Wednesday, 30 March 2016

ခံတွင်းရှင်းပြီး အ၀လွန်ခြင်းကို ထိမ်းစေမဲ့ သံပုယိုသီးပျားရည်စိမ်







အလုပ်မရှိ အလုပ်ရှာတယ်ဘဲ ပြောရမလားပေါ့ရှင် တနေ့တနေ့ အိမ်ထဲမှာဘဲ အချိန်တွေ ကုန်နေတတ်တဲ့အတွက် ဘာချက်ရင်ကောင်းမလဲ ဘာလုပ်ရင်ကောင်းမလဲ စဉ်းစားရင်း အိမ်လည်သွားရင်း လက်ဆောင်ရလာတဲ့ သံပုယိုသီးကို ပျားရည်နဲ့စိမ်လိုက်ပါတယ်

ပျားရည်စစ်ဟာ ကိုလက်စထရောနဲ့ သွေးထဲက သကြားဓာတ်တွေ Level ကို ပြုပြင်ပြောင်းလဲပေးနိုင်ပါတယ် အစာကြေဖျက်အားကို အလုံးစုံ အကူအညီပေးတဲ့ အတွက် မကောင်းတဲ့ အဆီတွေကို ကျန်မနေစေပါဘူး နေ့တိုင်း တဇွန်း စားတော့ စားပေးသင့်ပါတယ်။

lemon juice ဟာ ၀ိတ်ကျဖို့အတွက် အဆင်ပြေစေပါတယ် တကယ် အကျိုးရှိပါတယ် အ၀လွန်ခြင်းကို သိသိသာသာ ထိမ်းပေးစေတယ် ရေဓာတ်ဖြည့်စေပြီး ကိုယ်တွင်း အဆီတွေကို ဖယ်ရှားပေးတဲ့ အသုံးဝင်တဲ့ အသီးတမျိုးပါ။

ဒါကြောင့်မို့လို့ အချဉ်ကြောက်ပြီး ပျားရည်နံ့မနှစ်သက်သူတွေအတွက် ၃ရက်လောက်နေတာနဲ့ အချဉ်ဓါတ်လျော့ပြီး ပျားရည်နံ့သင်းသင်းလေးနဲ့ စားလို့ကောင်းတာရယ် ခံတွင်းရှင်းပြီး ရင်ချောင်စေတာရယ်  အ၀လွန်ခြင်းကို ကာကွယ်ပေးနိူင်တာတွေရယ်ကြောင့် အဆင်ပြေစွာ စားသုံးနိူင်မဲ့ လုပ်နည်းလေး မျှဝေလိုက်ပါတယ်။


ပါဝင်ပစ္စည်းများ

  • သံပုယိုသီး - ၄လုံး
  • ပျားရည် - လိုအပ်သလောက်
  • လေလုံဖန်ပုလင်း - တလုံး
ပြင်ဆင်ပုံ
  1. သံပုယိုသီးကို အလုံးလိုက်ရေဆေးပြီး ရေခြောက်အောင်သုတ်ပါ
  2. လက်တလုံးလောက် မရှိတရှိအထူ အကွင်းလိုက်လှီးပေးပါ
  3. ထည့်မည့်ပုလင်းကို ရေဆေးပြီး ရေခြောက်အောင် နေလှန်းပေးထားပါ
  4. လှီးထားသော သံပုယိုသီးများကို ပုလင်းထဲမှာ စီပြီးထည့်ပေးပါ
  5. ပြီးတာနဲ့ အသီးများ မြုပ်အောင် ပျားရည်ကို လောင်းထည့်ပြီး အဖုံးကို လေမ၀င်စေရန် လုံအောင်ပိတ်ပါ
  6. အခန်းအပူချိန်အတိုင်းထားပြီး ၃ရက်မြောက်နေ့ဆို အသီးများ အိလာကာ ပျားရည်နံ့သင်းလာပြီး စားလို့ရပါပြီ
  7. အသီးမှအသားနှင့် အခွံများပါ ၀ါးစားနိူင်သလို ထွက်လာသော အရည်ကိုလဲ ခံတွင်းရှင်းပြီး ထမင်းစားကောင်းရုံ ရင်ချောင်ရုံအဖြစ် ထမင်းစားဇွန်း တဇွန်းလောက် သောက်နိူင်ပါတယ်။

No comments:

Post a Comment