီးအလှော်မှုန့်တို့ကို ပြင်ထားပါ
  6. အားလုံးအဆင်သင့် ဖြစ်တာနဲ့ ပန်းကန်တစ်ခုထဲမှာ မုန့်ဖတ်နှင့်အတူ ငါးဥ မိမိနှစ်သက်ရာ အသီးအရွက်နှင့် အကြော်တို့ကို အနည်းငယ်စီ ထည်ပေးပါ
  7.  မုန့်ဟင်းရည်ဆမ်းကာ အိုးကြက်ဥတစ်လုံး ထည့်ပေးပြီးပါက မုန့်ဟင်းခါး ဟင်းရည်မွှေးမွှေးလေးကို မိမိနှစ်သက်သလို ပြင်ဆင်ပြီး စားသုံးနိူင်ပါပြီ။
မှတ်ချက် ။ ။ အငံအရသာကိုတော့ မိမိတို့စိတ်ကြိုက် ထဲ့ပေးနိူင်ပါတယ် မာမာကတော့ အငံအရသာ ခပ်ပေါ့ပေါ့ စားတဲ့အတွက် အငံအရသာကို လျှော့ပေးပြီး ချက်ထားပါတယ်။

Monday 28 June 2021

ခရမ်းချဉ်သီး အနှစ်ချက် ဆီမွှေးသတ်နည်း












မာမာတို့ နေတဲ့မြို့လေးမှာ ရာသီဥတုက အရမ်းအေးပြီး နေ့တိုင်းလိုလို ရေတွေခဲနေတော့ မာမာစိုက်ထားတဲ့ အပင်လေးတွေ တော်တော်များများ သေကုန်ပါတယ်။ 

အဲဒီအပင်လေးတွေ ထဲကမှ  ခရမ်းချဉ်သီးလေးတွေကိုခူးပြီး အနှစ်ချက်လေး ချက်ထားပါတယ် အခုလို ချက်ထားတဲ့ အခါမှာ ဟင်းချက်တဲ့ အခါမှာဘဲဖြစ်ဖြစ် အသုပ်လေးတွေ လုပ်စားတဲ့ အခါမှာဘဲဖြစ်ဖြစ် အဆင်ပြေသလို အဆင်သင့်လဲ ရပါတယ်။

ဒါကြောင့်မို့လို့ မာမာပြင်ဆင်ပြီး ချက်ထားတဲ့ ခရမ်းချဉ်သီး အနှစ်ချက် ဆီမွှေးသတ် နည်းလေးကို မျှဝေပေးလိုက်ပါတယ်ရှင်။

ပါဝင်ပစ္စည်းများ
  1. ခရမ်းချဉ်သီး - တစ်ကီလိုခွဲ
  2. ဆား - လက်ဖက်ရညိဇွန်း တစိဇွန်းင်္ခဲ
  3. ငရုတ်သီး အရောင်တင်မှုန့် - ထမင်းစားဇွန်း သုံးဇွန်း
  4. နနွင်းမှုန့် - လက်ဖက်ရည်ဇွန်း တစ်ဇွန်း
  5. ကြက်သွန်ဖြူ - အမွှကြီးကြီး ဆယ်မွှာ
  6. ကြက်သွန်နီ - အနေတော် လေးလုံး
  7. အရသာမှုန့် - လက်ဖက်ရည်ဇွန်း တစ်ဇွန်းခွဲ
  8. ဆီ - ခပ်များများ သုံးပေးပါ
ပြက်ဆင်ပုံ
  • ခရမ်းချဉ်သီးများကို ရေဆေးပြီး ခပ်ပါးပါးလေးတွေ လှီးထားပါ
  • ကြက်သွန်ဖြူနှင့် ကြက်သွန်နီများကို အခွံခွာပြီး ရေဆေးထားပါ
  • ကြက်သွန်ဖြူကို ညက်နေအောင် ထောင်းထားပါ
  • ကြက်သွန်နီကို ခပ်နုတ်နုတ်လေးတွေ လှီးထားပါ
  • အားလုံးအဆင်သင့် ဖြစ်တာနဲ့ ဒယ်အိုးထဲမှာ ဆီနှင့်နနွင်းမှုန့်ထည့်ပြီး အပူပေးပါ
  • ဆီပူလာတာနဲ့ ကြက်သွန်များကို ထည့်ကြော်ပေးပါ
  • ကြက်သွန်များ နွမ်းတာနဲ့ ငရုတ်သီးမှုန့်ကို ထည့်မွှေးပြီး မွလာတဲ့အထိ ဆီသတ်ပေးပါ
  • ငရုတ်သီးများ မွလာတာနဲ့ ခရမ်းချဉ်သီးများကို ထည့်မွှေပေးပါ
  • ခရမ်းချဉ်သီးမှ အရည်များ ထွက်လာတာနဲ့ ဆားနှင့်အရသာမှုန့်များ ထည့်မွှေပေးပါ
  • အိုးထဲမှ အရည်များ မခမ်းခင် အိုးမကပ်စေရန် မွှေမွှေပေးပါ
  • ခရမ်းချဉ်သီးများ ကျေလာပြီး ရေများခမ်းကာ ဆီပြန်လာပါက မီးပိတ်ပေးပါ
  • ခရမ်းချဉ်သီးများ အေးသွားပါက ဗူးထဲထည့်ပြီး ရေခဲသေတ္တာ ခဲတဲ့အကန့်ထဲမှာ ထည့်ပြီးခဲထားပါ
  • မိမိ အသုံးပြုကာနီးပါက ရေခဲသေတ္တာ ခဲတဲ့အကန့်ထဲမှ ကျိုထုတ်ထားပြီး အသုံးပြုနိူင်ပါပြီ။ 

Sunday 27 June 2021

ဟင်းနုနွယ်ကြော်


တစ်ခါတလေမှာ အသီးအရွက်လေးတွေချက်တိုင်း သတိထားရတာလေးတွေ ရှိတတ်ပါတယ် အရွက်လေးတွေ မသင်ခင်မှာ အပင်လိုက်ကို ရေအရင်ဆေးပြီးမှ သင်ပေးတာ အကောင်းဆုံးပါ။

ဘာလို့အပင်လိုက် ရေအရင်ဆေးလဲဆိုရင် အရွက်တွေမှာကပ်နေတဲ့ ပိုးသတ်ဆေးတွေ အရင်ဆုံး စင်စေချင်လို့ပါဘဲ။

အရွက်တွေ သင်ပေးပြီးရင်လဲ ဇလုံထဲမှာ ရေနဲ့ဆားအနည်းငယ်ထည့်ပြီး အရွက်ထည့်ကာ ရေနာရီဝက်လောက် စိမ်ပေးပါ အခုလို စိမ်ပေးခြင်းကြောင့် အရွက်တွေမှာ ကပ်နေတတ်တဲ့ ပိုးကောင်လေးတွေ ကပ်နေတာ စင်စေချင်လို့ပါဘဲ။

အရွက်ကြော်တာကတော့ ထုံးစံအတိုင်း ကြက်သွန်ဖြူ ကြက်သွန်နီ ဆီသတ်ပြီး ကြော်တာဘဲမို့ လွယ်လွယ်ကူကူနဲ့ ကြော်လို့ရပါတယ်။

ဒါကြောင့်မို့လို့ မာမာဝယ်လာတဲ့ အနီရောင် ဟင်းနုနွယ် ကြော်ထားတဲ့ နည်းလေးကို မျှဝေပေးလိုက်ပါတယ်ရှင်။ 

