Sunday, 13 March 2016

ပြည်ကြီးငါး အချိုကြော်


မနေ့က မာမာ့မွေးနေ့မို့ အလုပ်နည်းနည်းလေး များသွားခဲ့ပေမဲ့ ချစ်သူခင်သူတွေရဲ့ ဆုတောင်းသံတွေကြားမှာ အရမ်းကို ပျော်ခဲ့ပီတိဖြစ်ခဲ့ရပါတယ် အလုပ်လေး နည်းနည်းများသွားလို့ ဟင်းအသစ် မချက်ဖြစ်ခဲ့တာမို့လို့ အရင်ကြော်ထားတဲ့ ပြည်ကြီးငါး အချိုကြော်နည်းလေး မျှဝေလိုက်ပါတယ်။

ပြည်ကြီးငါး ချက်နည်းလေးသိချင်လို့ မေးလာတဲ့သူတွေ အတွက်ပါ ပြည်ကြီးငါးတို့ရဲ့သဘာဝ ရေငံငါးမို့နဲနဲလေး အနံ့ရှိပါတယ် သူ့ကိုအနံ့ပျောက်အောင် အရင်ဆုံး သံပုရာရည်နဲ့နယ်ပြီးဆေးပါတယ် ပြီးမှအရသာများနယ်ကာ ဆယ်မိနစ်လောက် နှပ်ထားပြီးမှ ကြော်ထားပါတယ်။

ကြက်သွန်နီကို မွှေးလာအောင် ကြော်ပြီးမှ ပြည်ကြီးငါးကို ကြော်ထားတာမို့ ငါးအနံ့ပိုပြီး ပျောက်စေပါတယ်။

ပါဝင်ပစ္စည်းများ
  • အကောင်လိုက် သန့်စင်ထားသော ပြည်ကြီးငါး - 300g 
  • ခပ်ပါးပါး လှီးထားသော ကြက်သွန်နီ - အနေတော် တလုံး
  • ဓါးပြားရိုက်ထားသော ကြက်သွန်ဖြူ -၂ မွှာ
  • ဆီ - ထမင်းစားဇွန်း ၇ဇွန်း
  • နနွင်းမှုန့် - လက်ဖက်ရည်ဇွန်း လေးပုံတပုံ
  • ပဲငံပြာရည် - ထမင်းစားဇွန်း တဇွန်း
ပြည်ကြီးငါး အရသာနယ်ရန်
  • ဆား - လက်ဖက်ရည်ဇွန်း တဝက်
  • အရသာမှုန့် - လက်ဖက်ရည်ဇွန်း တဝက်သာသာ
  • နနွင်းမှုန့် - လက်ဖက်ရည်ဇွန်း လေးပုံတပုံ
ပြင်ဆင်ပုံ
  • ဆီကိုအရင်ဆုံး အပူပေးပြီး ဆီပူလာတာနဲ့ နနွင်းမှုန့် ထဲ့ပေးပါ
  • ကြက်သွန်နီ ကြက်သွန်ဖြူ တို့ကိုထဲ့ပြီး မွှေးလာတဲ့ထိ ကြော်ပေးပါ
  • အရသာ နယ်ထားသော ပြည်ကြီးငါးကိုထဲ့ပြီး ကြော်ပေးပါ
  • ၂မိနစ်လောက် ကြော်ပြီးတာနဲ့ ငါးမှထွက်လာသော ရေခမ်းတဲ့ကြော်ပေးပါ
  • ရေခမ်ပြီး ဆိုတာနဲ့ ပဲငံပြာရည်ထဲ့ပြီး မွှေပေးပါ
  • မွှေးပြီး စားလို့ကောင်းလွန်းတဲ့ ပြည်ကြီးငါးကြော် မွှေးမွှေးလေးရပါပြီ။

No comments:

Post a Comment