Tuesday, 9 August 2016

ပုဇွန်ကြက်သား ဖက်ထုတ်ကြော်










ဒီနေ့တော့ ပုဇွန်ထုတ်နဲ့ကြက်သားကို  ဖက်ထုတ်အစာလုပ်ပြီး ထုတ်ကာ ကြော်စားဖြစ်လို့ စားလို့အရမ်းကောင်းတဲ့ အစာစပ်နည်းနဲ့ကြော်နည်းလေး မျှဝေလိုက်ပါတယ်။

ပါဝင်ပစ္စည်းများ

  • ကြက်ရင်ပုံသား - 250g
  • ပုဇွန်ထုတ် - အခွံချွတ်ပြီးသား 100g
  • Wonton skin  - အရွက်၃၀ခန့် ready made အရွက်ကို သုံးထားပါတယ်
  • အချိုမှုန့်  - လက်ဖက်ရည်ဇွန်း တ၀က်
  • ဆား - လက်ဖက်ရည်ဇွန်း သုံးပုံတပုံ
  • Mushroom soy sace - ထမင်းစားဇွန်း တဇွန်း
  • Corn flour - ထမင်းစားဇွန်း တဇွန်း
  • ငရုတ်ကောင်းမှုန့် - လက်ဖက်ရည်ဇွန်း သုံးပုံတပုံ
  • တရုတ်မဆလာ - လက်ဖက်ရည်ဇွန်း သုံးပုံတပုံ
  • ကြက်သွန်မိတ် - အပင်ကြီးကြီး ၃ပင် (40mlခန့်)
  • တရုတ်နံနံ - လှီးပြီးသား  (40mlခန့်)
  • နှမ်းဆီ - လက်ဖက်ရည်ဇွန်း လေးပုံတပုံ
  • နေကြာဆီ သို့ နှစ်သက်ရာအကြော်ဆီ - လီတာဝက်ခန့်
ပြင်ဆင်ပုံ
  • ကြက်ရင်ပုံသားကို ခပ်သေးသေးလေးတွေ လှီးထားပါ
  • ပုဇွန်ထုတ်ကို အခွံခွာပြီး ကြောဖက်မှ အမည်းကြောင်းကို ထုတ်ထားပါ
  • ကြက်သားနှင့် ပုဇွန်ကို ကြိတ်စက်ထဲထည့်ပြီး ညက်နေအောင် ကြိတ်ပေးပါ
  • ကြိတ်စက်မသုံးပါက ဓါးနှင့် ခပ်နုတ်နုတ် ညက်နေအောင် စဉ်းပေးပါ
  • ကြက်သွန်မိတ်ကို ရေဆေးပြီး လက်တဆစ်စာ အနေလောက် လှီးပေးထားပါ
  • တရုတ်နံနံကို ရေဆေးပြီး ခပ်နုတ်နုတ် လှီးထားပါ
  • ဇလုံတလုံးထဲမှာ ညက်နေအောင် ကြိတ်ထားသော ကြက်သားပုဇွန်အရော ကြက်သွန်မိတ် တရုတ်နံနံ တရုတ်မဆလာ ငရုတ်ကောင်းမှုန့် ဆား အချိုမှုန့် နှမ်းဆီ mushroom soy saue, cornflour တို့ထည့်ပြီး အရသာမျှအောင် ဇွန်းနှင့်မွှေပေးပါ
ဖက်ထုတ်ထုတ်ရန် ပြင်ဆင်ပုံ
  • Wonton skin ကို တရွက်ယူပြီး အစာကို အလယ်တည့်တည့်မှာ လက်ဖက်ရည်ဇွန်း တဇွန်းစာလောက် ပုံပေးပါ
  • Ready made  ခဲထားသော အရွက်ကို သုံးပါက အစာမထည့်ခင် နာရီဝက်လောက် ကြိုထုတ်ထားပေးပါ
  • ရေခဲပျော်မှ တရွက်ခြင်း လွှာယူရ လွယ်ကူစေပါတယ်
  • အစာထည့်ပြီးသော Wonton အရွက်ဧ။် အနား၂ဖက်ကို ရေနှင့် အနည်းငယ် စွတ်ပေးပြီး ပုံပါအတိုင်း ခေါက်ပေးပါ
  • အနား၂ဖက် ကပ်သွားစေရန် လက်မနှင့် လက်ညှိုးကြားထည့်ကာ လိုက်ဖိပေးပါ
  • ထုတ်ပြီးသော ဖက်ထုတ်များကို တခုနှင့် တခုမကပ်စေရန် ခပ်ဝေးဝေးထားပါ
  • ချက်ချင်း ကြော်မစားသေးပါက နာရီဝက်လောက် လေသလပ်ခံပြီးမှ တခုနှင့်တခု ထပ်ကာ၉ထားပြီး သိမ်းပေးပါ
  • ထိုနည်းအတိုင်း wonton skin အရွက်များ ကုန်တဲ့အထိ ထုပ်ပေးပါ
  • ထုတ်ပြီးသွားသော ဖက်ထုတ်များကို စားနိူင်သလောက် ကြော်ပြီး ပိုသောဖက်ထုတ်များကို ရေခဲသေတ္တာ အပေါ်ထပ်မှာ သိမ်းထားပြီး လိုမှထုတ်၍ ကြော်နိူင်ပါတယ်
ကြော်ရန် ပြင်ဆင်ပုံ
  • ကြော်နေစဉ် ဖက်ထုတ်အပြင်သား အကျက်မမြန်စေရန်အတွက် အိုးအသားထူသော ဒယ်အိုးကို အပူပေးပါ
  • အိုးပူလာတာနဲ့ ဆီထည့်ပါ
  • ဆီအငွေ့တက်လာတာနဲ့ မီးကို အလယ်လောက်ထိ လျှော့လိုက်ပါ
  • မီးအားအရမ်းပြင်းလျှင် ဖက်ထုတ်အပြင်ခွံ ကျက်ပြီးအရောင် မလှသလို အတွင်းက အစာများ မကျက်ဘဲ ဖြစ်တတ်ပါတယ်
  • မီးလျော့ပြီး အိုးထဲမှဆီ အငွေ့သေလောက်မှ ဖက်ထုတ်များကို တထုတ်ခြင်း တခုနှင့်တခု မကပ်အောင် ထည့်ပေးပါ
  • ကြော်နေစဉ် အကျက်ညီစေရန် လှန်လှန်ပေးပါ
  • နှစ်ဖက်လုံး ရွှေအိုရောင် သန်းလာတာနဲ့ ဆယ်ပြီးဆီစစ်ထားပါ
  • ဆီစစ်တာနဲ့ အရသာရှိလွန်းသော ပုဇွန်ကြက်သား ဖက်ထုတ်ကြော်ကို နှစ်သက်ရာ အချဉ်ဖြင့် စားသုံးနိူင်ပါပြီ။


No comments:

Post a Comment