ပါ၀င်ပစ္စည်းများ
  1. ဟင်းနုနွယ်ပင် ခရမ်းရောင် - ၁၀ပင်ခန့်
  2. ကြက်သွန်နီ - အနေတော် တစ်ခြမ်း
  3. ကြက်သွန်ဖြူ - အမွှာကြီးကြီး နှစ်မွှာ
  4. အရသာမှုန့် - လက်ဖက်ရည်ဇွန်း တစ်ဇွန်း
  5. ဆား - လက်ဖက်ရည်ဇွန်း သုံးပုံတစ်ပုံ (အရွက်ကြော်ထဲထည့်ရန် )
  6. ဆား - လက်ဖက်ရည်ဇွန်း တစ်ဇွန်း (အရွက်ရေစိမ်ထဲထည့်ရန် )
  7. ဆီ - ထမင်းစားဇွန်း သုံးဇွန်း
  8. နနွင်းမှုန့် - လက်ဖက်ရည်ဇွန်ု သုံးပုံတစ်ပုံ

ပြင်ဆင်ပုံ
  • ဟင်းနုနွယ်ရွက်ကို အရင်ဆုံး အပင်လိုက် ရေဆေးပေးပါ
  • ရေဆေးပြီးတာနဲ့ အပင်ရဲ့ ရင့်နေတဲ့ နေရာများကို အကြောသင်ပေးပါ
  • ပြီးတာနဲ့ အပင်မှ အရွက်များကို အရင်ဆုံး ဖြတ်ပေးပါ
  • ပြီးတာနဲ့ အပင်ကို အလယ်မှခြမ်းပြီး အနေတော် ပိုင်းဖြတ်ကာ မာနေသော အကြောမျှင်များကို ဖယ်ထားပေးပါ
  • ထွင်ထားသော အရွက်များကို ဇလုံထဲထည့်ပြီး ရေမြုပ်အောင်ထည့်ကာ ဆားထည့်မွှေပေးပြီး နာရီဝက်ခန့် စိမ်ထားပါ
  • ထိုသိုရေ့စိမ်ထားပါက အရွက်မှာ ကပ်နေသော ပိုးကောင်လေးတွေ ထွက်လာတတ်ပါတယ်
  • ကြက်သွန်ဖြူကို အခွံခွာပြီး ရေဆေးကာ ဓါးပြားရိုက်ထားပါ
  • ကြက်သွန်နီကို အခွံခွာပြီး ရေဆေးကာ ခပ်ပါးပါး လှီးထားပါ
  • ဒယ်အိုးကို အပူပေးပြီး ဆီနှင့် နနွင်းမှုန့်ထည့်ပါ
  • ဆီအငွေ့ တက်လာတာနဲ့ ကြက်သွန်ဖြူနှင့် ကြက်သွန်နီတို့ကိုထည့်ပြီး နွမ်းရုံလေး ထည့်ကြော်ပါ
  • ပြီးတာနဲ့ ဟင်းနုနွယ်ရွက်များထည့်ပြီး ဆားနှင့် အရသာမှုန့်ထည့်မွှေပါ
  • နှစ်မိနစ်လောက် ကြော်ပြီးတာနဲ့အရွက်များ နူးစေရန် ရေအနည်းငယ် ထည့်မွှေကာ ပွက်ပွက်ဆူအောင် တည်ပေးပါ
  • ရေအရမ်း မခမ်းခင် အရသာမြည်းပြီး လိုသလို ပြင်ပေးကာ ပန်းကန်ထဲ ပြောင်းထည့်ပေးပါ
  • ထမင်းပူပူလေးနဲ့ လိုက်ဖက်လွန်းတဲ့ ဟင်းနုနွယ်ကြော် ပူပူလေးကို စားသုံးနိူင်ပါပြီ။
ဟင်းနုနွယ်ရဲ့ ကောင်းကျိုးလေးတွေကို ကျန်းမာရေး ဂျာနယ်တစ်ခုမှ ကူးယူဖော်ပြပေးလိုက်ပါတယ်။

ဟင်းနုနွယ်ရွက်ဆိုတာ ကျန်းမာရေးအတွက်အလွန်ကောင်းမွန်သော စူပါအစားအစာဖြစ်သည်။ ဒီအရွက်မှာ ကယ်လိုရီပမာဏပါဝင်မှုနည်းပြီး၊အာဟာရများစွာပါဝင်ပါတယ်။ အစိမ်းရောင် chlorophyll လေးတွေနဲ့ခြယ်လှယ်ထားတဲ့ ဒီဟင်းနုနွယ်ရွက်လေးက အရေပြား၊ဆံပင်နှင့်အရိုး ကျန်းမာရေးတို့အတွက် များစွာ အကျိုးပြုပေးနေပါတယ်။ ဟင်းနုနွယ်ရွက်ကပေးနေတဲ့ ကျန်းမာရေးကောင်းကျိုးကို ဆက်ဖတ်ကြည့်ရအောင်။

 

ကျန်းမာရေးအကျိုးကျေးဇူးများ

 

ဟင်းနုနွယ်ရွက်မှာ ဗီတာမင်နှင့်သတ္တုဓာတ်တို့ကြွယ်ဝစွာပါဝင်သည့်အပြင် ခန္ဓာကိုယ်ရှိအဆိပ်အတောက်ပစ္စည်း(oxidants)တွေကိုဖယ်ရှားပေးမယ့် ဓာတ်တိုးဆန့်ကျင်အာနိသင်(antioxidants)ကြွယ်ဝစွာပါဝင်ပါတယ်။ ဟင်းနုနွယ်ရွက်မှာ အာဟာရဓာတ်တွေဖြစ်တဲ့ lutein,zeaxanthine,nitrates, and quercetin ဓာတ်တို့ပါဝင်ပြီး သင့်ကျန်းမာရေး အတွက် အထူးကောင်းမွန်ပါတယ်။

 

ဟင်းနုနွယ်ရွက်က ကျန်းမာရေးအတွက် ဘယ်လိုအကျိုးပြုနေသလဲဆိုတော့…

 

မျက်စိကျန်းမာရေး

 

အစိမ်းရောင်ခြယ် ဟင်းနုနွယ်ရွက်မှာ lutein နဲ့ zeaxanthin လို့ခေါ်တဲ့ Carotenoids တွေပါဝင်ပါတယ်။ အဲ့ဒီ Carotenoids တွေက သင့်မျက်စိကိုကျန်းမာစေပြီး၊ အသက်ကြီးလာရင် ဖြစ်တတ်တဲ့ မျက်လုံးအာရုံခံအလွှာ ပျက်ယွင်းခြင်း(macular degeneration)နှင့် မျက်လုံး တိမ်ဖြစ်ခြင်း တို့ကို ကာကွယ်ပေးပါတယ်။

 

နှလုံးကျန်းမာရေး

 

ဟင်းနုနွယ်ရွက်မှာ ပိုတက်စီရမ်(potassium)ဓာတ် လုံလုံလောက်လောက်ပါဝင်တဲ့အတွက် နှလုံးကျန်းမာရေးအတွက် အထူးသင့်တော်ပါတယ်။ ကျန်းမာရေးပညာရှင်ကြီးတွေက ပိုတက်စီရမ်ဓာတ်(Potassium)ဟာ သွေးဖိအားကို လျော့ကျစေပြီး၊ လေဖြတ်ခြင်းနှင့် နှလုံးရောဂါကို ကာကွယ်ပေးတယ်ဆိုတဲ့ အချက်ကိုလေ့လာတွေ့ရှိရပါတယ်။ ဟင်းနုနွယ်ရွက်မှာပါဝင်တဲ့ nitrates ဓာတ်ကလည်း သွေးဖိအားကိုပုံမှန်ဖြစ်အောင်ထိန်းပေးပြီး၊ နှလုံးကျန်းမာရေးအတွက် အများကြီးအကျိုးရှိစေပါတယ်။

