Thursday 28 April 2016

သံပုယိုသီးသနပျ







အသီးအရွက် သနပ်လုပ်နည်းတွေ များစွာရှိပါတယ် ကိုယ်နှစ်သက်သလို လုပ်ကြတာမို့ နည်းတွေကတော့ တယောက်နဲ့တယောက် မတူကြပါဘူး။

မာမာကတော့ မာမာ့အမေ ပြင်ဆင်တတ်တဲ့ နည်းလေးတွေကိုဘဲ အခြေခံပြီး ပြင်ဆင်ဖြစ်ပါတယ် ဒါကြောင့်မို့လို့ ဒီနေ့တော့ သံပုယိုသီးသနပ် လုပ်ဖြစ်လို့ အမွှေးနံ့သာ တမျိုးပြောင်းပြီး လုပ်ထားတဲ့ နည်းလေး မျှဝေလိုက်ပါတယ်။

ပါဝင်ပစ္စည်းများ

  1. သံပုယိုသီး - ၁၀လုံး
  2. ဆား - ထမင်းစားဇွန်းမောက်မောက် ၄ဇွန်းခန့်
  3. ဆီ - 450 ml
  4. Cumin Seeds  - လက်ဖက်ရည်ဇွန်း တစ်ဇွန်းမောက်မောက်
  5. Mustard  seeds အစို - ထမင်းစားဇွန်း ၃ဇွန်း
  6. Coriander seeds - ထမင်းစားဇွန်း တစ်ဇွန်း
  7. Mustard seeds - အခြောက် ထမင်းစားဇွန်း တစ်ဇွန်း
  8. ကြက်သွန်ဖြူ - ၁၀မွှာ
  9. နနွင်းမှုန့် - လက်ဖက်ရည်ဇွန်း သုံးပုံတစ်ပုံ
  10. ငရုတ်သီးအရောင်တင်မှုန့် - ထမင်းစားဇွန်းမောက်မောက် နှစ်ဇွန်းခွဲ

သံပုယိုသီး ဆားရည်စိမ်ရန်
  • သံပုယိုသီးကို အလုံးလိုက် ရေဆေးပြီး ရေစင်အောင်သုပ်ကာ အောက်ခြေပြတ်တဲ့ထိ ၄စိတ်လှီးပေးပါ
  • စိတ်ထားသော အစိတ်များကို ဇလုံကျယ်ကျယ်ထဲထည့်ပြီး ဆားထည့်ကာ သမအောင် ခပ်ဖွဖွမွှေပးပါ 
  • အားလုံးပြီးလျှင် လေလုံပြီး သန့်နေသော ပုလင်းထဲ သံပုယိုသီး အစိတ်များကို ထည့်ပေးပါ
  • အဖုံးလေလုံအောင်ပိတ်ပြီး အခန်းအပူချိန်နှင့် အနည်းဆုံး ၅ရက်၆ရက်လောက် ထားပေးပါ
  • မြန်မြန်စားချင်ရင်တော့ ပုလင်းကို နေပူထဲမှာ ထားပေးပါ
  • ရေထည့်စရာမလိုဘဲ ဆားရည်များပျော်ပြီး အရည်များထွက်လာပြီး သံပုယိုသီးများ အိလာရင် ရပါပြီ
ပြင်ဆင်ပုံ
  • ဆားရည်ပျော်ကာ အိလာသော သံပုယိုသီးကို အရည်စစ်ကာ ဆယ်ထားပြီး ဇလုံအနေတော်မှာ ထည့်ထားပါ
  • ကြက်သွန်ဖြူကို အခွံခွာထားပြီး အနေတော် စိတ်ထားပါ
  • Mustard seed ,Cumin seed , Coriander seeds တို့ကိုမီးအနေတော်နှင့် အစေ့များ အိုးထဲမှာ ဖောက်ဖောက် ပေါက်လာတဲ့ထိ ခနလေး လှော်ထားပြီး ညက်အောင်ထောင်းထားပါ
  • အားလုံးအဆင်သင့်ဖြစ်ပါက သံပုယိုဇလုံထဲကို ကြက်သွန်ဖြူ လှော်ပြီးထောင်းထားသော အစေ့များ  Mustard seeds အစိုတို့ကို ထည့်ပြီး ပြင်ထားပါ
  • ဆီကို မီးအနေတော်နှင့် အပူပေးပါ ဆီပူလာပါက နနွင့်မှုန့်ကိုဆက်ထည့်ပြီး မီးဖိုပေါ်မှ ဆီအိုးကို ချပေးပါ
  • တမိနစ်လောက် ဆီကို အအေးခံပြီး ငရုတ်သီးမှုန့်ထဲ့ကာ မွှေပေးပါ ဆီအရမ်းပူနေပါက ငရုတ်သီးမှုန့်များ မည်းသွားတတ်ပါတယ်
  • ဆီအရမ်း မအေးခင် သံပုယိုသီးဇလုံထဲ လောင်းချပေးပါ
  • အားလုံးပြီးပါက လေလုံပြီးသန့်သော ပုလင်းထဲထည့်ပြီးထားကာ စားသုံးနိူင်ပါပြီ
  • ဆီမြုပ်အောင်ထည့်ပြီး ရေခဲသေတ္တာထဲ ထည့်ထားပါက နှစ်ပေါက်အောင် ထားပြီးစားလို့ရပါတယ်
ကုလားလေး သနပ်မဆလာရှိပါက အပေါ်မှာ ပြထားသော အမွှေးနံ့သာအစေ့များ ထည့်စရာမလိုဘဲ မဆလာတမျိုးထဲ သုံးနိူင်ပါတယ်
သံပယိုသီးဆားရည်စိမ်စဉ် ထွက်လာသောအရည်များက ခါးပြီး ငံနေတတ်တဲ့အတွက် အငံနှင့် အခါးမနှစ်သက်သောသူများ ပြန်သုံးရန်မလိုပါ
မာမာလဲ ပြန်မသုံးပါ
အငံအရသာ အတွက်က ဆားရည်စိမ်ထဲက ပါပြီးသားမို့လို့ အငံထပ်ထည့်စရာ မလိုပါ။

No comments:

Post a Comment