Friday, 5 May 2017

ဝက်သားလုံးကြော်





အိမ်မှာ ၀က်သားဆိုတာ စားခဲတဲ့ အစာတခု ဖြစ်ပါတယ် ဒါပေမဲ့ အခုရက်ထဲ ကြက်သားတွေ စားရတာလဲ အာမတွေ့လေတော့ ၀က်သားဖက်လှည့်လို့ ဟင်းဖြစ်အောင် ချက်ရပြန်ပါတယ် ဒီနေ့တော့ စားချင့်စဖွယ် မွှေးပျံ့နေတဲ့ ၀က်သားလုံး ကြော်နည်းလေး မျှဝေလိုက်ပါတယ်။
ပါဝင်ပစ္စည်းများ

  • ဝက်သား - အသားကောင်းကောင်း 350g
  • ချင်း - လက်တဆစ်ခန့်မရှိတရှိ
  • ကြက်ဥ - တလုံး
  • ပြောင်းကော်မှုန့် - ထမင်းစားဇွန်း တဇွန်း
  • ဆား - လက်ဖက်ရည်ဇွန်း သုံးပုံတပုံ
  • အရသာမှုန့် - လက်ဖက်ရည်ဇွန်း တ၀က်
  • နနွင်းမှုန့် - လက်ဖက်ရည်ဇွန်း သုံးပုံတပုံ
  • ကြက်သွန်ဖြူ - အမွှာကြီးကြီး၂မွှာ
  • ကြက်သွန်နီ - အနေတော် တလုံး
  • ပဲငံပြာရည်အကြည် - ထမင်းစားဇွန်း တဇွန်း
  • နှမ်းဆီ - လက်ဖက်ရည်ဇွန်းဖျား ၃စက်ခန့်
  • ငရုတ်ကောင်းမှုန့် - လက်ဖက်ရည်ဇွန်း လေးပုံတပုံ
  • ဆီ - လိုသလောက်

ပြင်ဆင်ပုံ

  • ဝက်သားကို ရေစင်အောင်ဆေးပြီး ရေခြောက်အောင် ခနစစ်ထားပါ
  • ပြီးမှ စဥ့်နီတုံး ကောင်းကောင်းပေါ်မှာ ညှက်နေအောင် နုပ်နုပ်စဉ်းပေးပါ
  • ကြက်သွန်နီကို အခွံခွာပြီး အလုံးလိုက် ရေဆေးကာ ခပ်နုပ်နုပ် လှီးပေးပါ
  • ကြက်သွန်ဖြူကို အခွံခွာပြီး ရေဆေးကာ ခပ်နုပ်နုပ် လှီးပေးပါ
  • ချင်းကို ညက်နေအောင်ထောင်းပြီး အရည်ညှစ်ယူထားပါ
  • ကြက်ဥကို အနှစ်ဖယ်ထားပြီး အကာကို ပြင်ထားပါ
  • ခပ်နုတ်နုတ် စဉ်းထားသော အသားများ ချင်းထောင်းထားသော အရည် ဆား ငရုတ်ကောင်းမှုန့် နှမ်းဆီ ပဲငံပြာရည်အကြည် အရသာမှုန့် နနွင်းမှုန့် စဉ်းထားသော ကြက်သွန်ဖြူ ကြက်သွန်နီ ပြောင်းကော်မှုန့် ကြက်ဥအကာတို့ကို ကိုဇလုံ ကျယ်ကျယ်တခုမှာ ထည့်ပေးပြီး သမအောင် နယ်ပေးပါ
  • အနေတော် ဒယ်အိုးတလုံးကို အပူပေးပြီး ဆီထည့်ပါ
  • ဆီပူလာတာနဲ့ မီးကိုအနေတော် လျှော့ပြီးမှ အရသာ နယ်ထားသော ၀က်သားကို အနေတော် အလုံးလေးတွေ လုံးပြီးထည့်ကြော်ပါ
  • ကြော်နေစဉ် မီးအရမ်း မများအောင် သတိထားပါ မီးအရမ်းများပါက အပြင်သားများ အကျက်လွန်လွယ်ပြီး အထဲက မကျက်ဘဲ နေတတ်ပါတယ်
  • အထက်အောက် အကျက်ညီစေရန် မကြာမကြာ မွှေပေးပါ
  • ၀က်သားလုံးများ ရွှေဝါရောင် သန်းလာပါက ဆယ်ပြီးဆီစစ်ပေးကာ နှစ်သက်ရာ အချဉ်တို့ဖြင့် တွဲဖက်လို့ စားသုံးနိူင်ပါပြီ။



No comments:

Post a Comment