 

ဆီးချိုကို ထိန်းပေးခြင်း

 

ဟင်းနုနွယ်ရွက်မှာ alpha-lipoic acid နှင့် အခြား ဓာတ်တိုးဆန့်ကျင်အာနိသင်(antioxidants)များစွာပါဝင်ပါတယ်။ alpha-lipoic acid က သွေးတွင်းအချိုဓာတ်ကို လျော့ကျစေပြီး၊ အင်ဆူလင်(insulin) အစွမ်းသတ္တိကို ပိုအားကောင်းစေပါတယ်။ ဆီးချိုသမားတွေမှာ ဖြစ်လေ့ရှိတဲ့ ခြေထောက်ထုံကျဉ်ခြင်း၊စပ်ခြင်း(peripheral neuropathy)ကိုလည်း သက်သာစေပါတယ်။

 

ကင်ဆာရောဂါကာကွယ်ခြင်း

 

ဓာတ်တိုးဆန့်ကျင်အာနိသင်(antioxidants)များစွာပါဝင်သည့်အပြင် ဟင်းနုနွယ်ရွက်မှာ glucuronides နှင့် methylenedioxyflavonol ဓာတ်တို့ပြည့်စုံလုံလောက်စွာပါဝင်ပါတယ်။ အဲ့ဒီဓာတ်ပစ္စည်းတွေက ရောင်းရမ်းမှုတွေကို သက်သာစေပြီး၊ ကင်ဆာမဖြစ်အောင်ကာကွယ်ပေးပါတယ်။ လေ့လာတွေ့ရှိချက်တချို့အရ ရင်သားကင်ဆာနှင့် မျိုးဥကင်ဆာဖြစ်ပွားမှုနှုန်းကို လျှော့ချပေးတယ်လို့ဆိုထားပါတယ်။

 

သွေးအားနည်းရောဂါဖြစ်ပွားမှုနှုန်းကို လျှော့ချပေးတယ်။

 

သွေးအားနည်းရသည့် အကြောင်းရင်းများတွင် သံဓာတ်အားနည်း၍ သွေးအားနည်းခြင်းသည် အဖြစ်များသည်။ သံဓာတ်လုံလုံလောက်မရှိဘူးဆိုရင် ကျွန်တော်တို့ရဲ့ ခန္ဓာကိုယ်က ဟေမိုဂလိုဘင်(haemogloblin)မော်လီကျူးကို တည်ဆောက်လို့မရပါဘူး။ ဟင်းနုနွယ်ရွက်မှာ သံဓာတ်ပါဝင်တဲ့အတွက် နေ့တိုင်းစားပေးရင် သွေးအားမနည်းအောင် ကာကွယ်ပေးနိုင်မှာဖြစ်ပါတယ်။

 

အရိုးကျန်းမာရေး

 

ဟင်းနုနွယ်ရွက်မှာ အရိုးကျန်းမာရေးအတွက် လိုအပ်တဲ့ ဗီတာမင်ကေ နှင့် မက်ဂနီစီယမ်ဓာတ် (Vitamin K & magnesium) တို့ ပေါများစွာပါရှိပါတယ်။ Vitamin K ဟာအရိုးကျိုးလွယ်နှုန်းကို လျှော့ချပေးပြီး၊ Vitamin D နှင့်အတူ အရိုးသိပ်သည်းဆ ကောင်းလာအောင် အားဖြည့်ကူညီပေးပါတယ်။

 

ခုခံအားကောင်းစေခြင်း

 

ဓာတ်တိုးဆန့်ကျင်အာနိသင်(antioxidants)တွေဖြစ်တဲ့ lutein,zeaxanthin,beta carotene နှင့် chlorophyll တို့က သင့်ရဲ့ခုခံအားစနစ်ကို အားကောင်းစေပါတယ်။ သင်ဟာခုခံအားကောင်းနေရင် သင့်ဆီကို ရောဂါပိုးမွှားတွေအလွယ်တကူ မဝင်ရောက်နိုင်တော့ပါဘူး၊ ပြီးတော့ သင့်ကို အမြဲကျန်းမာနေစေမှာပါ။

 

ကိုယ်ဝန်ဆောင်ကျန်းမာရေး

 

Folate(folic acid) က ကိုယ်ဝန်ဆောင်မိခင်တွေ အတွက် အရမ်းကိုအရေးကြီးလိုအပ်တဲ့ ဓာတ်ဖြစ်ပါတယ်။ Folate ဓာတ်က ဗိုက်ထဲကကလေး ကြီးထွားနေတဲ့အချိန်မှာ ကောင်းကောင်းမွန်မွန်ဖွံ့ဖြိုးလာအောင်နှင့် ကလေးကို မွေးရာပါ ရောဂါတွေမဖြစ်အောင် ကာကွယ်ပေးပါတယ်။ ကိုယ်ဝန်ဆောင်စဉ် ဟင်းနုနွယ်ရွက်စားပေးခြင်းက Folate ဓာတ်ရရှိမှုနှုန်းကို တိုးပွားစေပြီး ကိုယ်ဝန်ဆောင်ကျန်းမာရေးကို ကောင်းမွန်စေမှာပါ။

ပြီးတာနဲ့ သံဓါတ်တွေ အများကြီပါတဲ့ ဟင်းနုနွယ်ရွက်ကြော်ကို ပူနေတုန်းလေး မိမိနှစ်သက်သလို နှစ်သက်သလို စားသုံးနိူင်ပါပြီ

Friday 25 June 2021

အာလူး အရည်သောက်ဆမ်း


ထမင်းဝိုင်းမှာ အရည်သောက်လေးပါမှ ထမင်းစားလို့ကောင်းပါတယ် ဒါကြောင့်မို့ ဒီနေ့တော့ ငါးဆားနယ်ကြော်ကို ငရုတ်သီးစပ်စပ်နဲ့ကြော်ပြီး ငါးဆားနယ်ကြော်နဲ့ လိုက်ဖက်လွန်းတဲ့ အာလူးအရည်သောက် ကြော်ချက်လေး တစ်မယ်ချက်လိုက်ပါတယ်။

စားချင့်စဖွယ် စားမြိန်အရည်သောက် ဟင်းလေးမို့လို့ မာမာပြင်ဆင်ပြီး ချက်ထားတဲ့ ချက်နည်းလေးကို မျှဝေလိုက်ပါတယ်။

