Monday 22 May 2017

ကြက်ဟင်းခါးသီး အစာသွပ်ဟင်း







လူ့လောဘ အတောသတ်မရ ဆိုတဲ့အတိုင်း ဈေးတခါသွားရင် အသားဝယ်ရင် ပိုပိုဝယ်မိတာက များများသွားလေတော့ အဲဒီအသားတွေ ကုန်အောင်ချက်ဖို့ စဉ်းစားရတာလဲ အခါခါပါဘဲ။

အခုရက်ထဲ အစာသွပ်ဟင်းလေးတွေ စားလို့ကောင်းနေတဲ့အတွက် ဒီတခါတော့ ကြက်ဟင်းခါးသီး အစာသွပ်လေး ချက်ဖြစ်ပြန်ပါတယ် အရမ်းကို စားကောင်းလွန်းလို့ ချက်နည်းလေး မျှဝေလိုက်ပါတယ်။

ပါဝင်ပစ္စည်းများ

  1. ကြက်ဟင်းခါးသီး - အလုံးကြီးကြီး တစ်လုံး 
  2. ၀က်သား - 250 g
  3. ကြက်သွန်နီ - ဥကြီးကြီး တစ်လုံး (ဆီသတ်ရန် အနည်းငယ် ချန်ထားပါ)
  4. ကြက်သွန်ဖြူ - အမွှာကြီးကြီး လေးမွှာ (ဆီသတ်ရန် တစ်ဝက်ချန်ထားပါ )
  5. ကော်မှုန့် - ထမင်းစားဇွန်း တစ်ဇွန်း 
  6. ဆား - လက်ဖက်ရည်ဇွန်း တစ်ဇွန်း (တစ်ဝက်ကို အစာထဲထည့်ပေးပါ)
  7. အချိုမှုန့် - လက်ဖက်ရည်ဇွန်း တစ်ဇွန်း (တစ်ဝက်ကို အစာထဲ ထည့်ပေးပါ)
  8. နနွင်းမှုန့် - လက်ဖက်ရည်ဇွန်း တစ်ဝက် (ဆီသတ်ရန် တစ်ဝက်ချန်ထားပါ )
  9. ငရုတ်သီး အရောင်တင်မှုန့် - လက်ဖက်ရည်ဇွန်း တစ်ဇွန်းသာသာ
  10. ဆီ - ထမင်းစားဇွန်း ငါးဇွန်း 

ပြင်ဆင်ပုံ
  • ကြက်ဟင်းခါးသီးကို အလုံးလိုက်ရေဆေးပြီး ပုံပါအတိုင်း လက်၃လုံးစာ အထူလေးတွေ လှီးပေးပါ 
  • လှီးထားသော ကြက်ဟင်းခါးသီးအထဲမှ အစေ့များကို တဖက်ပိတ်ချန်ပြီး တဖက်မှ ကလော်ထုတ်ပေးပါ
  • ကလော်ထုတ်ထားသော ကြက်ဟင်းခါးစေ့များကိုဖယ်ပြီး အစေ့ခွံလေးများ ခွာပြီးယူထားပါ
  • ၀က်သားကို နုတ်နုတ်စဉ်းကာ ဆား နနွင်း အချိုမှုန့်တို့နဲ့ နယ်ထားပါ
  • ကြက်သွန်နီကို အခွံခွာပြီး ရေဆေးကာ ခပ်နုပ်နုပ် လှီးထားပါ
  • ကြက်သွန်ဖြူကို အခွံခွာပြီး ရေဆေးကာ ခပ်နုတ်နုတ် လှီးထားပါ
  • အားလုံးအဆင်သင့် ဖြစ်ပြီဆိုတာနဲ့ ၀က်သား ကြက်သွန်နီ ကြက်သွန်ဖြူ နနွင်းမှုန့် အချိုမှုန့် ကော်မှုန့်နှင့် ဆီအနည်းငယ်တို့ကို ရောပြီးနယ်ထားပေးပါ
  • အသားကို အရသာနယ်ပြီးတာနဲ့ ကြက်ဟင်းခါးသီးထဲကို အစာသွတ်ပေးပါ
  • အစာသွပ်ပြီးလို့ ပိုနေတဲ့ အစာတွေကို ဆီသတ်ရန် ချန်ထားပေးပါ
  • အစာသွပ်ပြီးပြီဆိုတာနဲ့ ဇောက်နက်သော ဒယ်အိုးကို အပူပေးကာ ဆီထည့်ပါ
  • ဆီပူလာတာနဲ့ ချန်ထားသော နနွင်းမှုန့် ကြက်သွန်ဖြူ ကြက်သွန်နီနှင့် ငရုတ်သီးတို့ကို ထည့်ပြီးဆီသတ်ပေးပါ
  • ဆီသတ်နံ့ မွှေးလာတာနဲ့ ပိုနေသော အစာများကိုထည့်ပြီး ဆီသတ်ပါ
  • ဆီသတ်ထားသော အသားများ မာလာပါက အစာသွပ်ထားသော ကြက်ဟင်းခါးသီးများကို ထည့်ပေးပါ
  • အထက်အောက် အသာလှန်ပေးပြီး အစာသွပ်ထားသော အသားများ မာလာပါက ရေမြုပ်အောင်ထည့်ပါ
  • ပြီးလျှင် ချန်ထားသော ဆားနှင့် အချိုမှုန့်ကို ထည့်မွှေပေးပြီး အဖုံးအုပ်ကာ တည်ပေးပါ
  • ရေပွက်ပွက်ဆူလာပြီး ကြက်ဟင်းခါးသီး နူးလာပြီဆိုရင် အရသာမြည်းပြီး လိုသလိုပြင်ပေးကာ သုံးဆောင်နိူင်ပါပြီ။

No comments:

Post a Comment