Monday, 16 May 2016

အိမ်ချက် ပဲနီလေး မုန့်ဟင်းခါး မွှေးမွှေးလေး














မုန့်ဟင်းခါးလို့ ကြားလိုက်တာနဲ့ မနေနိူင်အောင် စားချင်စိက်က ဖြစ်တတ်ပါတယ် ချက်နည်းတွေ အမျိုးမျိုးရှိကြမို့လို့ ဘယ်ချက်နည်းက မှန်တယ် ဘယ်ချက်နည်းက မှားတယ်တော့ အညင်းမပွားစေလိုပါ။

မြန်မာပြည်မှာ နေစဉ်က မြန်မာပြည် တနံတလျှားက ဆေးရုံတွေမှာ အမျိုးသား တာဝန်ကျတိုင်း တောင်ပေါ်တောင်အောက် မြေပြန့် ဒေသအစုံမှာ နေခဲ့ဖူးပြီး ဒေသအစုံက မုန့်ဟင်းခါးကိုလဲ ရောက်လေရာမှာ ပထမ ဦးစားပေး အစာအဖြစ် အမြဲစားလေ့ ရှိပါတယ်။

ငါးခူနဲ့ချက်မှ မုန့်ဟင်းခါးမမည်ပါ မုန့်ဟင်းခါးမှာ ပါတတ်တဲ့အစာတွေကို အခြေခံပြီး ချက်ရင် မုန့်ဟင်းခါးပါဘဲ နာဂတောင်တန်းမှာ နေခဲ့စဉ်က ငါးအစိုလတ်လတ်ဆတ် မရလေတော့ မုန့်ဟင်းခါးကို ငါးသေတ္တာဗူးဖောက်ပြီး ရအောင်ချက်ခဲ့ဖူးသလို အညာဒေသတခုမှာ မုန့်ဟင်းခါးကို ကြက်သားနဲ့ ချက်တာကိုလဲ စားဖူးပါတယ်။

မှော်ဘီမြို့နယ်နားက ရွှေမြယာရွာ ကျွဲကူးအရှေ့ဘက်ကမ်းရွာတွေမှာ မုန့်ဟင်းခါးကို ပဲအစား ရွှေဖရုံသီးနဲ့ချက်ပါတယ် အဲဒီလိုပါဘဲ ဒေသမတူသလို ချက်နည်းတွေလဲ ကွဲတတ်ကြပါတယ် ငှက်ပျောအူပါမှ မုန့်ဟင်းခါးလို့ပြောကြပေမဲ့ ငှက်ပျောအူမပါဘဲ ချက်တဲ့မြို့တွေလဲ ရှိပါတယ် ငှက်ပျောအူ အစားထိုး ကြာစွယ်ထည့်တတ်သလို ကြာစွယ်အစား ကြက်သွန်နီဥနဲ့ ချက်ကြတာတွေလဲ ရှိကြပါတယ်။

ထိုနည်းတူပါဘဲ ဆန်လှော်မှုန့် မပါလို့ မုန့်ဟင်းခါး မဟုတ်ဖူးလို့ ပြောလို့မရပါ ဆန်လှော်မှုန့်အစား ရွှေကြည်အလှော်မှုန့်ကိုလဲ သုံးပြီးချက်နိူင်ပါတယ် အဲဒီလိုပါဘဲ ကုလားပဲဆံအစား ပဲနီလေး ပဲဝါလေးတို့ကို အစားထိုးပြီး ထည့်ချက်နိူင်ပါတယ်။

ဒါကြောင့်မို့ အဆင်ပြေသလို မုန့်ဟင်းခါးအိုး တလုံးဖြစ်လာအောင် ရိုးရာအစာတခုဖြစ်တဲ့ မုန့်ဟင်းခါး ချက်နည်းများကို အခြေခံပြီး အရသာ မပျောက်အောင် ချက်ကြည့်စေချင်ပါတယ်။

