မာမာ ဒီနေ့တော့ ဝက်သားကြော်ကို မာကျစ်ကျစ်ကြီး ဖြစ်မနေဘဲ အတွင်းသားလေးကို နူးညံ့အိစက်နေအောင် ကြော်နိုင်မယ့် နည်းလမ်းကောင်းကို မျှဝေပေးလိုက်ပါတယ်ရှင်။
ပါဝင်ပစ္စည်းများ
- ဝက်သား - ကီလိုဝက် (အသားများ သောအပိုင်း)
- ဆား - လက်ဖက်ရည်ဇွန်း တဝက်မရှိတရှိ
- နနွင်းမှုန့် - လက်ဖက်ရည်ဇွန်း သုံးပုံတပုံ
- အရသာမှုန့် - လက်ဖက်ရည်ဇွန်း တဝက်
- ချင်း - လက်တစ်ဆစ်သာသာ
- ကြက်သွန်ဖြူ - ဆယ်မွှာခန့်
- သံပုရာသီး - အနေတော် တစိတ်(သို့မဟုတ်)
- ရှာလကာရည် - ထမင်းစားဇွန်း တဇွန်းသာသာ
- ဆီ - ထမင်းစားဇွန်း ဇွန်းနှစ်ဆယ်ခန့်
- ရေ - အနည်းငယ် (အသားပြုပ်ရန်)
ကြော်ရန်ပြင်ဆင်ပုံ
- ဝက်သားကို အတုံးလိုက် ရေဆေးကာ အသားရဲ့ အမျှင်လိုက်အတိုင်း မလှီးဘဲ ကန့်လန့်ဖြတ် လှီးပေးပါ
- ပြီးတော့မှ မိမိနှစ်သက်သလောက် အနေတော် အတုံးလေးတွ လှီးပေးထားပါ။
လှီးထားသော အသားကို အရသာနှပ်ရန်
- ချင်းကို အခွံခွာပြီး ရေဆေးကာ ညက်နေအာင် ထောင်းထားပါ
- ကြက်သွန်ဖြူကို အခွံခွာပြီး ရေဆေးကာ မညက်တညက် ထောင်းထားပါ
- သံပုရာသီးကို ရေဆေးပြီး အနေတော် တစိတ် စိတ်ကာ အရည်ညှစ်ထားပါ
- အားလုံး အဆင်သ့င် ဖြစ်တာနဲ့ လှီးထားသော ဝက်သားထဲကို ဆီမှလွဲပြီး ပါဝင်ပစ္စည်းများထည့်ကာ အရသာဝင် အောင် နယ်ပေးပါ
- အရသာ နယ်ပြီးတာနဲ့ အသားထဲ စိမ့်ဝင်ပြီး ပျော့ပြောင်းသွားစေရန် နာရီဝက်လောက် နှပ်ထားပါ
ဝက်သားကြော်ရန် ပြင်ဆင်ပုံ
- အိုးတလုံးထဲမှာ အရသာ နယ်ထားသော အသားများကို ထည့်ကာ ရေအနည်းငယ်ကို ထည့်ပေးပါ
- ပြီးတာနဲ့ အိုးအဖုံးအုပ်ပြီး ရေခမ်းတဲ့အထိ တည်ပေးပါ
- ရေခမ်းပြီ ဆိုတာနဲ့ အသားများ နူးပါပြီ
- ဝက်သားကို ဆီနဲ့ တန်းမကြော်ဘဲ အိုးထဲမှာ ရေအနည်းငယ်ထည့်ကာ အဖုံးအုပ်ပြီး အသားနူးကာ ရေခန်းသည်အထိ အရင်တည်ပါမှ ကြော်တဲ့အခါ အိအိလေး ရပါလိမ့မယ်
- ရေခန်းပြီး အသားထဲက အရည်များ ခန်းလာပါမှ ဆီထည့်ကာ အပြင်သားလေးကို ရွှေအိုရောင်သန်းလာရုံ ခဏမျှ ကြော်ပေးပါ
- ကြော်တဲ့အခါမှာ မီးအပူချိန်ကို အလယ်အလတ်နဲ့ဘဲ ကြော်ပေးပါ
- မီးပြင်းလွန်းရင် အပြင်သားက ချက်ချင်းတူးပြီး အတွင်းက မကျက်တာမျိုး ဖြစ်တတ်ပါတယ်
- မီးအေးလွန်းရင်လည်း အသားထဲက အရည်တွေ ခန်းခြောက်ပြီး မာသွားနိုင်ပါတယ်
- မီးအလယ်အလတ် နဲ့ စိတ်ရှည်ရှည် ကြော်ပေးဖို့ လိုအပ်ပါတယ်
- ကြော်နေတဲ့ အသားလေးတွေ အရောင် ပြောင်းလာပြီ ဆိုရင် တော့ မီးပိတ်ပြီး ပန်းကန်ထဲ ပြောင်းထည့် ပေးပါ
- အပြင်သားကြွတ်ကြွတ် အတွင်းသား အိအိလေးနဲ့ဝက်သားကြော်ကို မိမိနှစ်သက်သလို စားသုံးနိူင်ပါပြီ။
No comments:
Post a Comment