Wednesday 5 April 2017

ငါးငပိချက် စပ်စပ်လေး





ဆောင်းရာသီလေး ၀င်လာပြီမို့လို့ ဒီနေ့တော့ စပ်နေတဲ့အစာလေးတွေ စားချင်လာမိပြန်တယ် ဒါကြောင့်မို့  ထမင်းမိန်မိန် စားရလေအောင် ငါးငပိချက်လေး ချက်ဖြစ်လို့ ချက်နည်းလေး ထပ်မံပြီး မျှဝေလိုက်ပါတယ်။


ပါဝင်ပစ္စည်းများ

  1. နုတ်နုတ်စဉ်းထားသော ဘာဆာငါး - 300 g (အရိုးထွင်ပြီးသား မည်သည့်ငါးနှင့်မဆို ချက်နိုင်ပါတယ် )
  2. ငရုတ်သီးအကြမ်းမှုန့် - ထမင်းစားဇွန်း သုံးဇွန်း (အစပ်မစားလျှင် လျော့ထည့်ပါ)
  3. ပါးပါးလှီးထားသော ကြက်သွန်နီ - အနေတော် တစ်လုံး
  4. နုတ်နုတ်စဉ်းထားသော ကြက်သွန်ဖြူ - ၄မွှာခန့်
  5. ပါးပါးလှီးထားသော ခရမ်းချဉ်သီး - အလုံးကြီးကြီး ၅လုံး (သို့မဟုတ်) ready made ၄၀၀ဂရမ်ဗူးကို သုံးပေးပါ
  6. အခွံခွာပြီး ရေဆေးထားသော ထောင်းထားသော  ကြက်သွန်ဖြူ - ၅မွှာ
  7. ဆီ လက်ဖက်ရည်အကြမ်းပန်းကန် - ဟင်းခတ်ဇွန်းကြီး တဇွန်းခွဲ
  8. နနွင်းမှုန့် - လက်ဖက်ရည်ဇွန်း သုံးပုံတစ်ပုံ
  9. ငံပြာရည် - ထမင်းစားဇွန်း သုံးဇွန်း
  10. ကျိုထားသော ငါးပိရည်ကျိုပျစ်ပျစ် - လက်ဖက်ရည်ပန်းကန် တစ်လုံး
  11. အရသာမှုန့် - လက်ဖက်ရည်ဇွန်း တစ်ဇွန်း
  12. နံနံပင် - နှစ်သက်သလောက် ရေဆေးပြီး အနေတော် လှီးထားပါ


ပြင်ဆင်ပုံ
  • ဒယ်အိုးထဲမှာ ဆီနှင့် နနွင်းမှုန့်ကို ထည့်ပြီး အပူပေးပါ။
  • ဆီပူလာတာနဲ့ကြက်သွန်နီနှင့် ကြက်သွန်ဖြူကို နွမ်းအောင်ကြော်လိုက်ပါ။
  • ကြက်သွန်များ နွမ်းလာတာနဲ့ ငရုတ်သီးမှုန့်ကိုထည့်ပြီး မွှေးလာတဲ့ထိ ကြော်ပေးပါ။
  • ငရုတ်သီးမှုန့် အနံ့လေး မွှေးလာတာနဲ့ ငါးနှင့်ငါးငံပြာရည်ထဲ့ကာ ငါးအသားများ မွလာတဲ့အထိ ကြော်ပေးပါ။
  • ငါးအသားများ မွလာတာနဲ့ ခရမ်းချဉ်သီးကိုထဲ့ပြီး ခရမ်းချဉ်သီး အသားကျေလာကာ အခွံများ လိတ်လာတဲ့ထိ မွှေပြီးချက်ပေးပါ။
  • ခရမ်းချဉ်သီး အခွံများ လိတ်လာတာနဲ့ အရသာမှုန့်နှင့် ငပိရည်ကျိုတို့ထဲ့ပြီး မွှေပေးပါ။
  • ပြီးတာနဲ့ ရေမြုပ်အောင် ထည့်ပေးပါ။
  • ရေများ ပွက်ပွက်ဆူလာတာနဲ့ မိမိလိုချင်တဲ့ ရေအနေအထား ရလာအောင် တည်ပေးကာ အရသာမြည်းပေးပါ။
  • အရသာကို မိမိနှစ်သက်တဲ့ အနေအထားရအောင် ပြင်ပေးပြီး နံနံပင်ကို ထဲ့မွှေပေးပြီး မီးပိတ်ပေးပါ။
  • ငါး ငပိချက်မွှေးမွှေးလေးကို တို့စရာအစုံအလင်နဲ့ သုံးဆောင်နိုင်ပါပြီ။
  • ငါးပိချက် အရောင်ပိုလှအောင်မာမာကတော့  ready made ဗူးကို သုံးထားပါတယ်။

No comments:

Post a Comment