Saturday, 17 September 2016

ချဉ်ငံစပ်မွှေး ကျွဲကောသီးသုပ်လေး






ကျွဲကောသီးသုပ် သုပ်စားလေတိုင်း အရင်ဆုံး လွမ်းမိတာက အဖေနဲ့အမေရယ်ပါ မိသားစုတွေ ကျောင်းပိတ်ရက် ခြံထဲသွားလေတိုင်း ကျွဲကောသီး ပေါ်ချိန်ဆို မမုန်းတမ်း သုပ်စားဖြစ်ကြတဲ့ အသုပ်တမျိုးပါ အချဉ်သီးက သုပ်စားရင် ပိုပြီးကောင်းပါတယ် အချိုသီးဆိုရင်တော့ ချဉ်ချဉ်လေး ဖြစ်အောင် သံပုရာရည်လေးကဲပြီး သုပ်စားကြပါတယ်။

အခုထိ သစ်ပင်မျိုးစုံရှိနေတဲ့ အဖေတို့ရဲ့ ခြံကြီးကိုလဲ လွမ်းမိပါရဲ့ အမေသုပ်ကျွေးတတ်တဲ့ ကျွဲကောသီးသုပ် ချဥငံစပ်မွှေးလေးကိုလဲ စားချင်မိပါသေးတယ် သို့ပါသော်လဲ အရာရာက လွမ်းမောစရာလေးတွေ ဖြစ်စေခဲ့ပါပြီ  လွမ်းစရာကောင်းတဲ့ အမေ့လက်ရာ ကျွဲကောသီးသုပ် သုပ်နည်းလေး မျှဝေလိုက်ပါတယ်။

ပါဝင်ပစ္စည်းများ

  • ကျွဲကောသီး - အနေတော် တလုံး
  • ကြက်သွန်နီ - အနေတော် တဥ
  • ရှောက်ရွက်-  ၃ရွက်ခန့်
  • ငါးငံပြာရည် - ထမင်းစားဇွန်း တဇွန်း
  • သံပုရာရည် - ထမင်းစားဇွန်း တဇွန်း
  • ငရုတ်သီးအလှော်မှုန့် - စားနိုင်သလောက်
  • ပုဇွန်ခြောက်မှုန့် - ထမင်းစားဇွန်း ၂ဇွန်း
  • ခနော ကြက်သားမှုန့် - လက်ဖက်ရည်ဇွန်း တဇွန်း
ပြင်ဆင်ပုံ
  • ကျွဲကောသီးကို အခွံခွာပြီး အသားနွှင်ကာ လေလုံအောင်ထုတ်ပြီး ရေခဲသေတ္တာထဲထည့်ပြီး နာရီဝက်လောက် အအေးခံထားပါ
  • ရေခဲသေတ္တာထဲထည့်ပြီး အအေးမခံဘဲ ချက်ခြင်းသုပ်မည်ဆိုပါက ခါးတတ်တဲ့အတွက်  အရသာနယ်ကာနီးမှ ကျွဲကောသီးကို အသားနွှင်ပြီး ထည့်ပေးပါ
  • ကြက်သွန်နီကို အခွံခွာပြီး အလုံးလိုက် ရေဆေးကာ ခပ်ပါးပါး လှီးထားပါ
  • ရှောက်ရွက်ကို ရေဆေးပြီး ခပ်ပါးပါး လှီးထားပါ
  • ဇလုံတလုံးထဲမှာ လှီးထားသော ကြက်သွန်နီ ငံပြာရည် ပုဇွန်ခြောက်မှုန့် သံပုရာရည် ခနောကြက်သားမှုန့် ငရုတ်သီးအလှော်မှုန့် ရှောက်ရွက်တို့ကို အရင်ဆုံး သမသွားအောင် ဇွန်းနှင့်မွှေပေးပါ
  • အားလုံးသမသွားတော့မှ အအေးခံထားသော ကျွဲကောသီးကိုထည့်ကာ ခပ်ဖွဖွ နယ်ပေးပါ
  • ခပ်ဖွဖွ နယ်ပြီးတာနဲ့ အရသာမြည်း လိုသလိုပြင်ကာ နေ့လည်နေ့ခင်း သူငယ်ချင်းများနှင့်အတူ ၀ိုင်းဖွဲ့ပြီး စားနိူင်ပါပြီ။

No comments:

Post a Comment