ပါ၀င်ပစ္စည်းများ
  1. အာလူး - အနေတော် လေးလုံး
  2. ကြက်သွန်ဖြူ - အမွှာကြီးကြီး နှစ်မွှာ
  3. ကြက်သွန်နီ - အနေတော် တစ်ခြမ်း
  4. ကြက်ဥ - တစ်လုံး
  5. ဆား - လက်ဖက်ရည်ဇွန်း တစ်၀က်
  6. အရသာမှုန့် - လက်ဖက်ရည်ဇွန်း တစ်၀က်
  7. ဆီ - ထမင်းစားဇွန်း တစ်ဇွန်း
  8. နနွင်းမှုန့် - လက်ဖက်ရည်ဇွန်း လေးပုံတစ်ပုံ
ပြင်ဆင်ပုံ
  • အာလူးကို အခွံခွာပြီး ရေစင်အောင်ဆေးကာ ပုံပါအတိုင်း လှီးထားပါ
  • ကြက်သွန်ဖြူကို အခွံခွာပြီး ရေဆေးကာ ဓါးပြားရိုက်ထားပါ
  • ကြက်သွန်နီကို အခွံခွာပြီး ရေဆေးကာ မထူမပါးလေးတွေ လှီးထားပါ
  • အိုးတစ်လုံးထဲမှာ အာလူး နနွင်းမှုန့် ဆား ဆီ အရသာမှုန့် ကြက်သွန်ဖြူ ကြက်သွန်နီ နှင့်ရေအနည်းငယ်တို့ကိုထည့်ကာ သမအောင် နယ်ပေးပါ
  • ပြီးတာနဲ့ မီးဖိုပေါ်တင်ပြီး ဟင်းလုံးမိအောင် တည်ပေးပါ
  • ရေပွက်ပွက် ဆူလာပြီး သုံးမိနစ်လောက် နေတာနဲ့ အထက်အောက် သမအောင်မွှေကာ ရေအနည်းငယ် ထပ်ထည့်ပြီး ၃မိနစ်လောက် အဖုံးအုပ်ပြီး တည်ထားပါ
  • ပြီးတာနဲ့ ရေ တရုတ်ဟင်းရည်သောက် ပန်းကန်တစ်လုံးခွဲစာ ထည့်ပြီး ဆူအောင်တည်ပါ
  • ဟင်းရည်ဆူလာပြီး အာလူးများ နူးလာပါက အရသာမြည်းပြီး လိုသလိုပြင်ပေးပါ
  • ဟင်းရည်အိုး ပွက်ပွက်ဆူနေတုန်းမှာ ကြကဥကို ဖောက်ထည့်ပြီး မွှေပေးပါ
  • ကြက်ဥများ ကျက်တာနဲ့ အာလူးအရည်သောက် ဟင်းပွဲကို ပြင်ပေးနိူင်ပါပြီ။

Wednesday 23 June 2021

ပလာတာ ပဲဟင်းရည်ဆမ်း


 




 ဒီနေ့တော့ အသားငါးတွေ မချက်ချင်တာနဲ့ ပလာတာကြော်ပြီး ပဲဟင်းလေးချက်ကာ စားဖို့ပြင်လိုက်ပါတယ်။
တစ်ခါတစ်လေ အခုလိုလေး စားရတာကို အရသာ တွေ့တတ်တာမို့လို့ အလွယ်ချက်တဲ့ ပဲဟင်းချက်နည်းလေးကို မျှဝေပေးလိုက်ပါတယ်ရှင်။

ပါဝင်ပစ္စည်းများ (ပလာတာ တစ်ဆယ့်ငါးချပ်စာအတွက်)
  1. ပလာတာ - တစ်ဆယ့်ငါးချပ်
  2. ကုလားပဲခြမ်း - နှစ်ဆယ်သား
  3. နနွင်းမှုန့် - လက်ဖက်ရည်ဇွန်း တစ်ဝက် (ပဲပြုပ်သည့် အထဲထည့်ရန်)
  4. နနွင်းမှုန့် - လက်ဖက်ရည်ဇွန်း တစ်ဝက် (ကြက်သား အရသာနယ်ရန်)
  5. ဆား - လက်ဖက်ရည်ဇွန်း တစ်ဇွန်း (ကြက်သား အရသာနယ်ရန်)
  6. အရသာမှုန့် - လက်ဖက်ရည်ဇွန်း တစ်ဇွန်း (ကြက်သား အရသာနယ်ရန်)
  7. မဆလာ - လက်ဖက်ရည်ဇွန်း တစ်ဇွန်းခွဲ (ကြက်သား အရသာနယ်ရန်)
  8. ငရုတ်ပွခြောက် - ခြောက်တောင့် (သို့မဟုတ်)
  9. ငရုတ်သီး အရောင်တင်မှုန့် - လက်ဖက်ရည်ဇွန်း နှစ်ဇွန်း
  10. ကြက်သွန်နီ - အနေတော် လေးလုံး (ငရုတ်သီးနှင့် ရောထောင်းရန်)
  11. ကြက်သွန်ဖြူ  - အမွှာကြီးကြီး ကိုးမွှာ (ငရုတ်သီးနှင့် ရောထောင်းရန်)
  12. ချင်း - လက်တစ်ဆစ်ခန့် (ငရုတ်သီးနှင့် ရောထောင်းရန်)
  13. အာလူး - ကီလိုဝက်
  14. ဆား - လက်ဖက်ရည်ဇွန်း တစ်ဝက် (အာလူးအရသာနယ်ရန်)
  15. နနွင်းမှုန့် - လက်ဖက်ရည်ဇွန်း သုံးပုံတစ်ပုံ (အာလူး အရသာနယ်ရန်)
  16. အရသာမှုန့် - လက်ဖက်ရည်ဇွန်း တစ်ဝက် (အာလူး အရသာနယ်ရန်)
  17. ဆီ - ထမင်းစားဇွန်း ဆယ်ဇွန်း (အာလူးကြော်ရန်နှင့် ဆီသတ်ရန်)
  18. ဆား - လက်ဖက်ရည်ဇွန်း တစ်ဇွန်း (ဟင်းရည်အိုးထဲ ထည့်ရန်)
  19. အရသာမှုန့် - လက်ဖက်ရည်ဇွန်း တစ်ဇွန်း (ဟင်းရည်အိုးထဲ ထည့်ရန်)
  20. ကရဝေးရွက် -နှစ်ရွက်
  21. ပဲနံ့သာစေ့ - လက်ဖက်ရည်ဇွန်းနှစ်ဇွန်း
  22. ဂေါ်ဖီထုပ် - တစ်စိတ်
  23. ကြက်သွန်နီ - အနေတော် ငါးလုံး
  24. ငရုတ်သီးစိမ်း - မိမိနှစ်သက်သလောက်
  25. သံပုရာသီး - ငါးလုံး
  26. ပူစီနံ - မိမိနှစ်သက်သလောက်
ပဲပြုပ်ရန် ပြင်ဆင်ပုံ
  • ကုလားပဲခြမ်းကို ရေနှစ်ထပ်လောက် ဆေးပေးပြီး ဇောက်နက်သော အိုးထဲမွာ ထည့်ပေးပါ
  • ကုလားပဲခြမ်းကို ရေမြုပ်အောင်ထည့်ပြီး နနွင်းမှုန့်ထည့်ကာ ပြုပ်ပေးပါ
  • ပဲပြုပ်တဲ့အခါ ပဲအိုးထဲမွ ရေများဝေမကျအောင် အိုးအဖုံးကို ဟပြီးပြုပ်ပေးပါ
  • ပဲများကို နူးတဲ့အထိ ပြုပ်ပေးပြီး ပဲများနူးပါက အအေးခံထားပါ
ငရုတ်သီးထောင်းရန်
  • ငရုတ်ပွတောင့်ကို နာရီဝက်လောက် ရေစိမ်ပေးပြီး အညှာခြွေကာ ရေဆေးပေးပါ
  • မာမာကတော့ ငရုတ်ပွတောင့် မရှိတဲ့အတွက် ငရုတ်သီး အရောင်တင်မှုန့်ကို သုံးထားပါတယ်ကြ
  • က်သွန်နီကို အခွံခွာပြီး ရေဆေးကာ လေးစိတ်စိတ်ထားပေးပါ
  • ကြက်သွန်ဖြူ  နှင့် ချင်းကို အခွံခွာပြီး ရေဆေးပေးပါ
  • ပြီးတာနဲ့ ငရုတ်ဆုံထဲမှာ ငရုတ်ပွတောင့် (သို့မဟုတ်) ငရုတ်သီး အရောင်တင်မှုန့် ချင်း ကြက်သွန်ဖြူ နှင့် ကြက်သွန်နီတို့ကို ညက်နေအောင် ရောပြီး ထောင်းပေးထားပါ
အာလူးကြော်ရန်
  • အာလူးများကို အခွံခွာပြီး အလုံးလိုက် ရေဆေးကာ လေးစိတ်စိတ်ထားပါ
  • ပြီးတာနဲ့ အာလူးများကို နနွင်းမှုန့် အရသာမှုန့်နှင့် ဆားတို့ထည့်ကာ အရသာဝင်အောင် နယ်ပေးပါ
  • ဒယ်အိုးထဲမှာ ဆီထည့်ပြီး အပူပေးပါ ဆီပူလာတာနဲ့ အာလူးကို ထည့်ကြော်ပေးပါ
  • အာလူးတစ်တုံးလုံး ရွှေဝါရောင် သန်းလာပါက ဆယ်ပေးထားပါ
ဟင်းချက်ရန်
  • အာလူးကြော်ထားသော ဆီအိုးထဲမွာ ပဲနံ့သာစေ့နှင့် ကရဝေးရွက်တို့ကို ထည့်ကြော်ပေးပါ
  • ပြီးတာနဲ့ ထောင်းထားသော ငရုတ်သီးအနှစ်များကို ထည့်မွှေပေးပြီး ဆီသတ်ထားပါ
  • ဆီသတ်နံ့ မွှေးလာတာနဲ့ အာလူးကို ထည့်ပေးပြီး ရေကို နည်းနည်းချင်း ထည့်ပေးပြီး ချက်ပေးပါ 
  • အာလူး နူးတဲ့အထိ ရေကိုနည်းနည်းချင်း ထည့်ပေးပြီး ချက်ပေးပါ
  • အာလူး နူးလာပါက ပြုပ်ထားသော ပဲအိုးထဲကို ပြောင်းပြီးထည့်ကာ တည်ပေးပါ
  • ရေကိုမပျစ်မကျဲ  အေနအထား ရလာအောင် ထည့်ပေးပြီး ဆားနှင့် အရသာမှုန့်တို့ ထည့်ပြီး မွှေပေးကာ အရသာကို မြည်းပေးပြီး ပြင်ပေးပါ
  • မိမိနှစ်သက်တဲ့ အရသာ ရလာတာနဲ့ ပဲဟင်းရည် ရပြီဖြစ်တဲ့မတွက် မီးပိတ်ပေးထားပါ
ပလာတာကြော်ရန်
  • ဒယ်အိုးထဲမှာ ဆီအနည်းငယ်ထည့်ပြီး အပူပေးပါ
  • ဆီပူလာတာနဲ့ ပလာတာကို တစ်ချပ်ချင်း ထည့်ကြော်ပေးပါ
  • တစ်ဖက်ကျက်တာနဲ့ တစ်ဖက်ကို လှန်ပေးပြီး နောက်တစ်ဖက် ကျက်ပါက ဆယ်ပြီးဆီစစ်ပေးထားပါ
စားပွဲပြင်ရန်
  • ကြော်ထားသော ပလာတာများကို ကပ်ကျေးဖြင့် အနေတော် ညှပ်ပေးထားပါ
  • ပဲဟင်းရည် ပူပူနွေးနွေးကိုလဲ ပြင်ထားပါ
  • ဂေါ်ဖီကို ခပ်ပါးပါးလှီးပြီး ရေဆေးကာ ရေစစ်ထားပါ
  • ငရုတ်သီးစိမ်းကို ရေဆေးပြီး ခပ်ပါးပါး လှီးပေးထားပါ
  • ကြက်သွန်နီကို အခွံခွာပြီး အလုံးလိုက် ရေဆေးကာ ခပ်ပါးပါး လှီးပေးထားပါ
  • ပူစီနံကို ရေဆေးပြီး ရေစစ်ထားပါ
  • သံပုရာသီးကို ရေဆေးပြီး လေးစိတ်စိတ်ထားပါ
  • အားလုံး အဆင်သင့် ဖြစ်တာနဲ့ ပန်းကန်ပြား တစ်ချပ်ထဲမှာ ပလာတာ ထည့်ပေးပြီး ပဲဟင်းရည်ဆမ်းကာ ဂေါ်ဖီ ပူစီနံ ငရုတ်သီးစိမ်းနှင့် သံပုရာရည်တို့ကို ထည့်ပေးကာ ပလာတာ ပဲရည်ဆမ်း ပူပူလေးကို စားသုံးရန် ပြင်ပေးနိူင်ပါပြီ။

