Friday, 7 April 2017

ငါးကျည်းကြပ်တိုက် ချဉ်စပ်








ငါးကျည်းကြပ်တိုက်ကို အချိုချက် အချဉ်ချက်ဆိုပြီး အမျိုးမျိုးလုပ်စားကြပေမဲ့ ဒီတခါတော့ ခရမ်းချဉ်သီးနဲ့ အစပ်ချက်လေး ချက်ဖြစ်ခဲ့လို့ ထမင်းမိန်စေမှာမို့ ချက်နည်းလေး မျှဝေလိုက်ပါတယ်။

ပါဝင်ပစ္စည်းများ

  • ငါးကျည်းကြပ်တိုက် -  အကောင်ကြီးကြီး ၁၂ကောင်ခန့်
  • ခရမ်းချဉ်သီး  - ခပ်ကြီးကြီး ၂လုံး
  • ကြက်သွန်နီ - အနေတော် တလုံး
  • ကြက်သွန်ဖြူ - အမွှာကြီးကြီး ၄မွှာ
  • ငါးငံပြာရည် - ထမင်းစားဇွန်း ၂ဇွန်း
  • နနွင်းမှုန့် - လက်ဖက်ရည်ဇွန်း သုံးပုံတပုံ
  • အရသာမှုန့် - ထမင်းစားဇွန်း တ၀က်သာသာ
  • ငရုတ်သီး အစိမ်းမှုန့် - လက်ဖက်ရည်ဇွန်း ၁ဇွန်းမောက်မောက်
  • ဆီ - ထမင်းစားဇွန်း ၈ဇွန်း
ပြင်ဆင်ချက်ပြုပ်ပုံ
  • ငါးကြည်းကြပ်တိုက်ခြောက်ကို ရေနာရီဝက်လောက် စိမ်ထားပြီး နူးလာပါက အရိုးထွင်ပြီး အသားကို မွှထားပါ
  • ခရမ်းချဉ်သီးက်ု ခပ်ပါးပါးလှီးထားပါ
  • ကြက်သွန်နီကို အခွံခွာပြီး အလုံးလိုက်ရေဆေးကာ ခပ်နုတ်နုတ် လှီးထားပါ
  • ကြက်သွန်ဖြူကို အခွံခွာပြီး ခပ်နုတ်နုတ် လှီးထားပါ
  • အားလုံး အဆင်သင့်ဖြစ်ပါက ဒယ်အိုးဇောက်နက်နက်ထဲ ဆီထည့်ကာ ဆီကိုအပူပေးပြီး နနွင်းမှုန့် ထည့်ပါ
  • ပြီးတာနဲ့ ကြက်သွန်အဖြူ အနီကို အရင်ဆုံး တမိနစ်လောက် ကြော်ကာ ငရုတ်သီးမှုန့်ကို မိနစ်ဝက်လောက် ထည့်ကြော်ပေးပါ
  • ပြီးတာနဲ့ ခရမ်းချဉ်သီးကို ကျေသွားအောင် ထည့်မွှေပေးပါ
  • ခရမ်းချဉ်သီး ကျေတာနဲ့ ထွင်ထားသေား ငါးအသားများထည့်မွှေပြီး ငါးငံပြာရည်နှင့် အရသာမှုန့်တို့ထည့်မွှေပါ
  • အိုးမကပ်အောင် မကြာမကြာမွှေပေးကာ ဆီပြန်ပြီး ကြွတ်လာတဲ့အထိ တည်ပေးပါ
  • ခရမ်းချဉ်သီး အရည်ခမ်းပြီး ငါးကျည်းကြပ်တိုက် ကြွတ်မွလာပါက ငါးကျည်းကြပ်တိုက်ခြောက် ချဉ်စပ်ကြော်ဟင်းကို အရသာရှိစွာ စားသုံးနိုင်ပါပြီ။

No comments:

Post a Comment