Friday, 25 March 2016

ဆိတ်သားစဉ်းကော ဆီပြန်


ဒီနေ့တော့ ပေါင်မုန့် ထမင်း ပလာတာ ကီးမား ချပါတီ ပူရီတို့နဲ့ အဆင်ပြေသလို တွဲဖက်ပြီး စားနိူင်မဲ့ ဆိတ်သားစဉ်းကော ချက်ဖြစ်လို့ ချက်နည်းလေး မျှဝေလိုက်ပါတယ်။
ပါဝင်ပစ္စည်းများ

  • ဆိတ်သား - 500g
  • ကရဝေးရွက် - တရွက်
  • ကြက်သွန်နီ - အနေတော် တဥ
  • ကြက်သွန်ဖြူ - အမွှာကြီးကြီး ၃မွှာ
  • ချင်း - လက်တဆစ်ခန့်
  • မဆလာ - ထမင်းစားဇွန်း တဇွန်း
  • ဆား - လက်ဖက်ရည်ဇွန်း တ၀က်သာသာ
  • အရသာမှုန့်- လက်ဖက်ရည်ဇွန်း တ၀က်
  • နနွင်းမှုန့် - လက်ဖက်ရည်ဇွန်း သုံးပုံတပုံ
  • ငရုတ်သီး အရောင်တင်မှုန့် - လက်ဖက်ရည်ဇွန်း တဇွန်းမောက်မောက်
  • ဆီ - ထမင်းစားဇွန်း ၁၀ဇွန်း
ပြင်ဆင်ပုံ

  • ဆိတ်သားကို အတုံးလိုက်ရေဆေးပြီး ရေစစ်ထားပါ
  • ရေစစ်တာနဲ့ စဥ့်နီတုံးပေါ်တင်ပြီး အသားများ ကြေသွားတဲ့ထိ ဓါးနဲ့ နုတ်နုတ်စဉ်းပါ
  • စဉ်းထားသော အသားကို ဆား အရသာမှုန့် မဆလာ နနွင်းမှုန့်တို့နှင့်နယ်ပြီး ၁၀မိနစ်ေလောက် နှပ်ထားပါ
  • ကြက်သွန်နီကို ခပ်ပါးပါး လှီးထားပါ
  • ကြက်သွန်ဖြူကို ဓါးပြားရိုက်ပြီး ခပ်နုတ်နုတ် လှီးထားပါ
  • ချင်းကို အခွံခွာပြီးခပ်သေးသေး အချောင်းရှည်လေးတွေ လှီးထားပါ
ဟင်းချက်ရန်
  1. ဆီကိုအပူပေးပြီး ဆီအငွေ့ တက်လာတာနဲ့ ကြက်သွန်ဖြူ ကြက်သွန်နီ ချင်း ကရဝေးရွက် ငရုတ်သီးမှုန့်တို့ကို ထည့်ပြီးကြော်ပါ
  2. ဆီသတ်နံ့ မွှေးလာတာနဲ့ အရသာနယ်ထားသော အသားကို ထည့်မွှေပါ
  3. အသားများ လုံးထွေးမနေစေရန် ဇွန်းဖြင့်ဖိဖိချေကာ အရောင်ပြောင်းလာပြီး မာလာတဲ့ထိ မွှေပေးပါ
  4. ပြီးတာနဲ့ ရေမြုပ်အောင်ထည့်ပြီး အဖုံးဖုံးကာ တည်ပေးပါ
  5. ရေခမ်းကာနီး အိုးမကပ်စေရန် အထက်အောက် မွှေပေးပြီး ဆီပြန်လာတာနဲ့ အရသာမြည်းကာ လိုသလိုပြင်ပေးပြီး ပလာတာ ချပါတီ ပူရီ ကီးမား ပေါင်မုန့် ထမင်းတို့နှင် နှစ်သက်သလို သုံးဆောင်နိူင်ပါပြီ။

No comments:

Post a Comment