Thursday, 19 May 2016

မြိတ် (ဘိတ်) ကပ်ကြေးကိုက်










ဆောင်းဦးရာသီလေးမှာ စားချင်နေတာက ပူစပ်ပူလောင် အစာလေးတွေဘဲ စားချင်နေမိတယ် ဒီနေ့တော့ မြိတ် ( ဘိတ်)ကပ်ကြေးကိုက်ကို ပူပူ စပ်စပ်လေး ကြော်ပလိုက်တယ်ပေါ့ရှင်။

ကြော်နည်းလေးတွေ ပါဝင်ပစ္စည်းလေးတွေ ထည့်ထားသော အချိုးအစားလေးတွေ ကွာကောင်း ကွာပါလိမ့်မယ် ကိုယ်ခံတွင်းလိုက်သလို ပြင်ဆင်ပြီး ကြော်ထားသော မြိတ် (ဘိတ်)ကပ်ကြေးကိုက်ကြော်သာ ဖြစ်ပါတယ် ဆိုတာလေးလည်း အသိပေးရင်း မာမာ့ကြော်နည်းလေး မျှဝေလိုက်ပါတယ်။

ပါဝင်ပစ္စည်းများ

  • ညှပ်ခေါက်ဆွဲအခြောက်ထုတ် - 300g
  • ပုဇွန်ထုတ် - ၁၅ကောင်ခန့်
  • ၀က်အူချောင်း - ၃ချောင်း
  • ပင်လယ်စာ ဂဏန်းချောင်း - ၃ချောင်း
  • ကင်းမွန် - အနေတော် ၃ကောင်
  • ပဲပင်ပေါက် - တရုတ်ဟင်းပြင်ပန်းကန် အသေးတလုံးမောက်မောက်
  • ပဲပြုပ် - လက်ဖက်ရည်အကြမ်း ပန်းကန်တလုံးစာ
  • ငရုတ်သီး အကြမ်းမှုန့် - ထမင်းစားဇွန်း ၂ဇွန်း
  • ကြက်သွန်ဖြူ - အမွှာကြီးကြီး ၇မွှာ
  • ဆား - လက်ဖက်ရည်ဇွန်း တဇွန်းသာသာ
  • သကြား - ထမင်းစားဇွန်း တဇွန်းခွဲ
  • ပဲငံပြာရည်အပျစ် - ထမင်းစားဇွန်း ၂ဇွန်း
  • ပဲငံပြာရည် အကြည် - ထမင်းစားဇွန်း တဇွန်း
  • ဗီနီကာ - ထမင်းစားဇွန်း ၂ဇွန်း
  • အချိုမှုန့် - လက်ဖက်ရည်ဇွန်း တဇွန်း
  • ဆီ - ထမင်းစားဇွန်း ၁၀ဇွန်း
  • ကြက်ဥ -၂လုံး
ပြင်ဆင်ပုံ
  • ညှပ်ခေါက်ဆွဲဖတ်ကို ရေတနာရီခန့်စိမ်ထားပြီး ရေနွေးဆူဆူမှာ ၂မိနစ်ခန့် ပြုပ်ပေးပါ
  • ခေါက်ဆွဲသား မတူနိူင်တဲ့အတွက် ပြုပ်နေချိန်မှာ ဆယ်ပြီး လက်နှင့် ဖိကြည့်ပါ
  • အနေတော်ရပြီဆိုရင် ရေသွန်ပေးပါ
  • ခေါက်ဆွဲဖတ်များ ပျော့လာပါက ဇကာထဲ သွန်ချကာ ရေဆေးပြီး ရေစစ်ထားပါ
  • ရေစစ်ထားသော ခေါက်ဆွဲဖတ်များကို ဇလုံကျယ်ကျယ် တလုံးထဲထည့်ပြီး ဗီနီကာ ဆား ပဲငံပြာရည်အပျစ် ပဲငံပြာရည်အကြည် သကြား အချိုမှုန့်တို့ထည့်ကာ ခပ်ဖွဖွ နယ်ထားပါ
  • ပုဇွန်ထုတ်ကို ရေဆေးပြီး အခွံခွာ ခေါင်းအမြှီးတို့ဖြုတ်ကာ ကြောဖက်မှ အမည်းကြောင်းကို ထုတ်ပြီး ရေစင်အောင်ဆေးကာ ရေစစ်ထားပါ
  • ၀က်အူချောင်းကို ခပ်စောင်းစောင်း လှီးထားပါ
  • ဂဏန်းချောင်းအသားကို ခပ်စောင်းစောင်း လှီးထားပါ
  • ပြည်ကြီးငါးကို သန့်စင်ပြီး လက်နှစ်လုံးလောက် အဖတ်လေးများ လှီးထားပါ
  • ကြက်သွန်ဖြူကို အခွံခွာပြီး ဓါးပြားရိုက်ထားပါ
  • ငရုတ်သီး အကြမ်းမှုန့်ကို ရေနွေးဆူဆူနှင့် လောင်းပြီးစိမ်ထားပါ
  • ဆီ ပဲပြုပ်နှင့်ပဲပင်ပေါက်တို့ကို အဆင်သင့် ပြင်ထားပါ
ကြော်ရန်ပြင်ဆင်ပုံ
  1. အရသာနယ်ထားသော ညှပ်ခေါက်ဆွဲဖတ် ပဲပင်ပေါက်နှင့် လိုအပ်သော ပစ္စည်းများကို အဆင်သင့်ပြင်ထားပါ
  2. ဆီ ထမင်းစားဇွန်း ၇ဇွန်းကို အပူပေးပြီး ဆီပူလာတာနဲ့ ကြက်သွန်ဖြူကို တမိနစ်လောက် ကြော်ပေးပါ
  3. ပြီးတာနဲ့ ပြည်ကြီးငါး ၀က်အူချောင်း ပုဇွန် ဂဏန်းချောင်းတို့ကို ၂မိနစ်ထည့်ကြော်ပြီး အဖတ်များ ဆယ်ထားပါ
  4. ပြီးတာနဲ့အိုးထဲမှာ ကျန်နေသော အရည်များထဲသို့ ရေနွေးစိမ်ထားသော ငရုတ်သီးအကြမ်းဖတ်များ ထည့်မွှေပြီး ပဲပင်ပေါက်နှင့် အရသာနယ်ထားသော ညှပ်ခေါက်ဆွဲဖတ်များကို ၂မိနစ်လောက် ထည့်ကြော်ပြီး ဇလုံတလုံးထဲသို့ ပြောင်းထည့်ထားပါ
  5. ဒယ်အိုးထဲကို ဆီ ထမင်းစားဇွန်း ၃ဇွန်းထည့်ပေးပြီး အပူပေးပါ
  6. ဆီပူလာတာနဲ့ကြက်ဥကို ဖောက်ထည့်ပြီး အနှစ်နှင့်အကာကို ရောသွားအောင် ခေါက်ပြီး ဖြန့်ပေးပါ
  7. ကြက်ဥကျက်တာနဲ့ ကြော်ထားသော အသားများ ပဲပြုပ် ခေါက်ဆွဲများထည့်ပြီး သမအောင် မွှေကာ မီးပိတ်ပေးပါ
  8. ပူစပ်ပူလောင်လေးနဲ့ အရသာရှိလွန်းတဲ့ မြိတ် (ဘိတ်) ကပ်ကြေးကိုက်ကြော်ကို သုံးဆောင်နိူင်ပါပြီ။





No comments:

Post a Comment