Monday, 22 August 2016

မျှစ် အစပ်ကြော်






ရာသီဥတုအေးလေ စားချင်တာက ပူပူစပ်စပ်တွေ ဖြစ်လေပါဘဲ ဒီနေ့တော့ မိုးလေးတစ်အုံ့အုံ့ကြား ပူစပ်ပူလောင်လေး စားရလေအောင် မျှစ်အစပ်လေး ကြော်ဖြစ်လို့ ကြော်နည်းလေးကို မျှဝေလိုက်ပါတယ်။

ပါဝင်ပစ္စည်းများ

  1. ကျက်နေအောင်ပြုပ်ထားသော မျှစ် - 500 g
  2. ငရုတ်သီးစိမ်း - သုံးတောင့်
  3. ကြက်သွန်ဖြူ - အမွှာကြီးကြီး တစ်မွှာ
  4. ဆား - လက်ဖက်ရည်ဇွန်း သုံးပုံတစ်ပုံ
  5. ပဲငံပြာရည်အနောက် - ထမင်းစားဇွန်း တစ်ဇွန်း
  6. ပဲငံပြာရည် အကြည် - ထမင်းစားဇွန်း တစ်ဇွန်း
  7. ငါးငံပြာရည် - ထမင်းစားဇွန်း တစ်ဇွန်း
  8. အချိုမှုန့် - လက်ဖက်ရည်ဇွန်း တစ်ဝက်
  9. နနွင်းမှုန့် - လက်ဖက်ရည်ဇွန်း လေးပုံတစ်ပုံ
  10. ဆီ - ထမင်းစားဇွန်း ငါးဇွန်း

ပြင်ဆင်ပုံ
  1. ပြုပ်ထားသော မျှစ်ကို ခပ်ပါးပါး လှီးထားပါ
  2. ငရုတ်သီးစိမ်းကို ရေဆေးကာ ပါးပါးနုတ်နုတ် လှီးထားပါ
  3. ကြက်သွန်ဖြူကို ဓါးပြားရိုက်ပြီး အခွံခွာကာ ခပ်နုတ်နုတ် လှီးထားပါ
  4. လိုအပ်သော အရသာများ ပြင်ထားပါ
  5. ဆီကို အပူပေးပြီး နနွင်းမှုန့်ထည့်ကာ ကြက်သွန်ဖြူကို အရင်ဆုံး မွှေးအောင်ကြော်ပြီးမှ ငရုတ်သီးစိမ်းကို ထည့်ကြော်ပါ
  6. ကြက်သွန်ဖြူနှင့် ငရုတ်သီးစိမ်းကို နွမ်းရုံလေးဘဲကြော်ပြီး မျှစ်ကိုထည့်မွှေပါ
  7. နှစ်မိနစ်လောက်ကြော်ကာ ပဲငံပြာရည်များ ငံပြာရည် ဆားနှင့်အရသာမှုန့်ထည့်မွှေပြီး တစ်မိနစ်လောက် ကြော်ပေးပါ
  8. အရသာ မျှတအောင် မွှေပြီးတာနဲ့ လွယ်ကူမြန်ဆန်သော ငရုတ်သီးစိမ်း မျှစ်အစပ်ကြော်လေးကို အရသာမြည်းပြီး လိုသလိုပြင်ကာ စားသုံးနိုင်ပါပြီ။

No comments:

Post a comment