Tuesday 22 June 2021

ဒညင်းသီး အုန်းဆီဆမ်း

 






 

ဒညင်းသီးလေးတွေ ဝယ်ထားပြီး ပြုပ်တို့ရင် ကောင်းမလား ချက်စားရင် ကောင်းမလား စဉ်းစားနေရင်းက ဒညင်းသီး အုန်းနို့ဆမ်းလေးဘဲ လုပ်ဖြစ်သွားခဲ့ပါတယ်။

မြန်မာပြည်က ဒညင်းသီးတွေလို လတ်လတ်ဆတ်ဆတ် မဟုတ်ဘဲ ရေစိမ်ထားတာတွေကို သုံးတဲ့အတွက် မြန်မာပြည်က ဒညင်းသီး အုန်းနို့ဆမ်းလိုမျိုး အရမ်းကြီး မစေးလှပါဘူး ဒါပေမဲ့လဲ စားလို့တော့ အတော်အသင့် ကောင်းပါတယ်။

ဒညင်းသီးက ကျန်းမာရေးနဲ့ မညီညွတ်ဘူးလို့ ဆိုကြပေမဲ့ ထန်းလျှက်ခဲ ထည့်ပြီးပြုပ်တဲ့အခါအဆိပ်အတောက်ကို အနည်းငယ်တော့ ပြေစေနိူင်ပါတယ် နောက်ပြီး တန်ဆေးလွန်ဘေးဆိုတဲ့အတိုင်း အာသာပြေလေးဘဲ စားမယ်ဆိုရင်တော့ ဥပါဒ်ကင်းနိူင်ပါလိမ့်မယ်ရှင်။

