Friday, 23 September 2016

ပဲကြော် ( ဒုတိယနည်း)










ဒီမနက် ကြော်ဖြစ်တဲ့ ပဲကြော်လေးပါ မွပြီးရွလွန်းလို့ ထိတောင်မထိရဲတဲ့အထိ ဖြစ်ရတဲ့ ပဲကြော်လေးမို့ အားလပ်ရက်လေးမှာ ကြော်ကြည့်စေချင်ပါတယ် တန်ပူရာမှုန့် မရှိလို့ မကြော်ဖြစ်ဖူးလို့ဆိုသူတွေအတွက် အလွယ်တကူ ၀ယ်လို့ရနိူင်တဲ့ ဆန်မှုန့် ကောက်ညှင်းမှုန့်တို့ရှိရုံနဲ့ ကြော်စားနိူင်မဲ့ အိမ်လုပ် အကြော်မှုန့်စပ်နည်းလေးရယ် ကြော်နည်းလေးရယ်ကို မျှဝေပေးလိုက်ပါတယ်။

Facebook မှာ ခင်တဲ့ ညီမငယ် Hsu MoNandar ပြောတဲ့အတိုင်း မုန့်နှစ်ကိုစပ်ပြီး ကြော်လိုက်တာ အရမ်းကို အဆင်ပြေလို့ မုန့်နှစ်စပ်နည်းပေးတဲ့အတွက် ကျေးဇူးတင်ပါတယ် ညီမလေးရေ။

ပါဝင်ပစ္စည်းများ

  • ဆန်မှုန့် - 3/4 cup
  • ကောက်ညှင်းမှုန့် - 1/4 cup
  • ဆိုဒါ - 1/2 tsp
  • ရေ - 300 ml
  • ဆီ - လိုသလောက်
  • ကုလားပဲခြမ်း - ထမင်းပေါင်းအိုး ဆန်ချင်ဗူး တဗူး


ပြင်ဆင်ပုံ

  • ကုလားပဲခြမ်းကို ရေမြုပ်အောင်ထည့်ပြီး ၇ နာရီလောက် စိမ်ထားပါ
  • ပဲများ ရေဝလာချိန်မှာ ထမင်းပေါင်းအိုး ဆန်ချင်ဗူး ၂ဗူးစာ ရပါမယ်
  • ဇလုံတလုံးထဲမှာ ဆန်မှုန့် ကောက်ညှင်းမှုန့် ဆိုဒါတို့ကို သမအောင်မွှေပေးပြီး ရေနှင့် ဖျော်ကာ မုန့်နှစ်ပွလာအောင် တနာရီလောက် ကြိုပြီးဖောက်ထားပါ
  • မုန့်နှစ်ရတာနဲ့ ရေဝနေသော ပဲခြမ်းကို ထည့်မွှေပါ
  • အောက်ခြေမကပ်သော ကော်ဖီပန်းကန်ပြားလောက် အရွယ် ဒယ်အိုးကို အပူပေးပါ
  • အိုးပူလာတာနဲ့ ဆီအနေတော် အိုးတဝက်လောက်ထိထည့်ပါ ဆီပူတာနဲ့ ပဲခြမ်းမုန့်နှစ်ရည်ကို ယောက်ချိုဇွန်းနှင့် မွှေပြီး တဇွန်းစာမရှိတရှိခပ်ကာ ဆီအိုးထဲ ဖြန့်ပြီး ထည့်ပေးပါ
  • ကြော်နေစဉ် ပဲကြော်ကို မွှေမပေးဘဲ ဒီအတိုင်းထားပါ အထက်အောက် လှန်စရာ မလိုပါ
  • ပဲကြော်ကျက်ပါက သူ့အလိုလို အရောင်ပြောင်းပြီး ကြွတ်ရွလာတာနဲ့ ဆယ်ပြီးဆီစစ်ပေးပါ
  • တချပ်ဆယ်ပြီးတိုင်း ဆီနည်းသွားပါက ဆီကိုထပ်ထပ်ပြီး ဖြည့်ပေးပါ
  • ပဲမုန့်နှစ်ရည် ကုန်တဲ့အထိ ကြော်ပေးပါက ကော်ဖီပန်းကန်ပြားအရွယ် ကြွတ်ပြီးရွနေသော ပဲကြော် ၇ ချပ်ရပါမယ်
  • ကြွတ်ကြွတ်မွမွ အကြော်လေးရပါက နှစ်သက်သလို စားသုံးရန် ပြင်ပေးနိူင်ပါပြီ။

No comments:

Post a Comment