ငါးပြုပ်ရန် ပါဝင်ပစ္စည်းများ

  • ဘာဆာငါး - တကီလို (တခြားငါးများကို အစားထိုးပြီး ချက်နိူင်ပါတယ်)
  • ငါးငံပြာရည် - ထမင်းစားဇွန်း ၈ဇွန်း
  • ဆား - လက်ဖက်ရည်ဇွန်း တဇွန်း
  • နနွင်း - လက်ဖက်ရည်ဇွန်း လေးပုံတပုံ
  • ငရုတ်သီးအခြောက်တောင့် - ၇တောင့်
  • ထုပြီးလိမ်ထားသော စပါးလင် - ၃ပင်
  • ငါးကိုရေမြုပ်အောင်ထည့်ပြုပ်ပြီး ငါးနူးလျှင် အအေးခံပြီး ငါးကိုချေထားပါ
  • ဘာဆာငါးအစား ငါးခူ ငါးကျဉ်း ငါးရံ့ ငါးမြစ်ချင်း ငါးချင်း တို့လဲ သုံးနိူင်ပါတယ်
  • အရိုးပါတဲ့ငါးဆိုရင်တော့ အရိုးအသားသတ်သတ်စီ ထွင်ထားပေးပါ
ငါးဆီသတ်ရန် လိုအပ်သောပစ္စည်း

ငါးပြုပ်အရည်ငင်ရန်
  • ငါးပြုပ်ထဲမှ စပါးလင်နှင့်ငရုတ်သီးတောင့်ကို ရောထောင်းပါ အရိုးပါသောငါးဖြစ်ပါက ထွင်ထားသောအရိုးပါ ထည့်ထောင်းပေးပါ
  • အားလုံးထောင်းပြီးပါက ငါးပြုပ်ရည်လက်ကျန်နှင့်ရေ အနည်းငယ်ရောကာ ထောင်းတာတာတွေထည့်ပြီး အရည်ငင်ထားပေးပါ
  • အရည်စစ်ပြီးသော စပါးလင်ဖတ်များကို လွှင့်ပြစ်ပါ

ဆီသတ်ဖို့ပြင်ဆင်ရန်
  • စပါးလင် ၁၅ပင်ခန့်ကို ပါးပါးလှီးထားပါ
  • ချင်း၅ကျပ်သားကို အခွံခွာပြီး ပါးပါးလှီးထားပါ
  • ကြက်သွန်ဖြူအမွှာကြီးကြီး ၃၀လောက်ကို အခွံခွာထားပါ
  • အားလုံးအဆင်သင့်ဖြစ်ပြီဆို ဘလင်ဒါထဲအားလုံးထည့်ပြီး တမိနစ်ကြိတ် တခါနားကာ ၁၀မိနစ်ကြိတ်ပါ
  • ဘလင်ဒါမရှိက ငရုတ်ဆုံနှင့် ညက်နေအောင်ထောင်းပါ
  • ကြက်သွန်နီ ကြီးကြီး၃လုံးကို ပါးပါးလှီးထားပါ

ဆီသတ်နည်း
  • ဆီ၁၅ကျပ်သားကို အပူပေးပြီး နနွင်းမှုန့်လက်ဖက်ရည်ဇွန်း တ၀က်ကိုထည့်ပြီးပါးပါးလှီးထားသော ကြက်သွန်နီကို မွှေးလာအောင်ကြော်ပြီး ငရုန်သီးအရောင်တင်မှုန့်  ထမင်းစားဇွန်း၂ဇွန်း ထည့်မွှေပေးပါ
  • ငရုတ်သီးနံ့မွှေးလာပါက ကြိတ်ထားသော စပါးလင်များကိုထည့်ဆီသတ်ပေးပါ 
  • ၅မိနစ်လောက် မွှေပြီးတာနဲ့ငါးပြုပ်အသားထွင်ထားတာများကို ၅မိနစ်လောက် ထည့်မွှေပါ
  • ပြီးတာနဲ့ငါးပြုပ် အရည်ငင်ထားတာကိုထည့်ပြီး အရသာမှုန့် လက်ဖက်ရည်ဇွန်းမောက်မောက် တဇွန်း ထည့်ကာ ဆီသတ်ထားသောငါးများ ခြောက်လာတဲ့ထိ မွှေပေးပါ
  • ငါးဆီသတ်ခြောက်လာပါက အအေးခံပြီး ရေခဲသေတ္တာအပေါ်ထပ်မှာ ခဲထားကာ မုန့်ဟင်းခါးချက်ခါနီးမှ လိုသလောက်ထုတ်သုံးနိူင်ပါပြီ။

