အသားမစားချင်တဲ့ ရက်တွေဆိုရင် ကြက်ဥကိုပြုပ်ပြီး သုပ်လိုက်ရင် အဆင်ပြေတဲ့ ထမင်းဝိုင်းလေး ဖြစ်သွားတတ် သလိုပါဘဲ ပဲဆီစိမ်းရဲ့ အနံ့မွှေးမွှေးလေးက ထမင်းကို မြိန်စေတာ ဖြစ်တဲ့အတွက် ကြက်ဥသုပ်နည်းလေးကို မျှေ၀ပေးလိုက်ပါတယ်ရှင်။
ပါ၀င်ပစ္စည်းများ
- ကြက်ဥ - ၃လုံး
- ကြက်သွန်နီ - အနေတော် တစ်လုံး
- ပဲဆီ - ထမင်းစားဇွန်း နှစ်ဇွန်း
- ဆား - လက်ဖက်ရည်ဇွန်း တစ်၀က် မရှိတစ်ရှိ
- အချိုမှုန့် - လက်ဖက်ရည်ဇွန်း တစ်၀က်
- သံပုရာသီး - တစ်စိတ်
ပြင်ဆင်ပုံ
- ကြက်ဥကို ကျက်အောင်ပြုပြီး အခွံခွာကာ ခပ်ထူထူ လှီးထားပါ
- ကြက်သွန်နီကို အခွံခွာပြီး ရေဆေးကာ ခပ်ပါးပါးလှီးပြီး ရေတစ်ထပ် ထပ်ဆေးပေးပါ
- သံပုရာသီးကို ရေဆေးပြီး တစိတ် စိတ်ထားပါ
- ဇလုံတစ်လုံးထဲမှာ ကြက်ဥ ကြက်သွန်နီ ဆား သံပုရာရည် အချိုမှုန့် နှင့် ဆီတို့ ထည့်ပြီး ခပ်ဖွဖွလေး နယ်ပေးပါ
- အားလုံး အရသာ သမသွားပါက ကြက်ဥသုပ် မွှေးမွှေးစိမ့်စိမ့်လေးကို စားပွဲပြင်ပေးနိူင်ပါပြီ
No comments:
Post a Comment