အာလူးဆို ဘယ်လိုလုပ်ပေးပေး အရမ်းကြိုက်တဲ့ သားနဲ့သမီးအတွက် မကြာမကြာ လုပ်ပေးဖြစ်တဲ့ အကြော်လေးပါ ဒီလိုအကြော်လေးကြော်တိုင်း အမေနဲ့အဝေးဆုံးမှာ ရောက်နေတဲ့ သားကြီးကို အရင်ကထက် ပိုပြီးလွမ်းမိပါတယ် သူအရမ်းကြိုက်တဲ့ အာလူးကြော်လေး ပြေးပြီးတော့သာ ပို့လိုက်ချင်ပါတယ်ရှင်။
ပါဝင်ပစ္စည်းများ
- အာလူး - အလုံးကြီးကြီး ၃လုံး
- ဆား - လက်ဖက်ရည်ဇွန်း တဇွန်း (အာလူး အရသာနယ်ရန် ငရုတ်သီးကြော်ရန် တ၀က်စီသုံးပါ)
- အချိုမှုန့် - လက်ဖက်ရည်ဇွန်း တဇွန်း (အာလူးအရသာနယ်ရန် ငရုတ်သီးကြော်ရန် တ၀က်စီသုံးပါ)
- နနွင်းမှုန့် - လက်ဖက်ရည်ဇွန်း သုံးပုံတပုံ
- ငရုတ်သီး အကြမ်းမှုန့် - ထမင်းစားဇွန်း မောက်မောက် ၃ဇွန်း
- ကြက်သွန်ဖြူ - ၁၅မွှာခန့်
- ဆီ - လီတာဝက်
ပြင်ဆင်ပုံ
- အာလူးကို အခွံခွာကာ အခွံခွာတဲ့ ဓါးနဲ့ဘဲ ပါးပါးလှီးချပေးပါ
- အားလုံးပြီးရင် ရေများများနဲ့ ၃ခါလောက် ရေ ဆေးပေးပါ
- အာလူးအနှစ်တွေ ကုန်သွားရင် ရေအေးနဲ့ နာရီဝက်လောက် စိမ်ထားပေးပါ
- နာရီဝက်ပြည့်တာနဲ့ ရေစစ်ပြီး နနွင်း ဆား အချိုမှုန့် ထည့်နယ်ထားပေးပါ
- ဇောက်နက်တဲ့ အိုးကို အပူပေးပြီး ဆီ လီတာဝက်လောက်ထည့်ကာ အပူပေးပါ
- ဆီပူလာတာနဲ့ အာလူးကို အရည်စစ်ပြီး အနေတော် နည်းနည်းခြင်းယူကာ ဆီအိုးထဲထည့်ပြီး ကြော်ပေးပါ
- အကျက်ညီအောင် မကြာမကြာမွှေပေးပါ
- အာလူးကြွတ်ရွလာပြီး ရွှေဝါရောင်သန်းလာရင် ဆယ်ပြီးဆီစစ်ထားပေးပါ
- အာလူးကုန်တဲ့အထိ ကြော်ပေးပြီး အာလူးကြော်များကို အအေးခံထားပါ
- ကြက်သွန်ဖြူကို အခွံခွာ မညက်တညက်ထောင်းထားပါ
- ငရုတ်သီးလုံးခြမ်းကွဲကို အဆင်သင့် ပြင်ထားပါ
- အာလူးကြော်ထားသော ဆီများထဲမှ ဆီ ထမင်းစားဇွန်း လေးဇွန်းလောက်ကို အပူပေးပါ
- ဆီပူလာတာနဲ့ မီးရှိန်လျှော့ပြီး ကြက်သွန်ဖြူကို မွှေးလာအောင်ကြော် ပြီးတာနဲ့ ငရုတ်သီးမှုန့် အချိုမှုန့် ဆား အနေတော်ထည့်ကြော်ပေးပါ
- ကြော်ချိန်မကြာစေဘဲ ငရုတ်သီး ကျက်တာနဲ့ ပန်းကန်တခုထဲ ပြောင်းပြီးအအေးခံထား
- အာလူးကြော်နှင့် ငရုတ်သီးကြော်အေးတာနဲ့ ရောမွှေပြီး အာလူးအစပ်ကြော် စပ်စပ်လေးကို စားနိုင်ပါပြီ
No comments:
Post a Comment