အသားဟင်း မစားတဲ့ သမီးလေးအတွက် ထမင်းစားလို့ မြိန်ရလေအောင် ပန်းဂေါ်ဖီသီးစုံ အရောလေး ကြော်ရင်းက စားမြိန်ဖွယ်ရာ ဟင်းလေးဖြစ်ခဲ့လို့ ကြော်နည်းလေးကို မျှဝေပေးလိုက်ပါတယ်။
ပါ၀င်ပစ္စည်းများ
- အနေတော် လှီးထားသော ပန်းဂေါ်ဖီ - အနေတော် တစ်ပွင့်
- အနေတော် လှီးထားသော ပဲတောင့်ရှည် - လေးတောင့်
- အနေတော် လှီးထားသော မုံလာဥနီ - အနေတော် တစ်ဥ
- ရှစ်တ် စိတ်ထားသော ကြက်သွန်နီ - အနေတော် တစ်ဥ
- ဓါးပြားရိုက်ထားသော ကြက်သွန်ဖြူ - အမွှာကြီးကြီး နှစ်မွှာ
- ဆီ - ထမင်းစားဇွန်း သုံးဇွန်း
- ဆား -လက်ဖက်ရည်ဇွန်း တစ်ဝက်သာသာ
- ဟင်းခတ်မှုန့် - လက်ဖက်ရည်ဇွန်း တစ်ဝက်
- တရုတ်နံနံ - အနေတော် တစ်ပင်
- နနွင်းမှုန့် - လက်ဖက်ရည်ဇွန်း သုံးပုံတစ်ပုံ
- ပဲငံပြာရည်အပျစ် - ထမင်းစားဇွန်း တစ်ဇွန်း
ပြင်ဆင်ပုံ
- ဒယ်အိုးတစ်လုံးထဲမှာ ဆီကိုထည့်ပြီး အပူပေးပါ ဆီပူလာပါက နနွင်းမှုန့်ထည့်ပါ
- ပြီးတာနဲ့ ကြက်သွန်အဖြူ အနီတို့ကို ထည့်ကြော်ပေးပါ
- ကြက်သွန်များ နွမ်းတာနဲ့ ပန်းဂေါ်ဖီ ပဲသီး မုံလာဥနီ ဆား ဟင်းချိုမှုန့်တို့ကို ထည့်ကြော်ပါ
- တစ်မိနစ်လောက် ကြော်ပြီးတာနဲ့ ပဲငံပြာရည်နှင့် တရုတ်နံနံ ထည့်မွှေပြီး အရသာမြည်းကာ လိုသလိုပြင်ပြီး စားသုံးနိူင်ပါပြီ။
No comments:
Post a Comment