Tuesday 19 July 2016

အိန္နိယစတိုင်လ် ကြက်ဥချဉ်ရည်ဟင်း



​ကြက်ဥချဉ်ရည်ဟင်းလေး ချက်မယ်လို့ စိတ်ကူးမိတော့ အရင်ချက်နေကျ အိမ်မှာချက်နေကျ ချက်နည်းတွေက ပြောင်းထွက်ပြီး ဘယ်လိုလေး ချက်ရင်ကောင်းမလဲ စဉ်းစားကာ ချက်နည်းအသစ်လေး ဘာလေး တွေ့လိုတွေ့ညား ယူကျူ့မှာ လိုက်ကြည့်ပြီး အိန္ဒိယစတိုင် ချက်နည်းတွေ့တာနဲ့ ချက်နည်းယူကာ ချက်လိုက်ပါတယ်။

ချက်ကြည့်ပြီး စားလို့ကောင်းတဲ့အတွက် ချက်နည်းလေးကို ပြန်လည်ပြီး မျှေ၀လိုက်ပါတယ် မူရင်းချက်နည်းကိုတော့ face book မှာ share ပေးထားပါတယ်။

ပါ၀င်ပစ္စည်းများ
  1. ကြက်ဥ - ၅လုံး
  2. အာလူး - အနေတော် ၄လုံး
  3. ကြက်သွန်နီ - အလုံးကြီးကြီး တစ်လုံး
  4. ခရမ်းချဉ်သီး - ready made လှီးပြီးသားဗူး  200 ml (သို့မဟုတ်)
  5. ခရမ်းချဉ်သီး - အနေတော် ၅လုံး
  6. နံနံစေ့ - လက်ဖက်ရည်ဇွန်း တစ်၀က်က
  7. ကရဝေးရွက် - ၂ရွက်င
  8. ရုတ်သီး အရောင်တင်မှုန့် - လက်ဖက်ရည်ဇွန်း တစ်ဇွန်း
  9. အချိုမှုန့် - လက်ဖက်ရည်ဇွန်း တစ်ဇွန်း
  10. Ghee ကုလားထောပတ် - ထမင်းစားဇွန်း တစ်ဇွန်း
  11. ဇီယာစေ့ - လက်ဖက်ရည်ဇွန်း တစ်၀က်
  12. မုန့်ညှင်းစေ့ - လက်ဖက်ရည်ဇွန်း တစ်၀က်
  13. နနွင်းမှုန့် - လက်ဖက်ရည်ဇွန်း တစ်၀က်
  14. ငရုတ်သီးအခြောက်တောင့် - ၅တောင့်
  15. ငရုတ်သီးစိမ်း - အတောင့်ကြီးကြီး ၃တောင့်
  16. နံနံပင် - အနည်းငယ်
  17. ဒိန်ချဉ် - ထမင်းစားဇွန်း ၂ဇွန်း
  18. ဆီ  ထမင်းစားဇွန်း ၃ ဇွန်း 
  19. ဆား - လက်ဖက်ရည်ဇွန်း တစ်ဇွန်း 
  20. အချိုမှုန့် - လက်ဖက်ရည်ဇွန်း တစ်ဇွန်း
  21. ရေ - နှစ်ခွက်ခွဲ

ပြင်ဆင်ပုံ
  • ကြက်ဥကို ကျက်အောင်ပြုပ်ပြီး အခွံခွာကာ ပါတ်ပါတ်လည် ၄ချက်လောက် မွှန်းထားပါ
  • အာလူးကို နူးအောင်ပြုပ်ပြီး အခွံခွာကာ အနေတော် အတုံးလေးတွေ လှီးထားပါ
  • ကြက်သွန်နီကို အခွံခွာပြီး အလုံးလိုက် ရေဆေးကာ ခပ်နုတ်နုတ် လှီးထားပါ 
  • ကြက်သွန်ဖြူကို အခွံခွာပြီး ရေဆေးကာ ခပ်နုတ်နုတ် လှီးထားပါ
  • ငရုတ်သီးစိမ်းကို ရေဆေးကာ ခပ်ပါးပါး လှီးထားပါ
  • လတ်လတ်ဆတ်ဆတ် ခရမ်းချဉ်သီးကို သုံးမည်ဆိုပါက နူးအောင်ပြုပ်ပြီး အခြံခြါကာ ခပ်သေးသေးလေးတွေ လှီးထားပါ
  • Ready made လှီးပြီးသား ခရမ်းချဉ်သီး ဗူးသုံးပါက အဆင်သင့် ပြင်ထားပါ
  • နံနံပင်ကို ရေဆေးပြီး အနေတော်အရွယ် လှီးထားပါ
  • ကျန်လိုအပ်သော ပစ္စည်းများကို အဆင်သင့် ပြင်ထားပါ
ဟင်းချက်ရန် ပြင်ဆင်ပုံ
  • ဇောက်နက်သော အိုးတစ်လုံးမှာ ဆီနှင့် ကုလားထောပတ်ကို ထည့်ပေးပြီး အပူပေးပါ
  • ဆီပူလာလျှင် နံနံစေ့ ဇီယာစေ့ နှင့် မုန်ညင်းစေ့တို့ကို ထည့်ပေးပြီး အနည်းငယ် အပူပေးပါ
  • အစေ့အဆံများ ဆီအိုးထဲမွာ အနည်းငယ် ပေါက်လာတာနဲ့ နနွင်းမှုန့် နှင့် ကရဝေးရွက်ကို ထည့်ပြီး ၃ချက်လောက် မွှေပေးပါ
  • ကြက်သွန်နီ ကြက်သွန်ဖြူနှင့် ငရုတ်သီးစိမ်းတို့ကိုထည့်၍ နွမ်းသွားတဲ့အထိ မွှေကြော်ကြော်ပေးပါ
  • ကြက်သွန်များ နွမ်းလာတာနဲ့ ငရုတ်သီး အရောင်တင်မှုန့်နှင့် ခရမ်းချဉ်သီးတို့ ထည့်ပေးကာ ခရမ်းချဉ်သီးများ နွမ်းသွားအောင် မွှေပေးပါ
  • ခရမ်းချဉ်သီးများ နွမ်းလာတာနဲ့ ဒိန်ချဉ်ထည့်ပြီး  တစ်မိနစ်ခန့် မွှေပေးပါ
  • ပြီးတာနဲ့ ငရုတ်သီး အခြောက်တောင့် ရေ အချိုမှုန့်နှင့် ဆားတို့ထည့်ကာ အိုးအဖုံး ဖုံးပြီး ရေဆူအောင်တည်ပေးပါ
  • ရေဆူလာတာနဲ့ လှီးထားသော အာလူးပြုပ်နှင့် ကြက်ဥပြုတ်တို့ ထည့်ပေးကာ အိုးအဖုံး ဖုံးပြီး ရေပွက်ပွက်ဆူအောင် တည်ပေးပါ
  • ရေပွက်ပွက်ဆူလာတာနဲ့ အရသာမြည်းပြီး လိုသလို ပြင်ပေးကာ နံနံပင်ထည့်ပေးပါ
  • ပြီးတာနဲ့ မီးပိတ်၍ အိန္ဒိယစတိုင်လ် ဒိန်ချဉ်ကြက်ဥ ချဉ်ရည်ဟင်း မွှေးမွှေးလေးကို စားသုံးရန် ပြင်ဆင်နိူင်ပါပြီ။

No comments:

Post a Comment