Wednesday 20 April 2016

ဆိတ်သားစင်းကောကင်





ဒီနေ့တော့ ဆိတ်သားကျန်တာလေးကို စင်းကောလုပ်ပြီး အိုးပူတိုက် အသားကင်ဖို့ ပြင်ဖြစ်ပါတယ် စိတ်ထဲမှာ ချဉ်ချဉ်စပ်စပ်လေး စားချင်တဲ့အတွက် ဆိတ်သားစင်းကောကို ချဉ်ငံစပ်လေး ကင်ထားတာပါ အရသာတမျိုးလေးမို့လို့ နှစ်သက်ကြလိမ့်မယ်လို့ ထင်ပါတယ်။

ပါဝင်ပစ္စည်းများ

  1. ဆိတ်သား  - 400 g
  2. ဆား  - လက်ဖက်ရည်ဇွန်း သုံးပုံတစ်ပုံ
  3. အချိုမှုန့် - လက်ဖက်ရည်ဇွန်း သုံးပုံတစ်ပုံ
  4. နနွင်းမှုန့် - လက်ဖက်ရည်ဇွန်း လေးပုံတစ်ပုံ
  5. ငရုတ်ကောင်းမှုန့် - လက်ဖက်ရည်ဇွန်း တစ်ဇွန်း
  6. စပါးလင်  - ၄လက်မလောက် တစ်ေချာင်း
  7. ငရုတ်သီးစိမ်း - စားနိူင်သလောက်
  8. ကြက်သွန်မိတ် - အပင်ကြီးကြီး ၃ပင်
  9. သံပုယိုသီး - တစ်ခြမ်း
  10. ပြောင်းကော်မှုန့် - ထမင်းစားဇွန်း တစ်ဇွန်း
  11. ဆီ - ထမင်းစားဇွန်း သုံးဇွန်း

ပြင်ဆင်ပုံ
  1. ဆိတ်သားကို အတုံးလိုက် ရေဆေးပေးပြီး ရေစစ်ထားပါ
  2. ရေဆေးထားသော ဆိတ်သားကို ရေ ခနစစ်ထားပြီးတာနဲ့ ဓါးနှင့် ညက်နေအောင် စဉ်းပေးပါ
  3. စဉ်းထားသော ဆိတ်သားကို ပြောင်းကော်မှုန့် ဆား အချိုမှုန့် ငရုတ်ကောင်းမှုန့် နနွင်းမှုန့်တို့နဲ့ ခပ်ဖွဖွဆုတ်ပြီး နယ်ပေးပါ
  4. စပါးလင်ကို ခပ်ပါးပါးလှီးထားပါ
  5. ကြက်သွန်မိတ်ကိုလဲ ခပ်နုတ်နုတ် လှီးထားပါ
  6. ငရုတ်သီးစိမ်းကိုလဲ ခပ်ပါးပါး လှီးထားပါ
  7. အရသာနယ်ထားသော ဆိတ်သားကို ငရုတ်သီးစိမ်း စပါးလင် ကြက်သွန်မိတ်တို့နှင့် သမအောင် ရောနယ်ပေးပါ
  8. ရောနယ်ထားသော အသားကို အနေတော် ခပ်ပြားပြားလေးတွေ လုပ်ထားပါ
  9. အောက်ခြေမကပ်သော ဒယ်အိုးကို အပူပေးပြီး ဆီအနည်းငယ်ထည့်ပါ
  10. ဆီပူလာတာနဲ့ အရသာနယ်ထားသော အသားပြားကို အိုးထဲထည့်ပေးပါ
  11. ၂မိနစ်လောက် အပူပေးပြီး အသားပြား အပေါ်ယံကို ဆီအနည်းငယ် သုတ်ပေးကာ တဖက်ကို လှည့်ပေးပြီး ကင်ပါ
  12. နောက်တဖက်ကိုလဲ ၂မိနစ်လောက်ကင်ပေးပြီးရင် ဆိတ်သားကင် မွှေးမွှေးလေး ရပါပြီ
  13. အသားကင် ထည့်ထားသော ပန်းကန်ထဲ သံပုရာသီးထည့်ကာ စားပွဲပြင်နိုင်ပါပြီ
  14. အသားကင်အပေါ် သံပုရာရည်ဆမ်းပြီး အရသာရှိစွာ စားသုံးနိူင်ပါပြီ။

No comments:

Post a Comment