Friday, 15 April 2016

စိတ်သားစဉ်းကောအစာသွပ် ကော်ပြန့်စိမ်း






ဆိတ်သားစဉ်းကောချက်ပြီး ဗီယက်နမ်ကော်ပြန့်စိမ်းကို အခြေခံပြီး လိတ်ထားတဲ့ ကော်ပြန့်စိမ်းလေး လုပ်စားချင်တဲာ့ အသီးအရွက်တွေလှီးကာ ကော်ပြန့်စိမ်း လုပ်စားဖြစ်သွားပါတယ် ဆိတ်သားစဉ်းကော ချက်နည်းကတော့ မာမာတင်ထားပြီးသားမို့ လွယ်ကူရိုးရှင်းတဲ့ ကော်ပြန့်စိမ်းလိပ်နည်းလေးဘဲ မျှဝေလိုက်ပါတယ်။

ပါဝင်ပစ္စည်းများ
  • ချက်ပြီးအဆင်သင့်ပြင်ထားသော ဆိတ်သားစဉ်းကောဟင်း - ဟင်းပြင်ပန်းကန်အသေး တလုံးစာ
  • ရေဆေးပြီး ပုံပါအတိုင်း လှီးထားသော - မုံလာဥနီ
  • ရေဆေးပြီး ပုံပါအတိုင်း လှီးထားသော - ဂေါ်ဖီအကြွတ်ရွက်
  • ရေဆေးထားသော - ဆလတ်ရွက်
  • Rice paper - ၁၂ရွက်
ပြင်ဆင်ပုံ
  • ချက်ထားသော ဆိတ်သားစဉ်းကောဟင်း  အေးတာနဲ့ ဆန်ပြားရွက်ကို ရိုးရိုးရေအေးနှင့် ပန်းကန်ပြားတချပ်ထဲ ထဲ့ပြီး စက္ကန့်၂၀လောက်ဘဲ ပျော့လာတဲ့ထိ စိမ်လိုက်ပါ
  • စိမ်ပြီးတာနဲ့ ပန်းကန်ပြားအခြောက် တချပ်ပေါ်ဖြန့်တင်ပြီး ခင်းပေးပါ
  • ဆန်ပြားရွက်ပေါ်မှာ ဆလတ်ရွက်တရွက်နှင့် မုန်လာဥနီကို ခင်းပေးပါ
  • ချက်ထားသော ဆိတ်သားစဉ်းကော ဟင်းကို ဆလတ်ရွက် အပေါ်တင်ပြီး ပုံပါအတိုင် လိပ်ပေးပါ 
  • အစာများ ပုံထားသော အောက်ဖက်မှ အစာကိုအုပ်ပြီး စလိပ်ပေးပါ
  • ဘေးနှစ်ဖက်ကို အစာအပေါ်ကို တစဆီ ခေါက်ပေးပါ
  • နောက်ထပ်အောက်ဖက်မှ အလိပ်ပုံစံရတဲ့အထိ ဆက်တိုက်လိပ်ပေးသွားပြီးရင် ရပါပြီ
  • ကော်ပြန့်စိမ်းအပြင်သား ထူထူလေးရအောင် လိပ်ပြီးသား အလိပ်များကို နောက်ထပ်ဆန်ပြားဖတ် တရွက်ဆီကို ရေစိမ်ပြီး ထပ်လိပ်ပေးပါက လှီးတဲ့အခါလှီးလို့ကောင်းသလို စားလို့လဲ ပိုပြီးကောင်းပါတယ်။
အချဉ်ရည်အတွက်ပြင်ပါမယ်
  • Tomato sause ထမင်းစားဇွန်း ၂ဇွန်း
  • Chili sause ထမင်းစားဇွန်း ၂ဇွန်း 
  • သကြား လက်ဖက်ရည်ဇွန်း တဇွန်း
  • ရေနွေး ထမင်းစားဇွန်း ၄ဇွန်း တို့ကိုရောမွှေပေးပါ

No comments:

Post a Comment