ပါ၀င်ပစ္စည်းများ
  1. ဒညင်းသီး - ၁၃လုံး
  2. ထန်းလျှက်ခဲ - ကွမ်းသီးဆံလုံးလောက် သုံးလုံး
  3. ဆား - လက်ဖက်ရည်ဇွန်း သုံးပုံတစ်ပုံ
  4. ဆီ - ထမင်းစားဇွန်း တစ်ဇွန်းခွဲ (ဒညင်းသီးပြုပ်ရန် )
  5. ရေ - ဒညင်းသီးပြုပ်ရန် လိုသလောက်သုံးပါ
  6. အုန်းနို့ - 200 g တစ်ဗူး (အုန်းနို့ချက်ရန် cream ဗူးကို သုံးပါ)
  7. ဆား - လက်ဖက်ရည်ဇွန်း သုံးပုံတစ်ပုံ (အုန်းနို့ချက်ရန် )
  8. ဆီ - ထမင်းစားဇွန်း ၅ဇွန်းခန့် (အုန်းနို့ချက်ရန် )
အုန်းနို့ချက်ရန်
  • ဒယ်အိုးထဲမှာ အုန်းနို့ကိုထည့်ပြီး ဆီနှင့်ဆားတို့ကိုထည့်ကာ မီးအနေတော်နှင့် တည်ပေးပါ
  • တည်နေစဉ် ဝေကျတတ်တဲ့အတွက် မကြာမကြာ မွှေမွှေပေးပါ
  • အုန်းနို့များ ဥလာတဲ့အထိ တည်ပေးပြီး မီးပိတ်ပေးပါ။
ပြင်ဆင်ပုံ
  • အရင်ဆုံး ဒညင်းသီးကို ရေဆေးပြီး ဇောက်နက်သော အိုးထဲမှာထည့်ပါ
  • ဆီ ထန်းလျှက်ခဲနှင့်ဆားကို အိုးထဲရောထည့်ပြီး ဒညင်းသီးမြုပ်အောင် ရေထည့်ပေးပါ
  • မီးခပ်ပြင်းပြင်းနဲ့ ပြုပ်ပေးပါ
  • ရေပွက်ပွက်ဆူအောင် ပြုပ်ပေးပြီး ပထမ တစ်ရည်မခမ်း တစ်ခမ်းအချိန်မှာ နောက်ထပ်တစ်ရည် ဒညင်းသီးမြုပ်အောင်ထည့်ကာ ဆက်ပြီးပြုပ်ပေးပါ
  • နောက်တစ်ရည် မခမ်းခင် ဒညင်းသီးကို ဆယ်ပြီး နူးမနူး စမ်းကြည့်ပါ
  • ဒညင်းသီး အနုအရင့်က တစ်ခုနဲ့တစ်ခု မတူနိူင်တဲ့အတွက် ပြုပ်နေစဉ် ဆယ်ပြီးစမ်းစမ်းကြည့်ပါ
  • မနူးသေးပါက စေးပြီးနူးလာတဲ့အထိ ပြုပ်ပေးပါ
  • ဒညင်းသီးနူးပြီး စေးပိုင်လာပါက မီးပိတ်ပေးကာ ဒညင်းသီးပြုပ်ကို အအေးခံပေးပါ
  • ဒညင်းသီး အေးလာပါက တစ်ခြမ်းခြင်းကို ငရုတ်ဆုံထဲထည့်ပြီး ငရုတ်ကျဉ်ပွေ့နှင့် ပြားနေအောင် ထုပေးပါ
  • အားလုံးထုပြီးတာနဲ့ အစဉ်သင့် ချက်ထားသော အုန်းဆီကိုဆမ်းပြီး သရည်စာအဖြစ် စားသုံးနိူင်ပါပြီ။

Monday 21 June 2021

ငါးပြေမ ဆီလည်ရည်လည်ဟင်း


ဗီယက်နမ် ဈေးကိုသွားဖြစ်တော့ ငါးပြေမလေးတွေ ဝယ်လာပြီး အချဉ်ဆီလည်ရေလည်လေး မနေ့က ချက်ဖြစ်ပါတယ် မြန်မာပြည်က ငါးပြေမတွေလိုတော့ ဆူဆူဖြိုးဖြိုး သိပ်မရှိလှပါဘူး။

ဒါပေမဲ့လဲ စားလို့တော့ ကောင်းပါတယ် ဒါကြောင့်မို့လို့ မာမာ့မိတ်ဆွေတွေ စိတ်ထဲက စားချင်တဲ့အခါ ချက်စားနိူင်အောင် မာမာချက်ဖြစ်တဲ့ ငါးပြေမ အချဉ်ဆီလည်ရေလည် ချက်နည်းလေးကို မျှဝေပေးလိုက်ပါတယ်ရှင်။

ပါ၀င်ပစ္စည်းများ
  1. ငါးပြေမ - 500 gm
  2. ကြက်သွန်ဖြူ - အမွှာကြီးကြီး သုံးမွှာ
  3. ကြက်သွန်နီ - အနေတော် တစ်ခြမ်း
  4. ချင်း - လက်တစ်ဆစ်
  5. စပါးလင် - တစ်လက်မခန့်
  6. မန်ကျည်းသီးမှည့် - ထမင်းစားဇွန်း တစ်ဇွန်းသာသာ 
  7. ငရုတ်သီးအရောင်တင်မှုန့် လက်ဖက်ရည်ဇွန်း - တစ်ဇွန်း
  8. အချိုမှုန့် - လက်ဖက်ရည်ဇွန်း တစ်ဇွန်း
  9. ဆား - လက်ဖက်ရည်ဇွန်း တစ်ဇွန်း
  10. ငါးငံပြာရည် - ထမင်းစားဇွန်း ( ငါးအရသာနယ်ရန်)
  11. ငါးငံပြာရည် ထမင်းစားဇွန်း တစ်ဇွန်း( ဟင်းအိုးထဲထည့်ရန်)
  12. ဆီ ထမင်းစားဇွန်း - ငါးဇွန်း
  13. နနွင်းမှုန့်. - လက်ဖက်ရည်ဇွန်း တစ်ဇွန်း (ငါးအရသာနယ်ရန်နှင့် ဆီသတ်ရန်)
  14. နံနံပင် - မိမိနှစ်သက်သလောက်