မုန့်ဟင်းရည်ချက်ရန်
  • ငါးဆီသတ်ပြီးသား လက်ဖက်ရည် အကြမ်းပန်းကန် - တလုံးမောက်မောက် (ဖိထည့်ပေးပါ)
  • နူးအိနေအောင် ပြုပ်ထားသော ပဲနီလေး - လက်ဖက်ရည်အကြမ်းပန်းကန် တလုံး
  • အခွံခြွတ်ပြီး မညက်တညက် ထောင်းပြီးသော မြေပဲလှော် - ထမင်းစားဇွန်း ၃ဇွန်း
  • ဆန်လှော်မှုန့် ထမင်းစားဇွန်း - ၇ဇွန်းခန့် (ရေအေးအနည်းငယ်နှင့် ရေမြုပ်အောင်ထည့်ပြီး ဖျော်ထားပါ )
  • အခွံခွာပြီး ရေဆေးထားသော ကြက်သွန်နီ - ခပ်သေးသေး ၁၀လုံးခန့်
  • ကြက်ဥ သို့မဟုတ် ဘဲဥပြုပ် - ၇လုံး
  • ငါးငံပြာရည် - ထမင်းစားဇွန်း၂ဇွန်း
  • ဆား - လက်ဖက်ရည်ဇွန်း တဇွန်း
  • ညက်နေအောင် ထောင်းထားသော - ငရုတ်ကောင်းမှုန့် လက်ဖက်ရည်ဇွန်း တဇွန်းသာသာ
  • အရသာမှုန့် - လက်ဖက်ရည်ဇွန်း တ၀က် (မထည့်လဲရ )
  • ရေ - တရုပ်ဟင်းရည်သောက်ပန်းကန်လုံး ၃လုံး

ပြင်ဆင်ပုံ


  • ကြက်ဥပြုပ် ၂လုံးကို ခပ်ပါးပါး လှီးထားပါ
  • ဇောက်နက်သော အိုးတလုံးထဲမှာ ပြုပ်ထားသော ပဲနီလေးကို ကျေအောင်ချေလိုက်ပါ
  • ထိုအိုးထဲမှာ ရေ ငါးဆီသတ်နှင့် မြေပဲထောင်းများထည့်ကာ မီးအနေတော်နှင့် တည်ပေးပါ
  • ရေပွက်ပွက်ဆူလာပါက ကြက်သွန်နီဥကို ထည့်ပေးပါ
  • ကြက်သွန်နီဥများ နူးလာပါက အရည်ဖျော်ထားသော ဆန်မှုန့်ကို ထည့်မွှေပေးပါ
  • အိုးအောက်ခြေ မကပ်စေရန် မကြာမကြာမွှေပေးပါ
  • ဆန်လှော်နှစ်အရည် ပြစ်လာပါက လှီးထားသောကြက်ဥနှင့် ငရုတ်ကောင်းမှုန့် ဆား ငံပြာရည်တို့ ထည့်မွှေပေးပါ
  • ကြက်သွန်ဥများနူးပါက ဟင်းရည်အရသာမြည်းပြီး လိုသလိုပြင်ပေးကာ မီးကို လျော့ထားပြီး မီးဖိုပေါ်မှာဘဲ တင်ထားပေးပြီး သုံးဆောင်နိူင်ပါပြီ။
  • ဟင်းရည် ပြစ်ပြစ် မကြိုက်ပါက ရေနွေးဆူပြီးသားကို လိုသလောက်ထပ်ရောပြီး အရသာကို နည်းနည်းပြင်ပေးနိူင်ပါတယ်။

  • ငှက်ပျောအူ မရှိပါက ကြာစွယ်ထည့်ချက်နိူင်ပြီး မထည့်လဲရပါတယ်
  • ဆန်လှော်မှုန့်မရှိက ရွှေကြည်အလှော်မှုန့်ကို ဆန်မှုန့်အချိုးအစားထက် နည်းနည်းလျော့ထည့်ပြီး ထည့်ချက်နိူင်ပါတယ်။

No comments:

Post a Comment