Saturday, 23 July 2016

အမဲသား အမွကြော်









အမဲသားအမွကြော် အိမ်မှာမစားပေမဲ့ အလှူတခုကို ယူသွားဖို့ ကြော်ထားတာပါ စားလို့ကောင်းလွန်းလို့ ကြော်နည်းလေး တောင်းသူတွေအတွက် မျှဝေလိုက်ပါတယ်ရှင်။

ပါဝင်ပစ္စည်းများ

  • အမဲသား – 1000 g
  • အရသာမှုန့် - လက်ဖက်ရည်ဇွန်း ၂ဇွန်း
  • ကြက်သွန်နီ - အလုံးကြီးကြီး ၅လုံး
  • ချင်း - တလက်မခန့်
  • နနွင်းမှုန့် - လက်ဖက်ရည်ဇွန်း တဇွန်း (အသားအရသာနယ်ရန်နှင့် ကြက်သွန်ကြော်ရန် တ၀က်ဆီခွဲသုံးပါ)
  • ဆား - လက်ဖက်ရည်ဇွန်း တဇွန်း
  • ဆီ - ဟင်းခတ်ဇွန်းကြီး ၈ဇွန်းခန့်
  • ရေ - 2cups
ပြင်ဆင်ပုံ
  • အမဲသားကို ရေဆေးပြီး အမဲသားကို အရှည်လိုက် ပုံပါအတိုင်း အတုံးလေးတွေ တုံးပေးထားပါ
  • ချင်းကို အခွံခွာပြီး ခပ်ပါးပါး လှီးထားပါ
  • ကြက်သွန်နီကို အခွံခွာပြီး အလုံးလ်ိုက်ရေဆေးကာ ပါးပါးလေးတွေ လှီးပေးပါ
  • ခပ်ပါးပါး လှီးထားသော ကြက်သွန်နီများကို လက်နှင့် ဆုတ်ဆုတ်ချေပြီး ဖွထားပါ
  • ဇောက်နက်သော အိုးတလုံးထဲမှာ ချင်းပြား အမဲသား ဆား နနွင်းမှုန့် အရသာမှုန့်တို့နှင့် အရသာဝင်အောင် နယ်ထားပြီး အနည်းဆုံး တနာရီလောက် နှပ်ထားပါ
  • ပြီးတာနဲ့ အိုးထဲရေထည့်၍ အဖုံးဖုံးကာ မီးအနေတော်နဲ့ တည်ထားပေးပါ
  • အသားအိုး တည်ထားစဉ် အရသာဝင်စေရန်နှင့် အသားအကျက်ညီစေရန် ၂ခါသုံးခါလောက် လှန်ပေးပါ
  • ရေတ၀က်လောက် ခမ်းသွားတာနဲ့ မီးကို အနည်းငယ် ထပ်လျှော့ပေးပြီး ရေခမ်းတဲ့အထိ တည်ပေးထားပါ
  • ရေခမ်းကာနီးပါက ဟင်းအိုးတူးပြီး ကပ်စေနိူင်တဲ့အတွက် သတိထားပြီး ကြည့်ပေးပါ
  • ရေအကုန်လုံး ခမ်းသွားတာနဲ့ အသားများကို အအေးခံပေးထားပါ
  • အသားများ အေးသွားတာနဲ့ ချင်းဖတ်များနှင့်အတူ အသားများကို ငရုတ်ဆုံထဲထည့်ပြီး  မွသွားအောင် သေသေချာချာ ထုပေးပါ
  • ထုပြီးတာနဲ့ အသားအမြောင်းလေးများ ဖြစ်လာအောင်  ဖွထားပေးပါ
  • ကြက်သွန်နီကြော်ရန် အိုးတလုံးထဲ ဆီထည့်၍ အပူပေးပါ
  • ဆီပူလာတာနဲ့ နနွင်းမှုန့်ထည့်ပြီး ကြက်သွန်ကို တ၀က်ဆီထည့်ပြီ ၀ါရောင်သန်းလာတဲ့အထိ ကြော်ပေးပြီး ဆယ်၍ ဆီစစ်ထားပါ
  • ကျန်နေသော ကြက်သွန်နီကိုလဲ အထက်ပါနည်းအတိုင်း ကြော်ပြီး ဆီစစ်ထားပါ
  • ထိုဆီအိုးထဲမှာဘဲ ဖွထားမွထားသော အမဲသားကို မီးအနေတော်လောက်နှင့် ၁၅မိနစ်လောက် ကြော်ပေးပြီး ကြွတ်လာတာနဲ့ ဆယ်ပြီးဆီစစ်ထားပါ
  • ၂မျိုးလုံး အေးသွားပြီဆိုတာနဲ့ ဇလုံကျယ်ကျယ်ထဲမှာ ရောပြီးမွှေပေးပါ
  • မွှေးပြီးချိုနေသော အမဲသားအမွကြော်ကို ပေါင်မုန့် ထမင်းတို့နဲ့ နှစ်သက်သလို စားနိူင်အောင် ပြင်ဆင်နိူင်ပါပြီ။


No comments:

Post a Comment