Tuesday 20 October 2015

ကြက်ချိုချဉ် အစိမ်းကြော်


ဟင်းအမယ် တစ်မျိုးထဲ ချက်မယ်လို့ စိတ်ကူးတဲ့နေ့ဆိုရင် အခုလို ချိုချဉ်ကြော်လေး ကြော်တတ်ပါတယ် အပြင်အစာတွေ သိပ်မစားတတ်လေတော့ အခုလို တွေးရင်းတောရင်း ပေါ်လာတတ်တဲ့ ချိုချိုချဉ်ချဉ်လေးက ထမင်းကို မထင်မှတ်ဘဲ မြိန်စေတတ်တာမို့လို့ ကြော်စားနိူင်အောင် မျှဝေပေးလိုက်ပါတယ်။

ပါဝင်ပစ္စည်းများ

  1. ကြက်သား - 150 g
  2. ကြက်သွန်နီ - အနေတော် တစ်ဥ
  3. ကြက်သွန်ဖြူ - အမွှာကြီးကြီး သုံးမွှာ
  4. ခရမ်းချဉ်သီး - ခပ်ကြီးကြီး တစ်လုံး
  5. မုံလာဥနီ - အနေတော် တစ်ဥ
  6. ပဲသီး - သုံးတောင့်
  7. တရုတ်နံနံ - နှစ်ပင်
  8. ဆား - လက်ဖက်ရည်ဇွန်း တစ်ဝက်သာသာ
  9. သကြား - ထမင်းစားဇွန်း တစ်ဇွန်း
  10. ပြောင်းကော်မှုန့် - ထမင်းစားဇွန်း တစ်ဇွန်း
  11. ချယ်ရီ ခရမ်းချဉ်သီး - ငါးလုံး
  12. ခရမ်းချဉ်သီးဆော့ ထမင်းစားဇွန်း နှစ်ဇွန်း
  13. ဆီ - ထမင်းစားဇွန်း သုံးဇွန်း (ချိုချဉ်ကြော်ရန် )
  14. ဆီ - လိုသလောက် သုံးပေးပါ ( ကြက်သားကြော်ရန် )

ကြက်သားအရသာနယ်ရန်
  1. ကြက်သားကို ရေဆေးပြီး ခပ်ပါးပါး အတုံးလေးတွေ လှီးထားပါ
  2. လှီးထားသော ကြက်သားကို ဇလုံတစ်လုံးထဲမှာ  ပြောင်းကော်မှုန့် ထမင်းစားဇွန်း တစ်ဇွန်း ရေအနည်းငယ်နှင့် ခပ်ပြစ်ပြစ် ဖျော်ပြီး နယ်ထားပါ
  3. ဒယ်အိုးထဲမှာ ဆီထည့်ပြီး အပူပေးပါ ဆီပူလာပါက ကြက်သားကို ဇွန်းနှင့်ခပ်ပြီး တစ်တုံးခြင်း အိုးဆန့်သလေညက် ထည့်ပေပြီး ကြော်ပေးပါ
  4. ကြက်သားတုံးလေးမျာ ရွှေဝါရေင် သန်းလာလျှင် ဆယ်ပြီးဆီစစ်ပေးပါ
ပြင်ဆင်ပုံ
  • ကြက်သွန်နီကို အခွံခွာပြီး ရေဆေးကာ အတုံးလေးများရအောင် လှီးထားပါ
  • ကြက်သွန်ဖြူကို အခွံခွာပြီး ရေဆေးကာ ဓါးပြားရိုက်ထားပါ
  • ခရမ်းချဉ်သီးကို ရေဆေးကာ လေးစိတ်စိတ်ထားပါ
  • မုံလာဥနီကို အခွံခွာပြီး ရေဆေးကာ အရှည်လိုက် လှီးထားပါ
  • ပဲသီးကို ရေဆေးပြီး အနေတော် လှီးထားပါ
  •  တရုတ်နံနံကို ရေဆေးပြီး တလက်မစီလောက် လှီးထားပါ
  • ချ.်ရီခရမ်းချဉ်သီးကို အလုံးလိုက် ရေဆေးထားပါ 
  • လိုအပ်သော အသီးအရွက်များ အသားများကို အဆင်သင့်ဖြစ်အောင် ပြင်ထားပေးပါ
  • ဒယ်အိုးထဲမှာ ဆီထည့်ပြီး အပူပေးပါ
  • ဆီပူလာတာနဲ့ ကြက်သွန်ဖြူနှင့် ကြက်သွန်နီကို မိနစ်ဝက်လောက် ကြော်ပေးပါ
  • မိနစ်ဝက်ပြည့်တာနဲ့ မုံလာဥနီ နှင့်ပဲသီးတို့ကို ထည့်ပြီး တစ်မိနစ်လောက် ကြော်ပေးပါ
  • တစ်မိနစ်လောက် ကြော်ပြီးတာနဲ့ ကြက်သားကြော် ဆား သကြား ခရမ်းချဉ်သီးဆော့တို့ထည့်ပြီး ကြော်ပေးပါ
  • ကြော်ချိန် တစ်မိနစ်လောက် ရပြီဆိုတာနဲ့ခရမ်းချဉ်သီးနှင့် တရုတ်နံနံတို့ ထည့်မွှေပေးပြီး ချိုချိုချဉ်ချဉ် အစိမ်းကြော်လေးကို ထမင်းပူပူလေးနဲ့ လိုက်ဖက်စွာ သုံးဆောင်နိုင်ပါပြီ။

No comments:

Post a Comment