ငါးအရသာနယ်ရန်
  • ငါးကိုအရင်ဆုံး ငါးရဲ့အမြှီး ဆူးတောင်များနှင့် ခေါင်းတို့ကို ဖယ်ပေးပါ 
  • ပြီးတာနဲ့ ဗိုက်ထဲမှ မလိုတာတွေ ထုတ်ပေးပါ
  • ပြီးတော့မှ အကောင်လိုက်ကို ရေနှင့် ခြောက်ထပ်လောက် ဆေးပေးပါ
  • ငါးကို ရေဆေးပြီးတာနဲ့ ငါးရဲ့ တစ်ဖက်တစ်ချက်စီကို ခပ်စောင်းစောင်းလေးတွေ တစ်ချက်စီ မွှန်းပေးပါ 
  • ကြက်သွန်ဖြူ ကြက်သွန်နီနှင့် ချင်းတို့ကို အခွံခွာပြီး ရေဆေးထားပါ
  • စပါးလင်ကို ရေဆေးပြီး ခပ်ပါးပါး လှီးထားပါ
  • ပြီးတာနဲ့ ချင်း စပါးလင် ကြက်သွန်ဖြူ ကြက်သွန်နီတို့ကို ငရုတ်သီး အရောင်တင်မှုန့်နှင့် ညက်နေအောင်ရောပြီး ထောင်းပေးပါ
  • မန်ကျည်းသီးမှည့်ကို ရေတစ်ထပ်ဆေးပြီး ရေနွေးအနည်းငယ်နှင့် စိမ်ထားပါ
  • နံနံပင်ကို ရေစင်အောင်ဆေးပြီး အနေတော်လေးတွေ ပိုင်းဖြတ်ထားပါ
  • ပြီးတာနဲ့ ဇလုံကျယ်ကျယ်ထဲမှာ ငါးပြေမများ နနွင်းမှုန့် လက်ဖက်ရည်ဇွန်း တစ်ဝက် အချိုမှုန့် လက်ဖက်ရည်ဇွန်း တစ်ဇွန်း  ဆား လက်ဖက်ရည်ဇွန်း တစ်၀က်နှင့် ငါးငံပြာရည် ထမင်းစားဇွန်း တစ်ဇွန်းသာသာထည့်ပေးကာ အရသာဝင်အောင် နယ်ပေးထားပါ။
ဟင်းချက်ရန်
  • ဒယ်အိုးထဲမှာ ဆီထည့်ပြီး ဆီကိုအရင်ဆုံး အပူပေးပါ
  • ဆီပူလာမှ နနွင်းမှုန့်ကို ထည့်ပေးပါ
  • ပြီးတာနဲ့ ထောင်းထားသော ငရုတ်သီးထောင်းကို ထည့်မွှေပေးပါ
  • ငရုတ်သီး ဆီသတ်တာ မွှေးလာပြီး ငရုတ်သီးများ မွလာပါက အရသာ နယ်ထားသော ငါးကိုထည့်ပြီး အသာအယာလေး မွှေပေးပါ
  • ယောင်းမနှင့် အရမ်းကြီး ထိုးမွှေပါက ငါးအသားက နူးညံ့လွန်းတဲ့အတွက် ကျေမွကုန်တတ်ပါတယ်
  • ငါးအသားလေးတွေ ငရုတ်သီးရောင် တက်လာတာနဲ့ ရေအနည်းငယ်ထည့်ကာ အိုးမကပ်အောင် အိုးကိုလှုပ်ပေးပြီး ငါးအသားလေးတွေ မာကျစ်လာအောင် ချက်ပေးပါ
  • ထည့်ထားတဲ့ ရေလေး ခမ်းကာနီးတာနဲ့ ငံပြာရည် ထမင်းစားဇွန်း တစ်ဇွန်းထည့်ပြီး အရသာညီအောင် အိုးကိုလှုပ်ပေးပါ
  • ငါးအသားများ မာပြီးတင်းသွားပြီဆိုမှ ရေမြုပ်အောင်ထည့်ပြီး အဖုံးအုပ်ကာ တည်ပေးပါ
  • အိုးထဲမှ ရေဆူလာပြီး ထိုအရည် မခမ်းတစ်ခမ်း အနေအထားရအောင် တည်ပေးပါ
  • ရေအရမ်း မခမ်းခင် မန်ကျည်းမှည့်အရည် ထပ်ထည့်ပြီး အဖုံးအုပ်ကာ ဆက်ချက်ပေးပါ
  • ဆီလည်ရေလည် အရည်လေး ရလာချိန်မှာ နံနံပင်အုပ်ပေးပြီး အရသာမြည်းကာ လိုသလို ပြင်ပေးပြီး မီးပိတ်ပေးပါ
  • ပြီးတာနဲ့ ငါးပြေမ အချဉ်ဆီလည်ရေလည် ဟင်းမွှေးမွှေးလေးကို ထမင်းပူပူလေးနှင့် စားသုံးရန် ပြင်ပေးနိူင်ပါပြီ။

Sunday 20 June 2021

ကန်ဇွန်းရွက်နဲ့ ရေထိကရုံး ချဉ်ရည်ဟင်း

 






ကျန်ခဲ့တဲ့ တစ်ပါတ်က Sydney ကို ဈေးဝယ်ထွက်ကျရင်း Haymarket ကိုရောက်တော့ ရေထိကရုံး ခဲထားတဲ့ အထုတ်လေးရယ် ကန်ဇွန်းရွက်လေးတွေရယ် ဝယ်လာပြီး ဒီနေ့တော့ ချဉ်ရည်ဟင်း အရည်သောက်ဆမ်းလေး တစ်မယ် ချက်ပါတယ်။

မာမာတို့ ငယ်ငယ်ကတော့ ခြံထဲက ရေကန်ကြီးမှာ ခူးလေပွားလေ ရေထိကရုံးပင်တွေ အများကြီး ခူးခဲ့ကြဖူးတယ် လတ်လတ်ဆတ်ဆတ်လေးခူးပြီး ငပိရည်နဲ့ တို့စရာလုပ်ပြီး စားခဲ့ကြကိုလဲ အမှတ်ရစေခဲ့ပါသေးတယ်။

ထမင်းစားတဲ့အခါ အရည်သောက် ဟင်းလေးပါမှ ထမင်းက စားလို့ကောင်းလို့ ကောင်းပါတယ်  ဒီနေ့တော့ ထမင်းစားလို့ မြိန်အုံးမှာပါဘဲ ဒါကြောင့်မို့လို့ မာမာပြင်ဆင်ပြီး ချက်ထားတဲ့ ချဉ်ရည်ဟင်း ချက်နည်းလေးကို မျှဝေပေးလိုက်ပါတယ်ရှင်။

ပါဝင်ပစ္စည်းများ
  1. ကန်စွန်းရွက် - တစ်စည်း
  2. ရေထိကရုံး - တစ်ထုတ်
  3. ငါးဖယ်ငဆုတ် - ဆယ်လုံးခန့်
  4. ခရမ်းချဉ်သီး - အနေတော် သုံးလုံး
  5. ကြက်သွန်နီ - အနေတော် တစ်ခြမ်း
  6. ကြက်သွန်ဖြူ  - အမွှာကြီးကြီး နှစ်မွှာ
  7. ချင်း - လက်တဆစ်ခန့်
  8. မန်ကျည်းသီးမှည့် - အနည်းငယ်
  9. နနွင်းမှုန့် - လက်ဖက်ရည်ဇွန်း တစ်ဝက်
  10. ဆီ - ထမင်းစားဇွန်း နှစ်ဇွန်း
  11. ငါးငံပြာရည် - ထမင်းစားဇွန်း သုံးဇွန်း
  12. ဆား - လက်ဖက်ရည်ဇွန်း တစ်၀က်
  13. အရသာမှုန့် - လက်ဖက်ရည်ဇွန်း တစ်ဇွန်း

ပြင်ဆင်ပုံ
  • ကန်စွန်းရွက်များကို ထက်ခြမ်းခြမ်းပြီး အနေတော်လေးတွေ ပိုင်းဖြတ်ကာ ရေခြောက်ထပ်လောက် ဆေးထားပါ
  • ရေထိကရုံးကိုလဲ အထုတ်ထဲမှထုတ်ကာ ရေတစ်ထပ်ဆေးထားပါ
  • ခရမ်းချဉ်သီးကိုလဲ ရေဆေးပြီး ခပ်ပါးပါးလေးတွေ လှီးထားပါ
  • ငါးဖယ်ငါးဆုတ်လုံးလေးတွေကို အဆင်သင့် ပြင်ထားပါ
  • မန်ကျည်းသီးမှည့်ကို ရေတစ်ထပ်ဆေးပြီး ရေနွေးအနည်းငယ်နှင့် စိမ်ထားပါ
  • ကြက်သွန်ဖြူ  ကြက်သွန်နီ ချင်းတို့ကို အခွံခွာပြီး ရေဆေးကာ ငရုတ်သီး အရောင်တင်မှုန့်နှင့်ရောပြီး  ညက်နေအောင် ထောင်းထားပါ
  • ဇောက်နက်သော အိုးထဲမွာ ကန်စွန်းရွက် ရေထိကရုံး နနွင်းမှုန့် ဆား ငါးငံပြာရည် အရသာမှုန့် ဆီ ငရုတ်သီး ထောင်းတို့ကိုထည့်ပြီး အရသာဝင်သွားအောင် နယ်ပေးပါ
  • အရသာ နယ်ပြီးပါက ငဆုတ်လုံးလေးများနှင့် ရေအနည်းငယ်ထည့်ပြီး တည်ပေးပါ
  • အရင်ဆုံး ဟင်းအိုး လုံးရည် ရေဆူအောင် တည်ပေးပါ
  • ရေဆူလာတာနဲ့ အထက်အောက် သမအောင်မွှေပေးပြီး အဖုံးအုပ်ကာ ပြန်တည်ထားပါ
  • ရေထိကရုံးနှင့် ကန်စွန်းရွက်များ တော်တော်လေး နွမ်းလာတာနဲ့  ရေလိုသလောက်ထည့်ပြီး ပွက်ပွက်ဆူအောင် ပြန်တည်ပေးပါ
  • ရေပွက်ပွက်ဆူလာတာနဲ့  သုံးမိနစ်လောက် ထပ်ဆူအောင်ထားပြီး မန်ကျည်းမှည့်ရည်ကို ထည့်ပေးပါ
  • ပြီးတာနဲ့ အရသာမြည်းပြီး လိုသလို ပြင်ပေးကာ  မီးပိတ်ပေးပါ
  •  ထမင်းမြိန်စေမဲ့  အရသာ မွှေးလွန်းတဲ့  ရေ ထိကရုံး ကန်စွန်းရွက် ချဉ်ရည်ဟင်း ပူပူလေးကို ရပါပြီ။

