Friday, 28 April 2017

ငါးမြင်း ငါးဆားနယ်




ဒီနေ့တော့ ငါးမြင်းလို့နံမည်တပ်ပေမဲ့ မြန်မာပြည်မှာ မွေးမြူရေးငါးတန်ကို ငါးမြင်းလို့ နံမည်တတပ်တယ်ဘဲ ထင်ပါတယ် ငါးမြင်းအစစ်က ငါးအသားက အ၀ါရောင်ဘက်ကိုသန်းပြီး စားရတာ ပိုပြီးနူးညံ့ပါတယ် ငါးတန်ငါးကတော့ ချက်စားရတာထက် ငါးဆားနယ် လုပ်ပြီး ကြော်စားရတာ ပိုပြီးကောင်းပါတယ် ဒါကြောင့်မို့လို့ ငါးဆားနယ်လုပ်ကာ ကြော်ထားတဲ့ ငါးဆားနယ် ကြော်နည်းလေး မျှဝေလိုက်ပါတယ်။

ပါဝင်ပစ္စည်းများ
  • ငါးမြင်း (ငါးတန်) - တကီလို
  • ဆီ - စားပွဲတင်ဇွန်းကြီး ၂ဇွန်း
  • ငရုတ်သီးအခြောက်တောင့် - နှစ်သက်သလောက်
  • နနွင်းမှုန့် - လက်ဖက်ရည်ဇွန်း သုံးပုံတပုံ
  • ဆားကြမ်း - ထမင်းစာဇွန်းမောက်မောက် ၃ဇွန်း
ငါးဆားနယ်လုပ်ရန်
  • ငါးကိုအကောင်လိုက် ရေဆေးပြီး  အနေတော် ပိုင်းပေးပါ
  • ငါးနှင့်ဆားတို့ကို ဇလုံကျယ်ကျယ်ထဲထဲ့ပြီး နှံ့အောင်မွှေပေးပါ
  • ပန်းကန်ပြား သို့မဟုတ် ဇလုံတစ်ချပ်ခံပြီး ဆားနယ်ထားသော ငါးများကို စီပြီးထဲ့ပေးပါ
  • ငါးထဲ့ထားသော ပန်းကန်ပြားကို ပလပ်စတစ်အိတ်နဲ့လုံနေအောင်ပိတ်ပြီး အပေါ်မှ အလေးတစ်ခုခုနဲ့ ဖိထားပါ
  • ဖိထားသော ငါးထဲမှ ဆားရည်များ အပြင်သို့ ကျမလာစေရန် အောက်မှ ပန်းကန်တခု ထပ်ခံပေးထားပါ
  • အိမ်တွင်းမှာရှိတဲ့ အခန်းအပူချိန်နဲ့ဘဲ ထားထားပါ
  • ၂ရက်၃ရက်အတွင်း ထားလိုက်ရင် ငါးဆားနယ် ရပါပြီ။
ကြော်ရန်အတွက်
  • ငါးကိုဆားအငံ ပေါ့စေရန် ရေအနည်းဆုံး ၅ထပ်လောက် ဆေးပေးပါ
  • အငံတော်တော်လေး ပေါ့စေချင်ရင်တော့ ဆန်ဆေးရေမှာ ၁၀မိနစ်လောက် စိမ်ပြီးမှဆေးပေးပါ
  • ငရုတ်သီး အခြောက်တောင့်တို့ကို ပြင်ထားပါ
  • ဆီကိုမီးအလယ်အလတ်လောက်နဲ့ အပူပေးပြီး ဆီပူလာပါက နနွင်းမှုန့်အနည်းငယ် ထဲ့ပေးပါ
  • ငါးကိုထဲ့ကြော်ပေးပြီး နှစ်ဖက်လုံးကျက်ရင် ဆယ်ပြီးဆီစစ်ထားပါ
  • ကြော်ပြီးလို့ပိုသော ဆီကို မီးပိတ်ပေးပြီးမှ ထိုဆီထဲသို့ ငရုတ်သီးတောင့်ကိုထဲ့ကာ ညိုရောင်သန်းလာတဲ့ထိ ကြော်ပြီး ဆယ်ထားပါ
  • ပြီးတာနဲ့ငါးဆားနယ်ကြော်နှင့် ငရုတ်သီးတောင့်ကြော်ကို ပန်းကန်ထဲထည့်ကာ ပြင်ပေးပြီး ဒန့်ဒလွန်ရွက်ဟင်းခါး ဒန့်ဒလွန်ရွက် အရွက်နုလေးများ ပြုပ်ကာ တွဲဖက်၍ စားသုံးနိူင်ပါပြီ။



No comments:

Post a Comment