တနေ့တာအတွက် ဘာဟင်းချက်ရမလဲ စဉ်းစားမိလေတိုင်း ကိုယ်စားချင်တာက ချဉ်ငံစပ် ချက်ဖြစ်တာက ဟင်းအချိုတွေ များပါတယ် ဒါပေမဲ့ ဒီနေ့တော့ ထမင်းပူပူလေးနဲ့ စားရအောင် ပုဇွန်ကို ခရမ်းချဉ်သီးဆော့နဲ့ အရသာနယ်ကာ မွှေးမွှေးလေး ကင်လိုက်ပါတယ် ပြင်ဆင်နည်းနဲ့ ကင်နည်းလေးက အရမ်းလွယ်ပါတယ်။
ပါဝင်ပစ္စည်းများ
- ပုဇွန်ထုတ် - ၁၅ကောင်
- ဆား - လက်ဖက်ရည်ဇွန်း သုံးပုံနှစ်ပုံ
- အရသာမှုန့် - လက်ဖက်ရည်ဇွန်း တစ်ဝက်
- ခရမ်းချဉ်သီးဆော့ - ထမင်းစားဇွန်း နှစ်ဇွန်း
- ပုဇွန်သီတံ - ၃ချောင်း
- ဆီ - ထမင်းစားဇွန်း တစ်ဇွန်း
ပြင်ဆင်ပုံ
- ပုဇွန်ကို အခွံခွာပြီး အမြှီး ခေါင်း ကြောဖက်မှ အမဲကြောင်းကို ထုတ်ပေးပါ
- အားလုံးသန့်စင်ပြီးပါက ရေနှင့်ထပ်ပြီး ဆေးပေးပါ
- ရေဆေးထားသော ပုဇွန်ကို ဆား အရသာမှုန့် ခရမ်းချဉ်သီးဆော့တို့နှင့်ရောနယ်ပြီး ရေခဲသေတ္တာထဲမှာ နာရီဝက်လောက် နှပ်ထားပါ
- သီတံကို ရေတနာရီလောက် စိမ်ထားပါ
- ပုဇွန်အရသာ ၀င်လောက်ပြီဆိုတာနဲ့ သီတံတခုမှာ ပုဇွန်၅ကောင်စီ သီပေးပါ
- ပြီးတာနဲ့ ကင်မည့်အိုးကို အပူပေးပါ
- အိုးပူလာတာနဲ့ အိုးကို ဆီသုတ်ပေးပါ
- ဆီအငွေ့ တက်လာတာနဲ့ ပုဇွန်ကို ထည့်ကင်ပေးပါ
- ပုဇွန်အကွေး ငါးအနွေးဆိုသလိုပါဘဲ တဖက်ကို တမိနစ်ခွဲစီလောက်ဘဲ ကင်ပေးပါ
- နှစ်ဖက်လုံး ကင်ပြီးတာနဲ့ နှစ်သက်သလို စားသုံးနိူင်မည့် ခရမ်းချဉ်သီးဆော့ ပုဇွန်ကင်မွှေးမွှေးလေး ရပါပြီ
အကင်အိုး မရှိက အောက်ခြေမကပ်သော ဒယ်အိုးနှင့် ကင်နိူင်သလို မီးသွေးမီးဖိုပေါ်တို့မှာ ကင်ပေးနိူင်ပါတယ်။
No comments:
Post a Comment