Saturday 19 June 2021

ငါးရံ့ ဆန်လှော်ဆန်ပြုပ်










ဒီနေ့တော့ ငါးရံ့နဲ့ ဆန်လှော်ဆန်ပြုပ်လေး ပြုပ်ပါတယ် ဆန်ပြုပ်ဆိုရင် ငါးရံ့နဲ့ ပြုပ်တဲ့ ဆန်လှော်ဆန်ပြုပ်က မွှေးပြီး အရသာ တစ်မျိုးလေး ပိုကောင်းတဲ့အတွက် တစ်ခြားဆန်ပြုပ်တွေထက် ပိုပြီးကြိုက်ပါတယ်။

ငါးအထဲမှာ အစာသွပ်ထားတဲ့ ငရုတ်သီးထောင်းရဲ့ အရသာကလဲ အရသာ တစ်မူထူးခြားတဲ့အတွက် မာမာပြင်ဆင်ပြီး ပြုပ်ထားတဲ့ ငါးရံ့ဆန်လှော် ဆန်ပြုပ် ပြုပ်နည်းလေးကို မျှဝေပေးလိုက်ပါတယ်ရှင်။

ပါဝင်ပစ္စည်းများ

  1. ဆန် - ထမင်းပေါင်းအိုး ဆန်ချင်ဗူး တစ်ဗူး
  2. ရေ - လိုသလောက်၏
  3. ဆား - လက်ဖက်ရည်ဇွန်း နှစ်ဇွန်းခွဲ
  4. ဟင်းချိုမှုန့် - လက်ဖက်ရည်ဇွန်း တစ်ဇွန်းခွဲ
  5. ကြက်သွန်မိတ် - မိမိနှစ်သက်သလောက်
  6. ငါးရံ့ - သုံးဆယ်သားခန့် တစ်ကောင်
  7. ကြက်သွန်နီ - အနေတော် သုံးလုံး
  8. ကြက်သွန်ဖြူ - အမွှာကြီးကြီး ငါးမွှာ
  9. နနွင်းမှုန့်-  လက်ဖက်ရည်ဇွန်း လေးပုံတစ်ပုံ
  10. ငရုတ်ကောင်းမှုန့် - လက်ဖက်ရည်ဇွန်း တစ်၀က်သာသာ
  11. ကြက်သွန်နီကြော် - မိမိနှစ်သက်သလောက်
  12. ဆီ - ထမင်းစားဇွန်း လေးဇွန်း

ဆန်လှော်ပုံ

  • ဒယ်အိုးထဲမှာ ဆန်ထည့်ပြီး မီးအနေတော်နဲ့ လှော်ပေးပါ
  • ဆန်လှော် အကျက်ညီစေရန် မကြာမကြာ မွှေမွှေပေးပါ
  • ဆန်လှော်များ ညိုရောင်သန်းလာပြီး မွှေးလာပါက မီးပိတ်ပေးထားပါ
ငါးအစာသွပ်ရန်
  • ကြက်သွန်ဖြူကို အခွံခွာပြီး ရေဆေးကာ ငရုတ်ကောင်းနှင့် ရောထောင်းထားပါ
  • ကြက်သွန်နီ အလုံးသေးများကို အခွံခွာပြီး ရေဆေးထားပါ
  • စပါးလင် အရွက်များကို ရေဆေးထားပါ
  • ငါးကိုခြည်ရန် ကြိုးကိုအဆင်သင့် ပြင်ထားပါ
  • ငါးရံ့ကို မကြေးခွံထိုးပြီး ရေယက်များ ခုတ်ပေးပါ
  • ခေါင်းကို ဖြုတ်ပေးပြီး အထဲမှ အူကလီစာများကို ဖယ်ပေးကာ ရေစင်အောင် ဆေးပေးပါ
  • ရေဆေးပြီးတာနဲ့ ပုံပါအတိုင်း ကျောဖက်မှ ခွဲပေးပါ
  • ​ကျောဘက်မှ ခွဲပြီးတာနဲ့ ထောင်းထားသော အစာများကို ဆီသတ်ဖို့ အနည်းငယ်ချန်ပြီး ဖိသိပ်ပြီး ထည့်ပေးပါ
  • ပြီးတာနဲ့ စပါးလက် အရွက်များနှင့် ပါတ်ပါတ်လည် စည်းပေးပါ
  • စပါးလင် ခြည်ထားသော အပေါ်မှ ကြိုးနှင့်တင်းနေအောင် လိုက်ခြည်ပေးပါ။
ငါးဆီသတ်ရန်
  • ဒယ်အိုးထဲမှာ ဆီနှင့်နနွင်းမှုန့်ထည့်ပြီး အပူပေးပါ
  • ဆီပူလာတာနဲ့ ငရုတ်သီးထောင်းကိုထည့်ပြီး မွလာတဲ့အထိ ဆီသတ်ပေးပါ
  • ငရုတ်သီးထောင်းများ မွလာတာနဲ့ ငါးကိုထည့်ပြီး ဆီသတ်ပေးပါ
  • ငါးအသား မာတင်းလာအောင် မကြာမကြာ ဟိုဘက်ဒီဘက် လှည့်လှည့်ပေးပါ
  • ငါးအသား မာတင်းလာတော့မှ ရေမြုပ်အောင်ထည့်ပြီး တည်ပေးပါ
  • ငါးအိုးထဲမှ ရေခမ်းကာနီးတော့မှ အဆင်သင့် ပြုပ်ထားသော ဆန်ပြုပ်ကို ထည့်ပေးပါ
  • ထိုဆန်ပြုပ်အိုးထဲကို ကြက်သွန်နီ ဆား အရသာမှုန့်တို့ ထည့်ပေးပြီး မီးအနေတော်နှင့် တည်ပေးထားပါ
  • ကြက်သွန်နီများ နူးလာပါက အရသာမြည်းပြီး မိမိစိတ်ကြိုက် အရသာ ရလာအောင် ပြင်ပေးပါ
  • ပြီးတာနဲ့ ထောင်းထားသော ငရုတ်ကောင်း ကြက်သွန်ဖြူထောင်းကို ထည့်ပေးပါ
  • ဆန်ပြုပ်အိုး အပျစ်အကျဲကို မိမိစိတ်တိုင်းကျ အနေတော် ရပါက မီးပိတ်ပေးပါ
  • ငါးကိုအိုးထဲမှ ဆယ်ပေးပြီး ခြည်ထားသော ကြိုးများဖယ်ပေးပါ
  • ပြီးတာနဲ့ ငါးရံ့ဆန်လှော် ဆန်ပြုပ်ကို သောက်သုံးရန် ပြင်ပေးနိူင်ပါပြီ။