Monday, 14 March 2016

ချဉ်ငံစပ်သုပ်ထားတဲ့ ဂုံးသုပ်မွှေးမွှေးလေး




ဂုံးသုပ်လို့ နံမည်ပေးထားပေမဲ့ မြန်မာပြည်က ဂုံးလိုတော့ သိပ်ပြီးမမွှေးလှပါဘူး အသားတော့ မြန်မာပြည်က ဂုံးထက် ပိုပြီးထူပါတယ် seafood ၀ယ်တိုင်း ပါလာတာတတ်တာမို့ ဒီတခါတော့ သူ့ကိုသတ်သတ်ဖယ်ပြီး မြန်မာမှုပြုလိုက်တာပါ ဒီသုပ်နည်းလေးက မာမာ့အမေ ခနခနသုပ်ကျွေးတဲ့ နည်းအတိုင်း သုပ်ထားတာပါ တခါစားမိရင် နောက်တခါ ထပ်သုပ်စားချင်လောက်အောင် ကောင်းလွန်းပါတယ်။

စပါးလင် ရှောက်ရွက် ငရုတ်သီးစိမ်း ငရုတ်သီးအလှော်မှုန့် သံပုရာသီးတို့ကို နိုင်နိုင်သာ ထည့်ပြီု သုပ်လို့ကတော့ လျှာလည်စေတဲ့ အသုပ်တပွဲ ဖြစ်လာမှာပါ။

တပွဲစာ ပါဝင်ပစ္စည်းများပြင်ဆင်ရန်

  • ပြုပ်ပြီး အခွံခွာထားသော ဂုံး - 350g 
  • ငရုတ်သီးစိမ်း - စားနိူင်သလောက် 
  • စပါးလင် - အပင်အရင်းသား တလက်မသာသာ 
  • ကြက်သွန်နီ - ဥကြီးကြီး တဥ
  • ရှောက်ရွက် - နှစ်သက်သလောက်
  • သံပုရာသီး - လိုသလောက်
  • ပဲအကျက်မှုန့် - ထမင်းစားဇွန်း တဇွန်း
  • ငါးငံပြာရည် - ထမင်းစားဇွန်း တဇွန်း
  • ဟင်းချိုမှုန့် - လက်ဖက်ရည်ဇွန်း တ၀က်
  • ငရုတ်သီးအလှော်မှုန့် - ထမင်းစားဇွန်း တ၀က်သာသာ
  • ကြက်သွန်နီဆီချက် - ထမင်းစားဇွန်း ၂ဇွန်း
ဂုံးပြုပ်ရန်လိုအပ်သော ပစ္စည်းနှင့်ပြင်ဆင်ပုံ
  • အရင်ဆုံး ဇောက်နက်သော အိုးထဲမှာ ရေ တရုတ်ဟင်းရေသောက်ပန်းကန်လုံး ၂လုံးစာနှင့် ထုထားသော  စပါးလင်တလက်မခန့် ချင်း ခပ်ပါးပါးတပြား  ဓါးပြားရိုက်ထားသော ကြက်သွန်ဖြူ ၂မွှာ ဆားအနည်းငယ်တို့ထည့်ပြီး ရေဆူအောင်တည်ပါ
  • ရေကို ၅မိနစ်လောက် ပေးဆူစေပြီးမှ အစာအိတ်ဖယ်ထားသော ဂုံးများကို ထည့်ပေးပါ
  • ရေပွက်ပွက်ထဲမှာ  ၄မိနစ်လောက် ဆူပြီးတာနဲ့ ဇကာတခုထဲသွန်ချပြီး စပါးလင် ချင်း ကြက်သွန်ဖြူတို့ကို ဖယ်ထားပေးပါ

အသုပ်သုပ်ရန် လိုအပ်သောပစ္စည်းများ
  • ကြက်သွန်နီ - ဥကြီးကြီး တဥကို ပါးပါးလှီးပါပြီး ရေဆေးကာ စစ်ထားပေးပါ
  • ငရုတ်သီးစိမ်း - ၃တောင့်ကို ခပ်ပါးပါးလှီးထားပါ
  • စပါးလင် - ၂လက်မလောက် ခပ်ပါးပါးလှီးထားပါ
  • ရှောက်ရွက် - နှစ်သက်သလောက်ကို ပါးပါးရိတ်ရိတ် လှီးထားပါ
  • ငါးငံပြာရည် - ထမ်းစားဇွန်း တဇွန်း
  • ဟင်းချိုမှုန့် - လက်ဖက်ရည်ဇွန်း တဝက်
  • ငရုတ်သီးအလှော်မှုန့် - ထမင်းစားဇွန်း တ၀က်သာသာ
  • ကြက်သွန်နီဆီချက် - ထမင်းစားဇွန်း တဇွန်းခွဲ 
  • သံပုရာသီး - လိုသလောက်
  • ပဲအကျက်မှုန့် -ထမင်းစားဇွန်း တဇွန်း

ပြင်ဆင်ပုံ
  • ဇလုံကျယ်ကျယ် တလုံးထဲမှာ ပြုပ်ထားသော ဂုံးများ ကြက်သွန်နီ စပါးလင် ငရုတ်သီးအလှော်မှုန့် ငရုတ်သီးစိမ်း  ငံပြာရည် ဟင်းချိုမှုန့် ဆီချက် ရှောက်ရွက်တို့နှင့်အတူ သံပုရာရည်ညှစ်ပြီး ထည့်ကာ ခပ်ဖွဖွနယ်ပေးပါ
  • နယ်ပြီးပါက အရသာမြည်းပြီး  လိုသလိုပြင်ကာ ချဉ်ငံစပ်  ဂုံးသုပ်မွှေးမွှေးလေးကို နှစ်သက်သလို စားသုံးနိူင်ပါပြီ

No comments:

Post a Comment