Monday, 25 April 2016

အာလူးကြော် မွမွလေး





မွမွရွရွလေးနဲ့ စားလို့ကောင်းစေတဲ့ အာလူးကြော်နည်းလေး မျှဝေလိုက်ပါတယ် အသီးအရွက် အရမ်းစားတဲ့ သမီးလေးအတွက် စပါယ်ရှယ် ပြင်ပေးရတဲ့ အာလူးကြော်လေးပါ ကလေးလူကြီး နှစ်သက်ကြမှာမို့ ကြော်စားကြည့်စေချင်ပါတယ်။

ပါဝင်ပစ္စည်းများ

  • အာလူး - ခပ်ကြီးကြီး ၂လုံး
  • ပဲအစိမ်းမှုန့် - ထမင်းစားဇွန်း ၂ဇွန်းမောက်မောက် 
  • ဂျုံမှုန့် - ထမင်းစားဇွန်း တဇွန်းမောက်မောက်
  • ဆန်စိမ်းမှုန့် - ထမင်းစားဇွန်း တဇွန်းမောက်မောက်
  • baking sodar - လက်ဖက်ရည်ဇွန်း တ၀က်
  • ငရုတ်ကောင်းမှုန့် - လက်ဖက်ရည်ဇွန်း တ၀က်
  • နံနံပင် အခြောက် - ထမင်းစားဇွန်း တဇွန်း (လတ်လတ်ဆတ်ဆတ် နံနံပင်ထည်ာရင် ပိုကောင်းပါတယ်)
  • ဆား - လက်ဖက်ရည်ဇွန်း တ၀က်
  • အရသာမှုန့် - လက်ဖက်ရည်ဇွန်း တ၀က်
  • ဆီ - လက်ဖက်ရည် အကြမ်းပန်းကန် ၂လုံး
ပြင်ဆင်ပုံ
  1. အာလူးကို အခွံခွာပြီး ပုံပါအတိုင်းလှီးကာ ရေ၂ခါလောက်ဆေးပြီး ရေစစ်ထားပါ
  2. ပဲမှုန့် ဂျုံမှုန့် ဆန်မှုန့် ဆား အရသာမှုန့် baking sodaတို့ကို ရေနှင့်နည်းနည်းခြင်း ဖျော်ပေးပါ
  3. မုန့်နှစ်အနေအထား ခပ်ပျစ်ပျစ်ရလာတာနဲ့ နံနံပင် အာလူးနှင့်ရောနယ်ပေးပါ
  4. ဆီကိုအပူပေးပြီး ဆီပူလာတာနဲ့ အာလူးမုန့်နှစ်လူးကို ထမင်းစားဇွန်း တဇွန်းစာထည့်ပြီး ကြော်ပေးပါ
  5. တဖက်ရွှေအိုရောင်သန်းလာတာနဲ့ နောက်တဖက်ကို လှန်ပြီးဆက်ကြော်ပေးပါ
  6. နှစ်ဖက်လုံး ရွှေအိုရောင်သန်းလာတာနဲ့ ဆယ်ပြီးဆီစစ်ပေးပါ
  7. ဆီစစ်တာနဲ့ နှစ်သက်ရာအချဉ်နဲ့ တွဲဖက်ပြီး စားနိူင်ပါပြီ။

No comments:

Post a Comment