ဆိတ်သားကို ခပ်ပါးပါးလှီးပြီး ကြက်သွန်အဖြူ ကြက်သွန်နီ ချင်းတို့နဲ့ အစိုမွှေးမွှေးလေး ကြော်ပါတယ် ပေါင်မုန့် ထမင်းတို့နဲ့စားလို့အရမ်းကောင်းသလို မာမာကတော့ အသီးအရွက် အစိမ်းတွေနဲ့ ကော်ပြန့်စိမ်းလေး လိပ်ပြီး စားပါတယ် ဒီတစ်ခါတော့ ဟင်းချက်နည်းလေးကိုဘဲ အရင်ဆုံး မျှဝေပေးလိုက်ပါတယ်။
ပါဝင်ပစ္စည်းများ
- ဆိတ်သား - 500 g
- ကြက်သွန်နီ - အနေတော် တစ်လုံး
- ကြက်သွန်ဖြူ - အမွှာကြီးကြီး ငါးမွှာ
- ချင်း - လက်တစ်ဆစ်ခန့်
- အရသာမှုန့် - လက်ဖက်ရည်ဇွန်း တစ်ဝက်
- ပဲငံပြာရည်အပျစ် - ထမင်းစားဇွန်း တစ်ဇွန်း
- ဆား - လက်ဖက်ရည်ဇွန်း တစ်ဝက်သာသာ
- ဆီ - ထမင်းစားဇွန်း ငါးဇွန်း
- နနွင်းမှုန့် - လက်ဖက်ရည်ဇွန်း သုံးပုံတစ်ပုံ
ပြင်ဆင်ပုံ
- ဆိတ်သားကို အတုံးလိုက် ရေဆေးပြီး အရှည်လိုက် ပုံပါအတိုင်း လက်တစ်လုံးခန့် အထူလှီးထားပါ
- ချင်းကို အခွံခွာပြီး အမြှောင်းလိုက် အရှည်လိုက် လှီးထားပါ
- ကြက်သွန်နီကို အလုံးလိုက် အခွံခွာပြီး ရေဆေးကာ အကွင်းလိုက် ခပ်ထူထူ လှီးထားပါ
- ကြက်သွန်ဖြူ ကို အခွံခွာပြီး ရေဆေးကာ နှစ်မွှာကို ဓါးပြားရိုက်ပြီး ခပ်နုတ်နုတ် လှီးထားပါ
- ကျန်ကြက်သွန်ဖြူ သုံးမွှာကို အခွံခွာကာ ရေဆေးပြီး ညက်နေအောင် ထောင်းထားပါ
- ထောင်းထားသော ကြက်သွန်ဖြူ ပဲငံပြာရည်အပျစ် ဆား အရသာမှုန့် တို့နှင့်ရောမွှေကာ ဆိတ်သားကိုပါ ရောနယ်ပေးထားပါ
- ဆီကို အပူပေးပြီး နနွင်းမှုန့်ထည့်ကာ အရသာ နယ်ထားသော ဆိတ်သားကို ထည့်ကြော်ပါ
- ကြော်နေသော ဆိတ်သားမှ ထွက်လာသော အရည်များ မခမ်းတစ်ခမ်း အနေအထားရအောင် ကြော်ပေးပါ
- ရေနည်းနည်း ကျန်နေချိန်မှာ ဆိတ်သားကို ဘေးမှာခနတွန်းထားပြီး ကျန်နေသော အရည်ထဲမှာ ကြက်သွန်ဖြူ ကြက်သွန်နီ ချင်းတို့ကို နွမ်းသွားအောင် ကြော်လိုက်ပါ
- ကြက်သွန်များ နွမ်းသွားပါက ဆိတ်သားနှင့်ရောမွှေပြီး ရေခြောက်အောင် ကြော်ပေးပြီး စားပွဲပြင်နိူင်ပါပြီ။
No comments:
Post a Comment